6 ᐱᖁᔧᓪᓗ ᐃᓕᑦᓯᓐᓄᑦ ᑐᓂᔭᒃᑲ ᐅᓪᓗᒥ ᐳᐃᒍᕐᑕᒃᓴᕆᓐᖏᓚᓯ.
ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”
ᐱᖁᔭᖏᑦ ᖃᐅᔨᓴᑦᓯᐊᕐᓯᒪᕙᒃᑲ; ᒪᓕᒐᒃᓴᐅᖁᔭᖏᓪᓗ ᑐᓄᓚᐅᓐᖏᓚᒃᑲ.
ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.
ᖃᓂᒃᑯᑦ ᐅᖃᐅᓯᕆᓚᐅᕐᐸᒃᑲ ᒪᓕᒃᑕᐅᖁᓪᓗᒋᑦ ᐅᖃᐅᓯᕆᓚᐅᕐᑕᓕᒫᑎᑦ.
ᓱᓕᑦᓯᐊᕐᑐᒥ ᐃᓅᓯᖃᕈᒪᓂᖅ ᓂᕈᐊᓚᐅᕐᐸᕋ; ᐊᑐᕐᑕᐅᖁᔭᑎᑦ ᓯᕗᓂᕆᓚᐅᕐᐸᒃᑲ.
ᐱᖁᔭᕕᑦ ᓯᓚᑐᓂᕐᓴᐅᑎᑉᐹᖓ ᐊᑭᕋᕐᑐᕐᑎᒋᔭᓐᓂᑦ, ᑖᒃᑯᐊᓗ ᐱᓯᒤᓐᓇᕐᓂᐊᕐᐸᒃᑲ.
ᒎᑎᖓᑕ ᐱᖁᔭᖏᑦ ᐆᒻᒪᑎᖓᓃᒻᒪᑕ; ᐱᓱᒡᓗᓂ ᐊᓪᓗᕐᓂᖏᑦ ᖁᐂᔭᕿᓐᓂᐊᓐᖏᓚᑦ.
ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.
ᐊᑕᓂᖅ ᑕᑎᒋᒍᒃ ᐆᒻᒪᑎᖕᓄᑦ ᑕᒤᓐᓄᑦ, ᖃᐅᔨᒪᔭᑎᓪᓗ ᑕᑎᒋᓂᐊᕐᓇᒋᑦ.
ᕿᑎᕐᓯᕐᒥᐅᑕᑎᑐᑦ ᐊᑎᓯᒪᒃᑭᑦ ᐊᒡᒐᖕᓂ, ᐆᒻᒪᑎᒃᑯᑦ ᑎᑎᕋᕐᓗᒋᑦ ᐅᔭᖅᑲᒧᑦ ᐃᑎᕐᓴᓕᐅᕈᑎᓯᒪᔪᑎᑐᑦ.
ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.
ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.
ᔩᓱᓯᐅᑉ ᐊᖓᔪᖅᑳᖕᓂ ᐊᖏᕐᕋᐅᖃᑎᒋᓕᕐᐹᒃ ᓈᓴᕇᑎᒧᑦ, ᓈᓚᑦᓯᐊᕐᓗᒋᒃ; ᐊᓈᓇᖓᑕᓕ ᑕᒪᒃᑯᐊ ᐅᖃᐅᓯᓕᒫᖏᑦ ᐃᓱᒪᒥᐅᑕᕆᓕᕐᐰᑦ.
ᐱᕈᕐᓯᐊᒃᓴᓪᓕ ᓄᓇᒧᑦ ᐃᑦᔪᑦᓯᐊᕆᒃᑐᒧᑦ ᑲᑕᒃᑐᑦ, ᐃᒤᑦᑐᓂᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᑦ, ᐱᓯᒤᓐᓇᕐᓗᒋᑦ ᓈᓚᑦᓯᐊᕐᓂᒃᑯᑦ ᐆᒻᒪᑎᒥᒍᑦ, ᓱᕐᕋᔪᐃᑦᑑᓪᓗᑎᒃ ᐱᕈᕐᕕᐅᓚᐅᖏᓐᓂᕐᒥᖕᓂ ᕿᓄᐃᓵᕐᓂᒃᑯᑦ.”
ᓇᓗᓇᖏᑦᓯᐊᕐᑐᒥᒡᓗ ᙭ᔅᑑᓯᒥ ᑎᑎᖅᑲᐅᕗᓯ ᐱᓇᓱᐊᕐᓂᑦᑎᒍᑦ ᓴᖅᑭᑎᑕᐅᓯᒪᓪᓗᓯ, ᑎᑎᕋᐅᒻᒧᑦ ᑎᑎᕋᕐᓯᒪᓐᖏᓚᓯ; ᒎᑎᐅᓪᓕ ᐆᒪᔫᑉ ᐊᓂᕐᓂᖓᓄᑦ, ᐅᔭᖅᑲᑎᒍᑦ ᑎᑎᕋᕐᓯᒪᖏᑦᑐᑦ ᐃᓅᓪᓕ ᐆᒻᒪᑎᖓᒍᑦ ᑎᑎᕋᕐᓯᒪᔪᑦ.
“ᑕᒪᒃᑯᐊ ᐃᖅᑲᐅᒪᔭᒃᓴᕆᕙᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᒃᑲ ᑍᒧᖎᓐᓇᕆᐅᕐᓴᕐᓗᒋᓪᓗ ᐆᒻᒪᑎᑦᓯᒍᑦ. ᐊᒡᒐᐅᑎᑦᓯᓐᓄᑦ ᓂᒻᒪᐅᑎᓗᒋᑦ ᕿᓚᒃᑕᒃᓴᕆᕙᓯ ᖃᐅᕐᒥᐅᑕᕆᓗᒋᓪᓗ ᐊᑯᓕᐊᑦᓯᓐᓂ ᐃᓕᑦᓯᓐᓄᑦ ᓇᓗᓁᒃᑯᑕᐅᖁᓪᓗᒋᑦ.
ᑎᑎᕋᕐᑕᒃᓴᕆᕙᓯ ᐃᒡᓗᑦᓯ ᐃᑎᕐᑕᕐᕕᖏᑕ ᐊᕙᓗᖏᑎᒍᑦ ᐃᒡᓗᒐᓮᓪᓗ ᐊᕙᓗᕐᔪᐊᖏᑕ ᐃᑎᕐᑕᕐᕕᖏᑎᒍᑦ.
ᐃᓄᖕᓄᑦ ᐅᖃᕐᐳᖅ, “ᐆᒻᒪᑎᑦᓯᓐᓄᑦ ᑐᖅᑯᕐᓯᐅᒃ ᐅᖃᐅᓯᓕᒫᑦ ᐅᖃᐅᓯᕆᔭᒃᑲ, ᒪᓕᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒃᑲ, ᕿᑐᕐᖓᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᒃᓴᕆᕙᓯ, ᑖᒃᑯᐊᑦᑕᐅᖅ ᑲᒪᑦᓯᐊᕐᓗᑎᒃ ᒪᓕᖁᓪᓗᒋᑦ ᐱᖁᔧᑦ ᐅᑯᐊ ᐅᖃᐅᓯᓕᒫᖏᓐᓂᒃ.
᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.
ᓱᓕᔪᖅ ᐃᓗᑦᑎᓐᓃᑦᑐᖅ ᐅᕙᑦᑎᓐᓃᑦᓮᓐᓇᕐᓂᐊᕐᒪᑦ ᐃᓱᖃᖏᑦᑐᒧᑦ:
