ᒨᓯᓯ ᑕᓪᓕᒪᖏᑦ 7:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒤᓕᐅᕐᑐᒃᓴᐅᕗᓯ ᐃᓕᑦᓯ ᐊᑕᓂᐅᑉ ᒎᑎᑦᓯ ᐃᓄᖁᑎᒋᖕᒪᓯ ᐃᑦᔪᕐᓁᑎᑕᐅᔪᑦ ᑖᑦᓱᒧᖓ. ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᓯ ᓇᖕᒥᓂᖅ ᐃᓄᖁᑎᒋᓗᓂᓯ ᑖᑦᓱᒧᖓ ᐱᒋᔭᐅᖁᓪᓗᓯ, ᓯᓚᕐᔪᐊᕐᒥᐅᑦ ᐃᓄᓕᒫᖏᓐᓂᑦ ᓂᕈᐊᕐᑕᐅᓯᒪᒐᑦᓯ.

ᒨᓯᓯ ᑕᓪᓕᒪᖏᑦ 7:6 Iomraidhean Croise

ᐊᑕᓃᑦ ᓯᕗᓪᓖᑦ 3:8

ᐱᔩᓪᓗ ᐃᓄᖁᑎᕕᑦ ᐊᑯᕐᖓᓐᓃᑉᐳᖅ ᓂᕈᐊᕆᓚᐅᕐᑕᕕᑦ, ᐃᓄᒋᐊᒃᑐᕐᔪᐊᑦ, ᐊᒡᓛᑦ ᐅᓄᓗᐊᕐᓂᖏᓐᓄᑦ ᓈᓴᕐᑕᐅᔪᓐᓇᖏᑦᑐᑦ.

ᐄᓱᕋᐅᑉ ᐊᒡᓚᖏᑦ 9:2

ᐊᖑᑏᑦ ᔫᑎᑦ ᓄᓕᐊᓂᒃᓯᒪᖕᒪᑕ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᐊᕐᓇᓂᒃ, ᒎᑎᐅᓪᓗ ᐃᓄᖁᑎᖏᑦ ᐃᑦᔪᕐᓁᑦᑐᑦ ᓱᕈᕐᑕᐅᓯᒪᖕᒪᑕ, ᓯᕗᓕᕐᑏᑦ ᐱᓇᓱᐊᕐᑏᓪᓗ ᐊᖓᔪᖅᑳᖏᑦ ᓱᕅᓂᕐᐸᐅᓯᒪᕗᑦ.

ᐃᓐᖏᕈᑎᑦ 114:2

ᔫᑕ ᐊᑕᓂᐅᑉ ᐃᑦᔪᕐᓁᑦᑐᕕᖁᑎᑖᕆᓚᐅᕐᐹ, ᐃᓴᕆᐊᓕᓗ ᐊᖓᔪᖅᑳᖃᕐᕕᒋᓕᕐᓱᓂᐅᒃ.

ᐃᓐᖏᕈᑎᑦ 135:4

ᐊᑕᓂᐅᑉ ᔧᑯ ᓂᕈᐊᓚᐅᕐᒪᒍ ᓇᖕᒥᓂᕆᔪᒪᓪᓗᒍ, ᐃᓴᕆᐊᓕᓗ ᓇᖕᒥᓂᖅ ᐱᖁᑎᒋᔪᒪᓪᓗᓂᐅᒃ.

ᐃᓐᖏᕈᑎᑦ 50:5

“ᑲᑎᒋᑦᓯ ᐅᕙᓐᓄᑦ ᐃᑦᔪᕐᓁᑦᑐᖁᑎᒃᑲ, ᐊᖏᖃᑎᒌᒍᑎᓕᐅᕐᓯᒪᔪᑦ ᐅᕙᓐᓄᑦ ᑐᓂᕐᕈᑎᒃᓴᒃᑯᑦ.”

ᒨᓯᓯ ᐂᑉᐸᖏᑦ 6:7

ᐃᓄᖁᑎᑖᕆᓂᐊᕐᐸᑦᓯᓗ, ᐃᓕᑦᓯᓐᓄᓪᓗ ᒎᑎᒋᔭᐅᓂᐊᕐᐳᖓ; ᖃᐅᔨᓕᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᒋᔭᓯ, ᐊᐅᓪᓚᕐᑎᑦᓯᔨᒋᓚᐅᕐᑕᓯ ᐄᑦᔨᑉᑎᒥᐅᑦ ᐅᖁᒤᒃᓴᕐᑎᑦᓯᓂᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 41:8

ᐃᕝᕕᓪᓕ, ᐃᓴᕆᐊᓪ ᐱᔨᒋᕙᒋᑦ ᔧᑰ, ᓂᕈᐊᓚᐅᕐᐸᒋᑦ, ᐃᓚᓐᓈᒪ ᐂᑉᕋᕼᐋᒻ ᑭᖑᕚᖓ.

ᐂᓮᐊᓯᐅᑉ ᐊᒡᓚᖏᑦ 41:9

ᑎᒍᓚᐅᕐᐸᒋᑦ ᓄᓇᕐᔪᐊᑉ ᐃᓱᐊᓂᑦ, ᐅᖓᓯᖕᓂᕐᐹᓂᓪᓗ ᕾᖁᓯᒪᕙᒋᑦ, ᐅᖃᐅᑎᓪᓗᑎᓪᓗ, ‘ᐱᔨᒋᕙᒋᑦ, ᓂᕈᐊᕐᓯᒪᒐᒃᑭᑦ ᖁᔭᓈᕐᓯᒪᓐᖏᓚᒋᑦ.’

ᐂᓮᐊᓯᐅᑉ ᐊᒡᓚᖏᑦ 6:13

ᐃᓄᐃᑦ ᖁᓕᐅᑦᔪᑎᖏᑦ ᕿᒪᒃᑕᐅᓯᒪᔪᑦ ᐊᒥᐊᒃᑯᒋᔭᐅᓕᕐᐸᑕ, ᑖᒃᑯᐊᑦᑕᐅᖅ ᐃᑯᐊᓪᓚᒃᑎᑕᐅᔪᒫᕆᕗᑦ, ᓇᐹᕐᑐᑐᓪᓗ ᐆᒃᒥᒃ ᐊᑎᓕᐅᑉ ᑭᐱᓯᒪᔫᑉ ᒪᓐᖑᖓᑦ ᓄᓇᒦᖏᓐᓇᓲᖑᖕᒪᑦ ᓇᑲᑕᐅᓯᒪᓂᖓ. ᑍᒫᒃᑕᐅᖅ ᐃᑦᔪᕐᓁᑦᑐᖅ ᑲᓐᖓᕐᓲᑎᒃᓴᖅ ᓇᐹᕐᑑᑉ ᒪᓐᖑᖓᓃᑦᓱᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 2:3

ᐃᓴᕆᐊᓕ ᐃᑦᔪᕐᓁᓚᐅᕐᐳᖅ ᐊᑕᓂᕐᒧᑦ; ᓯᕗᓪᓕᕐᐸᐅᕗᖅ ᐸᐅᕐᖓᓂ ᐱᕈᕐᑐᓂᑦ ᑲᑎᕐᓱᐃᕕᖕᒥ, ᓂᕆᔪᓕᒪᑦ ᐸᓯᔭᒃᓴᐅᓕᕐᐳᑦ; ᐱᐅᖏᑦᑐᓄᑦ ᑎᑭᑕᐅᕗᑦ, ᐅᕙᖓ ᐊᑕᓂᐅᔪᖓ ᐅᖃᕐᐳᖓ.”

ᐃᓯᑭᐊᓕᐅᑉ ᐊᒡᓚᖏᑦ 20:5

ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑍᑦᓱᒪᓂ ᐃᓴᕆᐊᓕᒥᐅᑦ ᓂᕈᐊᕋᒃᑭᑦ, ᐊᖏᒻᒪᕆᒡᕕᒋᓚᐅᕐᐸᒃᑲ ᔧᑰᑉ ᑭᖑᕚᖏᑕ ᓯᕗᓕᖏᑦ, ᐅᕙᓐᓂᒡᓗ ᖃᐅᔨᑎᓪᓗᒋᑦ ᐄᑦᔨᑉᑎᒦᑎᓪᓗᒋᑦ, ᐊᖏᕐᕕᒋᓪᓗᒋᑦ ᐅᖃᐅᑎᓚᐅᕐᐸᒃᑲ, ‘ᐅᕙᖓᐅᕗᖓ ᐊᑕᓂᖅ ᒎᑎᓯ.’

ᒨᓯᓯ ᐱᖓᔪᖏᑦ 20:24

ᐃᓕᑦᓯᓕ ᐅᖃᐅᑎᕙᑦᓯ ᓄᓇ ᐱᑖᕆᓂᐊᕋᓯᐅᒃ; ᐃᓕᑦᓯᓐᓄᑦ ᑐᓂᓂᐊᕋᒃᑯ, ᓄᓇ ᐊᔪᕐᓴᕐᓇᖏᑦᑐᖅ ᐱᕈᕐᕕᐅᑦᓯᐊᕈᓐᓇᕐᑐᕐᓗ ᐱᑖᕆᓂᐊᕋᑦᓯᐅᒃ. ᐅᕙᖓ ᐊᑕᓂᐅᒐᒪ ᒎᑎᓯ, ᓴᓂᕐᕙᒃᑎᓯᒪᒐᑦᓯ ᐃᓅᖃᑎᒌᒡᔪᐊᓂᑦ.

ᒨᓯᓯ ᐱᖓᔪᖏᑦ 20:26

ᐃᓕᑦᓯᓐᓂᒃ ᐃᑦᔪᕐᓁᑎᒋᑦᓯ ᐅᕙᖓ ᐊᑕᓂᐅᒐᒪ ᐃᑦᔪᕐᓁᑦᑐᖅ. ᐃᓅᖃᑎᒌᒡᔪᐊᓂᑦ ᑎᒍᓚᐅᕋᑦᓯ ᓇᖕᒥᓂᕆᔪᒪᓪᓗᓯ.

ᐂᒨᓯᐅᑉ ᐊᒡᓚᖏᑦ 3:2

“ᐃᓚᒌᒃᑐᓕᒫᓂᑦ ᓄᓇᕐᔪᐊᒥ ᖃᓂᒋᔭᑐᐊᕆᓯᒪᕙᑦᓯ; ᑍᒤᒻᒪᑦ ᐊᔪᕐᑐᓕᓂᓯ ᒪᓕᒡᓗᒋᑦ ᓱᒋᐊᕐᓂᐊᕐᐸᑦᓯ.”

ᒪᓚᑬᑉ ᐊᒡᓚᖏᑦ 3:17

“ᑖᒃᑯᐊ ᐱᒋᔪᒫᕐᐸᒃᑲ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐱᒃᑯᒥᓇᕐᑐᖁᑎᓐᓂᒃ ᐱᓇᓱᐊᕐᓂᒃᓴᕋ ᐅᓪᓗᖅ ᓇᓪᓕᐅᑎᒃᐸᑦ, ᑖᒃᑯᐊ ᓂᑲᒋᔪᒫᕐᐹᒃᑲ ᐃᓅᑉ ᐃᕐᓂᕐᒥᓂᒃ ᐱᔨᑦᓯᕐᑎᒋᔭᒥᓂᒃ ᓂᑲᒍᓱᒃᐸᖕᓂᖓᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:17

ᐃᓄᐃᑦ ᐃᓴᕆᐊᓕᒥᐅᑦ ᒎᑎᖓᑦᑕ ᓯᕗᓕᕕᓂᕗᑦ ᓂᕈᐊᓚᐅᕐᐰᑦ, ᐃᓄᒋᐊᒃᑐᐊᓘᓕᕐᑎᓚᐅᕐᐰᑦ ᐄᑦᔨᑉᑎᒥ ᓄᓇᖃᕐᑎᓪᓗᒋᑦ, ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᐰᑦ ᐄᑦᔨᑉᑎᒥᑦ.

ᕉᒪᒥᐅᓄᑦ 9:4

ᑖᒃᑯᐊ ᐃᓴᕆᐊᓕᒥᐅᖑᕗᑦ; ᕿᑐᕐᖓᐅᓂᕐᒥᒡᓗ ᐱᖃᕐᐳᑦ, ᓂᕐᑐᕐᓇᕐᓂᕐᒥᒃ ᖃᐅᔨᑎᓯᒪᕔᑦ; ᐊᖏᖃᑎᒌᖕᓂᕐᒥᒡᓗ ᐱᑎᓯᒪᓪᓗᒋᑦ, ᐱᖁᔭᓂᒃ ᑐᓂᓯᕕᒋᓯᒪᕔᑦ, ᑐᒃᓯᐊᖃᑦᑕᕐᓂᕐᒥᒡᓗ ᐊᑐᕐᐳᑦ, ᐊᖏᕐᕕᒋᓯᒪᓪᓗᓂᖏᓪᓗ;

ᒨᓯᓯ ᑕᓪᓕᒪᖏᑦ 14:2

ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑎᒋᔭᐅᒐᑦᓯ ᐃᑦᔪᕐᓁᑦᑐᖁᑎᒋᔭᐅᓪᓗᓯ, ᐊᑕᓂᐅᑉ ᓂᕈᐊᕐᓯᒪᖕᒪᓯ ᓇᖕᒥᓂᕆᔪᒪᓪᓗᓯ, ᓄᓇᕐᔪᐊᕐᒦᑦᑐᓕᒫᑦ ᐊᑯᕐᖓᓐᓂᑦ.”

ᒨᓯᓯ ᑕᓪᓕᒪᖏᑦ 14:21

“ᓂᕐᔪᑎᓂᒃ ᐃᒻᒥᖕᓂᒃ ᑐᖁᔪᕕᓂᕐᓂᒃ ᓂᕆᔪᒃᓴᐅᓐᖏᓚᓯ; ᓄᓇᖃᑎᑐᖃᕆᓐᖏᑕᑦᓯᓐᓄᑦ ᓄᓇᑦᓯᓐᓃᑦᑐᒧᑦ ᑐᓂᔪᓐᓇᕐᐸᓯ ᓂᕆᔭᐅᖁᓪᓗᒋᑦ ᑖᒃᑯᓄᖓ, ᐅᕝᕙᓗ ᓄᓇᖃᑎᒋᓐᖏᑕᑦᓯᓐᓄᑦ ᐊᓯᑦᓯᓐᓃᑦᑐᓄᑦ ᓂᐅᕐᕈᑎᒋᔪᓐᓇᕐᐸᓯ; ᐃᓕᑦᓯᓕ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖁᑕᐅᕗᓯ ᐃᑦᔪᕐᓁᑦᑑᓪᓗᓯ. “ᒎᑦᓰᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᓯ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᑕᓪᓕᒪᖏᑦ 26:18

ᐅᓪᓗᒥ ᐊᑕᓂᐅᑉ ᐃᓚᓕᐅᓕᕐᐹᓯ ᓇᖕᒥᓂᖅ ᐃᓄᖁᑎᒋᔪᒪᓪᓗᓯ, ᑕᒪᑐᒥᖓ ᐊᖏᕐᕕᒋᓯᒪᖕᒪᓯ, ᑖᑦᓱᒪᓗ ᐱᖁᕚᓯ ᐱᖁᔭᖏᓐᓂᒃ ᑕᒤᓐᓂᒃ ᒪᓕᖁᓪᓗᓯ.

ᒨᓯᓯ ᑕᓪᓕᒪᖏᑦ 26:19

ᐱᓐᖑᕐᑎᓯᒪᔭᓕᒫᒥᓂᓪᓗ ᐃᓅᖃᑎᒌᒡᔪᐊᓕᒫᓂᑦ ᐊᔪᖏᓐᓂᕐᓴᐅᑎᓐᓂᐊᕐᐹᓯ, ᑖᓐᓇᓗ ᓂᕐᑐᕐᓇᕐᓯᑎᓐᓂᐊᕐᐸᓯ ᐊᑎᖓᓗ ᐅᐱᓐᓇᕐᓯᑎᓪᓗᒍ. ᑖᑦᓱᒪᓗ ᓇᖕᒥᓂᕆᓗᓂᓯ ᐃᓄᖁᑎᒋᓂᐊᕐᐹᓯ, ᑕᒪᓐᓇ ᐊᖏᕈᑎᒋᓯᒪᖕᒪᒍ.”

ᒨᓯᓯ ᑕᓪᓕᒪᖏᑦ 28:9

“ᐊᑕᓂᖅ ᒎᑎᓯ ᓈᓚᖕᓂᐊᕈᑦᓯᐅᒃ ᑖᑦᓱᒪᓗ ᐱᖁᔨᓂᓕᒫᖏᑦ ᒪᓕᖕᓂᐊᕈᑦᓯᒋᒃ, ᑕᕝᕙ ᐃᓄᖁᑎᑖᕆᓂᐊᕐᐹᓯ ᓇᖕᒥᓂᕐᑖᕆᓗᓂᓯ, ᑕᒪᓐᓇ ᐅᖃᕕᒍᑎᒋᓯᒪᖕᒪᒍ.

ᒨᓯᓯ ᑕᓪᓕᒪᖏᑦ 33:3

ᑖᑦᓱᒪ, ᐃᓄᖁᑎᓂ ᓇᒡᓕᒋᓚᐅᕐᐰᑦ; ᐃᑦᔪᕐᓁᑎᑕᐅᓯᒪᔪᓕᒫᑦ ᑖᑦᓱᒪ ᑎᒍᒥᐊᓚᐅᕐᐰᑦ; ᑭᖑᓂᖓᓂᓗ ᐱᓱᓚᐅᕐᐳᑦ ᒪᓕᒡᓗᑎᒃ, ᓇᒧᓐᖓᐅᓂᕐᒥᒃ ᐊᔪᕆᕐᑐᕐᑕᐅᓪᓗᑎᒃ ᐃᓕᖕᓄᑦ,

ᒨᓯᓯ ᑕᓪᓕᒪᖏᑦ 4:20

ᐃᓕᑦᓯᓕ ᑖᑦᓱᒪ ᐄᑦᔨᑉᑎᒥᑦ ᐱᐅᓕᓚᐅᕐᐹᓯ, ᑕᕝᕙᓐᖓᑦ ᐅᖅᑰᓯᓴᐅᑎᐊᓗᒃᑎᑐᑦ ᐃᑯᒪᔪᑎᑐᑦ ᑍᒤᑦᑐᒥᑦ. ᑕᕝᕙᓐᖓᑦ ᐊᓂᑎᓚᐅᕐᐹᓯ ᓇᖕᒥᓂᕆᓗᓂᓯ ᐃᓄᖁᑎᑖᕆᔪᒪᓪᓗᓂᓯ, ᓲᕐᓗ ᐅᓪᓗᒥ ᐃᓄᖁᑎᒋᔭᐅᒐᑦᓯ ᑖᑦᓱᒧᖓ.

ᒨᓯᓯ ᑕᓪᓕᒪᖏᑦ 4:37

ᓯᕗᓕᕕᓂᕐᓯ ᓇᒡᓕᒋᒐᒥᒋᑦ, ᑕᕝᕙ ᓂᕈᐊᓚᐅᕐᐹᓯ, ᐱᔪᓐᓇᕐᓂᕐᔪᐊᕐᒥᓄᑦ ᓇᖕᒥᓂᖅ ᐊᓂᑎᓚᐅᕐᐹᓯ ᐄᑦᔨᑉᑎᒥᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.

ᐲᑦᑐᕉᓯ ᐂᑉᐸᖏᑦ 2:5

ᓯᓚᕐᔪᐊᑐᖃᕐᒥᓗ ᓂᑲᒍᓱᓚᐅᓐᖏᓚᖅ, ᐱᐅᓕᓯᓚᐅᕐᐳᕐᓕ ᓄᐊᒥᒃ, ᐊᔪᕆᕐᑑᓯᖃᓚᐅᕐᒪᑦ ᓇᓛᒎᕐᑐᒥᒃ, ᐃᓚᖃᕐᑎᓪᓗᒍ 7ᓂᒃ, ᐅᓕᕕᒡᔪᐊᖃᕐᑎᑦᓯᓚᐅᕐᐳᖅ ᒎᑎᖃᖏᑦᑐᓄᑦ ᓯᓚᕐᔪᐊᕐᒥ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᓴᒧᐃᓕ ᓯᕗᓪᓖᑦ 12:22

ᐊᑕᓂᐅᑉ ᐃᓄᖁᑎᓂ ᐃᒋᓐᓂᐊᓐᖏᓔᑦ, ᐊᑎᓂ ᐃᑦᔪᕐᓁᑦᑐᖅ ᐱᓪᓗᒍ, ᐊᑕᓂᐅᑉ ᖁᕕᐊᒋᓚᐅᕐᒪᒍ ᐃᓕᑦᓯᓐᓂᒃ ᐃᓄᖁᑎᑖᕆᐊᒃᓴᖅ ᓇᖕᒥᓂᕐᑖᕆᓗᓂᓯ.