ᒨᓯᓯ ᑕᓪᓕᒪᖏᑦ 6:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ.

ᒨᓯᓯ ᑕᓪᓕᒪᖏᑦ 6:2 Iomraidhean Croise

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᒨᓯᓯ ᓯᕗᓪᓖᑦ 22:12

ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.”

ᐊᑕᓃᑦ ᓯᕗᓪᓖᑦ 8:40

ᑍᒤᓕᐅᕈᕕᑦ ᐃᓄᐃᑦ ᐃᓕᕋᒋᓂᐊᕐᐹᑎᑦ ᐃᓅᓂᓕᒫᒥᖕᓂ ᑕᒫᓂ ᓄᓇᒥ ᑐᓂᓚᐅᕐᑕᕐᓂ ᓯᕗᓕᕕᓂᑦᑎᓐᓄᑦ.

ᔫᐱᐅᑉ ᐊᒡᓚᖏᑦ 28:28

ᐃᓄᖕᒧᓪᓗ ᐅᖃᕐᓗᓂ, ‘ᑕᑯᒋᑦ, ᐊᑕᓂᕐᒥᒃ ᓯᕘᕋᓂᖅ, ᑕᒪᓐᓇ ᓯᓚᑐᓂᐅᕗᖅ; ᐊᔪᕐᓂᕐᒥᒡᓗ ᕿᒤᓂᖅ ᑕᕝᕙ ᑐᑭᓯᓂᐅᕗᖅ.’”

ᐃᓐᖏᕈᑎᑦ 111:10

ᐊᑕᓂᕐᒥᒃ ᓯᕘᕋᓂᖅ ᓯᓚᑐᓂᕐᒥᒃ ᐱᒋᐊᕐᕕᐅᕗᖅ; ᑐᑭᓯᓯᒪᑦᓯᐊᕐᓂᕐᒥᒃ ᐱᑎᑕᐅᕗᑦ ᑕᒪᕐᒥᒃ ᐱᖁᔭᖏᓐᓂᒃ ᐊᑐᕐᑐᑦ. ᑖᑦᓱᒪ ᓂᕐᑐᕐᑕᐅᓂᖓ ᐃᓱᖃᖏᑦᑐᒧᑦ ᑐᕌᕐᐳᖅ!

ᐃᓐᖏᕈᑎᑦ 128:1

ᑐᓱᓐᓇᕐᐳᑦ ᐊᑕᓂᕐᒥᒃ ᓯᕘᕋᔪᑦ ᑕᒪᕐᒥᒃ, ᐃᓅᓯᖃᕐᑐᓪᓗ ᑖᑦᓱᒪ ᐊᑐᕐᑕᐅᖁᔭᖏᓐᓂᒃ.

ᐃᓐᖏᕈᑎᑦ 91:16

ᐃᓅᓯᕐᒥᒃ ᓯᕕᑐᔪᒥᒃ ᐊᑭᓕᕐᓗᒍ ᓈᒻᒪᒃᓯᑎᓐᓂᐊᕐᐸᕋ, ᑕᑯᑎᓐᓂᐊᕐᐸᕋᓗ ᐱᐅᓕᒃᓯᓂᓐᓂᒃ.

ᒨᓯᓯ ᐂᑉᐸᖏᑦ 20:12

“ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ ᐊᑯᓂ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᒨᓯᓯ ᐂᑉᐸᖏᑦ 20:20

ᒨᓯᓯᐅᓪᓗ ᑭᐅᕔᑦ, “ᑲᑉᐱᐊᓱᖏᓪᓗᓯ, ᒎᑎ ᑕᒪᐅᓐᖓᕐᓯᒪᕗᖅ ᓱᖅᑯᐃᕐᓯᑦᓯᐊᖁᓪᓗᓯ, ᑖᑦᓱᒥᖓᓗ ᓯᕘᕋᓂᕐᒧᑦ ᐊᔪᕐᑐᓕᖁᓇᑦᓯ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:6

ᑲᒪᑦᓯᐊᕐᓂᕐᒧᑦ ᓱᖁᓯᔪᐃᑦᑑᓂᕐᒧᓪᓗ ᐊᔪᕐᑐᓕᓃᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᖃᕐᐳᑦ, ᐊᑕᓂᕐᒥᒃ ᓯᕘᕋᓂᒃᑯᑦ ᐃᓄᒃ ᐱᐅᖏᑦᑐᓂᒃ ᓂᒍᐃᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:16

ᐃᓅᑯᑖᒃᑎᑕᐅᓂᖅ ᑕᓕᕐᐱᖕᒥᓄᑦ ᑎᒍᒥᐊᕐᐹ, ᓴᐅᒥᖕᒥᓂᓗ ᐊᒃᓗᐃᓂᕐᒥᒃ ᐅᐱᒋᔭᐅᓂᕐᒥᒡᓗ ᑎᒍᒥᐊᕐᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:11

ᐅᕙᒃᑯᑦ ᐅᓪᓗᕆᓛᕐᑕᑎᑦ ᐅᓄᕐᓯᑎᑕᐅᓂᐊᕐᐳᑦ, ᐊᕐᕌᒍᐃᓪᓗ ᐃᓅᕕᒋᓂᐊᕐᑕᑎᑦ ᐃᓚᔭᐅᓂᐊᕐᓗᑎᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᔨᕆᒤᐊᐅᑉ ᐊᒡᓚᖏᑦ 32:39

ᐊᑕᐅᓯᕐᒥᒃ ᐆᒻᒪᑎᖃᕐᑎᑦᓱᒫᕐᐸᒃᑲ ᐊᑕᐅᓯᕐᒥᒡᓗ ᐊᖅᑯᑎᖃᕐᑎᓪᓗᒋᑦ, ᐅᕙᓐᓂᒃ ᓯᕘᕋᒋᔭᖃᖁᓪᓗᒋᑦ ᐃᓱᖃᖏᑦᑐᒧᑦ, ᐱᐅᓂᕐᓴᒦᖁᓪᓗᒋᑦ ᑭᖑᕚᒃᓴᖏᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 20:19

ᐅᕙᖓ ᐊᑕᓂᖅ ᒎᑎᒋᒐᑦᓯᓐᖓ; ᐱᓂᐊᕐᑕᐅᖁᔭᒃᑲ ᒪᓕᓕᕐᓯᐅᒃ, ᐊᑐᕐᑕᐅᖁᔭᒃᑲᓗ ᐊᑐᕐᓗᒋᑦ,

ᓘᑲᓯᐅᑉ ᐊᒡᓚᖏᑦ 12:5

ᐅᖃᐅᑎᔪᒪᕙᑦᓯ ᓯᕘᕋᒋᔭᕆᐊᖃᕐᑕᑦᓯᓐᓂᒃ: ᑖᓐᓇ ᓯᕘᕋᒋᓯᐅᒃ, ᑐᖁᑦᓯᔭᕇᕈᓂ, ᐱᔪᓐᓇᕐᓂᖃᕐᒥᔪᖅ ᑲᑉᐱᐊᓇᕐᑐᕕᖕᒧᑦ ᐃᒋᑦᓯᓂᕐᒥᒃ; ᐃᓛᒃ, ᐅᖃᐅᑎᕙᑦᓯ ᑖᓐᓇ ᓯᕘᕋᒋᓯᐅᒃ!

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 11:9

ᑕᕝᕙ ᑕᒫᓂ ᐊᑯᓂ ᐃᓅᔪᓐᓇᕐᓂᐊᕐᐳᓯ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᔪᕐᓴᕐᓇᖏᑦᑐᒥᓗ ᐊᑕᓂᐅᑉ ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᖓᓂᒃ ᓯᕗᓕᕕᓂᑦᓯᓐᓄᑦ ᑭᖑᕚᖏᓐᓄᓪᓗ.

ᒨᓯᓯ ᑕᓪᓕᒪᖏᑦ 13:4

ᐊᑕᓂᖅ ᒎᑎᓯ ᒪᓕᒃᑕᒃᓴᕆᕙᓯ ᐃᓕᕋᒋᓗᒍᓗ ᐱᖁᔭᖏᓪᓗ ᒪᓕᒡᓗᒋᑦ ᓂᐱᖓᓗ ᓈᓚᒡᓗᒍ, ᑐᒃᓯᐊᕐᕕᒋᔭᒃᓴᕆᕙᓯ ᓴᒃᑯᑦᑍᓕᓗᒍᓗ.

ᒨᓯᓯ ᑕᓪᓕᒪᖏᑦ 15:5

ᑖᓐᓇ ᓈᓚᖕᓂᐊᕈᑦᓯᐅᒃ ᐊᑐᕐᑕᐅᖁᔭᓕᒫᖏᓐᓂᒡᓗ ᐊᑐᕋᓱᑦᓯᐊᕈᑦᓯ ᐅᓪᓗᒥ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᓐᓂᒃ.

ᒨᓯᓯ ᑕᓪᓕᒪᖏᑦ 22:7

ᐱᐊᕋᖏᓐᓂᒡᓕ ᐱᔪᓐᓇᕋᓗᐊᕐᐳᑎᑦ ᐊᓈᓇᖓ ᐱᔭᒃᓴᕆᓐᖏᓚᑦ, ᖃᓄᐃᖏᑦᓯᐊᖁᓪᓗᑎ, ᐊᑯᓂᓗ ᓄᓇᒥ ᐃᓅᔪᓐᓇᖁᓪᓗᑎᑦ.

ᒨᓯᓯ ᑕᓪᓕᒪᖏᑦ 30:19

ᕿᓚᒃ ᓄᓇᓗ ᑕᒪᑐᒥᖓ ᓂᕈᐊᕆᔭᑦᓯᓐᓂᒃ ᖃᐅᔨᒪᖁᕚᒃᑲᒃ ᐅᓪᓗᒥ ᒪᓂᑦᔨᒐᒪ ᐃᓕᑦᓯᓐᓄᑦ ᐃᓅᓯᕐᒥᒃ ᑐᖁᒥᒡᓗ, ᓇᓪᓕᐊᓐᓂᑐᐃᓐᓇᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᓱᒋᐊᕐᓯᓂᖓᓂᒡᓗ, ᑍᒤᒻᒪᑦ ᐃᓅᓯᕐᒥᒃ ᓂᕈᐊᕆᑦᓯ, ᑭᖑᕚᒃᓴᓯᓗ ᐃᓅᖁᓪᓗᓯ.

ᒨᓯᓯ ᑕᓪᓕᒪᖏᑦ 30:20

ᐊᑕᓂᖅ ᒎᑏᑦ ᐅᖓᒋᔭᒃᓴᕆᕙᑦ, ᓂᐱᖓᓗ ᓈᓚᒡᓗᒍ ᓱᖁᓯᔪᐃᑦᑑᕕᒋᓗᒍᓗ, ᑕᕝᕙ ᑭᖑᕚᓕᒫᓯᓗ ᐃᓅᔪᒫᕐᐳᓯ ᓄᓇᒥ ᐊᖏᕈᑎᒋᓯᒪᔭᖓᓂ ᑐᓂᓂᐊᕐᓂᕋᕐᓗᓂᐅᒃ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.”

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᒨᓯᓯ ᑕᓪᓕᒪᖏᑦ 4:40

ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 4:9

ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᒨᓯᓯ ᑕᓪᓕᒪᖏᑦ 5:16

“‘ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ, ᐅᕙᖓ ᐊᑕᓂᖅ ᒎᑎᒋᔭᓯ ᑍᒫᒃ ᐱᖁᔨᒐᒪ ᐃᓕᖕᓂᒃ, ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᒨᓯᓯ ᑕᓪᓕᒪᖏᑦ 5:33

ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”

ᒨᓯᓯ ᑕᓪᓕᒪᖏᑦ 6:1

“ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.

ᒨᓯᓯ ᑕᓪᓕᒪᖏᑦ 6:24

ᐊᑕᓂᐅᓪᓗ ᐱᖁᓚᐅᕐᐹᑎᒍᑦ ᒪᓕᖁᓪᓗᑕ ᐱᖁᔨᑦᔪᑎᓕᒫᖏᓐᓂᒃ ᐅᐱᒋᑦᓯᐊᕐᓗᒍᓗ, ᐊᑕᓂᖅ ᒎᑎᕗᑦ ᓯᕘᕋᒋᓗᒍ ᑕᕝᕙ ᑍᒤᒍᑦᑕ, ᐃᓅᖃᑎᒌᒡᔪᐊᖑᓂᕗᑦ ᑍᒫᓐᖓᑦ ᑲᒪᒋᑦᓯᐊᕐᓂᐊᕐᐰᑦ ᐱᕙᓪᓕᐊᑎᑦᓯᐊᕐᓗᓂᒋᓪᓗ.

ᒨᓯᓯ ᑕᓪᓕᒪᖏᑦ 6:7

ᐊᔪᐃᓐᓇᕐᓗᓯ ᕿᑐᕐᖓᑦᓯᓐᓄᑦ ᐃᓕᓐᓂᐊᕐᑎᑦᓯᑦᔪᑎᒋᔭᒃᓴᕆᕙᓯ. ᑍᒧᖎᓐᓇᕆᐅᒃᓴᒐᒃᓴᕆᕙᓯᓗ ᐃᓕᓐᓂᐊᕐᓗᒋᑦ ᐊᖏᕐᕋᑦᓯᓐᓂ ᐊᐅᓪᓚᕐᓯᒪᑎᓪᓗᓯᓗ, ᓄᖅᑲᖓᑎᓪᓗᓯ ᓴᓇᑎᓪᓗᓯᓗ.

ᔮᓱᐊᑉ ᐊᒡᓚᖏᑦ 4:24

ᐃᓄᓕᒫᑦ ᓄᓇᕐᔪᐊᕐᒥᐅᑦ ᖃᐅᔨᖁᓪᓗᒋᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ; ᐃᓕᑦᓯᓗ ᐃᓕᕋᓱᐃᓐᓇᕐᓂᐊᕋᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓱᖃᖏᑦᑐᒧᑦ.”

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.