ᒨᓯᓯ ᑕᓪᓕᒪᖏᑦ 6:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ “ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᓯᕗᓕᓯ ᐊᖏᕐᕕᒋᓚᐅᕐᒪᒋᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᓄᓇᒥᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᐊᖏᔪᒥᒃ ᐊᔪᕐᓴᕐᓇᖏᑦᑐᒥᒡᓗ ᐃᒡᓗᒐᓴᒡᔪᐊᓂᒡᓗ ᐃᓕᑦᓯ ᓇᖕᒥᓂᖅ ᓴᓇᓚᐅᓐᖏᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 6:10 Iomraidhean Croise

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᒨᓯᓯ ᓯᕗᓪᓖᑦ 28:13

ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:25

ᐃᓄᖁᑎᑎᓪᓗ ᐃᒡᓗᒐᓴᖕᓂᒃ ᓴᐴᓗᑕᕐᔪᐊᓕᖕᓂᒃ ᓵᓚᖃᓚᐅᕐᐳᑦ, ᓄᓇᒥᒡᓗ ᐱᕈᕐᑐᓕᖕᒥᒃ, ᐃᒡᓗᓂᒡᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ, ᐃᒥᕐᑕᕐᕖᓪᓗ ᐃᑎᕐᓴᓕᐅᕇᕐᓯᒪᔪᑦ, ᓇᐹᕐᑐᓂᒡᓗ ᐅᕐᓱᒃᓴᓕᖕᓂᒃ, ᐱᕈᕐᑐᓕᖕᓂᒡᓗ, ᕔᓂᒃᓴᓕᖕᓂᒡᓗ ᑐᓂᓚᐅᕐᐸᑎᑦ, ᓂᕆᔪᒪᔭᓕᒫᒥᓂᒡᓗ ᓂᕆᓚᐅᕐᐳᑦ ᖁᐃᒃᓯᓪᓗᑎᒡᓗ; ᖁᕕᐊᓲᑎᖃᓚᐅᕐᐳᓪᓗ ᐱᐅᔪᓂᒃ ᑐᓂᔭᕐᓂᒃ ᑖᒃᑯᓄᖓ.

ᐃᓐᖏᕈᑎᑦ 105:44

ᑐᓂᓯᕕᒋᓚᐅᕐᐰᓪᓗ ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᓄᓇᖓᓐᓂᒃ; ᑕᒫᓂ ᓄᓇᖃᓚᐅᕐᑐᑦ ᐱᖁᑎᖏᓐᓂᒃ ᐱᑖᖁᓪᓗᒋᑦ ᓇᖕᒥᓂᕐᑖᕆᓗᒋᑦ,

ᐃᓐᖏᕈᑎᑦ 78:55

ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓚᐅᕐᐰᑦ ᐃᓄᖁᑎᒥ ᓵᖏᓐᓂᑦ, ᓄᓇ ᐆᒃᑐᕋᐅᑎᒃᑯᑦ ᓇᓗᓁᕐᓯᒪᔪᖅ ᑐᓐᓂᕐᓴᐅᑎᒋᓪᓗᒍ ᓄᓇᑖᕆᔭᐅᖁᓪᓗᒍ ᑭᖑᕐᖑᑎᔭᐅᔪᑎᑐᑦ, ᐃᓴᕆᐊᓖᓪᓗ ᑭᖑᕚᕇᑦ ᐊᖏᕐᕋᕐᑖᕐᑎᓚᐅᕐᐰᑦ ᓄᓇᒥ ᑕᒫᓂ.

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 19:1

“ᐊᑕᓂᐅᑉ ᒎᑎᑦᓯ ᐃᓅᖃᑎᒌᒡᔪᐊᓂᒃ ᓄᓇᖃᕐᑐᓂᒃ ᓄᖑᑎᑦᓯᓚᐅᕐᓂᖓᑕ ᑭᖑᓂᖓᒍᑦ ᐃᓕᑦᓯᓐᓄᑦ ᓄᓇᑖᕆᔭᐅᑎᓯᒪᓕᕐᐸᒍ ᑖᒃᑯᐊᓗ ᓄᓇᖓᑦ ᓄᓇᑖᕆᒍᑦᓯᐅᒃ ᐃᒡᓗᒐᓴᖏᓪᓗ ᐃᒡᓗᒋᓕᕈᑦᓯᐅᒃ,

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᒨᓯᓯ ᑕᓪᓕᒪᖏᑦ 6:18

ᐊᑕᓂᐅᑉ ᓵᖓᓂ ᐃᓅᑦᓯᐊᕐᑐᒃᓴᐅᕗᓯ ᐱᑦᓯᐊᕐᑐᒃᓴᐅᓪᓗᓯᓗ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ. ᐊᑕᓂᐅᑉ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔭᖓᓂᒃ ᓄᓇᑦᓯᐊᕙᖕᒥᒃ ᓄᓇᑖᕈᓐᓇᖁᓪᓗᓯ,

ᒨᓯᓯ ᑕᓪᓕᒪᖏᑦ 6:23

ᐄᑦᔨᑉᑎᒥᐅᓂᑦ ᐊᓂᑎᓪᓗᑕ ᑕᒪᐅᖓ ᓄᓇᒧᑦ ᐱᑎᓚᐅᕐᐹᑎᒍᑦ ᑕᒪᑐᒥᖓᓗ ᓄᓇᑖᕐᑎᓪᓗᓂᑎᒍᑦ, ᑕᒪᓐᓇ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᓚᐅᕐᒪᒍ ᑐᓂᓛᕐᓂᐊᕐᓂᕋᕐᓗᒍ.

ᒨᓯᓯ ᑕᓪᓕᒪᖏᑦ 8:12

ᓂᕆᔪᒪᔭᓕᒫᑦᓯᓐᓂᒃ ᓂᕆᖃᑦᑕᓕᕐᑎᓪᓗᓯ ᐃᒡᓗᑦᓯᐊᕙᖕᓂᒡᓗ ᓴᓇᓯᒪᓕᕐᑎᓪᓗᓯ ᐊᖏᕐᕋᖃᓕᕐᑎᓪᓗᓯᓗ,

ᒨᓯᓯ ᑕᓪᓕᒪᖏᑦ 9:1

“ᐃᓴᕆᐊᓕᒥᐅᑦ ᓈᓚᒋᑦᓯ! ᐅᓪᓗᒥ ᐃᑳᕐᓂᐊᓕᕐᐳᓯ ᔪᐊᕐᑕᓂᐅᑉ ᑰᖓᒍᑦ, ᓄᓇᑖᖁᓪᓗᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐅᓄᕐᓂᕐᓴᕐᔪᐊᖑᔪᓄᑦ ᐊᔪᖏᓐᓂᕐᓴᕐᔪᐊᖑᔪᓄᓪᓗ ᓄᓇᒋᔭᐅᔪᒥᒃ. ᐃᒡᓗᒐᓴᒡᔪᐊᓂᒃ ᐊᖏᔪᕐᔪᐊᖑᔪᓂᒃ, ᐊᕙᓗᕐᔪᐊᖏᓪᓗ ᕿᓚᖕᒧᑦ ᑎᑭᐅᒪᔪᓂᒃ.

ᔮᓱᐊᑉ ᐊᒡᓚᖏᑦ 24:13

ᓄᓇᑖᕐᑎᓚᐅᕐᐸᑦᓯ ᓴᓇᓚᐅᓐᖏᑕᑦᓯᓐᓂᒃ, ᐃᒡᓗᒐᓴᒡᔪᐊᓂᒡᓗ ᓇᑉᐸᓚᐅᓐᖏᑕᑦᓯᓐᓂᒃ, ᒫᓐᓇᓕ ᓄᓇᒋᓕᕐᐸᓯ; ᓂᕆᓕᕐᐳᓯᓗ ᐱᕈᕐᓰᕕᖕᒥ ᐱᕈᕐᑐᕕᓂᕐᓂᒃ, ᓇᐹᕐᑑᓪᓗ ᐅᕐᓱᒃᓴᖏᓐᓂ ᐱᕈᕐᓯᐊᕆᓚᐅᓐᖏᑕᑦᓯᓐᓂᑦ.’