ᒨᓯᓯ ᑕᓪᓕᒪᖏᑦ 8:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓂᕆᔪᒪᔭᓕᒫᑦᓯᓐᓂᒃ ᓂᕆᖃᑦᑕᓕᕐᑎᓪᓗᓯ ᐃᒡᓗᑦᓯᐊᕙᖕᓂᒡᓗ ᓴᓇᓯᒪᓕᕐᑎᓪᓗᓯ ᐊᖏᕐᕋᖃᓕᕐᑎᓪᓗᓯᓗ,

ᒨᓯᓯ ᑕᓪᓕᒪᖏᑦ 8:12 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:4

ᐊᖏᔪᓂᒃ ᐱᔭᒃᓴᓂᒃ ᐱᓇᓱᐊᓚᐅᕐᐳᖓ, ᐃᒡᓗᓂᒡᓗ ᓇᖕᒥᓂᒃᓴᓐᓂᒃ ᓴᓇᓚᐅᕐᐳᖓ; ᕔᓂᒃᓴᓕᐅᕐᕕᖕᓂᒃ ᐱᕈᕐᓰᕕᖕᓂᒃ ᓇᖕᒥᓂᒃᓴᓐᓂᒃ ᓴᓇᓚᐅᕐᐳᖓ.

ᐃᓯᑭᐊᓕᐅᑉ ᐊᒡᓚᖏᑦ 11:3

ᐅᖃᖃᑦᑕᕐᒪᑎᒃ, ᐃᒡᓗᓕᐅᖃᑦᑕᕐᓂᒃᓴᖅ ᒫᓐᓇᒃᑯᑦ ᓇᓪᓕᐅᑎᓂᐊᓐᖏᓚᖅ; ᐃᒡᓗᒐᓴᒡᔪᐊᑦ ᐅᒃᑯᓯᒃᑐᑦ ᑍᒤᒻᒪᑕ, ᐅᕙᒍᓪᓗ ᐅᒃᑯᓯᐅᑉ ᐆᒋᖏᑎᑐᑦ ᑍᒤᑦᑑᓪᓗᑕ.

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᕼᐊᒊᑉ ᐊᒡᓚᖏᑦ 1:4

“ᐊᑲᐅᓈᕐᓯᒪᕚ ᐃᓕᑦᓯ ᐃᒡᓗᖃᑦᓯᐊᕐᑐᐊᓘᑎᓪᓗᓯ, ᐊᑕᓂᐅᑉ ᐃᒡᓗᖓ ᓱᕋᒃᓯᒪᑎᓪᓗᒎ?

ᓘᑲᓯᐅᑉ ᐊᒡᓚᖏᑦ 17:28

ᓲᕐᓗᑦᑕᐅᖅ ᓘᑎ ᐃᓅᑎᓪᓗᒍ ᐃᓄᐃᑦ ᓂᕆᓚᐅᕐᐳᑦ, ᐃᒥᕐᓗᑎᒡᓗ, ᓂᐅᕕᕐᓗᑎᒃ, ᓂᐅᕐᕈᑎᖃᕐᓗᑎᒡᓗ, ᓂᕿᒃᓴᓂᒃ ᐱᕈᕐᓰᕗᑦ, ᐃᒡᓗᓕᐅᕐᓗᑎᒡᓗ,

ᒨᓯᓯ ᑕᓪᓕᒪᖏᑦ 28:47

ᐊᑕᓂᐅᑉ ᓮᒻᒪᕐᑎᓯᒪᓚᐅᕐᒪᓯ ᑕᒤᑎᒍᑦᓯᐊᖅ, ᐱᔨᑦᓯᓚᐅᓐᖏᓚᓯᓕ ᖁᕕᐊᓱᖕᓂᕐᒧᑦ ᐊᓕᐊᓁᒍᓱᖕᓂᕐᒧᓪᓗ ᐆᒻᒪᑎᒃᑯᑦ.

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 6:10

“ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᓯᕗᓕᓯ ᐊᖏᕐᕕᒋᓚᐅᕐᒪᒋᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᓄᓇᒥᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᐊᖏᔪᒥᒃ ᐊᔪᕐᓴᕐᓇᖏᑦᑐᒥᒡᓗ ᐃᒡᓗᒐᓴᒡᔪᐊᓂᒡᓗ ᐃᓕᑦᓯ ᓇᖕᒥᓂᖅ ᓴᓇᓚᐅᓐᖏᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 8:13

ᐆᒪᔪᖁᑎᓯᓗ ᐃᒻᒧᒃᓯᐅᒊᑦ ᓰᐱᖁᑎᓯᓗ ᐅᓄᕐᓯᕙᓪᓕᐊᒃᐸᑕ, ᓯᐅᓪᕕᕆᖁᑎᓯᓗ ᒎᓗᖁᑎᓯᓗ ᐅᓄᕐᓯᕙᓪᓕᐊᖕᒥᓗᑎᒃ, ᐊᓯᓕᒫᖏᓪᓗ ᐱᖁᔭᓯ ᐅᓄᕐᓯᕙᓪᓕᐊᓯᒪᓕᕐᐸᑕ,