ᒨᓯᓯ ᑕᓪᓕᒪᖏᑦ 9:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐃᓴᕆᐊᓕᒥᐅᑦ ᓈᓚᒋᑦᓯ! ᐅᓪᓗᒥ ᐃᑳᕐᓂᐊᓕᕐᐳᓯ ᔪᐊᕐᑕᓂᐅᑉ ᑰᖓᒍᑦ, ᓄᓇᑖᖁᓪᓗᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐅᓄᕐᓂᕐᓴᕐᔪᐊᖑᔪᓄᑦ ᐊᔪᖏᓐᓂᕐᓴᕐᔪᐊᖑᔪᓄᓪᓗ ᓄᓇᒋᔭᐅᔪᒥᒃ. ᐃᒡᓗᒐᓴᒡᔪᐊᓂᒃ ᐊᖏᔪᕐᔪᐊᖑᔪᓂᒃ, ᐊᕙᓗᕐᔪᐊᖏᓪᓗ ᕿᓚᖕᒧᑦ ᑎᑭᐅᒪᔪᓂᒃ.

ᒨᓯᓯ ᑕᓪᓕᒪᖏᑦ 9:1 Iomraidhean Croise

ᒨᓯᓯ ᓯᕗᓪᓖᑦ 11:4

ᐅᖃᕐᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᕐᑕ ᐳᕐᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᖁᓇᑦᑕ ᓇᒧᑐᐃᓐᓇᖅ.”

ᒨᓯᓯ ᐂᑉᐸᖏᑦ 32:1

ᐃᓄᐃᓪᓗ ᖃᐅᔨᓕᕋᒥᒃ ᒨᓯᓯ ᓱᓕ ᖃᖅᑲᒥᑦ ᐊᖅᑲᓚᐅᖏᓐᓂᖓᓂᒃ, ᐊᑯᓂᓗ ᑕᑉᐹᓃᓕᕐᒪᑦ ᐂᕉᓂᐅᑉ ᐊᕙᑖᓄᐊᕐᓗᑎᒃ ᐅᖃᕐᕕᒋᓕᕐᐹᑦ, “ᐃᓐᓇ ᒨᓯᓯ ᓇᓗᓇᕐᓯᖕᒪᑦ ᖃᓄᐃᓕᖓᓕᕐᒪᖔᑦ ᐄᑦᔨᑉᑎᒥᑦ ᐊᐅᓪᓚᕈᑦᔨᓚᐅᕐᑐᖅ ᐅᕙᑦᑎᓐᓂᒃ, ᒎᑎᓕᐅᓚᐅᕆᑦ ᐅᕙᑦᑎᓐᓂᒃ ᑕᓯᐅᕐᓯᓂᐊᕐᑐᒥᒃ.”

ᑖᓂᐊᓕᐅᑉ ᐊᒡᓚᖏᑦ 4:11

ᓇᐹᕐᑐᖅ ᑖᓐᓇ ᐱᕈᓚᐅᕐᐳᖅ ᐊᖏᔪᐊᓘᓕᕐᓗᓂ ᓴᓐᖏᔫᓪᓗᓂᓗ, ᓄᕗᐊᓗ ᕿᓚᖕᒧ ᑎᑭᑉᐳᖅ, ᓄᓇᒥᓪᓗ ᓇᑭᑐᐃᓐᓇᖅ ᑕᑯᓴᐅᓕᕐᓗᓂ.

ᐂᒨᓯᐅᑉ ᐊᒡᓚᖏᑦ 2:9

“ᐊᓯᕈᓚᐅᕋᓗᐊᕋᒃᑭᑦ ᐊᒧᕅᑎᒥᐅᑦ ᓵᖏᓐᓂ, ᓇᐹᕐᑐᑎᑐᑦ ᓰᑕᕆᑎᑐᑦ ᐳᕐᑐᑎᒋᓚᐅᕋᓗᐊᕐᐳᑦ ᑐᑭᓕᐊᕐᑐᑎᑐᑦ ᐳᕐᑐᔪᑎᑐᑦ, ᓲᖑᑎᒋᓚᐅᕋᓗᐊᕐᑎᓪᓗᒋᑦ ᓯᑕᒃᑕᑎᑐᑦ ᐆᒃᑎᑐᑦ; ᖄᖓᓃᑦᑐᑦ ᐱᕈᕐᑐᖏᑦ ᐊᓯᕈᓚᐅᕐᐸᒃᑲ, ᐊᒫᖏᓪᓗ ᐊᑖᓃᑦᑐᑦ ᐱᖃᓯᐅᑎᓪᓗᒋᑦ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᒨᓯᓯ ᓯᑕᒪᖏᑦ 33:51

“ᑭᖑᕚᖑᖃᑎᒌᑦ ᐃᓴᕆᐊᓕᒥᐅᑦ ᐅᖃᐅᑎᒃᑭᑦ ᐃᒫᒃ, ‘ᔪᐊᕐᑕᓂ ᐃᑳᕈᑦᓯᐅᒃ ᓄᓇᒧᓪᓗ ᑬᓇᓂᒧᑦ ᑎᑭᒃᑯᑦᓯ,

ᒨᓯᓯ ᑕᓪᓕᒪᖏᑦ 1:28

ᓱᖕᒪᓪᓕ ᑕᕝᕗᓐᖓᕆᐊᖃᕐᐱᑖ? ᓯᕘᕋᓕᕐᐳᒍᑦ. ᑎᓕᓚᐅᕐᑕᑦᑎᓐᓄᑦ ᐅᓂᒃᑳᕐᕕᐅᓚᐅᕋᑦᑕ ᑕᕝᕙᓂᒥᐅᑦ ᓴᓐᖏᓂᕐᓴᐅᓂᖏᓐᓂᒃ ᐊᖏᓂᕐᓴᐅᓂᖏᓐᓂᒡᓗ ᐅᕙᑦᑎᓐᓂᑦ, ᐃᒡᓗᒐᓴᖏᓪᓗᒎᖅ ᐊᕙᓗᕐᔪᐊᖃᕐᓗᑎᒃ ᕿᓚᖕᒧᑦ ᐊᒃᑐᐊᔪᓂᒃ; ᐱᓗᐊᓐᖑᐊᕐᑐᒥᒡᓗ ᑍᑲᓂᒥᐅᒡᒎᖅ ᐊᓇᑭᒥᐅᑦ ᐃᓄᒃᐹᓘᖕᒪᑕ!’

ᒨᓯᓯ ᑕᓪᓕᒪᖏᑦ 11:23

ᑕᕝᕙ ᐃᓅᖃᑎᒌᒡᔪᐊᑦ ᕿᒪᒃᓯᑎᓐᓂᐊᕐᐰᑦ ᐱᕕᒃᓴᖃᖔᖁᓪᓗᓯ, ᓄᓇᖏᓐᓂᒡᓗ ᓄᓇᑖᕐᓂᐊᕐᐳᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐊᔪᖏᓐᓂᕐᓴᐅᔪᓄᑦ ᐱᔪᓐᓇᕐᓂᖃᕐᓂᕐᓴᐅᔪᓄᓪᓗ ᓄᓇᒋᔭᐅᓚᐅᕐᑐᒥᒃ.

ᒨᓯᓯ ᑕᓪᓕᒪᖏᑦ 11:31

ᑰᖕᒥᒃ ᔪᐊᕐᑕᓂᒥᒃ ᐃᑳᕈᑦᓯ ᓄᓇᑖᕆᐊᕐᑐᕐᓗᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ; ᓄᓇᑖᕆᒍᑦᓯᐅᒃ ᑍᑲᓂᓗ ᓄᓇᖃᓕᕈᑦᓯ,

ᒨᓯᓯ ᑕᓪᓕᒪᖏᑦ 27:2

ᔪᐊᕐᑕᓂᐅᑉ ᑰᖓᓂᒃ ᐃᑳᓕᕐᓂᑦᓯ ᐅᓪᓗᖓᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ ᓄᓇᒧᑦ, ᐅᔭᕋᖕᓂᒃ ᐊᖏᔫᑎᓂᒃ ᓇᑉᐹᕐᓯᔪᒃᓴᐅᕗᓯ, ᖄᖓᒍᑦ ᒥᖑᐊᕐᓗᒋᑦ ᖁᐊᕐᑎᑕᒐᕐᒥᒃ,

ᒨᓯᓯ ᑕᓪᓕᒪᖏᑦ 3:18

“ᐊᒻᒪᑦᑕᐅᖅ ᑍᑦᓱᒪᓂᑦᓮᓐᓇᖅ ᐅᖃᐅᑦᔨᓚᐅᕆᕗᖓ ᑖᒃᑯᓂᖓ ᐃᒤᓕᔪᓂᒃ: ‘ᐊᑕᓂᐅᑉ ᒎᑎᑦᑕ ᑕᒪᑐᒥᖓ ᓄᓇᒥᒃ ᑐᓂᓯᕕᒋᓯᒪᖕᒪᓯ ᔪᐊᕐᑕᓂᐅᑉ ᑰᖓᑕ ᑕᓕᕐᐱᐊᓃᑦᑐᒥᒃ ᐃᓕᑦᓯᓐᓄᑦ ᓄᓇᒋᔭᐅᖁᓪᓗᒍ. ᒫᓐᓇᓕ ᐊᖑᑎᑦ ᐅᓇᑕᕈᓐᓇᕐᑐᖁᑎᓯ ᐅᓇᑕᐅᑎᒃᓴᓂᒃ ᓇᒃᓴᕐᓗᑎᒃ ᑎᓕᓕᕐᓯᐅᒃ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᐃᓴᕆᐊᓕᒥᐅᖑᖃᑎᓯ ᐅᐸᒡᓗᒋᑦ ᐃᑲᔪᕆᐊᓕᕐᓯᒋᒃ, ᐃᑲᔪᕐᓂᐊᕋᑦᓯᐅᒃ ᓄᓇᑖᕋᓱᐊᓕᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:38

ᐃᓕᑦᓯ ᐱᑦᔪᑎᒋᓪᓗᓯ ᐃᓅᖃᑎᒌᒡᔪᐊᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ ᓄᓇᖏᓐᓂᑦ ᐊᓂᑎᓚᐅᕐᐰᑦ, ᓄᓇᒋᔭᖏᓐᓂ ᓄᓇᑖᖔᕈᓐᓇᖁᓪᓗᓯ, ᒫᓐᓇ ᓱᓕ ᓄᓇᒋᔭᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 6:10

“ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᓯᕗᓕᓯ ᐊᖏᕐᕕᒋᓚᐅᕐᒪᒋᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᓄᓇᒥᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᐊᖏᔪᒥᒃ ᐊᔪᕐᓴᕐᓇᖏᑦᑐᒥᒡᓗ ᐃᒡᓗᒐᓴᒡᔪᐊᓂᒡᓗ ᐃᓕᑦᓯ ᓇᖕᒥᓂᖅ ᓴᓇᓚᐅᓐᖏᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 7:1

“ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᓐᓂᐊᕐᐹᓯ ᓄᓇᑖᕆᓂᐊᕐᑕᑦᓯᓐᓄᑦ, ᐃᓅᖃᑎᒌᒡᔪᐊᓪᓗ ᐅᓄᕐᑐᑦ ᑕᒫᓂ ᓄᓇᖃᕐᑐᑦ ᓅᑎᓐᓂᐊᕐᐰᑦ, ᓵᓚᒃᓴᖁᓪᓗᓯ ᐃᓅᖃᑎᒌᒡᔪᐊᑦ 7ᐃᑦ ᐊᐅᓪᓚᕐᑎᓐᓂᐊᕐᐰᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ; ᕼᐃᑍᑎᒥᐅᑦ, ᒋᕐᒐᓮᑎᒥᐅᓪᓗ, ᐊᒧᕅᑎᒥᐅᓪᓗ, ᑬᓇᓂᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᑎᒥᐅᓪᓗ, ᔨᐳᓮᑎᒥᐅᓪᓗ.

ᔮᓱᐊᑉ ᐊᒡᓚᖏᑦ 1:11

“ᐃᓄᐃᑦ ᑕᖕᒫᕐᓯᒪᔪᑦ ᐅᖃᐅᑎᓯᐅᒃ, ‘ᓂᕿᓂᒃ ᐊᑐᐃᓐᓇᕈᐃᒋᑦᓯ, ᐅᓪᓗᐃᑦ ᐱᖓᓱᑦ ᓈᒃᐸᑕ ᐃᑳᕐᓂᐊᕋᑦᓯ ᔪᐊᕐᑕᓂᐅᑉ ᑰᖓᒍᑦ ᓄᓇᓗ ᓄᓇᑖᕆᓗᒍ, ᐊᑕᓂᐅᑉ ᒎᑎᕕᑦ ᑐᓂᓯᒪᔭᖓ ᐃᓕᑦᓯᓐᓄᑦ.’”

ᔮᓱᐊᑉ ᐊᒡᓚᖏᑦ 1:15

ᓄᓇᖃᓕᕐᐸᑕ ᑭᓯᐊᓂ ᔪᐊᕐᑕᓂᐅᑉ ᓯᕿᓂᖓᑕ ᓄᐃᕕᐊᑕ ᓇᓛᓂ ᒎᑎᐅᑉ ᑐᓂᓚᐅᕐᑕᖓᓂᒃ ᑖᒃᑯᓄᖓ ᐃᓕᑦᓯᓐᓄᓪᓗ; ᓄᓇᑖᕈᒫᕆᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᑖᒃᑯᓄᖓ, ᑕᕝᕙ ᐅᑎᕈᒫᕐᐳᓯ ᓄᓇᖁᑎᑦᓯᓐᓄᑦ ᓄᓇᑖᕆᓗᒍᓗ ᓄᓇ ᑕᒪᓐᓇ ᒨᓯᓯᐅᑉ ᐊᑕᓂᐅᑉ ᐱᔨᖓᑕ ᑐᓂᓚᐅᕐᑕᖓ ᔪᐊᕐᑕᓂᒥᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ.”

ᔮᓱᐊᑉ ᐊᒡᓚᖏᑦ 14:12

ᒫᓐᓇᓕ ᓄᓇᒥᒃ ᑐᓂᓯᕕᒋᓚᐅᓐᖓ ᖃᖅᑲᓕᖕᓂᒃ ᐊᑕᓂᐅᑉ ᐊᖏᕈᑎᒋᓚᐅᕐᑕᖓᓂᒃ ᐅᓪᓗᒥ ᑍᑦᓱᒪᓂ; ᐊᖑᑏᓪᓗ ᑍᒃᑯᐊ ᐅᓂᒃᑳᕐᑎᓪᓗᑕ ᑐᓵᖃᑕᐅᓚᐅᕐᓯᒪᒐᕕᑦ, ᐅᖃᓚᐅᕐᓯᒪᕗᒍᑦ ᐃᓄᒃᐸᒃᑕᖃᓚᐅᕐᒪᑦ ᑭᖑᕚᕇᓂᒃ ᑍᔭᐅᔪᓂᒃ ᐊᓇᑭᒻᓂᒃ ᐊᕙᓗᕐᔪᐊᓕᖕᓂᒃ ᐃᒡᓗᒐᓴᕐᔪᐊᖃᕐᑐᓂᒃ: ᐃᒻᒪᖄᓕ ᐊᑕᓂᐅᑉ ᐃᓚᒋᓂᐊᕐᐹᖓ, ᓯᖏᑦᓯᖁᓪᓗᖓ ᑖᒃᑯᓂᖓ ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.”

ᔮᓱᐊᑉ ᐊᒡᓚᖏᑦ 3:14

ᑕᕝᕙ ᐃᓄᐃᑦ ᐊᐅᓪᓚᕋᒥᒃ ᑕᖕᒫᕐᓯᒪᕕᖕᒥᓂᑦ, ᐃᑳᕆᐊᕐᑐᓕᕐᓗᑎᒃ ᔪᐊᕐᑕᓂᐅᑉ ᑰᖓᓄᑦ ᑐᓂᕐᕈᓯᕐᑎᑦᓯᔩᑦ ᓯᕗᓪᓕᐅᓚᐅᕐᐳᑦ ᐊᒡᔭᕐᓯᓪᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐃᓄᐃᑦ ᓯᕗᓂᖓᓂ,

ᔮᓱᐊᑉ ᐊᒡᓚᖏᑦ 3:16

ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ.

ᔮᓱᐊᑉ ᐊᒡᓚᖏᑦ 3:6

ᑐᓂᕐᕈᓯᕐᑎᑦᓯᔩᓪᓗ ᔮᓱᐊᑉ ᐅᖃᐅᑎᕔᑦ, “ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᑎᒍᓗᓯᐅᒃ, ᓯᕗᓪᓕᐅᓗᓯ ᐃᓄᖕᓂᑦ ᐱᓱᓕᕆᑦᓯ.” ᑕᕝᕙ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓇᒃᓴᕐᓗᒍ ᐱᓱᓕᕐᐳᑦ, ᐃᓄᐃᑦ ᓯᕗᓂᖓᓐᓂ.

ᔮᓱᐊᑉ ᐊᒡᓚᖏᑦ 4:19

ᐃᓄᐃᑦ ᐃᑳᓚᐅᕐᐳᑦ ᑰᖕᒥᒃ ᔪᐊᕐᑕᓂᒥᒃ ᑕᖅᑭᐅᑉ ᓯᕗᓪᓕᕐᐹᖓᑕ ᐅᓪᓗᖓᑕ 10ᖓᓂ, ᑕᖕᒫᕐᓗᑎᒡᓗ ᒋᐅᓪᒐᐅᓪᒧᑦ ᔨᕆᑰᑉ ᓄᓇᖓᑕ ᑭᒡᓕᖓᓄᑦ ᓯᕿᓂᖓᑕ ᓄᐃᕕᐊᑕ ᓇᓛᓃᑦᑐᒧᑦ.

ᔮᓱᐊᑉ ᐊᒡᓚᖏᑦ 4:5

ᔮᓱᐊᓪᓗ ᐅᖃᐅᑎᕔᑦ, “ᔪᐊᕐᑕᓂᐅᑉ ᑰᖓᑕ ᕿᑎᐊᓄᐊᕆᑦᓯ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᓂᖓᓄᐊᕐᓗᓯ ᐊᑕᓂᐅᑉ ᒎᑎᓯ ᐱᖓᑕ, ᐊᑐᓂᓪᓗ ᐅᔭᕋᖕᓂᒃ ᑎᒍᓯᓕᕆᑦᓯ ᐃᕐᓱᒡᓗᓯ ᐊᑕᐅᓯᕐᒥᒃ ᐃᓴᕆᐊᓕᒥᐅᑦ ᑭᖑᕚᖏᑕ ᐅᓄᕐᓂᖏᑦ ᒪᓕᒡᓗᒋᑦ.