ᒨᓯᓯ ᑕᓪᓕᒪᖏᑦ 8:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐱᓇᓱᐊᕐᑕᐅᖁᔭᖓᓂᒃ ᐱᓇᓱᐊᕐᑐᒃᓴᐅᕗᓯ: ᑖᑦᓱᒪ ᐱᖁᔭᖏᑦ ᒪᓕᒡᓗᒋᑦ ᐃᓅᔪᒃᓴᐅᕗᓯ ᐃᓕᕋᒋᓗᒍᓗ.

ᒨᓯᓯ ᑕᓪᓕᒪᖏᑦ 8:6 Iomraidhean Croise

ᑯᕉᓂᑲ ᐂᑉᐸᖏᑦ 6:31

ᓯᕘᕋᖁᓪᓗᒋᑦ ᐃᓕᖕᓂᒃ ᐃᓅᖁᓪᓗᒋᓪᓗ ᐊᖅᑯᑎᐅᖁᔭᕐᓂ ᐃᓅᓂᓕᒫᖏᓐᓂ ᓄᓇᒥ ᑐᓂᓚᐅᕐᑕᕐᓂ ᓯᕗᓕᕆᓚᐅᕐᑕᑦᑎᓐᓄᑦ.

ᐃᓐᖏᕈᑎᑦ 128:1

ᑐᓱᓐᓇᕐᐳᑦ ᐊᑕᓂᕐᒥᒃ ᓯᕘᕋᔪᑦ ᑕᒪᕐᒥᒃ, ᐃᓅᓯᖃᕐᑐᓪᓗ ᑖᑦᓱᒪ ᐊᑐᕐᑕᐅᖁᔭᖏᓐᓂᒃ.

ᒨᓯᓯ ᐂᑉᐸᖏᑦ 18:20

ᐱᖁᔭᓂᒡᓗ ᐊᔪᕆᕐᑐᕐᑕᒃᓴᕆᕙᑎᑦ ᑐᑭᓯᑎᓪᓗᒋᓪᓗ ᖃᓄᖅ ᐃᓅᔪᒃᓴᐅᖕᒪᖔᑕ, ᖃᓄᐃᓕᐅᕐᑐᒃᓴᐅᖕᒪᖔᑕᓗ.

ᓘᑲᓯᐅᑉ ᐊᒡᓚᖏᑦ 1:6

ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᒨᓯᓯ ᑕᓪᓕᒪᖏᑦ 5:33

ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”

ᒨᓯᓯ ᑕᓪᓕᒪᖏᑦ 8:5

ᐆᒻᒪᑎᑦᓯᒍᑦ ᖃᐅᔨᔪᒃᓴᐅᕗᓯ, ᐊᑖᑕᐅᑉ ᐃᕐᓂᓂ ᐋᖅᑭᒋᐊᓲᕆᖕᒪᒍ, ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᐋᖅᑭᒋᐊᖃᑦᑕᓚᐅᕆᕚᓯ.

ᒨᓯᓯ ᑕᓪᓕᒪᖏᑦ 8:7

ᐊᑕᓂᐅᑉ ᒎᑎᑦᓯ ᓄᓇᒧᑦ ᓂᕿᒃᓴᖃᑦᓯᐊᕐᑐᒧᑦ ᑎᑭᐅᑎᑎᒻᒪᓯ, ᑰᒐᓛᖃᐅᑦᓯᐊᕐᑐᒧᑦ ᓄᓇᐅᓪᓗ ᐃᓗᐊᓂᑦ ᑰᖏᓐᓇᕐᑐᖃᕐᑐᒧᑦ ᐃᒪᖃᕐᑐᒧᓪᓗ, ᓇᕐᓴᑎᒍᓪᓗ ᖃᖅᑲᑎᒍᓪᓗ ᑰᖃᐅᕐᑐᒧᑦ.

ᓴᒧᐃᓕ ᓯᕗᓪᓖᑦ 12:24

ᐊᑕᓂᕐᓕ ᐃᓕᕋᒋᓯᐅᒃ, ᐱᔨᑦᓯᕐᓗᒍᓗ ᓱᖁᓯᔪᐃᑦᑑᓗᓯ ᐆᒻᒪᑎᓕᒫᑦᓯᓐᓄᑦ; ᐃᖅᑲᐅᒪᓗᓯ ᐱᐅᔪᕐᔪᐊᓂᒃ ᐱᓂᐊᕐᓂᖃᓚᐅᕐᒪᑦ ᐃᓕᑦᓯᓐᓄᑦ.