ᒨᓯᓯ ᑕᓪᓕᒪᖏᑦ 7:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² “ᑖᒃᑯᓂᖓ ᐱᖁᔨᑦᔪᑎᓂᒃ ᓈᓚᒃᑯᕕᑦ ᒪᓕᑦᓯᐊᕈᕕᒋᓪᓗ ᓱᖁᓯᔪᐃᑦᑑᓗᑎᑦ, ᑕᕝᕙ ᐊᑕᓂᐅᑉ ᒎᑎᕕᑦ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᕕᒋᓂᐊᕐᐹᑎᑦ ᓇᒡᓕᒍᓱᖕᓂᕐᒥᓂᒡᓗ ᑍᒪᓐᖓᑦ ᖃᐅᔨᑎᖃᑦᑕᕐᓂᐊᕐᐹᑎᑦ, ᑕᒪᑐᒥᖓ ᓯᕗᓕᕕᓂᕐᓯ ᐊᖏᕐᕕᒋᓯᒪᖕᒪᒋᑦ;

ᒨᓯᓯ ᑕᓪᓕᒪᖏᑦ 7:12 Iomraidhean Croise

ᐊᑕᓃᑦ ᓯᕗᓪᓖᑦ 8:23

ᐅᖃᕐᓗᓂᓗ, “ᐊᑕᓃᖅ ᐃᓴᕆᐊᓕᐅᑉ ᒎᑎᖓᑦ, ᐊᑦᔨᖕᓂᒃ ᒎᑎᑕᖃᓐᖏᓚᖅ, ᐹᓂ ᕿᓚᖕᒥ ᓄᓇᐅᓪᓗ ᐊᑖᓂ, ᐊᖏᖃᑎᒌᒍᑎᒋᓯᒪᔭᑎᑦ ᑲᔪᓯᑎᒃᑲᕕᒋᑦ ᓇᒡᓕᖕᓃᓪᓗ ᓱᖁᓯᔪᐃᑦᑐᖅ ᖃᐅᔨᔭᐅᑎᓪᓗᒍ ᐱᔨᖕᓄᑦ ᓈᓚᒃᑐᓄᑦ ᐆᒻᒪᑎᓕᒫᒥᖕᓄᑦ ᐃᓕᖕᓂᒃ;

ᓂᕼᐃᒤᐊᐅᑉ ᐊᒡᓚᖏᑦ 1:5

ᐅᖃᕐᓗᖓᓗ, “ᐊᑕᓃᖅ ᒎᑏ ᕿᓚᖕᒦᑦᑐᑎᑦ, ᐊᖏᔪᕐᔪᐊᖑᔪᑎᑦ ᐃᓕᕋᓇᕐᑑᓪᓗᑎᓪᓗ ᒎᑎᐅᔪᑎᑦ, ᐊᖏᖃᑎᒌᒍᑎᒋᓯᒪᔭᕐᓂᒃ ᓇᒡᓕᒍᓱᖕᓂᕐᓂᒡᓗ ᑲᔪᓯᑎᑦᓯᖃᑦᑕᕐᑐᑎᑦ ᐃᓕᖕᓂᒃ ᐅᖓᒋᔭᖃᕐᑐᓄᑦ ᐱᖁᔭᕐᓂᒡᓗ ᒪᓕᒃᑐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᐃᓐᖏᕈᑎᑦ 103:18

ᑖᒃᑯᓄᖓ ᐊᖏᖃᑎᒌᒍᑎᖃᕐᓯᒪᓂᖓᓂᒃ ᓈᓚᒃᑐᓄᑦ, ᐱᖁᔭᖏᓐᓂᒡᓗ ᐱᓇᓱᐊᕐᓂᕐᒥᒃ ᐃᖅᑲᐅᒪᔪᓄᑦ.

ᐃᓐᖏᕈᑎᑦ 149:9

ᑎᑎᕋᕐᓯᒪᔪᓂᒃ ᐃᖅᑲᕐᑐᕐᑕᐅᑦᔪᑎᓂᒃ ᑐᓂᓯᖁᓪᓗᒋᑦ ᑖᒃᑯᓄᖓ; ᐃᑦᔪᕐᓁᑦᑐᖁᑎᓕᒫᖏᑦ ᑍᒤᑦᑐᒥᒃ ᓂᕐᑐᕐᓇᕐᓂᖃᕐᐳᑦ. ᐊᑕᓂᖅ ᓂᕐᑐᕐᑕᐅᓕ!

ᒨᓯᓯ ᐂᑉᐸᖏᑦ 15:26

ᐅᖃᕐᓗᓂᓗ, “ᐊᑕᓂᐅᑉ ᒎᑎᕕᑦ ᓂᐱᖓᓂᒃ ᓈᓚᑦᓯᐊᕐᓂᐊᕈᕕᑦ, ᑖᑦᓱᒪᓗ ᓈᒻᒪᒋᔭᖓᓂᒃ ᐱᓇᓱᐊᕐᓂᐊᕈᕕᑦ, ᐱᖁᔨᓂᕆᔭᓕᒫᖏᓪᓗ ᒪᓕᑦᓯᐊᕐᓂᐊᕈᕕᒋᑦ, ᑕᕝᕙ ᖃᓂᒪᓇᕐᑐᓄᑦ ᑎᑭᑕᐅᑎᓐᓂᐊᓐᖏᓚᒋᑦ ᐄᑦᔨᑉᑎᒥᐅᓄᑦ ᑎᑭᑎᓚᐅᕐᑕᒪ ᐊᑦᔨᖏᓐᓄᑦ; ᐅᕙᖓ ᐊᑕᓂᐅᒐᒪ, ᐃᓕᖕᓂᒃ ᐋᖅᑭᒃᓱᐃᔨ.”

ᔨᕆᒤᐊᐅᑉ ᐊᒡᓚᖏᑦ 11:5

ᐅᖃᕕᒃᓗᖓ ᐊᖏᒻᒪᕆᒍᑎᒋᓚᐅᕐᑕᕋ ᓯᕗᓕᑦᓯᓐᓄᑦ ᓱᓕᖁᓪᓗᒍ, ᓄᓇᑖᕐᑎᑦᓱᒪᓚᐅᕋᒃᑭ ᒪᒪᕐᑐᓂᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ ᐅᓪᓗᒥ ᓄᓇᒋᓕᕐᑕᑦᓯᓐᓂᒃ.” ᑕᕝᕙ ᑭᐅᕙᕋ, “ᐊᑕᓃᖅ, ᑍᒤᓕᕐᓕ.”

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᒤᑲᐅᑉ ᐊᒡᓚᖏᑦ 7:20

ᓱᓕᑦᓯᐊᕐᓃᑦ ᓴᖅᑭᑎᓐᓂᐊᕐᐸᑦ ᔧᑯᒧᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᐂᑉᕋᕼᐋᒻᒧᑦ, ᑍᑦᓱᒪᓂᐊᓗᒃ ᐊᖏᕈᑎᒋᓚᐅᕐᑍᑦ ᓯᕗᓕᕕᓂᑦᑎᓐᓄᑦ.

ᓘᑲᓯᐅᑉ ᐊᒡᓚᖏᑦ 1:55

ᐃᖅᑲᐅᒪᒐᒥ ᓂᑲᒍᓱᖕᓂᕐᒥᓂᒃ ᐂᑉᕋᕼᐋᒻᒧᑦ, ᑭᖑᕚᓕᒫᖏᓐᓄᓪᓗ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 11:13

“ᑍᒤᒻᒪᑦ, ᐱᖁᔧᑦ ᐃᓕᑦᓯᓐᓄᑦ ᐅᓪᓗᒥ ᑐᓂᔭᒃᑲ ᓈᓚᒃᑕᒃᓴᕆᕙᓯ; ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐱᔨᑦᓯᕐᕕᒋᓗᒍᓗ ᐆᒻᒪᑎᖕᓄᑦ ᐊᑕᖏᕐᑐᒧᑦ ᑕᕐᓂᕐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 5:10

ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᒨᓯᓯ ᑕᓪᓕᒪᖏᑦ 7:11

ᑍᒤᒻᒪᑦ ᒫᓐᓇ, ᓈᓚᒋᐊᖃᕐᐸᓯ ᐃᓕᑦᓯᓐᓄᑦ ᐃᓕᓮᑦᔪᑕᐅᔪᑦ; ᐱᖁᔭᓕᒫᓪᓗ ᒪᓕᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ.”

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,