ᒨᓯᓯ ᑕᓪᓕᒪᖏᑦ 7:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.

ᒨᓯᓯ ᑕᓪᓕᒪᖏᑦ 7:19 Iomraidhean Croise

ᐃᓐᖏᕈᑎᑦ 136:12

ᐊᒡᒐᖕᒥᓄᑦ ᓲᖑᔪᓄᑦ, ᑕᓕᕐᒥᓄᓪᓗ ᐃᓴᒻᒥᔪᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 44:4

ᐊᖓᔪᖅᑳᔪᐊᕆᕙᒋᑦ, ᒎᑎᒋᓪᓗᑎᓪᓗ; ᓵᓚᖃᐅᑦᔨᕗᑎᓪᓗ ᔧᑯᒥᒃ.

ᐃᓐᖏᕈᑎᑦ 77:12

ᐃᓱᒪᒃᓴᕐᓯᐅᕈᑎᒋᔪᒪᕙᒃᑲ ᐱᓂᐊᕐᓂᕕᓂᓕᒫᑎᑦ, ᐱᓇᓱᐊᕐᓯᒪᔭᑎᓪᓗ ᑲᒪᓇᕐᑐᑦ ᐃᓱᒪᒋᔪᒪᓪᓗᒋᑦ.

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᑕᓪᓕᒪᖏᑦ 29:3

ᑕᑯᓚᐅᕆᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓇᕐᑐᓂᒃ, ᑲᒪᓇᕐᑐᓕᓂᕐᓂᒡᓗ, ᓇᓗᓁᒃᑯᑕᕐᔪᐊᓂᒡᓗ ᐊᑕᓂᐅᑉ ᐱᓇᓱᓚᐅᕐᑕᖏᓐᓂᒃ.

ᒨᓯᓯ ᑕᓪᓕᒪᖏᑦ 3:21

“ᑕᕝᕙ ᔮᓱᐊ ᐃᒤᓕᐅᕆᐊᖃᕐᓂᖓᓂᒃ ᐅᖃᐅᑎᓕᓚᐅᕆᕙᕋ: ‘ᐃᓘᓐᓈᓂᒃ ᑕᑯᓯᒪᓕᕋᕕᑦ ᐊᑕᓂᐅᑉ ᒎᑎᕕᑦ ᐱᓇᓱᐊᕐᓂᕆᓚᐅᕐᑕᖓᓂᒃ ᐊᖓᔪᖅᑳᕐᔪᐊᖕᓄᑦ ᒪᕐᕉᖕᓄᑦ, ᓯᕼᐅᓐᒧᑦ ᐊᒡᒋᒧᓪᓗ; ᑍᒫᑦᓮᓐᓇᖅ ᓱᓕ ᐱᓇᓱᐊᕐᓂᐊᕐᐳᖅ ᐅᐸᒡᓗᒋᑦ ᓄᓇᒥᒃ ᐊᕐᓵᕐᓂᕕᒋᓇᓱᐊᕐᑕᓕᒫᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:34

ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 10:25

ᔮᓱᐊᓪᓗ ᐅᖃᐅᑎᕔᑦ, “ᑲᑉᐱᐊᓱᒐᓯ, ᓴᐱᕐᑍᓕᒋᑦᓯᓗ; ᓴᓐᖏᔫᓗᓯ ᓯᕘᕋᔪᐃᑦᑑᒋᑦᓯ; ᑍᒫᒃ ᑕᕝᕙ ᐊᑕᓂᐅᑉ ᐱᓇᓱᐊᕐᕕᒋᖃᑦᑕᕐᓂᐊᕐᐰᑦ ᐊᑭᕋᓕᒫᓯ ᐅᓇᑕᕐᑕᓯ.”

ᔮᓱᐊᑉ ᐊᒡᓚᖏᑦ 24:17

ᐊᑕᓂᐅᑉ ᒎᑎᑦᑕ ᐊᐅᓪᓚᕐᑎᓚᐅᕐᐹᑎᒍᑦ ᓯᕗᓕᕗᓪᓗ ᓄᓇᒥᑦ ᐄᑦᔨᑉᑎᒥᑦ, ᑎᒍᔭᐅᓯᒪᕕᖕᒦᑎᓪᓗᒋᑦ ᐄᑦᔨᑉᑎᒥᑦ, ᑖᑦᓱᒪᓗ ᑲᒪᓇᕐᑐᓕᓂᕐᔪᐊᖏᑦ ᑕᑯᓚᐅᕐᐸᕗᑦ ᐱᓂᐊᕐᓂᕆᓚᐅᕐᑕᖏᓪᓗ, ᐅᐸᒃᑕᓕᒫᑦᑎᓐᓂᓗ ᓴᐳᑎᖃᑦᑕᓚᐅᕐᐹᑎᒍᑦ, ᐃᓅᖃᑎᒌᒡᔪᐊᓂᓪᓗ ᐊᖅᑯᓵᕐᑕᓕᒫᑦᑎᓐᓂᑦ.

ᔮᓱᐊᑉ ᐊᒡᓚᖏᑦ 3:10

ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ,