ᒨᓯᓯ ᑕᓪᓕᒪᖏᑦ 9:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 9:3 Iomraidhean Croise

ᒨᓯᓯ ᐂᑉᐸᖏᑦ 23:23

ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑖᑦᓱᒪ ᑕᓯᐅᕐᓂᐊᕐᐹᓯ ᐊᒧᕅᑎᒥᐅᓄᑦ, ᕼᐃᑍᑎᒥᐅᓄᓪᓗ, ᐱᕆᔧᑎᒥᐅᓄᓪᓗ, ᑬᓇᓂᒥᐅᓄᓪᓗ, ᕼᐃᕔᑎᓄᓪᓗ, ᔨᐳᓮᑎᒥᐅᓄᓪᓗ, ᑖᒃᑯᐊᓗ ᓄᖑᑎᓐᓂᐊᕐᐸᒃᑲ.

ᒨᓯᓯ ᐂᑉᐸᖏᑦ 24:17

ᐊᑕᓂᐅᓪᓕ ᓂᕐᑐᕐᓇᕐᓂᕐᔪᐊᖓᑕ ᓴᖅᑭᔮᕐᓂᖓ ᐃᑯᐊᓚᔪᑎᑐᑦ ᑍᒤᓚᐅᕐᐳᖅ ᖃᖅᑲᐅᑉ ᖄᖓᓂ ᐃᓄᐃᑦ ᐃᓴᕆᐊᓕᒥᐅᑦ ᑕᑯᓐᓇᕐᑕᖏᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 27:4

ᒫᓐᓇ ᑖᑦᓱᒧᖓ ᓂᓐᖓᒃᓯᒪᓐᖏᓚᖓ, ᐅᕐᐱᒐᕐᓂᒃ ᑲᑭᓐᓇᕐᑐᖃᕐᑐᓂᒃ ᐱᕈᕐᕕᐅᓕᕌᖓᑦ ᐃᓱᐊᖏᑦᔪᑎᒃᓴᐅᓂᐊᕐᑐᓂᒃ ᐃᑯᐊᓪᓚᒃᐸᒃᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 30:27

ᑕᑯᒋᑦ, ᐊᑕᓂᐅᑉ ᐊᑎᖓ ᐅᖓᓯᒃᑐᒥᑦ ᑕᑯᒃᓴᐅᓕᕐᐳᖅ, ᐃᑯᐊᓚᔪᖅ ᓂᓐᖓᐅᒪᓂᕐᒧᑦ, ᐳᔪᕐᔪᐊᕐᓗ ᑕᑯᒃᓴᐅᓇᖏᑦᑐᖅ ᖁᒻᒧᐊᓕᕐᐳᖅ; ᖃᓂᖓ ᓂᓐᖓᐅᒪᓂᕐᒥᒃ ᑕᑕᑉᐳᖅ, ᐅᖃᖓᓗ ᐃᑯᒪᒥᒃ ᓄᖒᑦᓯᔪᒥᒃ ᐊᑦᔨᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 33:14

ᐊᔪᕐᑐᓕᔪᑦ ᓮᐅᓂᒦᑦᑐᑦ ᑲᑉᐱᐊᓱᓕᕐᐳᑦ; ᒎᑎᖃᖏᑦᑐᓪᓗ ᓴᔪᓕᕐᓗᑎᒃ; ᓇᓕᕐᐳᑦ ᐃᓅᔪᓐᓇᕐᐹ ᐃᑯᐊᓚᔪᒥ ᓄᖒᑦᓯᔪᒥ? ᓇᓕᕐᐳᓪᓗ ᐃᓂᖃᕈᓐᓇᕐᐹ ᐃᓱᖃᖏᑦᑐᒧᑦ ᐃᑯᐊᓚᔪᒥ?

ᒤᑲᐅᑉ ᐊᒡᓚᖏᑦ 2:13

ᐅᒃᑯᐃᕐᓯᔫᑉ ᐊᐅᓪᓚᐅᑎᓂᐊᕐᐰᑦ ᑎᒍᔭᐅᓯᒪᕕᖏᓐᓂᑦ; ᐊᐅᓪᓚᕐᓗᑎᒡᓗ ᐃᒡᓗᒐᓮᑦ ᐃᑎᕐᑕᕐᕕᐊᒍᑦ ᐊᓂᓗᑎᒃ. ᐊᖓᔪᖅᑳᕐᔪᐊᖓᑦᑕ ᐊᑕᓂᐅᑉ, ᑕᓯᐅᕐᓂᐊᕐᒪᒋᑦ.

ᒫᑎᐅᓯᐅᑉ ᐊᒡᓚᖏᑦ 15:10

ᑕᕝᕙ ᔩᓱᓯᐅᑉ ᐃᓄᒐᓴᒡᔪᐊᑦ ᐃᒻᒥᓄᑦ ᕾᖁᕔᑦ, ᐅᖃᐅᑎᓪᓗᒋᑦ, “ᓈᓚᑦᓯᐊᕆᑦᓯ ᑐᑭᓯᓗᓯ!

ᒫᑯᓯᐅᑉ ᐊᒡᓚᖏᑦ 7:14

ᑕᕝᕙ ᔩᓱᓯ ᐃᓄᒋᐊᒃᑐᕐᔪᐊᓂᒃ ᕾᖁᔨᒃᑲᓐᓂᕐᐳᖅ, ᐅᖃᐅᑎᓪᓗᒋᑦ, “ᑕᒪᑦᓯ ᓈᓚᒃᓯᓐᖓ, ᑐᑭᓯᓗᓯᓗ:

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᐃᐱᓯᒥᐅᓄᑦ 5:17

ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.

ᒨᓯᓯ ᑕᓪᓕᒪᖏᑦ 1:30

ᐊᑕᓂᐅᑉ ᒎᑎᑦᓯ ᑖᑦᓱᒪ ᑕᓯᐅᕐᓂᐊᕐᒪᓯ, ᐅᓇᑕᕐᓂᑦᓯᓐᓂᓗ ᐃᑲᔪᕐᓂᐊᕐᐹᓯ, ᐄᑦᔨᑉᑎᒥ ᐱᓇᓱᐊᕐᑎᓪᓗᒍ ᓇᖕᒥᓂᖅ ᑕᑯᖃᑦᑕᓚᐅᕋᑦᓯᐅᒃ,

ᒨᓯᓯ ᑕᓪᓕᒪᖏᑦ 20:1

“ᐅᓇᑕᕆᐊᕐᓂᐊᓕᕈᑦᓯ ᐊᑭᕋᑦᓯᓐᓄᑦ, ᑕᑯᓕᕈᑦᓯᐅᒡᓗ ᕿᒧᒃᓯᐅᑎᖃᕐᑐᑦ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᓗᑎᒡᓗ ᐅᓇᑕᕐᑐᒃᓴᖃᕐᓗᑎᒡᓗ ᐃᓕᑦᓯᓐᓂᑦ ᐅᓄᕐᓂᕐᓴᓂᒃ, ᓯᕘᕋᒋᔭᒃᓴᕆᓐᖏᓚᓯ; ᐊᑕᓂᐅᑉ ᒎᑎᑦᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑑᑉ ᐄᑦᔨᑉᑎᒥᑦ, ᑖᑦᓱᒪ ᐃᓚᒋᓂᐊᕐᒪᓯ.

ᒨᓯᓯ ᑕᓪᓕᒪᖏᑦ 20:4

ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᑖᑦᓱᒪᓗ ᓵᓚᒃᓴᕐᑎᓐᓂᐊᕐᐹᓯ.’

ᒨᓯᓯ ᑕᓪᓕᒪᖏᑦ 4:24

ᐊᑕᓂᖅ ᒎᑎᓯ ᐃᑯᒪᑎᑐᑦ ᐃᑯᐊᓚᔪᑎᑐᑦ ᑍᒤᒻᒪᑦ; ᐊᓯᒥᓂᒃ ᒎᑎᖃᖁᔨᖏᒻᒪᕆᒃᑐᖅ.

ᒨᓯᓯ ᑕᓪᓕᒪᖏᑦ 7:16

ᐃᓅᖃᑎᒌᒡᔪᐊᓕᒫᓂᒃ ᓄᖒᑦᓯᑦᑎᐊᕐᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖏᓐᓂᒃ ᐃᓕᑦᓯᓐᓄᑦ, ᓂᑲᒋᔭᒃᓴᕆᖏᒻᒪᕆᒃᐸᓯ ᑕᐅᑦᑐᖏᑦ ᐱᑦᔪᑎᒋᓗᒋᑦ; ᒎᑎᒋᔭᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᑐᒃᓯᐊᕐᕕᒋᑐᐊᕈᑦᓯᒋᒃ ᓂᒐᕐᑎᑕᐅᔪᑎᑐᑦ ᑍᒤᒐᔭᕋᑦᓯ.

ᒨᓯᓯ ᑕᓪᓕᒪᖏᑦ 7:22

ᐊᑕᓂᐅᑉ ᒎᑎᑦᓯ ᑖᒃᑯᐊ ᐃᓅᖃᑎᒌᒡᔪᐊᑦ ᐊᐅᓪᓚᕐᑎᑉᐸᓪᓕᐊᓂᐊᕐᐰᑦ ᓱᒃᑬᑦᑐᒥᒃ ᐱᕙᓪᓕᐊᒐᓛᐱᒡᓗᒋᑦ, ᑕᕝᕔᓐᓇᖅ ᑖᑦᑯᓂᖓ ᓄᖒᑦᓯᔪᓐᓇᕐᓂᐊᓐᖏᓚᓯ, ᓄᖒᑦᓯᑲᐅᕐᑐᓗᐊᕈᑦᓯ ᐆᒪᔪᓄᑦ ᐃᕐᓯᓇᕐᑐᓄᑦ ᐊᑦᑕᕐᓇᕐᑐᒦᑎᑕᐅᑐᐃᓐᓇᕆᐊᖃᕋᑦᓯ.

ᒨᓯᓯ ᑕᓪᓕᒪᖏᑦ 9:6

ᐊᑕᓂᐅᓪᓕ ᒎᑎᑦᓯ ᑐᓂᓯᕕᒋᓯᒪᓐᖏᓛᓯ ᓄᓇᒥᒃ ᓱᓇᑐᐃᓐᓇᖃᑦᓯᐊᕐᑐᒥᒃ ᐱᔭᕆᐊᖃᕐᓂᓯ ᐱᑦᔪᑎᒋᓗᒍ. ᑍᒤᓐᖏᓚᖅ, ᑐᓵᖏᑦᑐᐊᓘᕗᓯᓕ ᐃᓅᖃᑎᒌᖑᔪᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.

ᔮᓱᐊᑉ ᐊᒡᓚᖏᑦ 11:12

ᔮᓱᐊᓪᓗ ᓵᓚᒋᓚᐅᕐᐰᑦ ᐃᒡᓗᒐᓴᓕᒫᑦ ᐊᖓᔪᖅᑳᕐᔪᐊᓕᒫᖏᓪᓗ, ᐊᑕᖏᕐᓗᒋᓪᓗ ᑐᖁᓚᐅᕐᐰᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑍᒫᒃ ᐱᖁᓚᐅᕐᓯᒪᖕᒪᒍ.

ᔮᓱᐊᑉ ᐊᒡᓚᖏᑦ 11:8

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓵᓚᖃᕐᑎᑉᐰᑦ, ᐃᓴᕆᐊᓕᒥᐅᓪᓗ ᑐᖁᕅᓚᐅᕐᐳᑦ ᒪᓕᒡᓗᑎᒃ ᒥᔅᕆᐸᑦ-ᒤᒻᒧᑦ ᓮᑐᓂᒧᓪᓗ, ᓯᕿᓂᐅᑉ ᓄᐃᕕᖓᓄᑦ ᒥᔅᐱᐅᑉ ᓇᕐᓴᖓ ᑎᑭᓪᓗᒍ; ᐅᓇᑍᓐᓇᓚᐅᕐᐰᓪᓗ, ᐊᑕᖏᕐᓗᒋᑦ ᑐᖁᔪᐃᓐᓇᐅᓚᐅᖃᕐᑎᓐᓇᒋᑦ.

ᔮᓱᐊᑉ ᐊᒡᓚᖏᑦ 14:12

ᒫᓐᓇᓕ ᓄᓇᒥᒃ ᑐᓂᓯᕕᒋᓚᐅᓐᖓ ᖃᖅᑲᓕᖕᓂᒃ ᐊᑕᓂᐅᑉ ᐊᖏᕈᑎᒋᓚᐅᕐᑕᖓᓂᒃ ᐅᓪᓗᒥ ᑍᑦᓱᒪᓂ; ᐊᖑᑏᓪᓗ ᑍᒃᑯᐊ ᐅᓂᒃᑳᕐᑎᓪᓗᑕ ᑐᓵᖃᑕᐅᓚᐅᕐᓯᒪᒐᕕᑦ, ᐅᖃᓚᐅᕐᓯᒪᕗᒍᑦ ᐃᓄᒃᐸᒃᑕᖃᓚᐅᕐᒪᑦ ᑭᖑᕚᕇᓂᒃ ᑍᔭᐅᔪᓂᒃ ᐊᓇᑭᒻᓂᒃ ᐊᕙᓗᕐᔪᐊᓕᖕᓂᒃ ᐃᒡᓗᒐᓴᕐᔪᐊᖃᕐᑐᓂᒃ: ᐃᒻᒪᖄᓕ ᐊᑕᓂᐅᑉ ᐃᓚᒋᓂᐊᕐᐹᖓ, ᓯᖏᑦᓯᖁᓪᓗᖓ ᑖᒃᑯᓂᖓ ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.”

ᔮᓱᐊᑉ ᐊᒡᓚᖏᑦ 3:11

ᑕᑯᒋᑦ, ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐊᑕᓂᖓᑕ, ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓯᕗᓪᓕᐅᓗᓂ ᐃᓕᑦᓯᓐᓂᑦ ᐃᑳᕐᓂᐊᕐᐳᖅ ᔪᐊᕐᑕᓂᐅᑉ ᑰᖓᒍᑦ.

ᔮᓱᐊᑉ ᐊᒡᓚᖏᑦ 3:14

ᑕᕝᕙ ᐃᓄᐃᑦ ᐊᐅᓪᓚᕋᒥᒃ ᑕᖕᒫᕐᓯᒪᕕᖕᒥᓂᑦ, ᐃᑳᕆᐊᕐᑐᓕᕐᓗᑎᒃ ᔪᐊᕐᑕᓂᐅᑉ ᑰᖓᓄᑦ ᑐᓂᕐᕈᓯᕐᑎᑦᓯᔩᑦ ᓯᕗᓪᓕᐅᓚᐅᕐᐳᑦ ᐊᒡᔭᕐᓯᓪᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐃᓄᐃᑦ ᓯᕗᓂᖓᓂ,

ᐃᓗᐊᕐᓮᔩᑦ ᐊᒡᓚᖏᑦ 4:14

ᑎᐴᕋᐅᑉ ᐸᕌᒃ ᐅᖃᐅᑎᕚ, “ᒪᑭᓕᕆᑦ! ᐅᓪᓗᖅ ᑖᓐᓇ ᓇᓪᓕᐅᑎᖕᒪᑦ ᐊᑕᓂᐅᑉ ᑐᓂᖕᒪᑎᑦ ᓯᓰᕋᒥᒃ ᐱᔪᓐᓇᕐᓂᕐᓄᑦ. ᐊᑕᓂᖅ ᐃᕝᕕᑦ ᓯᕗᓂᖓᓃᓐᖏᓛᖅ?” ᑕᕝᕙ ᐸᕌᒃ ᐊᖅᑲᕐᑎᓚᐅᕐᐳᖅ ᖃᖅᑲᒥᑦ ᑍᐸᕆᒥᑦ 10,000ᓂᑦ ᐊᖑᑎᓂᑦ ᒪᓕᒃᑕᐅᓪᓗᓂ.