ᒨᓯᓯ ᑕᓪᓕᒪᖏᑦ 8:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓄᓇᒧᑦ ᓂᐊᖂᔭᒃᓴᖃᕐᑐᒧᑦ ᖃᑯᕐᑕᓂᒃ ᑲᔪᕐᓂᒡᓗ, ᕔᓂᒃᓴᓕᖕᒧᑦ ᐱᒋᓕᒃᓴᓂᒡᓗ ᓇᐹᕐᑐᓕᖕᒧᑦ, ᐳᒥᕐᒍᓁᑎᓂᒡᓗ, ᓇᐹᕐᑐᓕᖕᓄᓪᓗ ᐅᕐᓱᒃᓴᓕᖕᓂᒃ, ᐃᒍᑦᑕᐅᓪᓗ ᓰᕐᓇᐅᑎᖏᓐᓂᒃ ᐱᑕᖃᕐᑐᒧᑦ.

ᒨᓯᓯ ᑕᓪᓕᒪᖏᑦ 8:8 Iomraidhean Croise

ᒨᓯᓯ ᓯᕗᓪᓖᑦ 49:11

ᑖᑦᓱᒪ ᓄᕐᕋᖅ ᓯᐅᑎᖅᑯᑐᔪᖁᑎᓂ ᕔᓂᒃᓴᓕᖕᒧᑦ ᐃᐱᕈᒫᕐᐹ, ᓯᐅᑎᖅᑯᑐᔪᖁᑎᖓᑕᓕ ᓄᕐᕋᖓ ᕔᓂᒃᓴᓂᑦ ᐱᐅᓂᕐᐹᖑᔪᒧᑦ ᐱᑎᑦᓱᒫᕐᐹ, ᑖᑦᓱᒪ ᐊᓐᓄᕌᓂ ᐃᕐᕈᕐᑐᕈᒫᕐᐰᑦ ᕔᓂᒧᑦ ᐊᓐᓄᕌᓂᓗ ᐃᕐᕈᕐᑐᕈᒫᕐᐰᑦ ᕔᓂᐅᑉ ᐊᐅᖓᓄᑦ;

ᓴᒧᐃᓕ ᐂᑉᐸᖏᑦ 4:6

ᐊᕐᓇᕐᓗ ᐅᒃᑯᐊᖓᓂᒥᐅᑕᖅ ᓇᔭᖓᓕᕋᒥ ᓂᐊᖂᔭᒃᓴᓕᕆᓪᓗᓂ ᓯᓂᓕᓚᐅᕐᐳᖅ; ᑕᕝᕙ ᕆᑳᐱᒃᑯᒃ ᐹᓇᒃᑯᒃ ᓄᑲᕆᒃ ᖃᐅᔨᔭᐅᒐᑎᒃ ᐃᑎᕐᐴᒃ.

ᐊᑕᓃᑦ ᓯᕗᓪᓖᑦ 5:11

ᓲᓗᒨᓂ ᑐᓂᓯᖕᒥᑎᓪᓗᒍ ᕼᐂᕋᒻᒧᑦ 20,000ᓂᒃ ᐅᖁᒤᓐᓂᖃᕐᑐᓂᒃ ᐊᖓᔪᖅᑳᕐᔪᐊᖃᕐᕕᐅᑉ ᓂᕿᒃᓴᖏᓐᓂᒃ 20,000ᓂᒃ ᐅᖁᒤᓐᓂᖃᕐᑐᓂᒃ, ᐸᐅᕐᖎᑦ ᐅᕐᓱᖏᓐᓂᒃ ᓯᖃᓪᓕᓪᓗᒋᑦ ᐅᕐᓱᓕᐊᕆᓯᒪᔪᓂᒃ ᑐᓂᓯᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᐊᑕᓃᑦ ᐂᑉᐸᖏᑦ 18:32

ᐊᖓᔪᖅᑳᕐᔪᐊᑦᑕ ᓄᓇᑖᕐᑎᓐᓂᐊᕐᐹᓯ ᓄᓇᑦᓯᑐᑦ ᑍᒫᒃ ᐊᔪᕐᓴᕐᓇᖏᑦᑐᒥᒃ ᐸᐅᕐᖓᓂᒃ ᐱᕈᕐᓰᕕᒃᓴᕐᑕᖃᑦᓯᐊᕐᑐᒥᒃ, ᓂᐊᖂᔭᒃᓴᓂᒡᓗ ᐱᕈᕐᑐᖃᑦᓯᐊᕐᑐᒥᒃ ᓇᐹᕐᑐᖃᕐᓗᓂᓗ ᐅᕐᓱᒃᓴᓕᖕᓂᒃ ᕼᐊᓂᖃᑦᓯᐊᕐᓗᓂᓗ, ᐊᖓᔪᖅᑳᕐᔪᐊᑦᑕ ᐱᔪᒪᔭᖓ ᒪᓕᒡᓗᒍ ᐊᖏᕐᓂᐊᕈᑦᓯ ᑐᖁᕋᕐᑕᐅᖏᓪᓗᓯ ᐃᓅᑎᑕᐅᓂᐊᕐᐳᓯ. ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᐊᑕᓂᕐᒧᑦ ᓴᐳᑎᔭᐅᓂᐊᕐᓂᕅᓂᖓᓄᑦ.

ᐃᓐᖏᕈᑎᑦ 147:14

ᓄᓇᖁᑎᕕᓪᓗ ᑭᒡᓕᖓᓄᑦ ᑎᑭᑦᑐᒥᒃ ᖃᓄᐃᓐᓇᖏᑦᑐᒦᑎᑉᐹᑎᑦ, ᓂᕿᒃᓴᖃᕐᑎᑉᐹᑎᓪᓗ ᓂᐊᖂᔭᒃᓴᑦᓯᐊᕙᐅᓂᕐᐹᖑᔪᓂᒃ.

ᐃᓐᖏᕈᑎᑦ 81:16

ᐃᓕᑦᓯᓕ ᓂᕆᑎᒐᔭᕐᐸᑦᓯ ᓂᐊᖂᔭᒃᓴᓂᒃ ᓂᕿᑦᓯᐊᕙᐅᓂᕐᐹᓂᒃ, ᐃᒍᑦᓮᓪᓗ ᓰᕐᓇᐅᑎᖓᓂᑦ ᕼᐊᓂᒥᒃ ᕾᕐᑐᒥᑦ ᐱᔪᓂᒃ ᐃᓚᖃᕐᑎᓪᓗᒍ ᐱᔪᒪᓃᑦ ᓈᒻᒪᒃᓯᑎᒐᔭᕐᐸᕋ.”

ᐂᓮᐊᓯᐅᑉ ᐊᒡᓚᖏᑦ 7:23

“ᐅᓪᓗᒥᓗ ᑕᕝᕙᓂ ᐃᒤᑦᑐᖃᕈᒫᕐᐳᖅ, ᕔᓂᒃᓴᖃᕐᐸᓚᐅᕐᑐᒥ ᓇᐹᕐᑐᓂᒃ 1,000ᓂᒃ, ᑮᓇᐅᔭᓕᐅᕈᑕᐅᔪᓐᓇᕐᑐᓂᒃ ᓯᐅᓪᕕᕆᓂᒃ 1,000ᓂᒃ, ᐃᓂᖏᓐᓂ ᐱᕈᕐᑐᖃᓕᕈᒫᕐᐳᖅ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒃ;

ᔨᕆᒤᐊᐅᑉ ᐊᒡᓚᖏᑦ 2:7

ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 5:17

ᑲᑎᕐᓱᓯᒪᔭᓯ ᐱᕈᕐᑐᑦ ᓂᕿᓯᓗ ᓂᕆᓗᒋᑦ ᓄᖑᓐᓂᐊᕐᐰᑦ, ᐃᕐᓂᓯᓗ ᐸᓂᓯᓗ ᑐᖁᕋᕐᓗᒋᑦ ᐆᒪᔪᖁᑎᓯᓗ ᓂᕆᓂᐊᕐᐰᑦ, ᕔᓂᒃᓴᓂᒡᓗ ᐸᐅᕐᖓᓕᖁᑎᓯ ᐅᕐᐱᒊᑦ, ᓇᐹᕐᑐᐃᓪᓗ ᐱᒋᓖᑦ ᓱᒃᑯᓐᓂᐊᕐᐰᑦ. ᐅᓇᑕᕐᑎᖁᑎᖏᑕᓗ ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᓇᓱᒋᓚᐅᕐᑕᓯ ᓱᕋᒃᑎᕐᓂᐊᕐᐰᑦ.”

ᐃᓯᑭᐊᓕᐅᑉ ᐊᒡᓚᖏᑦ 27:17

ᔫᑕᒥᐅᑦ ᐃᓴᕆᐊᓕᒥᐅᓪᓗ ᑕᐅᕐᓰᖃᑎᒋᖃᑦᑕᕆᕙᓯ ᓂᐊᖂᔭᒃᓴᓂᒃ, ᐸᐅᕐᖓᓂᒃ ᐅᕐᓱᒃᓴᓂᒃ ᐸᐅᕐᖓᓂᒡᓗ ᐱᒋᓕᖕᓂᒃ, ᕼᐊᓂᒥᒃ, ᐅᕐᓱᒃᓴᓂᒃ, ᒥᖑᐊᕈᑎᒃᓴᓂᒡᓗ.

ᕼᐆᓯᐊᑉ ᐊᒡᓚᖏᑦ 2:22

“ᓄᓇᕐᔪᐊᕐᓗ ᑭᐅᔪᒫᕐᐳᖅ ᐱᕈᕐᑐᒃᓴᓄᑦ ᓂᐊᖂᔭᒃᓴᓄᑦ, ᕔᓂᒃᓴᓄᑦ, ᐱᕈᕐᑐᓄᓪᓗ ᐅᕐᓱᒃᓴᓄᑦ, ᑖᒃᑯᐊᓗ ᑭᐅᔪᒫᕐᐳᑦ ᔨᔭᕆᐅᓪᒧᑦ.

ᕼᐆᓯᐊᑉ ᐊᒡᓚᖏᑦ 2:8

“ᖃᐅᔨᒪᓐᖏᓚᕐᓕ ᐅᕙᖓ ᓂᐊᖂᔭᒃᓴᒥᒃ ᑐᓂᓚᐅᕋᒃᑯ, ᕔᓂᒥᒃ, ᐅᕐᓱᒥᒡᓗ, ᓯᐅᓪᕕᕆᓂᒃ ᒎᓗᓂᒡᓗ ᐊᑐᓚᐅᕐᑕᓕᒫᖏᓐᓂᒃ ᑖᒃᑯᐊᓗ ᐱᔨᑦᓯᕈᑎᒋᓚᐅᕐᐰᑦ ᐰᓕᒥᒃ.

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 3:17

ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ, ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ, ᓰᐱᓕᒫᓪᓗ ᑐᖁᒐᓗᐊᕐᐸᑕ ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,

ᒨᓯᓯ ᓯᑕᒪᖏᑦ 13:23

ᓇᕐᓴᒧᑦ ᐊᑎᓕᖕᒧᑦ ᐃᔅᑯᓪᒥᒃ ᑎᑭᓐᓇᒥᒃ, ᓇᐹᕐᑑᑉ ᐊᕙᓚᖓᔪᖓᓂᒃ ᓇᑲᑦᓯᕗᑦ ᐸᐅᕐᖓᓂᒃ ᐊᑕᐅᓯᐅᓕᖅᑲᖓᔪᓂᒃ ᕔᓂᒃᓴᓂᒃ ᑲᑎᓐᖓᔪᓂᒃ; ᒪᕐᕉᓪᓗᑎᒃ ᐊᒡᔭᕐᓯᓕᕐᐳᒃ ᕿᔪᖕᒧᑦ ᐊᑭᕋᕐᓗᒍ.

ᔪᐊᓇᓯᐅᑉ ᐊᒡᓚᖏᑦ 6:13

ᑕᕝᕙ ᐊᒥᐊᑯᓕᒫᓂᒃ ᑲᑎᑦᓯᒐᒥᒃ ᐃᕕᐅᔭᓂᒃ 12ᓂᒃ ᑕᑍᕗᑦ ᐊᒥᐊᒃᑯᒋᔭᐅᔪᓂᒃ ᓂᐊᖂᔭᓂᑦ ᑕᓪᓕᒪᓂᑦ, ᐃᓄᐃᑦ ᓂᕆᓚᐅᕐᑕᖏᓐᓂᑦ.

ᔪᐊᓇᓯᐅᑉ ᐊᒡᓚᖏᑦ 6:9

“ᐅᕙᓂ ᓄᑲᑉᐱᐊᕐᑕᖃᕐᐳᖅ ᓂᐊᖂᔭᓂᒃ ᑕᓪᓕᒪᓂᒃ ᐃᖃᓗᖕᓂᒡᓗ ᒪᕐᕉᖕᓂᒃ ᑕᖁᐊᖃᕐᑐᒥᒃ; ᑭᓯᐊᓂᓕ ᐃᓄᒋᐊᕌᓗᖕᓄᑦ ᑖᒃᑯᐊ ᓱᓇᐅᓐᖏᓚᑦ.”

ᒨᓯᓯ ᑕᓪᓕᒪᖏᑦ 32:13

ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.

ᒨᓯᓯ ᑕᓪᓕᒪᖏᑦ 32:14

ᐃᒻᒧᒃᓯᐅᒐᖁᑎᖏᑦ ᒎᑦᓯᖁᑎᖏᓪᓗ ᐃᒻᒧᓕᐊᓘᓚᐅᕐᐳᑦ; ᓰᐱᖁᑎᖏᑦ, ᐊᖑᓴᓪᓗᖁᑎᖏᓪᓗ, ᐃᒻᒧᒃᓯᐅᒐᖁᑎᖏᓪᓗ ᐹᓴᓂᒥ ᐱᐅᓂᕐᐹᖑᓚᐅᕐᐳᑦ ᖁᐃᓂᔫᓪᓗᑎᒃ, ᓂᐊᖂᔭᒃᓴᖁᑎᖏᓪᓗ ᓯᖃᓪᓕᓯᒪᑦᓯᐊᓚᐅᕐᐳᑦ ᐊᑦᔨᒌᖏᑦᑐᓂᒡᓗ ᕔᓂᖁᑎᖃᐅᑦᓯᐊᕐᓗᑎᒃ.

ᒨᓯᓯ ᑕᓪᓕᒪᖏᑦ 6:3

ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.

ᒨᓯᓯ ᑕᓪᓕᒪᖏᑦ 8:7

ᐊᑕᓂᐅᑉ ᒎᑎᑦᓯ ᓄᓇᒧᑦ ᓂᕿᒃᓴᖃᑦᓯᐊᕐᑐᒧᑦ ᑎᑭᐅᑎᑎᒻᒪᓯ, ᑰᒐᓛᖃᐅᑦᓯᐊᕐᑐᒧᑦ ᓄᓇᐅᓪᓗ ᐃᓗᐊᓂᑦ ᑰᖏᓐᓇᕐᑐᖃᕐᑐᒧᑦ ᐃᒪᖃᕐᑐᒧᓪᓗ, ᓇᕐᓴᑎᒍᓪᓗ ᖃᖅᑲᑎᒍᓪᓗ ᑰᖃᐅᕐᑐᒧᑦ.

ᒨᓯᓯ ᑕᓪᓕᒪᖏᑦ 8:9

ᑕᕝᕙᓂ ᐊᔪᕐᓴᓚᐅᕐᓯᒪᓂᐊᓐᖏᓚᓯ ᑭᓐᖒᒪᔭᖃᕐᓂᐊᕋᓯᓗ, ᐅᔭᕋᖏᓪᓗ ᓴᕕᕋᔭᒃᓴᕐᑕᖃᕐᐳᑦ, ᖃᖅᑲᖏᓐᓂᓪᓗ ᑲᓐᓄᔭᓂᒃ ᑲᑎᑦᓯᔪᓐᓇᕐᓂᐊᕐᐳᓯ.