ᒨᓯᓯ ᑕᓪᓕᒪᖏᑦ 9:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᑍᒪᓐᖓᑦ ᐳᐃᒍᕐᑐᒃᓴᐅᓐᖏᓚᓯ ᖃᓄᖅ ᐊᑕᓂᖅ ᒎᑎᓯ ᓂᓐᖓᒃᑎᓚᐅᕐᒪᖔᑦᓯᐅᒃ ᐃᓄᖃᖏᑦᑐᒥ. ᑍᒪᓐᖓᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᓂᑦᓯᓐᓂᑦ ᐅᓪᓗᒧᑦ ᒪᐅᖓ ᑎᑭᓐᓂᑦᓯᓐᓄᑦ ᑎᑭᓪᓗᒍ, ᑖᑦᓱᒥᖓ ᐊᑭᕋᕐᑐᖃᑦᑕᕐᓯᒪᕗᓯ.

ᒨᓯᓯ ᑕᓪᓕᒪᖏᑦ 9:7 Iomraidhean Croise

ᒨᓯᓯ ᐂᑉᐸᖏᑦ 14:10

ᐃᓴᕆᐊᓕᒥᐅᓪᓕ ᑕᑯᓕᕋᒥᒃ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᓇᑕᕆᐊᓕᕐᑐᓂᒃ, ᐄᑦᔨᑉᑎᒥᐅᑦ ᒪᓕᓕᕐᒪᑕ; ᑕᕝᕙ ᑲᑉᐱᐊᓱᕕᒡᔪᐊᓕᕐᐳᑦ ᐊᑕᓂᕐᒧᓪᓗ ᐃᓗᖏᕐᑐᕐᓗᑎᒃ ᓂᓪᓕᐊᓕᕐᐳᑦ ᐃᑲᔪᕐᑕᐅᔪᒪᓪᓗᑎᒃ.

ᒨᓯᓯ ᐂᑉᐸᖏᑦ 14:11

ᒨᓯᓯᒧᓪᓗ ᐅᖃᕐᓗᑎᒃ, “ᐄᑦᔨᑉᑎᒥᐅᑦ ᓄᓇᖓᓐᓂ ᐃᓗᕕᕐᓯᕕᒃᓴᖃᖏᓐᓂᖓᓄᑦ ᒪᐅᖓ ᐃᓄᖃᖏᑦᑐᓕᐊᕈᑎᕕᑎᒎᑦ ᑐᖁᑕᐅᔭᕐᑐᖁᓪᓗᑖ? ᑕᒪᐅᓐᖓᐅᑦᔨᓚᐅᕐᓂᕐᓄᑦ ᑕᑯᒋᑦ ᐃᒤᑦᑑᒦᓕᕐᐳᒍᑦ!

ᒨᓯᓯ ᐂᑉᐸᖏᑦ 16:2

ᑕᕝᕙᓂᓗ ᐃᓄᖃᖏᑦᑐᒥ ᓄᓇᖃᓕᕐᓗᑎᒃ ᐃᓴᕆᐊᓕᒥᐅᓕᒫᑦ ᓈᒻᒪᒃᓴᖏᑦᔪᑎᒥᖕᓂᒃ ᐅᖃᓕᕐᐳᑦ ᒨᓯᓯᒧᑦ ᐂᕉᓂᒧᓪᓗ.

ᒨᓯᓯ ᐂᑉᐸᖏᑦ 17:2

ᒨᓯᓯᒧᓪᓗ ᓈᒻᒪᒃᓴᖏᑦᔪᑎᒥᖕᓂᒃ ᐅᖃᕆᐊᕐᑐᕐᐳᑦ ᐅᖃᕐᓗᑎᒡᓗ, “ᐃᒥᒐᒃᓴᑦᑎᓐᓂᒃ ᑐᓂᓯᕕᒋᓚᐅᕐᑎᒍᑦ.” ᒨᓯᓯᐅᓪᓗ ᑭᐅᕔᑦ, “ᓱᖕᒪᑦ ᓈᒻᒪᒃᓴᓐᖏᓚᓰ? ᓱᖕᒪᑦ ᐊᑕᓂᖅ ᐆᒃᑐᕐᐱᓯᐅᒃ?”

ᒨᓯᓯ ᐂᑉᐸᖏᑦ 23:21

ᑖᓐᓇ ᑲᒪᒋᑦᓯᐊᕐᓯᐅᒃ ᐅᖃᐅᓯᖓᓗ ᓈᓚᒡᓗᒍ, ᐊᑭᕋᕐᑐᕐᓂᐊᕋᓯᐅᒃ, ᑎᓕᓯᒪᒐᒃᑯ, ᐊᑭᕋᕐᑐᕈᑦᓯᐅᒃ ᐊᔪᕐᑐᓕᓂᓯ ᐃᓱᒪᒋᔪᓐᓁᕐᓂᐊᖏᒻᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 48:8

ᑐᓴᓚᐅᕐᓯᒪᖏᓐᓇᑦᓯᐅᑦ ᖃᐅᔨᓚᐅᕐᓯᒪᓇᒋᓪᓗ; ᑍᒪᓐᖔᓗᖕᓂᑦ ᐃᓕᑦᓯᓐᓄᑦ ᑐᓴᕐᑕᐅᑎᓚᐅᕐᓯᒪᓐᖏᓚᒃᑲ. ᖃᐅᔨᒪᒐᒪ ᐅᒃᐱᕆᔭᒃᓴᐅᖏᓐᓂᑦᓯᓐᓂᒃ, ᐃᓅᓕᕐᓂᑦᓯᓐᓂᑦ ᐊᑭᕋᕐᑐᕐᑎᑐᐃᓐᓇᐅᓂᕋᕐᑕᐅᒐᑦᓯ.

ᔨᕆᒤᐊᐅᑉ ᐊᒡᓚᖏᑦ 11:10

ᓯᕗᓕᕆᓚᐅᕐᑕᒥ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓄᑦ ᐅᑎᕐᒪᑕ, ᓈᓚᒍᒪᕙᓚᐅᖏᑦᑐᓄᑦ ᐅᖃᐅᓯᕐᓂᒃ, ᐊᓯᓐᓂᒡᓗ ᒎᑎᖃᕋᓱᐊᕐᐳᑦ ᐱᔨᑦᓯᕈᒪᔭᒥᖕᓂᒃ; ᐃᓴᕆᐊᓕᒥᐅᑦ ᔫᑕᒥᐅᓪᓗ ᑕᒪᕐᒥᒃ ᓯᖁᒥᑦᑎᓯᒪᖕᒪᑕ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓯᒪᔭᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:9

ᐳᐃᒍᕐᐱᓰ ᐱᐅᖏᑦᑐᓂᒃ ᐱᓂᐊᕐᑕᐅᓯᒪᔪᓂᑦ ᔫᑕᒥᐅᓂᑦ ᔨᕉᓴᓕᒥᐅᓂᓪᓗ ᓯᕗᓕᕕᓂᑦᓯᓐᓄᑦ ᐱᓂᐊᕐᑕᐅᓯᒪᔪᓂᒃ? ᐊᖓᔪᖅᑳᖑᓚᐅᕐᑐᓄᑦ ᔫᑕᒥ, ᓄᓕᐊᖏᓐᓄᓪᓗ ᐃᓕᑦᓯᓐᓄᑦ ᓄᓕᐊᑦᓯᓐᓄᓪᓗ?

ᐃᓯᑭᐊᓕᐅᑉ ᐊᒡᓚᖏᑦ 20:13

ᐃᓴᕆᐊᓕᐅᑉ ᑭᖑᕚᖏᑕ ᐃᓄᖃᖏᑦᑐᒦᓪᓗᑎᒃ ᐊᑭᕋᕐᑐᓕᓚᐅᕐᐹᖓ; ᐱᖁᔭᒃᑲ ᓯᖁᒥᓚᐅᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓚᐅᕐᓇᒋᑦ, ᓈᓚᒃᑐᓄᑦ ᐃᓅᑦᔪᑕᐅᔪᓐᓇᕐᑎᓪᓗᒋᑦ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᓂᓐᖓᐅᒪᓂᓐᓄᑦ ᐱᒋᐊᕈᒪᓕᓚᐅᕋᓗᐊᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ᓄᖑᑦᓯᐊᒻᒪᕆᒍᒪᓪᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 20:43

ᑕᕝᕙᓂᓗ ᐃᖅᑬᓕᕈᒫᕐᐳᓯ ᐃᓕᖅᑯᓯᕆᖃᑦᑕᓚᐅᕐᑕᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᓂᓯᓐᓂᒃ; ᐃᓕᑦᓯᓐᓂᒡᓗ ᓇᖁᔭᕆᓕᕈᒫᕐᐳᓯ ᐅᒡᒍᐊᓕᕐᓗᓯᓗ ᐱᐅᖏᑦᑐᓕᖃᑦᑕᓚᐅᕐᓂᓕᒫᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 20:8

ᐅᕙᓐᓂᒡᓕ ᐊᑭᕋᕐᑐᓕᓚᐅᕐᐳᑦ ᓈᓚᒍᒪᓇᑎᒃ; ᐊᑕᖏᕐᓗᑎᒡᓕ ᒎᑎᓐᖑᐊᒥᖕᓂᒃ ᓇᕐᕈᓇᕐᑐᓂᒃ ᐃᒋᑦᓯᔪᒪᓚᐅᓐᖏᓚᑦ ᑕᑯᒥᒋᔭᒥᖕᓂᒃ, ᐄᑦᔨᑉᑎᒥᐅᓪᓗ ᒎᑎᓐᖑᐊᖏᓐᓂᒃ ᖁᔭᓈᕐᓯᓚᐅᕋᑎᒃ. ᐄᑦᔨᑉᑎᒦᑎᓪᓗᒋᑦ ᓱᓕ ᓂᓐᖓᐅᒪᓂᓐᓂᒃ ᐃᓱᒪᖃᕐᕕᒋᓕᓚᐅᕐᐸᒃᑲ, ᑭᖑᓂᖓᒍᓪᓗ ᓂᐅᖓᒪᓂᓐᓄᑦ ᐱᓇᓱᐊᕐᕕᒋᔪᒪᓕᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 36:31

ᑕᕝᕙ ᐃᖅᑬᔪᒫᕐᐳᓯ ᐱᐅᖏᑦᑐᒥᒃ ᐃᓅᓯᖃᓚᐅᕐᓂᑦᓯᓐᓂᒃ, ᐱᓂᐊᕐᓂᕆᓚᐅᕐᑕᓯᓗ ᐱᐅᖏᓐᓂᖏᓐᓂᒃ; ᐃᓕᑦᓯᓐᓂᒡᓗ ᓇᖕᒥᓂᖅ ᐱᐅᒋᔪᓐᓃᖁᓪᓗᓯ ᐊᔪᕐᑐᓕᓯᒪᓂᑦᓯᓐᓂᒃ, ᓇᕐᕈᓇᕐᑐᓂᒡᓗ ᐊᑐᕐᓯᒪᓂᑦᓯᓐᓂᒃ.

ᒨᓯᓯ ᓯᑕᒪᖏᑦ 11:4

ᐃᓴᕆᐊᓕᐅᖏᑦᑐᓪᓕ ᐃᖏᕐᕋᖃᑕᐅᔪᑦ ᓂᕿᓂᒃ ᐊᓯᖏᓐᓂᒃ ᓂᕆᔪᒪᒻᒪᕆᓕᓚᐅᕐᐳᑦ; ᐃᓴᕆᐊᓕᒥᐅᑦ ᓂᐱᖃᕐᓗᑎᒃ ᕿᐊᓕᓚᐅᕆᕗᑦ ᐅᖃᕐᓗᑎᒃ, “ᑭᐊ ᓂᕿᓪᓚᕆᖕᒥᒃ ᓂᕆᑎᓐᓂᐊᕐᐹᑎᒍᑦ?

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,

ᒨᓯᓯ ᓯᑕᒪᖏᑦ 17:10

ᐊᑕᓂᐅᓪᓗ ᒨᓯᓯ ᐅᖃᐅᑎᕚ, “ᐂᕉᓂᐅᑉ ᐊᔭᐅᑉᐱᐊᖓ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓄᑦ ᐅᑎᕐᑎᒍᒃ, ᑕᕝᕙᓂ ᐃᓂᖃᓕᖁᓪᓗᒍ ᐊᑭᕋᕐᑐᓚᐅᕐᑐᓄᑦ ᓇᓗᓁᒃᑯᑕᐅᖁᓪᓗᒍ, ᐅᕙᓐᓂᒃ ᐊᑭᕋᕐᑐᕐᓂᖏᑦ ᐃᓱᓕᑎᑕᐅᖁᓪᓗᒋᑦ, ᑐᖁᖁᓇᒋᑦ.”

ᒨᓯᓯ ᓯᑕᒪᖏᑦ 21:5

ᐃᓄᐃᓪᓗ ᓈᒻᒪᒃᓴᖏᓐᓂᕐᒥᒃ ᓂᓪᓕᐊᕗᑦ ᒎᑎᒧᑦ ᒨᓯᓯᒧᓪᓗ ᐅᖃᕐᓗᑎᒃ: “ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐱᑎᒍᑦ ᑐᖁᖁᓪᓗᑖ ᐃᓄᖃᖏᑦᑐᒥ? ᑕᒫᓂ ᓂᕿᒃᓴᖃᖏᒻᒪᑦ, ᐃᒪᖃᕋᓂᓗ, ᓂᕿᕗᓪᓗ ᐃᕿᐊᓐᖑᕐᐸᕗᑦ ᓂᕿᑐᕾᑦ.”

ᒨᓯᓯ ᓯᑕᒪᖏᑦ 25:2

ᑖᒃᑯᐊ ᕾᖁᔨᖃᑦᑕᓚᐅᕐᒪᑕ ᐃᓴᕆᐊᓕᒥᐅᓂᒃ ᒎᑎᓐᖑᐊᒥᖕᓄᑦ ᑐᓂᕐᕈᓯᕌᖓᒥᒃ, ᐃᓄᐃᓪᓗ ᓂᕆᖃᑦᑕᓚᐅᕐᐳᑦ ᐹᒻᒪᒃᑎᕐᓗᑎᒡᓗ ᒎᑎᓐᖑᐊᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:9

ᐋᐴᓯᑕᓕᓕᒫᖕᓂᑦ ᒥᑭᓐᓂᕐᐹᖑᒐᒪ, ᐋᐴᓯᑕᓕᖕᒥᒡᓘᓐᓃᑦ ᑍᔭᐅᔪᒃᓴᐅᖏᒻᒪᕆᒃᐳᖓ, ᒎᑎᐅᑉ ᐃᓚᒌᒃᑐᖁᑎᖏᑦ ᐊᑭᕋᕐᑐᓚᐅᕋᒃᑭᑦ.

ᐃᐱᓯᒥᐅᓄᑦ 2:11

ᑍᒤᒻᒪᑦ ᖃᓄᐃᑦᑑᓚᐅᕐᓂᑦᓯᓐᓂᒃ ᐃᖅᑬᓚᐅᕆᑦᓯ, ᔫᑎᐅᖏᑦᑐᓯ ᑍᔭᐅᓪᓗᓯ ᑭᐱᓯᒪᖏᑦᑐᓂᒃ ᔫᑎᓄᑦ, ᐃᒻᒥᖕᓂᒃ ᑍᔪᓄᑦ ᑭᐱᓯᒪᔪᓂᒃ ᓇᖕᒥᓂᖅ ᑎᒥᒥᒃᑎᒍᑦ ᑭᐱᓯᒪᔪᑦ ᐊᒡᒐᖕᓄᑦ.

ᒨᓯᓯ ᑕᓪᓕᒪᖏᑦ 31:27

ᖃᐅᔨᒪᒐᒪ ᓈᓚᒍᓐᓇᖏᓐᓂᑦᓯᓐᓂᒃ ᑕᑎᑐᔪᐊᓘᓂᑦᓯᓐᓂᒡᓗ; ᑕᑯᒋᑦ, ᐃᓅᖃᑎᒋᓪᓗᓯ ᓈᓚᒍᓐᓇᓚᐅᖏᓐᓇᑦᓯ ᑕᑎᑐᓴᒍᓐᓇᕐᓗᓯᓗ ᐊᑕᓂᕐᒧᑦ, ᐱᒋᐊᓪᓚᒃᑲᓐᓂᓛᕋᑦᓯ ᑐᖁᖓᓕᕈᒪ.

ᒨᓯᓯ ᑕᓪᓕᒪᖏᑦ 8:2

ᐃᖅᑲᐅᒪᔪᒃᓴᐅᕗᓯᑦᑕᐅᖅ ᐊᑕᓂᐅᑉ ᒎᑎᑦᓯ ᖃᓄᖅ ᑕᓯᐅᓚᐅᕐᒪᖔᓯ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒃᑯᑦ, ᐃᓕᑦᓯᓐᓂᒃ ᒥᑭᒡᓕᑎᕈᓐᓇᕐᓯᖁᓪᓗᓯ, ᖃᐅᔨᓴᕈᒪᓪᓗᓯᓗ ᖃᓄᖅ ᐆᒻᒪᒻᒥᐅᑕᖃᕐᒪᖔᑦᓯ, ᐱᖁᔭᖏᓐᓂᒡᓗ ᓈᓚᒍᒪᓂᐊᕐᒪᖔᑦᓯ, ᓈᓚᒍᒪᓂᐊᖏᒻᒪᖔᑦᓯᓗ.

ᒨᓯᓯ ᑕᓪᓕᒪᖏᑦ 9:24

ᑍᒪᓐᖓᑦ ᐃᓕᑦᓯᓐᓂᒃ ᖃᐅᔨᒪᓕᓚᐅᕐᓂᓐᓂᑦ ᐊᑕᓂᕐᒥᒃ ᐊᑭᕋᕐᑐᐃᓐᓇᖃᑦᑕᕐᐳᓯ.

ᒨᓯᓯ ᑕᓪᓕᒪᖏᑦ 9:4

“ᐊᑕᓂᐅᓪᓕ ᒎᑎᑦᓯ ᑖᒃᑯᐊ ᐊᓂᑎᓯᒪᓕᕐᐸᒋᑦ ᐃᓕᑦᓯ ᐱᑦᔪᑎᒋᓗᓯ, ᑕᒪᑐᒪ ᑭᖑᓂᖓᒍᑦ ᐃᓱᒪᔪᒃᓴᐅᓐᖏᓚᓯ ᐃᓕᑦᓯ ᑕᒫᓂ ᓄᓇᑖᕆᐊᖃᕐᓂᑦᓯᓐᓄᑦ ᓄᓇᑖᕐᑎᑕᐅᓇᓱᒋᓗᓯ. ᑍᒤᓐᖏᓚᖅ, ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᑕᒫᓐᖓᑦ ᐊᓂᑎᓐᓂᐊᕐᐰᑦ ᐃᓕᑦᓯ ᐱᓪᓗᓯ ᐱᐅᖏᑦᑐᓕᓂᖏᑦ ᐱᑦᔪᑎᒋᓗᒋᑦ.