ᒨᓯᓯ ᑕᓪᓕᒪᖏᑦ 7:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑍᒤᒻᒪᑦ ᐃᒫᒃ ᐱᓇᓱᐊᕐᕕᒋᔭᒃᓴᕆᕙᓯ, ᒎᑎᓐᖑᐊᓄᑦ ᑐᓂᕐᕈᓯᕐᕕᖏᑦ ᓱᕋᒃᑎᒐᒃᓴᕆᕙᓯ, ᓱᑲᖁᑎᒋᔭᖏᓪᓗ ᓇᐸᔪᑦ ᐱᓪᓚᕆᖁᑎᒋᔭᖏᑦ ᓯᖃᓪᓕᓗᒋᑦ, ᐊᕐᓇᓐᖑᐊᓪᓗ ᒎᑎᓐᖑᐊᖏᑦ ᐊᓯᕋᒥᒃ ᐊᑎᓖᑦ ᐅᕐᕈᑎᑕᒃᓴᕆᕙᓯ, ᒎᑎᓐᖑᐊᖏᓪᓗ ᐃᑯᐊᓪᓚᒃᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 7:5 Iomraidhean Croise

ᐊᑕᓃᑦ ᐂᑉᐸᖏᑦ 10:26

ᒎᑎᓐᖑᐊᕆᔭᐅᔪᓪᓗ ᓇᐸᔪᑦ ᓴᓇᓯᒪᔪᑦ ᑕᕝᕙᓃᑦᑐᑦ ᐰᓕᐅᑉ ᐃᒡᓗᖁᑎᖏᓐᓂᑦ ᐊᓂᑎᑉᐰᑦ, ᐃᑯᐊᓪᓚᒡᓗᒋᓪᓗ.

ᑯᕉᓂᑲ ᓯᕗᓪᓖᑦ 14:12

ᒎᑎᓐᖑᐊᒥᓂᒃ ᑕᕝᕗᖓ ᕿᒤᖕᒪᑕ, ᑍᕕᑎᓗ ᑎᓕᓯᕗᖅ, ᑖᒃᑯᐊᓗ ᐃᑭᑕᐅᕗᑦ.

ᑯᕉᓂᑲ ᐂᑉᐸᖏᑦ 14:3

ᑖᑦᓱᒪ ᔫᑎᐅᖏᑦᑐᑦ ᑐᓂᕐᕈᓯᕐᕕᖏᑦ ᒎᑎᓐᖑᐊᓄᑦ ᐲᔭᕐᐰᑦ, ᒎᑎᓐᖑᐊᓄᓪᓗ ᑐᒃᓯᐊᕐᕖᑦ, ᓇᐸᔪᓪᓗ ᓱᕋᒃᑎᕐᐰᑦ ᐅᕐᕈᑎᓪᓗᒋᑦ, ᕿᔪᐃᓪᓗ ᓴᓇᓐᖑᐊᕐᓯᒪᔪᑦ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᒎᑎᓐᖑᐊᑦ ᓱᕋᒃᑎᕐᐰᑦ ᐅᕐᕈᑎᓪᓗᒋᑦ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᒨᓯᓯ ᐂᑉᐸᖏᑦ 32:20

ᓄᕐᕋᓐᖑᐊᕐᓗ ᓴᓇᔭᐅᓯᒪᔪᖅ ᑎᒍᕚ, ᐃᑯᒪᒧᓪᓗ ᐊᐅᒃᑎᑉᐹ, ᓯᖃᓪᓕᑦᓯᐊᕐᓗᒍᓗ ᐳᔪᕋᕐᑎᑐᑦ ᑍᒤᓕᕐᑎᑉᐹ, ᐃᒥᕐᒥᒡᓗ ᐃᓚᓪᓗᓂᐅᒃ. ᐃᓴᕆᐊᓕᒥᐅᑦ ᑕᒪᑐᒥᖓ ᐃᒥᕐᑎᑉᐰᑦ.

ᒨᓯᓯ ᐂᑉᐸᖏᑦ 34:13

ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 17:8

ᑐᓂᕐᕈᓯᕐᕕᖕᓂᒃ ᓴᓇᓚᐅᕐᑕᒥᖕᓂᒃ ᑕᑎᖃᕈᓐᓃᕈᒫᕐᐳᑦ, ᐊᒡᒐᒥᖕᓄᑦ ᓴᓇᓚᐅᕐᑕᒥᖕᓂᒃ, ᑕᑎᖃᕈᓐᓃᕐᓗᑎᒡᓗ ᓇᖕᒥᓂᖅ ᓴᓇᓯᒪᔭᒥᖕᓂᒃ ᒎᑎᓐᖑᐊᒥᒃ ᐊᓯᕋᒥᒃ ᑐᓂᕐᕈᓯᕐᕕᖕᓂᒡᓗ ᐃᓯᕐᓗᐊᕐᓂᑎᑦᓯᕕᖕᓂᒃ.

ᒨᓯᓯ ᐱᖓᔪᖏᑦ 26:1

“ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᕐᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᕐᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᓯᑕᒪᖏᑦ 33:52

ᓄᓇᐅᑉ ᐃᓄᖏᓐᓂᒃ ᐊᐅᓪᓚᕐᑎᑦᓯᔪᒫᕋᑦᓯ ᑎᑭᑕᑦᓯᓐᓂᒃ, ᐅᔭᕅᓪᓗ ᓴᓇᓯᒪᔭᖏᑦ ᓯᖁᒥᓪᓗᒋᑦ, ᐃᓄᓐᖑᐊᓕᐊᕆᓯᒪᔭᖏᓪᓗ ᐊᓯᕈᕐᓗᒋᑦ, ᖁᑦᓯᒃᑐᓂᓗ ᑐᒃᓯᐊᕐᕕᖏᑦ ᐅᕐᕉᕋᕐᑎᓪᓗᒋᑦ;

ᒨᓯᓯ ᑕᓪᓕᒪᖏᑦ 16:21

“ᑐᓂᕐᕈᓯᕐᕕᖕᒥᒃ ᐊᑕᓂᕐᒧᑦ ᒎᑎᑦᓯᓐᓄᑦ ᓴᓇᓕᕈᕕᑦ, ᓴᓂᐊᓄᑦ ᓇᑉᐸᕐᓯᔪᒃᓴᐅᓐᖏᓚᑎᑦ ᕿᔪᖕᒥᒃ ᐊᕐᓇᓐᖑᐊᒥᒃ ᐊᓯᕋᒥᒃ ᐊᑎᓕᖕᒥᒃ.

ᒨᓯᓯ ᑕᓪᓕᒪᖏᑦ 16:22

ᐅᔭᕋᖕᓂᒡᓗ ᓇᐸᔪᓂᒃ ᒎᑎᓐᖑᐊᕆᔭᐅᓲᓂᒃ, ᐋᖅᑭᒃᓯᔪᒃᓴᐅᓐᖏᓚᑎᑦ; ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᐆᒥᒋᖕᒪᒋᑦ.”

ᒨᓯᓯ ᑕᓪᓕᒪᖏᑦ 7:25

ᒎᑎᓐᖑᐊᖏᑦ ᐃᑯᐊᓪᓚᒃᑎᑕᒃᓴᕆᕙᓯ. ᐱᔪᒥᒋᔭᒃᓴᕆᓐᖏᓚᓯᓗ ᑕᕝᕙᓃᑦᑐᑦ ᓯᐅᓪᕕᕇᑦ ᒎᓗᐃᓪᓗ, ᓇᖕᒥᓂᒃᓴᑦᓯᓐᓂᒡᓘᓐᓃᑦ ᐱᑖᕐᕕᒋᔭᒃᓴᕆᓐᖏᓚᓯ. ᑍᒤᑦᑐᓂᒃ ᐱᔪᕕᓂᐅᑐᐊᕈᑦᓯ, ᑕᒪᓐᓇ ᐅᓗᕆᐊᓇᓪᓚᕆᒃᐳᖅ, ᐊᑕᓂᐅᑉ ᒎᑎᑦᓯ ᒎᑎᓐᖑᐊᖃᕐᓂᖅ ᐆᒥᒋᓪᓚᕆᖕᒪᒍ.

ᒨᓯᓯ ᑕᓪᓕᒪᖏᑦ 9:21

ᑭᖑᓂᖓᒍᑦ ᐱᐅᖏᑦᑐᒥᒃ ᐱᓇᓱᐊᓕᓚᐅᕆᕗᖓ, ᑍᓐᓇ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓ ᓴᕕᕋᔭᒃ ᓴᓇᓚᐅᕐᑕᓯ ᐱᑦᔪᑎᒋᓪᓗᒍ, ᐃᑯᒪᒧᑦ ᐃᑯᐊᓪᓚᒃᑎᓚᐅᕐᓗᒍ ᐊᐅᖕᒪᑦ ᓯᖃᓪᓕᑦᑎᐊᓚᐅᕐᐸᕋ, ᓯᖃᓪᓕᑦᑎᐊᕐᓗᓂ ᐊᒡᓛᑦ ᐳᔪᕋᕐᑎᑐᑦ ᑍᒤᓕᕐᑎᓚᐅᕐᐸᕋ, ᑖᓐᓇᓗ ᓯᖃᓪᓕᓂᖓ ᑰᖕᒧᑦ ᓈᕕᓚᐅᕐᐸᕋ ᖃᖅᑲᒥᑦ ᑰᒃᑐᒧᑦ.