ᒨᓯᓯ ᑕᓪᓕᒪᖏᑦ 8:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᖅᑲᐅᒪᔪᒃᓴᐅᕗᑎᑦ ᐊᑕᓂᐅᑉ ᒎᑎᕕᑦ ᐱᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚᑎᑦ ᐊᔪᕐᓴᕈᓐᓃᖁᓪᓗᑎᑦ. ᑍᒤᓕᐅᕐᐳᕐᓕ ᐅᓪᓗᒥ ᓱᓕ ᓯᕗᓕᕆᓚᐅᕐᑕᑦᓯᓐᓄᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓯᒪᓂᕐᒥᓄᑦ.

ᒨᓯᓯ ᑕᓪᓕᒪᖏᑦ 8:18 Iomraidhean Croise

ᒨᓯᓯ ᓯᕗᓪᓖᑦ 32:14

200ᓂᒃ ᒎᑦᓯᓂᒃ ᐊᕐᓇᓪᓗᖕᓂᒃ, 20ᓂᒡᓗ ᒎᑦᓯᓂᒃ ᐊᖑᓴᓪᓗᕐᓂᒃ, ᓰᐱᓂᒡᓗ ᐊᕐᓇᓪᓗᖕᓂᒃ 200ᓂᒃ, ᓰᐱᓂᒡᓗ ᐊᖑᓴᓪᓗᕐᓂᒃ 20ᓂᒃ,

ᑯᕉᓂᑲ ᓯᕗᓪᓖᑦ 29:12

ᐊᒃᓗᐃᓐᓃᑦ ᐅᐱᓐᓇᕐᓃᓪᓗ ᐃᓕᖕᓂᑦ ᐱᖕᒪᑕ, ᑕᒤᓐᓂᒡᓗ ᐊᐅᓚᑦᓯᔪᑎᑦ. ᐱᔪᓐᓇᕐᓂᖅ ᐊᒡᒐᖕᓃᑉᐳᑦ ᐊᔪᒐᖃᖏᓐᓂᕐᓗ; ᐱᓂᐊᕐᓂᒃᑯᓪᓗ ᐊᖏᔪᕈᕐᑎᑕᐅᓂᖃᕐᐳᖅ ᓲᖑᓂᕐᑖᕐᑐᖃᕐᓗᓂᓗ ᑕᒤᓐᓄᑦ.

ᑯᕉᓂᑲ ᐂᑉᐸᖏᑦ 25:9

ᐊᒪᔧᐊᓗ ᐅᖃᕐᐳᖅ ᒎᑎᐅᑉ ᐃᓄᖁᑎᖓᓄᑦ, “ᖃᓄᐃᓕᐅᕐᑐᒃᓴᐅᓕᕐᐱᑕᓕ ᐊᑭᓕᐅᑎᒋᓚᐅᕐᑕᒃᑲ 100 ᑖᓚᓐᑏᑦ ᐅᓇᑕᕐᑐᒃᓴᓄᑦ ᐃᓴᕆᐊᓕᒥᐅᓅᑦ ᐱᑦᔪᑎᒋᓗᒋᑦ?” ᒎᑎᐅᑉ ᐃᓄᖁᑎᖓ ᑭᐅᕗᖅ, “ᐊᑕᓂᐅᑉ ᑖᒃᑯᓇᓐᖓᑦ ᐅᓄᕐᓂᕐᓴᓂᒃ ᑐᓂᓯᕕᒋᔪᓐᓇᕐᐹᑎᑦ.”

ᐃᓐᖏᕈᑎᑦ 144:1

ᐊᑕᓂᖅ ᓂᕐᑐᕐᑕᐅᓕ ᕾᕐᑐᕆᔭᕋ, ᐊᒡᒐᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᓇᑕᕐᓂᕐᒧᑦ, ᐊᑐᐃᓐᓇᕈᕐᑎᓯᒪᓪᓗᓂᖓᓗ ᐅᓇᑕᕆᐊᕐᓂᕐᒧᑦ.

ᐃᓐᖏᕈᑎᑦ 44:3

ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:22

ᐊᑕᓂᐅᑉ ᓮᒻᒪᕐᑎᑦᓯᓂᖓ ᐊᒃᓗᐃᑎᑦᓯᕗᑦ, ᕿᒃᓵᖕᓇᕐᑐᓂᒡᓗ ᐃᓚᓯᒪᓇᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:1

ᐱᓐᖑᕐᑎᑎᔩᑦ ᐃᖅᑲᐅᒪᓕᕈᒃ ᐃᓅᓱᒃᑑᓂᕕᑦ ᐅᓪᓗᖏᓐᓂ, ᐅᓪᓗᐃᓪᓗ ᐅᖁᒤᑦᑐᑦ ᑎᑭᓚᐅᖏᓐᓂᖏᓐᓂ, ᐅᑭᐅᓪᓗ ᐃᓱᓕᓕᕐᐸᑕ ᐅᖃᕈᒫᕋᕕᑦ, “ᑍᒃᑯᓇᓂ ᖁᕕᐊᓇᕐᑐᒥᒃ ᖃᐅᔨᓚᐅᖏᓚᖓ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 23:27

ᐃᓱᒪᖃᑦᑕᕐᒪᑕ ᓯᓐᓇᒃᑐᕆᔭᒥᖕᓂᒃ ᐅᓂᒃᑳᖃᑦᑕᕐᓂᕐᒥᖕᓄᑦ ᐃᓄᖁᑎᓐᓂᒃ ᐳᐃᒍᕐᑎᑦᓯᔪᓐᓇᕋᓱᒋᓪᓗᑎᒃ ᐅᕙᓐᓂᒃ, ᓯᕗᓕᕆᔭᓯᑦᑕᐅᖅ ᐅᕙᓐᓂᒃ ᐳᐃᒍᕐᑎᑕᐅᓚᐅᕐᒪᑕ ᐰᓕᒧᑦ ᑐᒃᓯᐊᖃᑦᑕᓕᕋᒥᒃ.

ᕼᐆᓯᐊᑉ ᐊᒡᓚᖏᑦ 2:8

“ᖃᐅᔨᒪᓐᖏᓚᕐᓕ ᐅᕙᖓ ᓂᐊᖂᔭᒃᓴᒥᒃ ᑐᓂᓚᐅᕋᒃᑯ, ᕔᓂᒥᒃ, ᐅᕐᓱᒥᒡᓗ, ᓯᐅᓪᕕᕆᓂᒃ ᒎᓗᓂᒡᓗ ᐊᑐᓚᐅᕐᑕᓕᒫᖏᓐᓂᒃ ᑖᒃᑯᐊᓗ ᐱᔨᑦᓯᕈᑎᒋᓚᐅᕐᐰᑦ ᐰᓕᒥᒃ.

ᒨᓯᓯ ᑕᓪᓕᒪᖏᑦ 26:10

ᑕᑯᒋᓪᓗ, ᒫᓐᓇ ᐊᑕᓂᕐᒧᑦ ᕾᑦᓯᕗᖓ ᐅᕙᓐᓄᑦ ᑐᓂᓯᒪᔭᖓᑕ ᓄᓇᐅᑉ ᓯᕗᓪᓕᕐᐹᒥᒃ ᐱᕈᕐᑐᕕᓂᖏᓐᓂᒃ.’ “ᑕᕝᕙ ᐃᕕᐅᔭᖅ ᐴᕆᔧᑦ ᐃᓕᓗᒍ ᐊᑕᓂᐅᑉ ᒎᑎᕕᑦ ᓵᖓᓄᑦ, ᑕᕝᕙᓂ ᐅᐱᒋᓗᒍ ᑐᒃᓯᐊᕐᕕᒋᔭᒃᓴᕆᕙᑦ ᐊᑕᓂᖅ ᒎᑏᑦ.

ᒨᓯᓯ ᑕᓪᓕᒪᖏᑦ 6:11

ᐃᒡᓗᐃᓪᓗ ᑖᒃᑯᐊ ᐱᐅᔫᑎᐊᓗᖕᓂᒃ ᑕᑕᓐᓂᐊᕐᐳᑦ ᑕᕝᕗᖓ ᐃᓕᐅᕋᓚᐅᓐᖏᑕᑦᓯᓐᓂᒃ, ᐃᒥᕐᑕᕐᕕᖃᐅᕐᓂᐊᕐᐳᓪᓗ ᐃᑎᕐᓴᓕᐊᕆᓚᐅᓐᖏᑕᑦᓯᓐᓂᒃ, ᕔᓂᒃᓴᓂᒃ ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕐᕕᖏᓐᓂᒃ ᐱᑕᖃᕈᒫᕐᐳᖅ ᑲᓐᖓᕐᓱᓚᐅᓐᖏᑕᑦᓯᓐᓂᒃ. ᐊᑕᓂᐅᑉ ᑕᕝᕗᖓ ᓄᓇᒧᑦ ᑎᑭᐅᑎᑎᒍᓂᓯ ᓂᕆᔪᒪᔪᓐᓇᕐᑕᓕᒫᑦᓯᓐᓂᒃ ᑕᒪᓐᓇ ᓄᓇ ᐱᑕᖃᕈᒫᕐᐳᖅ,

ᒨᓯᓯ ᑕᓪᓕᒪᖏᑦ 7:12

“ᑖᒃᑯᓂᖓ ᐱᖁᔨᑦᔪᑎᓂᒃ ᓈᓚᒃᑯᕕᑦ ᒪᓕᑦᓯᐊᕈᕕᒋᓪᓗ ᓱᖁᓯᔪᐃᑦᑑᓗᑎᑦ, ᑕᕝᕙ ᐊᑕᓂᐅᑉ ᒎᑎᕕᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᕕᒋᓂᐊᕐᐹᑎᑦ ᓇᒡᓕᒍᓱᖕᓂᕐᒥᓂᒡᓗ ᑍᒪᓐᖓᑦ ᖃᐅᔨᑎᖃᑦᑕᕐᓂᐊᕐᐹᑎᑦ, ᑕᒪᑐᒥᖓ ᓯᕗᓕᕕᓂᕐᓯ ᐊᖏᕐᕕᒋᓯᒪᖕᒪᒋᑦ;

ᒨᓯᓯ ᑕᓪᓕᒪᖏᑦ 7:8

ᐊᑕᓂᐅᓪᓕ ᓇᒡᓕᒋᕚᓯ, ᐊᖏᕈᑎᒋᓚᐅᕐᑕᓂᓗ ᓯᕗᓕᕕᓂᑦᓯᓐᓄᑦ ᑲᔪᓯᑎᑦᑐᒪᓯᒪᕚ. ᑍᒤᒻᒪᑦ ᑕᕝᕙ ᐱᐅᓕᓚᐅᕐᐹᓯ ᐱᔪᓐᓇᕐᓂᕐᔪᐊᒥᓄᑦ ᐃᓖᔭᕆᔭᐅᓂᕐᒥᓪᓗ ᐲᕐᑎᓪᓗᓂᓯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᒨᓯᓯ ᑕᓪᓕᒪᖏᑦ 8:1

“ᐱᖁᔭᓕᒫᑦ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᔭᒃᑲ ᓈᓚᒃᑕᒃᓴᕆᕙᓯ, ᐃᓅᔪᓐᓇᖁᓪᓗᓯ ᐅᓄᕐᓯᕙᓪᓕᐊᔪᓐᓇᖁᓪᓗᓯᓗ, ᓄᓇᑖᕈᓐᓇᖁᓪᓗᓯᓗ ᐊᑕᓂᐅᑉ ᑐᓂᓂᐊᕐᓂᕋᕐᓯᒪᔭᖓᓂᒃ ᓯᕗᓕᕕᓂᑦᓯᓐᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 3:7

ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 7:2

ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐃᓄᐃᑦ ᓇᔪᕐᑎᒋᔭᑎᑦ ᐅᓄᓗᐊᕐᒪᑕ ᓵᓚᖃᕐᑎᓐᓂᐊᕈᒃᑭᑦ ᒥᑎᐊᓂᒥᐅᓂᒃ. ᐃᓴᕆᐊᓕᒥᐅᑦ ᐅᕙᓐᓄᑦ ᐃᓱᒪᑐᐃᓐᓇᕆᐊᖃᕐᒪᑕ ᐱᑦᔪᑎᔭᐅᔪᕆᖏᓪᓗᑎᒃ, ᐅᖃᕐᓗᑎᒃ, ‘ᐅᕙᑦᑎᓐᓂᒃ ᓵᓚᖃᓚᐅᕐᐳᒍᑦ.’

ᓴᒧᐃᓕ ᓯᕗᓪᓖᑦ 2:7

ᐊᑕᓂᐅᑉ ᐊᒃᓗᔪᑦ ᐊᒃᓗᐃᑦᑐᕈᕐᑎᑉᐰᑦ; ᐃᓚᖏᑦ ᒥᑭᒡᓕᑎᑉᐰᑦ, ᐊᓯᖏᓪᓗ ᐊᖏᔪᕈᕐᑎᓪᓗᒋᑦ.