ᒨᓯᓯ ᑕᓪᓕᒪᖏᑦ 7:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᒎᑎᓐᖑᐊᖏᑦ ᐃᑯᐊᓪᓚᒃᑎᑕᒃᓴᕆᕙᓯ. ᐱᔪᒥᒋᔭᒃᓴᕆᓐᖏᓚᓯᓗ ᑕᕝᕙᓃᑦᑐᑦ ᓯᐅᓪᕕᕇᑦ ᒎᓗᐃᓪᓗ, ᓇᖕᒥᓂᒃᓴᑦᓯᓐᓂᒡᓘᓐᓃᑦ ᐱᑖᕐᕕᒋᔭᒃᓴᕆᓐᖏᓚᓯ. ᑍᒤᑦᑐᓂᒃ ᐱᔪᕕᓂᐅᑐᐊᕈᑦᓯ, ᑕᒪᓐᓇ ᐅᓗᕆᐊᓇᓪᓚᕆᒃᐳᖅ, ᐊᑕᓂᐅᑉ ᒎᑎᑦᓯ ᒎᑎᓐᖑᐊᖃᕐᓂᖅ ᐆᒥᒋᓪᓚᕆᖕᒪᒍ.

ᒨᓯᓯ ᑕᓪᓕᒪᖏᑦ 7:25 Iomraidhean Croise

ᐊᑕᓃᑦ ᐂᑉᐸᖏᑦ 23:14

ᓇᐸᔪᓪᓗ ᓱᑬᑦ ᓯᖁᑦᑎᕐᐰᑦ ᑐᒃᓯᐊᕐᕕᐅᕙᒃᑐᑦ, ᐅᕐᕈᑎᓪᓗᒍᓗ ᐊᓯᕆᒻ, ᐃᓄᐃᓪᓗ ᓴᐅᓂᕕᓂᖏᓐᓂᒃ ᐃᓗᓪᓕᕐᑕᐅᖔᕐᓗᑎᒃ.

ᑯᕉᓂᑲ ᓯᕗᓪᓖᑦ 14:12

ᒎᑎᓐᖑᐊᒥᓂᒃ ᑕᕝᕗᖓ ᕿᒤᖕᒪᑕ, ᑍᕕᑎᓗ ᑎᓕᓯᕗᖅ, ᑖᒃᑯᐊᓗ ᐃᑭᑕᐅᕗᑦ.

ᒨᓯᓯ ᐂᑉᐸᖏᑦ 20:17

“ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 32:20

ᓄᕐᕋᓐᖑᐊᕐᓗ ᓴᓇᔭᐅᓯᒪᔪᖅ ᑎᒍᕚ, ᐃᑯᒪᒧᓪᓗ ᐊᐅᒃᑎᑉᐹ, ᓯᖃᓪᓕᑦᓯᐊᕐᓗᒍᓗ ᐳᔪᕋᕐᑎᑐᑦ ᑍᒤᓕᕐᑎᑉᐹ, ᐃᒥᕐᒥᒡᓗ ᐃᓚᓪᓗᓂᐅᒃ. ᐃᓴᕆᐊᓕᒥᐅᑦ ᑕᒪᑐᒥᖓ ᐃᒥᕐᑎᑉᐰᑦ.

ᒨᓯᓯ ᐂᑉᐸᖏᑦ 8:26

ᒨᓯᓯᓕ ᐅᖃᕐᐳᖅ, “ᑕᒪᓐᓇ ᐊᑲᐅᑦᔮᓐᖏᓚᖅ ᑍᒤᓕᐅᕐᓂᐊᕈᑦᑕ; ᐄᑦᔨᑉᑎᒥᐅᑦ ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐊᑲᐅᓐᖏᓕᐅᕐᑎᑕᐅᒐᔭᕐᒪᑕ ᑐᓂᕐᕈᓯᓕᕈᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᐆᒪᔪᓂᒃ ᑐᓂᕐᕈᓯᕋᔭᕋᑦᑕ. ᑕᒪᒃᑯᓂᖓᓗ ᐆᒪᔪᓂᒃ ᐄᑦᔨᑉᑎᒥᐅᑦ ᐊᓐᓂᕆᔭᖏᓐᓂᒃ ᑕᑯᓐᓇᕐᑎᓪᓗᒋᑦ ᑐᓂᕐᕈᓯᕈᑎᖃᓕᕈᑦᑕ, ᑖᒃᑯᓄᖓ ᒥᓪᓗᕐᑕᐅᒐᔭᓐᖏᓚᒎᑦ?

ᐂᓮᐊᓯᐅᑉ ᐊᒡᓚᖏᑦ 30:22

ᒎᑎᓐᖑᐊᕕᓂᓯ ᓯᐅᓪᕕᕆᒥᒃ ᒎᓗᒥᒡᓗ ᖄᐹᕐᓯᒪᔪᑦ, ᐃᒋᐅᖅᑲᕈᒫᕐᐸᓯ ᓴᓂᕐᑎᑐᑦ ᕾᒐᓛᕐᓗᓯᓗ ᐅᖃᐅᑎᔪᒫᕐᐸᓯ, “ᑕᑯᓐᓇᕈᒪᔪᓐᓃᕐᐸᑦᓯ!”

ᐂᓮᐊᓯᐅᑉ ᐊᒡᓚᖏᑦ 41:24

ᑕᑯᒋᑦ, ᓱᓇᐅᓐᖏᓚᓯ, ᐱᓇᓱᐊᕐᑕᓯᓗ ᓱᓇᒥᒃ ᓴᖅᑭᑎᑦᓯᓇᑎᒃ; ᐃᓕᑦᓯᓐᓂᒃ ᓂᕈᐊᓚᐅᕐᑐᖅ ᓇᕐᕈᓇᕐᑐᐊᓘᕗᖅ.

ᒨᓯᓯ ᐱᖓᔪᖏᑦ 13:52

ᑐᓂᕐᕈᓯᕐᑎᑦᓯᔨᐅᑉ ᐃᑭᑦᓴᕆᐊᖃᕐᐹ ᐊᓐᓄᕌᖅ, ᓄᕕᕐᓴᕐᓯᒪᔪᕐᓘᓐᓃᑦ ᖃᓪᓗᓈᕐᑕᓕᐊᕆᓯᒪᔪᕐᓘᓐᓃᑦ, ᓰᐱᐅᑉ ᒥᖅᑯᖓ ᐱᕈᕐᑐᓂᓐᖔᕐᓯᒪᔪᕐᓘᓐᓃᑦ, ᐆᒪᔫᓪᓘᓐᓃᑦ ᐊᒥᖓ ᐅᖁᒃᓯᒪᔪᖅ, ᐅᖁᒃ ᐱᐅᔪᓐᓃᕐᑎᑦᓯᖕᒪᑦ ᐊᓐᓄᕌᒥᒃ, ᐸᕐᑎᕐᓂᐅᕗᖅ ᐂᑦᑐᐃᔪᓐᓇᕐᑐᖅ, ᑖᓐᓇ ᐃᑭᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 19:4

“ᒎᑎᓐᖑᐊᑦ ᓵᕝᕕᒋᓂᐊᕋᓯᒋᒃ; ᒎᑎᓐᖑᐊᓂᒡᓘᓐᓃᑦ ᓴᕕᕋᔭᖕᓂᒃ ᓴᓇᔭᕆᐊᖃᓐᖏᓚᓯ ᒎᑎᒋᓂᐊᕐᑕᑦᓯᓐᓂᒃ, ᐅᕙᖓ ᐊᑕᓂᐅᒐᒪ ᒎᑎᓯ.

ᔨᐸᓁᐊᐅᑉ ᐊᒡᓚᖏᑦ 1:3

ᐃᓄᓕᒫᑦ ᐆᒪᔪᓕᒫᓪᓗ ᓄᖑᑦᓱᒫᕐᐸᒃᑲ; ᑎᖕᒥᐊᑉ ᕿᓚᐅᑉ ᐊᑖᓃᑦᑐᑦ, ᐃᖃᓗᐃᓪᓗ ᑕᕆᐅᕐᒦᑦᑐᑦ ᓄᖑᑦᓱᒫᕆᕙᒃᑲ. ᐊᔪᕐᑐᓕᔪᖅ ᓵᓚᒋᔪᒫᕐᐸᒃᑲ; ᐃᓄᐃᑦ ᓄᓇᕐᔪᐊᕐᒦᑦᑐᓕᒫᑦ ᓄᖑᑦᓱᒫᕐᐸᒃᑲ.” ᐊᑕᓂᖅ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 12:3

ᑐᓂᕐᕈᓯᕐᕕᖁᑎᖏᑦ ᐅᕐᕉᕋᕐᑎᑕᒃᓴᕆᕙᓯ, ᐅᔭᕅᓪᓗ ᓇᐸᔪᖁᑎᖏᑦ ᑐᒃᓯᐊᕐᕖᑦ ᓯᖁᑦᑎᕐᓗᒋᑦ. ᒎᑎᓐᖑᐊᖏᓪᓗ ᐊᓯᕋᒥᒃ ᐊᑎᓖᑦ ᐃᑯᒪᒧᑦ ᐃᑯᐊᓪᓚᒡᓗᒋᑦ; ᒎᑎᓐᖑᐊᖏᓪᓗ ᓴᓇᓯᒪᔪᑦ ᑲᓱᐊᕐᓗᒋᑦ ᓄᖑᓪᓗᒋᑦ, ᐊᑎᖏᓪᓗ ᑕᕝᕙᓃᑦᑐᑦ ᓄᓇᒥ ᓯᖁᑦᑎᕐᓗᒋᑦ ᓄᖑᓪᓗᒋᑦ.

ᒨᓯᓯ ᑕᓪᓕᒪᖏᑦ 13:16

ᐱᖁᑎᓕᒫᖏᑦ ᐊᑕᐅᓯᕐᒧᑦ ᑲᑎᓪᓗᒋᑦ ᐃᒡᓗᒐᓴᖏᑕ ᕿᑎᖓᓂ, ᐱᕕᑐᓂᖓᓄᑦ, ᓄᓇᓕᓕᒫᖅ ᐃᑯᐊᓪᓚᒃᑕᐅᔪᒃᓴᐅᕗᖅ ᐱᖁᑎᓕᒫᖏᓪᓗ ᐱᖃᓯᐅᑎᓗᒋᑦ, ᐃᑯᐊᓚᓂᒃᑯᑦ ᑐᓂᕐᕈᑎᒋᓗᒋᑦ ᐊᑕᓂᕐᒧᑦ ᒎᑎᑦᓯᓐᓄᑦ. ᕿᒪᒃᑕᐅᔪᒃᓴᐅᕗᑦ ᓱᕋᑦᓯᐊᕐᑎᓪᓗᒋᑦ ᐃᓱᖃᖏᑦᑐᒧᑦ, ᓴᓇᔭᐅᒃᑲᓐᓂᕐᑐᒃᓴᐅᓇᑎᒡᓗ.

ᒨᓯᓯ ᑕᓪᓕᒪᖏᑦ 17:1

“ᐊᑕᓂᕐᒧᑦ ᒎᑎᑦᓯᓐᓄᑦ ᑐᓂᕐᕈᓯᕐᑐᒃᓴᐅᓐᖏᓚᑎᑦ ᐃᒻᒧᒃᓯᐅᒐᕐᒥᒃ ᓰᐱᒥᒡᓘᓐᓃᑦ ᐃᓕᖅᑯᓯᕐᓱᖏᑦᑐᒥᒃ; ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᐆᒥᒋᖕᒪᒋᑦ.

ᒨᓯᓯ ᑕᓪᓕᒪᖏᑦ 23:18

ᑍᒤᑦᑐᒧᓪᓗ ᑮᓇᐅᔧᕈᑕᐅᔪᕕᓃᑦ ᐊᑕᓂᐅᑉ ᒎᑎᑦᓯ ᐃᒡᓗᖓᓄᑦ ᑐᓂᕐᕈᑕᐅᔪᒃᓴᐅᓐᖏᓚᑦ ᐊᖏᒻᒪᕆᒍᑎᐅᓯᒪᔪᒧᑦ ᐊᑭᓕᐅᑎᒋᔭᐅᓇᓱᒡᓗᑎᒃ. ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᓇᕐᕈᓇᕐᑐᐊᓘᓂᕋᕐᒪᒋᑦ.

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 7:16

ᐃᓅᖃᑎᒌᒡᔪᐊᓕᒫᓂᒃ ᓄᖒᑦᓯᑦᑎᐊᕐᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖏᓐᓂᒃ ᐃᓕᑦᓯᓐᓄᑦ, ᓂᑲᒋᔭᒃᓴᕆᖏᒻᒪᕆᒃᐸᓯ ᑕᐅᑦᑐᖏᑦ ᐱᑦᔪᑎᒋᓗᒋᑦ; ᒎᑎᒋᔭᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᑐᒃᓯᐊᕐᕕᒋᑐᐊᕈᑦᓯᒋᒃ ᓂᒐᕐᑎᑕᐅᔪᑎᑐᑦ ᑍᒤᒐᔭᕋᑦᓯ.

ᒨᓯᓯ ᑕᓪᓕᒪᖏᑦ 7:5

ᑍᒤᒻᒪᑦ ᐃᒫᒃ ᐱᓇᓱᐊᕐᕕᒋᔭᒃᓴᕆᕙᓯ, ᒎᑎᓐᖑᐊᓄᑦ ᑐᓂᕐᕈᓯᕐᕕᖏᑦ ᓱᕋᒃᑎᒐᒃᓴᕆᕙᓯ, ᓱᑲᖁᑎᒋᔭᖏᓪᓗ ᓇᐸᔪᑦ ᐱᓪᓚᕆᖁᑎᒋᔭᖏᑦ ᓯᖃᓪᓕᓗᒋᑦ, ᐊᕐᓇᓐᖑᐊᓪᓗ ᒎᑎᓐᖑᐊᖏᑦ ᐊᓯᕋᒥᒃ ᐊᑎᓖᑦ ᐅᕐᕈᑎᑕᒃᓴᕆᕙᓯ, ᒎᑎᓐᖑᐊᖏᓪᓗ ᐃᑯᐊᓪᓚᒃᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 7:1

ᐃᓴᕆᐊᓕᒥᐅᑉ ᑎᒍᓯᔪᖃᓚᐅᕐᐳᑦ ᐱᔭᐅᖁᔭᐅᖏᑦᑐᓂᒃ; ᐊᖑᑦ ᐂᑲᓐᒥᒃ ᐊᑎᓕᒃ ᑳᕐᒥᐅᑉ ᐃᕐᓂᖓ, ᑳᕐᒥ ᐃᕐᓂᕆᔭᐅᕗᖅ ᔭᑉᑍᒧᑦ, ᔭᑉᑍ ᐃᕐᓂᕆᔭᐅᕗᖅ ᔨᕋᒧᑦ, ᔫᑕᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᐂᑲᓐ ᐊᑕᓂᕐᒧᑦ ᑐᓂᔭᐅᓯᒪᔪᓂᒃ ᑎᒍᓯᓚᐅᕐᒪᑦ; ᐊᑕᓂᖅ ᓂᓐᖓᐅᑦᔨᓚᐅᕐᐳᖅ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 7:21

ᑎᒍᓚᐅᕐᑕᑦᑕ ᐃᓚᖏᓐᓂᒃ ᑕᑯᓚᐅᕐᐳᖓ ᐱᐅᔪᐊᓗᖕᒥᒃ ᐹᐱᓘᓂᒥᐅᑦ ᐅᓕᒡᔪᐊᖓᓂᒃ, ᓯᐅᓪᕕᕆᓂᒡᓗ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ, ᒎᓗᒥᒡᓗ ᐊᑕᐅᓯᕐᒥᒃ ᐅᖁᒤᓐᓂᓕᖕᒥᒃ, ᐱᔪᒪᒻᒪᕆᓕᕋᒃᑭᑦ ᑎᒍᓚᐅᕐᐸᒃᑲ; ᑕᑯᒋᓪᓗ, ᓇᓂᔪᓐᓇᕐᐸᓯ ᓴᐅᓯᒪᔪᑦ ᓄᓇᒥ ᑐᐱᕐᒪ ᐊᑖᓂ, ᓯᐅᓪᕕᕇᑦ ᐊᓪᓕᕐᐸᐅᑎᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:5

ᖃᐅᖓᒍᓪᓗ ᑎᑎᕋᕐᓯᒪᔪᖃᕐᐳᖅ ᐊᑎᕐᒥᒃ ᓇᓗᓇᕐᑐᒥᒃ: “ᐹᐱᓘᓂ ᐊᔪᖏᑦᑐᕐᔪᐊᖅ, ᐊᖑᓐᓂᐊᕐᑏᑦ ᐊᓈᓇᖓᑦ ᓄᓇᕐᔪᐊᒥ ᓇᕐᕈᓇᕐᑐᓕᓃᑦ.”