ᒨᓯᓯ ᑕᓪᓕᒪᖏᑦ 7:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᒃᑯᓇᓐᖓᓪᓗ ᓄᓕᐊᓂᒃᑐᒃᓴᐅᓐᖏᓚᓯ, ᕿᑐᕐᖓᓯᓗ ᑖᒃᑯᓇᓐᖓᑦ ᐂᑉᐸᕐᑖᕐᑎᑕᒃᓴᕆᓐᖏᓚᓯ,

ᒨᓯᓯ ᑕᓪᓕᒪᖏᑦ 7:3 Iomraidhean Croise

ᒨᓯᓯ ᓯᕗᓪᓖᑦ 24:3

ᐅᖃᕕᒃᑎᓐᓂᐊᕋᒃᑭᑦ ᐊᑕᓂᐅᑉ ᐊᑎᖓᓂ ᕿᓚᐅᑉ ᓄᓇᐅᓪᓗ ᒎᑎᖓᓄᑦ, ᐃᕐᓂᕐᒪ ᓄᓕᐊᒃᓴᖓᓂᒃ ᓂᕈᐊᖁᓇᒃ ᑬᓇᓂᒥᐅᑦ ᐸᓂᖓᓐᓂᒃ ᓄᓇᖅᑲᑎᖏᔭᓐᓂᒃ.

ᐊᑕᓃᑦ ᓯᕗᓪᓖᑦ 11:2

ᑖᒃᑯᐊ ᓄᓕᐊᕐᑖᕆᓚᐅᕐᑕᖏᑦ ᐃᓅᖃᑎᒌᒡᔪᐊᓂᑦ ᐃᓴᕆᐊᓕᒥᐅᖑᖏᑦᑐᓂᑦ ᐊᑕᓂᖅ ᐃᓴᕆᐊᓕᓄᑦ ᐅᖃᓚᐅᕋᓗᐊᕐᑎᓪᓗᒍ, “ᐃᓅᖃᑎᑐᖃᕆᓐᖏᑕᑦᓯᓐᓂᒃ ᓄᓕᐊᓂᒃᑐᒃᓴᐅᓐᖏᓚᓯ, ᑍᒃᑯᐊᓗ ᑍᒤᓕᐅᕐᑐᒃᓴᐅᖏᓐᓂᕗᑦ ᐃᓕᑦᓯᓐᓄᑦ, ᓇᓗᓇᖏᒻᒪᑦ ᐆᒻᒪᑎᑦᓯᓐᓂᒃ ᓴᖑᑎᑦᓯᒐᔭᕐᒪᑕ ᐅᒃᐱᓕᕐᑎᓪᓗᓯ ᒎᑎᒋᔭᒥᖕᓄᑦ”; ᓲᓗᒨᓂ ᑲᔪᓯᓚᐅᕐᐳᖅ ᐊᕐᓇᓄᑦ ᐅᖓᒋᓕᕐᑕᒥᓄᑦ.

ᐊᑕᓃᑦ ᓯᕗᓪᓖᑦ 16:31

ᖃᓄᐃᖏᓐᓂᕐᓴᐅᔮᓚᐅᕐᐳᖅ ᐃᓅᓚᐅᕈᓂ, ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖓᑐᑦ, ᓄᓕᐊᓂᓚᐅᕐᒪᑦ ᔨᔨᐱᐅᓪᒥᒃ ᐊᖓᔪᖅᑳᕐᔪᐊᑉ ᐃᔅᐱᐊᓚᐅᑉ ᓮᑐᓂᒥᐅᑕᐅᑉ ᐸᓂᖓᓂᒃ, ᐰᓕᒥᒡᓗ ᒎᑎᓐᖑᐊᖃᓚᐅᕐᐳᖅ ᐱᓇᓱᐊᓚᐅᕐᒪᑦ ᐅᐱᒍᓱᖕᓂᕐᒧᓪᓗ ᑐᒃᓯᐊᕐᕕᒋᓪᓗᒍ.

ᐄᓱᕋᐅᑉ ᐊᒡᓚᖏᑦ 10:3

ᒫᓐᓇᓕ ᐊᖏᖃᑎᒌᒍᑎᖃᕐᑐᒃᓴᐅᕗᒍᑦ ᒎᑎᑦᑎᓐᓄᑦ ᑖᒃᑯᐊ ᐊᕐᓁᑦ ᓄᓕᐊᕐᑖᕆᓯᒪᔭᕗᑦ ᕿᑐᕐᖓᖏᓪᓗ ᐊᐅᓪᓚᕐᑎᑦᓱᒪᓗᒋᑦ, ᐱᓇᓱᐊᕐᓂᐊᕐᐳᒍᑦ ᐃᓕᑦᓯ ᐃᓱᒪᓕᐅᕆᔨᐅᔪᓯ ᐊᑕᓂᑦᑎᓐᓄᑦ ᒎᑎᐅᑉ ᐱᖁᔭᖏᓐᓂᒃ ᐅᐱᒍᓱᒃᑐᓯ ᐱᖁᔭᑦᓯᓐᓂᒃ ᒪᓕᒡᓗᑕ; ᐊᑏ ᐱᓇᓱᐊᕐᑐᖃᓕᕐᓕ ᒎᑎᐅᑉ ᐱᖁᔭᖏᓐᓂ ᐱᓇᓱᐊᕐᑕᐅᖁᔭᐅᔪᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 9:12

ᐅᖃᐅᑦᔭᐅᓚᐅᕐᐳᒍᑦ ᐂᑉᐸᕐᑖᓚᐅᕐᓯᒪᖁᔭᐅᓇᑕ ᕿᑐᕐᖓᕗᓪᓗ ᑖᒃᑯᓇᖓ ᐃᓄᖕᓂᑦ, ᐊᒻᒪᓗ ᑖᒃᑯᓂᖓ ᐂᑉᐸᕐᑖᕐᑎᑦᓯᖁᔭᐅᓇᑕ ᕿᑐᕐᖓᑦᑎᓐᓂᒡᓗ; ᐃᓅᖃᑎᒋᓇᓱᐊᕐᑕᐅᖁᓇᒋᓪᓗ ᐱᕙᓪᓕᕐᑎᑕᐅᖁᓇᒋᓪᓗ, ᓲᖑᔫᔪᓐᓇᖁᓪᓗᑕ ᓄᓇᐅᑉ ᐱᐅᓂᖓ ᓂᕿᖏᓪᓗ ᓂᕿᒋᑦᓯᐊᕐᓗᒋᑦ ᐱᔪᓐᓇᖁᓪᓗᑕ, ᑭᖑᕚᑦᑎᓐᓄᓪᓗ ᑭᖑᕐᖑᑎᔭᐅᖁᑐᐊᕈᑦᑎᒍ ᐃᓱᖃᖏᑦᑐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 10:30

ᐸᓂᕗᑦ ᑐᓂᓂᐊᓐᖏᓚᕗᑦ ᔫᑎᐅᖏᑦᑐᓄᑦ ᑕᒫᓂ ᓄᓇᓕᖕᓄᑦ ᐅᕝᕙᓗ ᑖᒃᑯᐊ ᐸᓂᖏᓐᓂᒃ ᐃᕐᓂᕗᑦ ᑎᒍᓯᑎᓐᓂᐊᓐᖏᓚᕗᑦ.

ᐃᓗᐊᕐᓮᔩᑦ ᐊᒡᓚᖏᑦ 14:3

ᐊᑖᑕᖓᑕᓗ ᐊᓈᓇᖓᑕᓗ ᐊᐱᕆᕚ, “ᓇᓂᓯᓐᖏᓚᑏᑦ ᐊᕐᓇᒥᒃ ᐃᓚᕕᑦ ᐸᓂᖏᓐᓂᑦ, ᐃᓅᖃᑎᑦᑎᓐᓂᒡᓘᓐᓃᑦ ᓇᓪᓕᐊᓐᓂᑦ? ᑍᒫᒃ ᑭᐱᓯᒪᖏᑦᑐᓂᑦ ᐱᓕᔅᑍᓂᒥᐅᑕᕐᓂᑦ ᓄᓕᐊᓂᒋᐊᖃᕐᐲᑦ?” ᓵᒻᓲᓂᐅᓪᓕ ᐊᑖᑕᓂ ᐅᖃᐅᑎᕚ, “ᑍᓐᓇ ᐊᕐᓇᖅ ᐂᓚᐅᕈᒃ ᐱᐅᒋᒐᒃᑯ.”