ᒨᓯᓯ ᑕᓪᓕᒪᖏᑦ 8:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐆᒻᒪᑎᑦᓯᒍᑦ ᖃᐅᔨᔪᒃᓴᐅᕗᓯ, ᐊᑖᑕᐅᑉ ᐃᕐᓂᓂ ᐋᖅᑭᒋᐊᓲᕆᖕᒪᒍ, ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᐋᖅᑭᒋᐊᖃᑦᑕᓚᐅᕆᕚᓯ.

ᒨᓯᓯ ᑕᓪᓕᒪᖏᑦ 8:5 Iomraidhean Croise

ᓴᒧᐃᓕ ᐂᑉᐸᖏᑦ 7:14

ᑖᑦᓱᒪ ᐊᑖᑕᒋᔪᒫᕐᐹᖓ, ᑖᓐᓇᓗ ᐃᕐᓂᕆᔪᒫᕐᐸᕋ. ᑖᓐᓇᓗ ᐊᔪᕐᑐᓕᒃᐸᑦ, ᓱᒋᐊᕈᒫᕐᐸᕋ ᐊᑖᑕᐅᔪᑐᑦ, ᐊᑖᑕᐅᑉ ᓱᒋᐊᕐᓯᕙᖕᓂᖓᑐᑦ ᐃᕐᓂᕐᒥᓂᒃ.

ᐃᓐᖏᕈᑎᑦ 89:32

ᑕᕝᕙ ᐊᔪᕐᓂᖏᑦ ᐊᓇᐅᑕᕐᒧᑦ ᓱᒋᐊᕐᓂᐊᕐᐸᒃᑲ, ᐊᔪᕐᑐᓕᓂᖏᓪᓗ ᑏᒐᕐᑐᕐᑕᐅᓂᕐᒧᑦ;

ᐃᓐᖏᕈᑎᑦ 94:12

ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᓱᒋᐊᕐᑕᐅᔪᖅ ᐃᓕᖕᓄᑦ ᐊᑕᓃᖅ, ᐊᔪᕆᕐᑐᕐᑍᓪᓗ ᐱᖁᔭᕐᓂᑦ ᐱᔪᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:24

ᐃᕐᓂᕐᒥᓂᒃ ᓱᒋᐊᕐᓯᔪᓐᓇᖏᑦᑐᖅ ᐃᕐᓂᕐᒥᓂᒃ ᓇᒡᓕᒍᓱᓐᖏᓚᖅ, ᓇᒡᓕᒍᓱᒃᑐᕐᓕ ᓱᒋᐊᕐᓯᑦᑍᓕᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:11

ᐃᕐᓃᒃ ᐊᑕᓂᐅᑉ ᐋᖅᑭᒋᐊᕐᐸᑎᑦ ᓇᕐᕈᒋᓂᐊᕐᓇᒍ, ᐃᓂᕐᑎᕆᓂᖏᓪᓗ ᑕᖃᒋᓕᕐᓂᐊᕐᓇᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:12

ᐊᑕᓂᐅᑉ ᓇᒡᓕᒋᔭᓂ ᐃᓂᕐᑎᕐᐸᖕᒪᒋᑦ, ᑍᒫᒃᑕᐅᖅ ᐊᑖᑕᐅᑉ ᐃᕐᓂᓐᓇᕆᔭᓂ ᐃᓂᕐᑎᓲᕆᖕᒪᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:14

ᐅᓪᓗᒥᒃ ᐊᔪᕐᓴᖏᑦᓯᐊᕐᓇᕐᑐᖃᕐᐸᑦ ᖁᕕᐊᓱᒋᑦ, ᓇᓪᓕᐅᑎᔪᓪᓕ ᐊᒃᓱᕈᕐᓇᕐᐸᑕ ᐃᒫᒃ ᐃᓱᒪᒋᑦ: ᒎᑎ ᐆᒥᖓ ᓴᓇᓯᒪᕗᖅ ᐊᒻᒪᓗ ᐊᓯᐊᓂᒃ, ᐃᓄᒃ ᓱᓇᒥᒃ ᖃᐅᔨᖁᓇᒍ ᑭᖑᓂᕐᒥᓂ ᖃᓄᐃᑦᑐᖃᕈᒫᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 1:3

ᐃᒻᒧᒃᓯᐅᒊᑦ ᖃᐅᔨᒪᕗᑦ ᐃᓄᖕᒥᖕᓂᒃ, ᓯᐅᑎᖅᑯᕐᑐᔪᓪᓗ ᖃᐅᔨᒪᒋᕗᑦ ᑲᒪᔨᒥᖕᓄᑦ ᓂᕆᑎᑕᐅᕕᒋᕙᒃᑕᒥᖕᓂᒃ; ᐃᓴᕆᐊᓕᒥᐅᓪᓕ ᖃᐅᔨᒪᓐᖏᓚᑦ, ᐃᓄᖁᑎᒃᑲᓗ ᑐᑭᓯᐅᒪᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 12:3

“ᑍᒤᒻᒪᑦ ᐃᓅᑉ ᐃᕐᓂᖓ, ᓇᒃᓴᕐᓂᐊᕐᑕᕐᓂᒃ ᐴᖅᑬᓕᕆᑦ ᐅᓪᓘᓂᖓᓂ ᐊᐅᓪᓚᓕᕆᑦ ᐊᐅᓪᓚᕈᑦᔭᐅᓕᕐᑐᑐᑦ, ᐃᓄᐃᑦ ᑕᑯᓐᓇᕐᑎᓪᓗᒋᑦ; ᐊᐅᓪᓚᓕᕈᕕᑦ ᓄᓇᑦᓯ ᐊᓯᐊᓄᑦ ᐊᐅᓪᓚᕈᑦᔭᐅᓕᕐᑐᑎᑐᑦ ᓄᓇᑦᓯᓐᓂᑦ ᐱᓂᐊᕐᐳᑎᑦ ᑕᑯᓐᓈᕐᑎᓪᓗᒋᑦ. ᐃᒻᒪᖄ ᑐᑭᓯᓂᐊᕐᐳᑦ, ᐊᑭᕋᕐᑐᕐᑎᐅᒐᓗᐊᕐᓗᑎᒃ ᑭᖑᕚᖑᖃᑎᒌᑦ.

ᐃᓯᑭᐊᓕᐅᑉ ᐊᒡᓚᖏᑦ 18:28

ᐃᓱᒪᒃᓴᕐᓯᐅᕈᑎᖃᕐᓂᕐᒥᓄᑦ ᐊᔪᕐᑐᓕᓂᕆᓚᐅᕐᑕᓕᒫᒥᓂᒃ ᕿᒤᒃᐸᑦ, ᑖᓐᓇ ᖁᓚᕐᓇᖏᑦᑐᒥᒃ ᐃᓅᓂᐊᕐᐳᖅ, ᑐᖁᖏᓪᓗᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:32

ᐊᑕᓂᐅᓪᓕ ᐃᖅᑲᕐᑐᕐᐸᒃᐹᑎᒍᑦ ᓱᒋᐊᕐᐸᒡᓗᓂᑎᒍᓪᓗ, ᑍᒤᓕᐅᕐᐸᒃᐹᑎᒍᑦ ᐃᒋᑕᒃᓴᐅᖃᑕᐅᖁᓇᑕ ᓯᓚᕐᔪᐊᕐᒥᐅᓄᑦ.

ᒨᓯᓯ ᑕᓪᓕᒪᖏᑦ 1:31

ᓄᓇᒥᓕ ᐃᓄᖃᖏᑦᑐᒥ, ᑕᑯᓯᒪᒋᕗᓯ ᖃᓄᖅ ᐊᑕᓂᕐᒧᑦ ᒎᑎᑦᓯᓐᓄᑦ ᓴᐳᑎᔭᐅᓯᒪᓚᐅᕐᓂᑦᓯᓐᓂᒃ ᑕᒪᐅᓈᕐᑎᓪᓗᓯ ᓄᓇᒧᑦ ᒪᐅᖓ ᑎᑭᓪᓗᓯ, ᐊᑖᑕᐅᑉ ᐃᕐᓂᕐᒥᓂᒃ ᐊᒡᔭᕐᓯᓲᖑᓂᖓᑐᑦ.’

ᒨᓯᓯ ᑕᓪᓕᒪᖏᑦ 4:23

ᑲᒪᑦᓯᐊᕐᓂᐊᕐᐳᓯᓕ ᐳᐃᒍᖁᓇᓯ ᐊᖏᖃᑎᒌᒍᑎᐅᓯᒪᔪᒥᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᖏᕈᑎᒋᓚᐅᕐᑕᖓᓂᒃ. ᑖᑦᓱᒪᓗ ᐱᖁᔨᓂᖓ ᓈᓚᒡᓗᒍ ᒎᑎᓐᖑᐊᒥᒃ ᖃᓄᐃᑦᑐᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 4:36

ᓂᐱᒥᓂᒡᓗ ᕿᓚᖕᒥᑦ ᑐᓴᕈᓐᓇᕐᑎᓚᐅᕐᐹᓯ ᒪᓕᒐᒃᓴᑦᓯᓐᓂᒃ ᐅᖃᐅᑎᔪᒪᓪᓗᓂᓯ; ᑕᕝᕙᓂᓗ ᓄᓇᕐᔪᐊᕐᒥ ᐃᑯᒪᖁᑎᒥᓂᒃ ᐃᑦᔪᕐᓁᑦᑐᒥᒃ ᑕᑯᑎᓚᐅᕐᐹᓯ, ᑕᕝᕙᓐᖓᓪᓗ ᐅᖃᓪᓚᒡᕕᒋᓪᓗᓂᓯ.

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᒨᓯᓯ ᑕᓪᓕᒪᖏᑦ 8:6

ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐱᓇᓱᐊᕐᑕᐅᖁᔭᖓᓂᒃ ᐱᓇᓱᐊᕐᑐᒃᓴᐅᕗᓯ: ᑖᑦᓱᒪ ᐱᖁᔭᖏᑦ ᒪᓕᒡᓗᒋᑦ ᐃᓅᔪᒃᓴᐅᕗᓯ ᐃᓕᕋᒋᓗᒍᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.