ᒨᓯᓯ ᑕᓪᓕᒪᖏᑦ 8:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓂᐅᑉ ᒎᑎᑦᓯ ᓄᓇᒧᑦ ᓂᕿᒃᓴᖃᑦᓯᐊᕐᑐᒧᑦ ᑎᑭᐅᑎᑎᒻᒪᓯ, ᑰᒐᓛᖃᐅᑦᓯᐊᕐᑐᒧᑦ ᓄᓇᐅᓪᓗ ᐃᓗᐊᓂᑦ ᑰᖏᓐᓇᕐᑐᖃᕐᑐᒧᑦ ᐃᒪᖃᕐᑐᒧᓪᓗ, ᓇᕐᓴᑎᒍᓪᓗ ᖃᖅᑲᑎᒍᓪᓗ ᑰᖃᐅᕐᑐᒧᑦ.

ᒨᓯᓯ ᑕᓪᓕᒪᖏᑦ 8:7 Iomraidhean Croise

ᒨᓯᓯ ᓯᕗᓪᓖᑦ 49:11

ᑖᑦᓱᒪ ᓄᕐᕋᖅ ᓯᐅᑎᖅᑯᑐᔪᖁᑎᓂ ᕔᓂᒃᓴᓕᖕᒧᑦ ᐃᐱᕈᒫᕐᐹ, ᓯᐅᑎᖅᑯᑐᔪᖁᑎᖓᑕᓕ ᓄᕐᕋᖓ ᕔᓂᒃᓴᓂᑦ ᐱᐅᓂᕐᐹᖑᔪᒧᑦ ᐱᑎᑦᓱᒫᕐᐹ, ᑖᑦᓱᒪ ᐊᓐᓄᕌᓂ ᐃᕐᕈᕐᑐᕈᒫᕐᐰᑦ ᕔᓂᒧᑦ ᐊᓐᓄᕌᓂᓗ ᐃᕐᕈᕐᑐᕈᒫᕐᐰᑦ ᕔᓂᐅᑉ ᐊᐅᖓᓄᑦ;

ᐊᑕᓃᑦ ᐂᑉᐸᖏᑦ 18:32

ᐊᖓᔪᖅᑳᕐᔪᐊᑦᑕ ᓄᓇᑖᕐᑎᓐᓂᐊᕐᐹᓯ ᓄᓇᑦᓯᑐᑦ ᑍᒫᒃ ᐊᔪᕐᓴᕐᓇᖏᑦᑐᒥᒃ ᐸᐅᕐᖓᓂᒃ ᐱᕈᕐᓰᕕᒃᓴᕐᑕᖃᑦᓯᐊᕐᑐᒥᒃ, ᓂᐊᖂᔭᒃᓴᓂᒡᓗ ᐱᕈᕐᑐᖃᑦᓯᐊᕐᑐᒥᒃ ᓇᐹᕐᑐᖃᕐᓗᓂᓗ ᐅᕐᓱᒃᓴᓕᖕᓂᒃ ᕼᐊᓂᖃᑦᓯᐊᕐᓗᓂᓗ, ᐊᖓᔪᖅᑳᕐᔪᐊᑦᑕ ᐱᔪᒪᔭᖓ ᒪᓕᒡᓗᒍ ᐊᖏᕐᓂᐊᕈᑦᓯ ᑐᖁᕋᕐᑕᐅᖏᓪᓗᓯ ᐃᓅᑎᑕᐅᓂᐊᕐᐳᓯ. ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᐊᑕᓂᕐᒧᑦ ᓴᐳᑎᔭᐅᓂᐊᕐᓂᕅᓂᖓᓄᑦ.

ᐃᓐᖏᕈᑎᑦ 104:10

ᓄᓇᐅᑉ ᐃᓗᐊᓂᑦ ᑰᖕᓂᐊᕐᑐᓂᒃ ᓇᕐᓴᓄᑦ ᑎᓕᓯᓯᒪᕗᑎᑦ; ᖃᖅᑬᑦ ᐊᑯᓐᓂᖏᓐᓂ ᑰᒍᓐᓇᖁᓪᓗᒋᑦ.

ᐃᓐᖏᕈᑎᑦ 106:24

ᑕᕝᕙ ᓄᓇᑦᓯᐊᕚᓗᒃ ᓇᕐᕈᒋᓕᓚᐅᕆᕚᑦ, ᐊᖏᕈᑎᒋᓚᐅᕐᑕᖏᑦ ᐅᒃᐱᕆᓚᐅᓐᖏᓐᓇᒥᒋᑦ:

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᐂᓮᐊᓯᐅᑉ ᐊᒡᓚᖏᑦ 36:17

ᐊᐅᓪᓚᕈᑎᓂᐊᕐᐸᑦᓯ ᓇᖕᒥᓂᖅ ᓄᓇᒋᓂᐊᕐᑕᑦᓯᓐᓄᑦ, ᑖᓐᓇ ᓄᓇᑖᕆᓂᐊᕐᑕᓯ ᓄᓇᑦᓯ ᐊᑦᔨᑐᐃᓐᓇᕆᖕᒪᒍ, ᐱᕈᕐᕕᐅᔪᓐᓇᕐᑐᖅ ᓂᐊᖂᔭᒃᓴᓂᒃ ᕔᓂᒃᓮᓪᓗ ᐸᐅᕐᖓᖏᓐᓂᒃ, ᓂᐊᖂᔭᒃᓴᓕᒃ ᕔᓂᒃᓴᖃᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 5:1

ᐃᓐᖏᓚᐅᕐᓚᖓ ᐆᒥᖓ ᓇᒡᓕᒋᔭᓐᓄᑦ, ᓇᒡᓕᖕᓂᕐᒥᒃ ᐃᓐᖏᐅᑎᖃᕐᓗᖓ ᕔᓂᒃᓴᓂᒃ ᐱᕈᕐᓰᕕᖁᑎᖓᓂᒃ; ᓇᒡᓕᒋᔭᕋ ᕔᓂᒃᓴᓂᒃ ᐱᕈᕐᓰᕕᖁᑎᖃᓚᐅᕐᐳᖅ ᐱᕈᕐᕕᐅᑦᓯᐊᕐᓇᕐᑐᒥᒃ ᐱᖒᑉ ᖄᖓᓂ.

ᔨᕆᒤᐊᐅᑉ ᐊᒡᓚᖏᑦ 2:7

ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 17:5

ᓄᓇᑦᓯᓐᓂᑦ ᐱᕈᕐᓯᐊᒃᓴᒥᒃ ᐱᓪᓗᓂ ᐱᕈᕐᓰᕕᖕᒧᑦ ᐃᑦᔪᖃᑦᓯᐊᕐᑐᒧᑦ ᐃᓕᕚ; ᐃᒪᖃᑦᓯᐊᕐᑐᒧᑦ. ᐅᕐᐱᒐᕐᑎᑐᑦ ᐋᖅᑭᒡᓗᒍ,

ᐃᓯᑭᐊᓕᐅᑉ ᐊᒡᓚᖏᑦ 20:6

ᑍᑦᓱᒪᓂ ᐅᓪᓗᒥ ᐅᖃᕕᒃᓗᖓ ᐊᖏᕐᕕᒋᓚᐅᕐᐸᒃᑲ ᐄᑦᔨᑉᑎᒥᑦ ᐊᐅᓪᓚᕐᑎᓛᕐᓂᕋᕐᓗᒋᑦ ᑕᓯᐅᕐᓗᒋᓪᓗ ᓄᓇᒧᑦ ᓄᓇᑖᕆᔭᐅᖁᓪᓗᒍ ᓂᕈᐊᕆᓯᒪᔭᓐᓄᑦ, ᓄᓇᑦᓯᐊᕙᐅᓂᕐᐹᒧᑦ ᓄᓇᒥ ᓂᕿᒃᓴᖃᑦᓯᐊᕐᓇᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ.

ᒨᓯᓯ ᑕᓪᓕᒪᖏᑦ 8:6

ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐱᓇᓱᐊᕐᑕᐅᖁᔭᖓᓂᒃ ᐱᓇᓱᐊᕐᑐᒃᓴᐅᕗᓯ: ᑖᑦᓱᒪ ᐱᖁᔭᖏᑦ ᒪᓕᒡᓗᒋᑦ ᐃᓅᔪᒃᓴᐅᕗᓯ ᐃᓕᕋᒋᓗᒍᓗ.

ᒨᓯᓯ ᑕᓪᓕᒪᖏᑦ 8:8

ᓄᓇᒧᑦ ᓂᐊᖂᔭᒃᓴᖃᕐᑐᒧᑦ ᖃᑯᕐᑕᓂᒃ ᑲᔪᕐᓂᒡᓗ, ᕔᓂᒃᓴᓕᖕᒧᑦ ᐱᒋᓕᒃᓴᓂᒡᓗ ᓇᐹᕐᑐᓕᖕᒧᑦ, ᐳᒥᕐᒍᓁᑎᓂᒡᓗ, ᓇᐹᕐᑐᓕᖕᓄᓪᓗ ᐅᕐᓱᒃᓴᓕᖕᓂᒃ, ᐃᒍᑦᑕᐅᓪᓗ ᓰᕐᓇᐅᑎᖏᓐᓂᒃ ᐱᑕᖃᕐᑐᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 18:10

ᑍᑯᓐᖓᕈᑦᓯᓗ, ᖃᐅᔨᓂᐊᕐᐳᓯ ᐃᓄᐃᑦ ᓂᕆᐅᖏᒻᒪᑕ ᓱᔭᐅᓂᐊᕐᓂᕐᒥᓂᒃ. ᓄᓇᖓ ᐊᖏᔪᒻᒪᕆᐊᓘᖕᒪᑦ; ᓱᓇᑐᐃᓐᓇᓕᒫᖃᕐᑐᖅ ᐃᓅᑉ ᐱᔪᒪᔭᓕᒫᖏᓐᓂᒃ, ᒎᑎᐅᑉ ᑐᓂᕚᓯ ᑖᑦᓱᒥᖓ.”