ᒨᓯᓯ ᑕᓪᓕᒪᖏᑦ 7:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᐅᓪᓕ ᒎᑎᑦᓯ ᐃᓕᑦᓯᓐᓄᑦ ᑐᓂᒃᐸᒋᑦ, ᓵᓚᒋᒍᑦᓯᒋᒡᓗ, ᑕᕝᕙ ᓄᖑᓪᓚᕆᒋᐊᖃᕐᐸᓯ ᑐᖁᑍᓐᓇᕆᓗᒋᑦ; ᓇᓪᓕᐊᓪᓘᓐᓃᑦ ᐊᖏᖃᑎᒋᓇᓱᐊᕐᑕᒃᓴᕆᓐᖏᓚᓯ ᓂᑲᒋᔭᒃᓴᕆᓐᖏᓚᓯᓘᓐᓃᑦ.

ᒨᓯᓯ ᑕᓪᓕᒪᖏᑦ 7:2 Iomraidhean Croise

ᒨᓯᓯ ᓯᕗᓪᓖᑦ 14:20

ᒎᑎ ᖁᑦᓯᖕᓂᕐᐹᖑᔪᖅ ᖁᔭᒋᔭᐅᓕ, ᑖᓐᓇ ᐃᓕᖕᓂᒃ ᓵᓚᖃᕐᑎᑦᓯᖕᒪᑦ ᐊᑭᕋᕐᑐᕐᑎᖕᓂᒃ!” ᐂᑉᕋᐅᓪᓗ ᒥᓪᑭᓯᑎ ᑐᓂᓯᕕᒋᕚ ᓵᓚᖃᕐᓂᒃᑯᑦ ᐱᑖᕆᔭᒥ ᑕᓪᓕᒪᐅᔪᖏᓐᓂᒃ.

ᓴᒧᐃᓕ ᐂᑉᐸᖏᑦ 21:2

(ᒋᐱᐅᓁᑎᒥᐅᑦ ᐃᓴᕆᐊᓕᒥᐅᑕᐅᖏᒻᒪᑕ; ᐅᓄᖏᑦᑐᑦ ᐊᒧᕅᑎᓂ ᐊᒥᐊᒃᑰᓯᒪᕗᑦ; ᐃᓴᕆᐊᓕᒥᐅᓄᓪᓕ ᐊᖏᕐᕕᐅᓯᒪᓚᐅᕐᐳᑦ ᓴᐳᒻᒥᔭᐅᓂᐊᕐᓂᕋᕐᑕᐅᓪᓗᑎᒃ, ᓴᐅᓕᐅᓪᓕ ᐊᓯᕈᓚᐅᕐᐰᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ ᐃᓱᒫᓗᒍᑎᖃᕐᓂᕐᓴᐅᓪᓗᓂ.)

ᐊᑕᓃᑦ ᓯᕗᓪᓖᑦ 20:34

ᐱᓐ-ᕼᐊᑖᑎᐅᓪᓗ ᐅᖃᐅᑎᕚ, “ᐃᒡᓗᒐᓮᑦ ᐊᑖᑕᒪ ᑎᒍᓚᐅᕐᑕᖏᑦ ᐊᑖᑕᖕᓂᑦ ᐋᖅᑭᒋᐊᑦᓯᐊᕈᒫᕐᐸᒃᑲ; ᓇᖕᒥᓂᒃᓴᕐᓂᒡᓗ ᓂᐅᕕᕐᕕᓕᐅᕈᓐᓇᕐᐳᑎᑦ ᑕᒫᓯᑰᓯᒥ, ᐊᑖᑕᒐᑐᑦ ᑍᒤᓕᐅᓚᐅᕐᒪᑦ ᓴᒥᐊᕆᐊᒥ.” ᐂᕼᐊᐱ ᑭᐅᕗᖅ, “ᐊᐅᓪᓚᕐᑎᑦᓱᒪᕙᒋᑦ ᐊᖏᖃᑎᒋᓗᑎᑦ ᑕᒪᒃᑯᓂᖓ ᑐᓐᖓᕕᖃᕐᑎᓪᓗᒍ.” ᐊᓱᐃᓛᒃ ᖃᓄᐃᓕᐅᕈᑎᒃᓴᒥᖕᓂᒃ ᐊᖏᖃᑎᒌᒃᐴᒃ ᐊᐅᓪᓚᕐᑎᑉᐹᓗ.

ᐄᓱᕋᐅᑉ ᐊᒡᓚᖏᑦ 10:3

ᒫᓐᓇᓕ ᐊᖏᖃᑎᒌᒍᑎᖃᕐᑐᒃᓴᐅᕗᒍᑦ ᒎᑎᑦᑎᓐᓄᑦ ᑖᒃᑯᐊ ᐊᕐᓁᑦ ᓄᓕᐊᕐᑖᕆᓯᒪᔭᕗᑦ ᕿᑐᕐᖓᖏᓪᓗ ᐊᐅᓪᓚᕐᑎᑦᓱᒪᓗᒋᑦ, ᐱᓇᓱᐊᕐᓂᐊᕐᐳᒍᑦ ᐃᓕᑦᓯ ᐃᓱᒪᓕᐅᕆᔨᐅᔪᓯ ᐊᑕᓂᑦᑎᓐᓄᑦ ᒎᑎᐅᑉ ᐱᖁᔭᖏᓐᓂᒃ ᐅᐱᒍᓱᒃᑐᓯ ᐱᖁᔭᑦᓯᓐᓂᒃ ᒪᓕᒡᓗᑕ; ᐊᑏ ᐱᓇᓱᐊᕐᑐᖃᓕᕐᓕ ᒎᑎᐅᑉ ᐱᖁᔭᖏᓐᓂ ᐱᓇᓱᐊᕐᑕᐅᖁᔭᐅᔪᑦ ᒪᓕᒡᓗᒋᑦ.

ᐃᓐᖏᕈᑎᑦ 106:34

ᐃᓅᖃᑎᒌᒡᔪᐊᑦ ᓄᖑᓚᐅᓐᖏᓔᑦ, ᐊᑕᓂᕐᒧᑦ ᓄᖑᑕᐅᖁᔭᐅᓚᐅᕋᓗᐊᕐᑎᓪᓗᒋᑦ:

ᒨᓯᓯ ᐂᑉᐸᖏᑦ 22:20

“ᓇᓪᓕᐊᑦ ᐊᑕᓂᐅᑉ ᐊᓯᐊᓄᑦ, ᒎᑎᒋᔭᐅᔪᓄᑦ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᖅ, ᑖᓐᓇ ᑐᖁᑕᐅᓪᓚᕆᒋᒋᐊᖃᕐᐳᖅ.

ᒨᓯᓯ ᓯᑕᒪᖏᑦ 21:2

ᐃᓴᕆᐊᓕᒥᐅᓪᓕ ᐊᖏᕐᐳᑦ ᐊᑕᓂᕐᒧᑦ, ᐅᖃᕐᓗᑎᒃ, “ᐅᑯᐊ ᐃᓅᖃᑎᒌᒡᔪᐊᑦ ᐅᕙᑦᑎᓐᓄᑦ ᓵᓚᐅᑎᓐᓂᐊᕈᕕᒋᑦ, ᑕᕝᕙ ᓄᓇᓕᒡᔪᐊᖏᑦ ᓱᓇᐅᔪᓐᓃᕐᑎᓪᓗᒋᑦ ᓯᖁᑦᑎᕈᒪᕙᕗᑦ.”

ᒨᓯᓯ ᓯᑕᒪᖏᑦ 31:17

ᑍᒤᒻᒪᑦ ᒫᓐᓇ ᓱᕈᓰᑦ ᐊᖑᑎᑦ ᑐᖁᓕᕐᓯᒋᑦ, ᐊᕐᓁᓪᓗ ᐊᖑᒻᒥᒃ ᐱᖃᑎᖃᓚᐅᕐᓯᒪᔪᓕᒫᑦ.

ᒨᓯᓯ ᓯᑕᒪᖏᑦ 33:52

ᓄᓇᐅᑉ ᐃᓄᖏᓐᓂᒃ ᐊᐅᓪᓚᕐᑎᑦᓯᔪᒫᕋᑦᓯ ᑎᑭᑕᑦᓯᓐᓂᒃ, ᐅᔭᕅᓪᓗ ᓴᓇᓯᒪᔭᖏᑦ ᓯᖁᒥᓪᓗᒋᑦ, ᐃᓄᓐᖑᐊᓕᐊᕆᓯᒪᔭᖏᓪᓗ ᐊᓯᕈᕐᓗᒋᑦ, ᖁᑦᓯᒃᑐᓂᓗ ᑐᒃᓯᐊᕐᕕᖏᑦ ᐅᕐᕉᕋᕐᑎᓪᓗᒋᑦ;

ᒨᓯᓯ ᑕᓪᓕᒪᖏᑦ 13:8

ᑍᒤᓕᐅᕐᑐᒧᑦ ᓴᖑᑎᑕᐅᑦᑍᓕᒋᑦ, ᓈᓚᖕᓂᐊᕐᓇᒍᓘᓐᓃᑦ, ᓇᒡᓕᒋᓕᕐᓂᐊᕐᓇᒍᓘᓐᓃᑦ, ᓈᒃᑭᒋᓕᕐᓂᐊᕐᓇᒍᓘᓐᓃᑦ.

ᒨᓯᓯ ᑕᓪᓕᒪᖏᑦ 13:9

ᑐᖁᑕᒃᓴᕆᕙᓯᓕ! ᓯᕗᓪᓕᕐᐸᐅᓗᑎᑦ ᐊᒡᒐᖕᓄᑦ ᐱᒋᐊᕐᑕᒃᓴᕆᕙᑦ, ᑕᒪᑐᒪ ᑭᖑᓂᖓᒍᑦ ᑕᕝᕙ ᐃᓄᓕᒫᓄᑦ ᐱᒋᐊᕐᑕᐅᔪᒃᓴᐅᕗᖅ ᑐᖁᑕᐅᖁᓪᓗᒍ.

ᒨᓯᓯ ᑕᓪᓕᒪᖏᑦ 19:13

ᓂᑲᒋᔭᐅᔭᕆᐊᖃᓐᖏᓚᖅ, ᐃᓴᕆᐊᓕᒥᐅᑦ ᑕᕝᕙ ᓴᓗᒻᒪᕐᑕᐅᒐᔭᕐᐳᑦ ᑐᖁᑕᐅᔪᒃᓴᐅᖕᒪᑦ ᐸᓯᔭᒃᓴᐅᖏᑦᑑᑉ ᑐᖁᑕᐅᓂᕕᓂᖓᓂᑦ, ᖃᓄᐃᓕᐅᕐᓂᓕᒫᑦᓯᒍᑦ ᖃᓄᐃᖏᑦᓯᐊᖁᓪᓗᓯ.”

ᒨᓯᓯ ᑕᓪᓕᒪᖏᑦ 2:33

ᐊᑕᓂᐅᓪᓕ ᒎᑎᑦᑕ ᐅᕙᑦᑎᓐᓄᑦ ᑐᓂᓚᐅᕐᐹ; ᑕᕝᕙ ᑐᖁᓚᐅᕐᐸᕗᑦ, ᐃᕐᓂᖏᓪᓗ, ᐃᓄᓕᒫᖏᓪᓗ.

ᒨᓯᓯ ᑕᓪᓕᒪᖏᑦ 2:34

ᑍᑦᓱᒪᓂᑦᓮᓐᓇᕐᑕᐅᖅ ᓄᓇᓖᑦ ᖃᓂᒋᔮᓃᑦᑐᓕᒫᑦ ᓵᓚᒋᓚᐅᕐᐸᕗᑦ ᓄᖑᑦᓯᐊᕐᓗᒋᓪᓗ, ᐃᓄᓕᒫᖏᓪᓗ ᑐᖁᓪᓗᒋᑦ, ᐊᖑᑎᑦ, ᐊᕐᓁᑦ, ᓄᑕᖅᑲᓪᓗ. ᐊᒥᐊᒃᑯᖃᕐᑎᑦᓯᓚᐅᓐᖏᓚᒍᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 23:14

ᐊᑕᓂᖅ ᒎᑎᓯ ᑕᖕᒫᕐᓯᒪᕕᑦᓯᓐᓂ ᐃᖏᕐᕋᖃᑦᑕᕐᒪᑦ, ᓄᓇᒋᔭᑦᓯᓐᓂ ᓴᐳᑦᔨᓪᓗᓂ ᐊᑭᕋᑦᓯᓐᓂᒡᓗ ᑐᓂᓯᓪᓗᓂ ᐃᓕᑦᓯᓐᓄᑦ, ᑍᒤᒻᒪᑦ ᑕᖕᒫᕐᓯᒪᕕᓯ ᐃᑦᔪᕐᓁᑦᑐᒃᓴᐅᕗᖅ, ᐊᑐᖁᔭᐅᖏᑦᑐᒥᒃ ᐃᓅᓯᖃᕐᑍᓕᓗᓯ ᐊᑕᓂᕐᒧᑦ ᐊᓚᕐᑕᐅᖁᓇᓯ.”

ᒨᓯᓯ ᑕᓪᓕᒪᖏᑦ 25:12

ᐊᖑᑎᐅᑉ ᓂᑲᒋᑐᐃᓐᓇᖏᓪᓗᓂᐅᒃ; ᐊᕐᓇᐅᑉ ᐊᒡᒐᖏᑦ ᓇᑲᑕᒃᓴᕆᕔᑦ.

ᒨᓯᓯ ᑕᓪᓕᒪᖏᑦ 3:3

“ᐊᑕᓂᐅᑦᑕᐅᖅ ᒎᑎᑦᑕ ᐊᖓᔪᖅᑳᕐᔪᐊᖅ ᐋᒡ ᐹᓴᓂᒥ ᐊᖓᔪᖅᑳᕐᔪᐊᖑᔪᖅ ᐃᓄᖁᑎᖏᓪᓗ ᐅᕙᑦᑎᓐᓄᑦ ᑐᓂᓚᐅᕐᐰᑦ, ᑖᒃᑯᐊᓕᒫᑦ ᑐᖁᓚᐅᕐᐸᕗᑦ ᐊᒥᐊᒃᑯᖏᑦᓯᐊᕐᓗᒋᑦ.

ᒨᓯᓯ ᑕᓪᓕᒪᖏᑦ 31:5

ᐊᑕᓂᐅᓪᓗ ᓵᓚᖃᕐᑎᑦᓱᒫᕐᐹᓯ ᑖᒃᑯᓂᖓ, ᐱᓇᓱᐊᕐᕕᒋᔭᒃᓴᕆᕙᓯᓗ ᐱᖁᔨᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᒪᓕᑦᓯᐊᕐᓗᒋᑦ.

ᒨᓯᓯ ᑕᓪᓕᒪᖏᑦ 33:27

ᒎᑎ ᐃᓱᖃᖏᑦᑐᖅ ᐃᓂᒋᕙᓯ; ᑖᑦᓱᒪᓗ ᑕᓕᖏᒃ ᐃᓱᖃᖏᑦᑑᒃ ᓇᔪᒻᒪᖅᑯᑎᒋᕙᓯ. ᑖᑦᓱᒪᓗ ᐊᑭᕋᕐᑐᕐᑎᓯ ᐊᓂᑎᑉᐰᑦ ᓯᕗᓂᑦᓯᓐᓂ, ᐅᖃᐅᑎᓪᓗᓂᓯ ᓄᖑᕅᒋᑦᓯ.

ᒨᓯᓯ ᑕᓪᓕᒪᖏᑦ 7:16

ᐃᓅᖃᑎᒌᒡᔪᐊᓕᒫᓂᒃ ᓄᖒᑦᓯᑦᑎᐊᕐᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᑐᓂᔭᖏᓐᓂᒃ ᐃᓕᑦᓯᓐᓄᑦ, ᓂᑲᒋᔭᒃᓴᕆᖏᒻᒪᕆᒃᐸᓯ ᑕᐅᑦᑐᖏᑦ ᐱᑦᔪᑎᒋᓗᒋᑦ; ᒎᑎᒋᔭᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᑐᒃᓯᐊᕐᕕᒋᑐᐊᕈᑦᓯᒋᒃ ᓂᒐᕐᑎᑕᐅᔪᑎᑐᑦ ᑍᒤᒐᔭᕋᑦᓯ.

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᔮᓱᐊᑉ ᐊᒡᓚᖏᑦ 10:28

ᔮᓱᐊᓗ ᐅᓇᑕᕆᐊᐳᖅ ᒪᑮᑕᒥᐅᓪᓗ ᓵᓚᒋᓪᓗᒋᑦ ᐅᓪᓗᒥ ᑕᕝᕙᓂ, ᐊᖓᔪᖅᑳᕐᔪᐊᖓᓪᓗ ᐃᒡᓗᒐᓴᖕᒥᐅᓕᒫᓪᓗ ᓄᖑᑦᓯᐊᕐᓗᒋᑦ ᑐᖁᕋᓚᐅᕐᐰᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑕᖃᓚᐅᓐᖏᓚᖅ; ᒪᑮᑕᒥᐅᑦ ᐊᖓᔪᖅᑳᕐᔪᐊᖓ ᐱᓂᐊᕐᕕᒋᓚᐅᕐᐹ ᔨᕆᑰᑉ ᐊᖓᔪᖅᑳᕐᔪᐊᖓᓄᑦ ᐱᓂᐊᕐᓂᕆᓚᐅᕐᑕᒥᑐᑦ.

ᔮᓱᐊᑉ ᐊᒡᓚᖏᑦ 10:30

ᐊᑕᓂᐅᑉ ᐃᓴᕆᐊᓕᒥᐅᑦ ᓵᓚᖃᕐᑎᓚᐅᕐᐰᑦ ᐃᒡᓗᒐᓴᖕᓂᒃ ᑖᒃᑯᓂᖓ ᐊᖓᔪᖅᑳᕐᔪᐊᖏᓐᓂᒡᓗ; ᔮᓱᐊᓗ ᐊᑕᐅᓯᕐᒥᒡᓘᓐᓃᑦ ᐃᓅᓕᒃᓯᓚᐅᓐᖏᓚᖅ, ᑐᖁᑍᓐᓇᕆᓚᐅᕐᐰᑦ; ᐊᖓᔪᖅᑳᕐᔪᐊᖓᓪᓗ ᐱᓂᐊᕐᕕᒋᓚᐅᕐᐹ ᔨᕆᑰᑉ ᐊᖓᔪᖅᑳᕐᔪᐊᖓᓄᑦ ᐱᓂᐊᕐᓂᕆᓚᐅᕐᑕᒥᑐᑦ.

ᔮᓱᐊᑉ ᐊᒡᓚᖏᑦ 10:32

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓵᓚᖃᕐᑎᑉᐰᑦ ᓚᑮᓯᒥᐅᓂᒃ, ᐅᓇᑕᕐᓂᖏᑕ ᐅᓪᓘᑉ ᐂᑉᐸᖓᓂ, ᑍᒫᑦᓮᓐᓇᖅ ᐱᓚᐅᕋᒥᒃ ᓕᑉᓇᒥ, ᐊᑕᐅᓯᕐᒥᒡᓘᓐᓃᑦ ᐃᓅᓕᒃᓯᓚᐅᓐᖏᓚᖅ, ᐃᒡᓗᒐᓴᖕᓃᑦᑐᓕᒫᑦ ᑐᖁᑉᐰᑦ.

ᔮᓱᐊᑉ ᐊᒡᓚᖏᑦ 10:40

ᑕᕝᕙ ᔮᓱᐊᑉ ᓄᓇᓕᓕᒫᑦ ᓵᓚᒋᓚᐅᕐᐰᑦ, ᐊᖓᔪᖅᑳᕐᔪᐊᑦ ᖃᖅᑲᓃᑦᑐᑦ ᓵᓚᒋᓪᓗᒋᑦ, ᓯᕿᓂᐅᓪᓗ ᓄᐃᕕᐊᓃᑦᑐᑦ ᓂᒋᑉᒥ ᓯᕕᖓᔪᓂ ᓄᓇᓖᑦ, ᓯᕿᓂᐅᓪᓗ ᓂᐱᕕᐊᓃᑦᑐᑦ ᖃᖅᑲᓃᑦᑐᑦ, ᐊᒡᓛᑦ ᓯᕿᓂᐅᑉ ᓇᓛᓃᑦᑐᑦ ᓄᓇᒥ ᐸᓂᕐᑐᒥ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᓚᐅᓐᖏᓔᑦ; ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᑍᒤᓕᐅᖁᓚᐅᕐᒪᒍ.

ᔮᓱᐊᑉ ᐊᒡᓚᖏᑦ 10:42

ᔮᓱᐊᓪᓗ ᐊᖓᔪᖅᑳᕐᔪᐊᓕᒫᑦ ᓵᓚᒋᕔᑦ ᓄᓇᖁᑎᓕᒫᖏᓪᓗ ᐊᑕᐅᓯᐊᕐᓗᑎᒃ ᐅᓇᑕᕆᐊᕐᓗᒋᑦ, ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑦᑕ ᐅᓇᑕᕈᑎᓚᐅᕐᒪᒋᑦ ᐃᓴᕆᐊᓕᒥᐅᑦ.

ᔮᓱᐊᑉ ᐊᒡᓚᖏᑦ 11:8

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓵᓚᖃᕐᑎᑉᐰᑦ, ᐃᓴᕆᐊᓕᒥᐅᓪᓗ ᑐᖁᕅᓚᐅᕐᐳᑦ ᒪᓕᒡᓗᑎᒃ ᒥᔅᕆᐸᑦ-ᒤᒻᒧᑦ ᓮᑐᓂᒧᓪᓗ, ᓯᕿᓂᐅᑉ ᓄᐃᕕᖓᓄᑦ ᒥᔅᐱᐅᑉ ᓇᕐᓴᖓ ᑎᑭᓪᓗᒍ; ᐅᓇᑍᓐᓇᓚᐅᕐᐰᓪᓗ, ᐊᑕᖏᕐᓗᒋᑦ ᑐᖁᔪᐃᓐᓇᐅᓚᐅᖃᕐᑎᓐᓇᒋᑦ.

ᔮᓱᐊᑉ ᐊᒡᓚᖏᑦ 2:14

ᐊᖑᑏᒡᓗ ᐅᖃᕐᐴᒃ ᑖᑦᓱᒧᖓ, “ᒎᑎᐅᑉ ᑐᖁᓪᓕᑎᒍᒃ ᐅᖃᐅᓯᑦᑎᓐᓂᒃ ᐊᑐᖏᒃᑯᓐᓄᒃ! ᐅᖃᐅᓯᖃᕐᓂᐊᓐᖏᑐᐊᕈᕕᑦ ᐱᓇᓱᐊᕐᓂᕆᔭᑦᑎᓐᓂᒃ, ᑕᕝᕙ ᐃᓕᖕᓄᑦ ᐱᑦᓯᐊᕐᓂᐊᕐᐳᒍᒃ ᑲᔪᓯᑦᓯᐊᕐᓗᓄᒡᓗ ᐊᖏᕈᑎᒋᔭᑦᑎᓐᓂᒃ ᐊᑕᓂᐅᑉ ᑐᓂᒃᐸᑎᒍᑦ ᓄᓇᒥᒃ ᑕᒪᑐᒥᖓ.”

ᔮᓱᐊᑉ ᐊᒡᓚᖏᑦ 21:44

ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ.

ᔮᓱᐊᑉ ᐊᒡᓚᖏᑦ 8:24

ᐃᓴᕆᐊᓕᒥᐅᓪᓕ ᑐᖁᕅᔭᕇᕋᒥᒃ ᐊᑭᕋᒥᖕᓂᒃ ᐃᓄᖃᔪᐃᑦᑐᒧᑦ ᒪᓕᓚᐅᕐᑐᓂᒃ, ᐂᒧᑦ ᐅᑎᕐᓗᑎᒃ ᑍᑲᓃᑦᑐᓕᒫᑦ ᑐᖁᕋᕐᐰᑦ.

ᔮᓱᐊᑉ ᐊᒡᓚᖏᑦ 9:24

ᑖᒃᑯᐊ ᔮᓱᐊᒧᑦ ᑭᐅᕗᑦ ᐅᖃᕐᓗᑎᒡᓗ, “ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᖓᔪᖅᑳᒃ, ᑐᓴᓚᐅᕋᑦᑕ ᐊᑕᓂᐅᑉ ᒎᑎᑦᓯ ᐱᔨᓂ ᒨᓯᓯ ᐱᖁᓚᐅᕐᒪᒍ ᓄᓇᓕᓕᒫᓂᒃ ᐃᓕᖕᓄᐊᕆᖁᓪᓗᒍ, ᑐᖁᑕᐅᖁᓪᓗᒋᓪᓗ ᐃᓄᓕᒫᑦ ᓄᓇᓖᑦ ᖃᓂᖏᔭᑦᓯᓐᓃᑦᑐᑦ; ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᒃᓱᐊᓗᒃ ᑲᑉᐱᐊᓱᓚᐅᕋᑦᑕ ᐃᓕᑦᓯᓐᓂᒃ, ᐃᓅᓯᕗᑦ ᓴᐳᑎᓇᓱᓚᐅᕐᐸᕗᑦ.

ᔮᓱᐊᑉ ᐊᒡᓚᖏᑦ 9:7

ᐃᓴᕆᐊᓕᒥᐅᑦ ᕼᐃᕔᑎᒥᐅᓄᑦ ᐅᖃᕐᐳᑦ, “ᓱᖕᒪᑦ ᐊᖏᖃᑎᖃᕆᐊᖃᕐᐱᑖ? ᐃᒻᒪᖄᓕ ᒫᓂᑦᓯᐊᖅ ᓄᓇᖃᕐᑐᓯ, ᖃᓄᖅ ᐊᖏᖃᑎᖃᕈᒪᒐᑦᓯ?”

ᐃᓗᐊᕐᓮᔩᑦ ᐊᒡᓚᖏᑦ 1:24

ᑖᒃᑯᐊᓗ ᑕᑯᔭᕐᑐᕐᓯᒪᔪᑦ ᐊᖑᒻᒥᒃ ᐃᒡᓗᒐᓴᖕᓂᑦ ᐊᓂᓕᕐᑐᒥᒃ ᑕᑯᒐᒥᒃ ᐅᖃᐅᑎᕚᑦ, “ᖃᐅᔨᑎᓚᐅᕐᑎᒍᑦ ᖃᓄᖅ ᐃᒡᓗᒐᓴᖕᓄᐊᕈᓐᓇᕐᒪᖔᑦᑕ, ᑕᕝᕙ ᐱᑦᓯᐊᕐᕕᒋᓂᐊᕐᐸᑦᑎᒋᑦ.”

ᐃᓗᐊᕐᓮᔩᑦ ᐊᒡᓚᖏᑦ 1:4

ᔫᑕᒃᑯᓪᓗ ᐅᓇᑕᕆᐊᓚᐅᕐᐳᑦ ᑲᑐᑦᔨᓪᓗᑎᒃ. ᐊᑕᓂᐅᑉ ᓵᓚᖃᕐᑎᓚᐅᕐᐰᑦ ᑬᓇᓂᒥᐅᓂᒃ ᐱᕆᔧᑎᒥᐅᓂᒡᓗ; ᓵᓚᖃᓚᐅᕐᐳᑦ 10,000ᓂᒃ ᓄᓇᒥ ᐲᔨᒃᒥ.

ᐃᓗᐊᕐᓮᔩᑦ ᐊᒡᓚᖏᑦ 2:2

ᐊᖏᖃᑎᒌᒍᑎᓕᐅᕐᑐᒃᓴᐅᓐᖏᓚᓯᓗ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᑐᓂᕐᕈᓯᕐᕕᖏᓪᓗ ᓯᖁᒥᑕᒃᓴᕆᕙᓯ.’ ᐅᖃᐅᓯᕆᓚᐅᕐᑕᓐᓂᒡᓕ ᐊᑐᖏᓐᓇᑦᓯ. ᓱᖕᒪᑦ ᑍᒤᓕᐅᕐᐱᓰ?