ᒨᓯᓯ ᑕᓪᓕᒪᖏᑦ 4:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᒃᐱᒍᓱᑦᓯᐊᕆᑦᓯ! ᑲᒪᑦᓯᐊᕐᓗᓯᓗ ᐳᐃᒍᖁᓇᓯ, ᐆᒻᒪᑎᑦᓯᓐᓂᓪᓗ ᑕᒪᒃᑯᐊ ᕿᒪᕉᑎᖁᓇᒋᑦ ᐃᓅᓂᓕᒫᑦᓯᓐᓂ, ᓇᖕᒥᓂᖅ ᑕᑯᓪᓚᕆᒃᓯᒪᔭᑦᓯ. ᓄᑕᖅᑲᓯ ᑕᒪᒃᑯᓂᖓ ᐃᓕᓴᕐᑎᖃᑦᑕᕐᓯᐅᒃ ᐃᕐᖑᑕᓯᓗ.

ᒨᓯᓯ ᑕᓪᓕᒪᖏᑦ 4:9 Iomraidhean Croise

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᐃᓐᖏᕈᑎᑦ 119:11

ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.

ᐃᓐᖏᕈᑎᑦ 71:18

ᓱᓕᓗ ᐃᓄᑐᖃᐅᓕᕈᒪ ᓂᐊᖁᕋᓗ ᖃᑯᕐᑕᐅᓕᕐᐸᑦ, ᒎᑏ, ᕿᒪᖕᓂᐊᕐᓇᖓ, ᐊᔪᒐᖃᖏᓐᓂᕐᓂᒃ ᐅᖃᐅᓯᖃᓚᐅᖅᑳᕐᑎᓐᓇᖓ ᐱᔪᓐᓇᕐᓂᕐᓂᒡᓗ ᑭᖑᕚᕇᓕᒫᓄᑦ ᐃᓅᔪᒫᕐᑐᓄᑦ.

ᒨᓯᓯ ᐂᑉᐸᖏᑦ 10:2

ᐊᒻᒪᑦᑕᐅᖅ ᐅᖃᐅᓯᖃᕈᓐᓇᖁᓪᓗᑎᑦ ᕿᑐᕐᖓᕐᓄᑦ ᕿᑐᕐᖓᕕᓪᓗ ᕿᑐᕐᖓᖏᓐᓄᑦ ᖃᓄᖅ ᐄᑦᔨᑉᑎᒥᐅᓂᒃ ᐱᓐᖑᐊᖃᑐᐃᓐᓇᕐᑑᔮᓚᐅᕐᓂᓐᓂᒃ ᖃᓄᕐᓗ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᓚᐅᕐᒪᖔᕐᒪ ᑖᒃᑯᑎᒎᓇᖅ; ᑕᒪᑦᓯ ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ.”

ᒨᓯᓯ ᐂᑉᐸᖏᑦ 23:13

“ᑕᒪᒃᑯᐊ ᐃᓕᑦᓯᓐᓄᑦ ᐅᖃᐅᓯᕆᔭᓕᒫᒃᑲ ᓈᓚᒃᓯᒋᒃ; ᐊᓯᓐᓂᒃ ᒎᑎᐅᓂᕅᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᓂᐊᕋᓯᓗ ᑍᒤᑦᑐᓂᒃ, ᐊᑎᖏᓐᓂᒃ ᐊᒡᓛᑦ ᐅᖃᕐᑐᖃᕐᑐᒃᓴᐅᓐᖏᓚᖅ ᖃᓂᑦᓯᒍᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:8

ᐃᕐᓃᒃ ᓈᓚᑦᓯᐊᕆᑦ ᐊᑖᑕᕕ ᐃᓕᓮᓂᖏᓐᓂᒃ, ᐊᓈᓇᕕᓪᓗ ᐊᔪᕆᕐᑐᐃᑦᔪᑎᖏᓐᓂᒃ ᓇᕐᕈᓂᐊᕐᓇᒃ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:26

ᐃᕐᓃᒃ, ᐆᒻᒪᑏᑦ ᐅᕙᓐᓄᑦ ᑐᓂᒍᒃ, ᐃᔨᖕᓄᓪᓗ ᐱᓂᐊᕐᓂᒃᑲ ᐅᑦᔨᕆᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:21

ᐃᕐᓃᒃ, ᓯᓚᑐᓂᖅ ᓈᒻᒪᒃᑐᖅ ᓂᕈᐊᑦᓯᐊᕈᓐᓇᕐᓂᕐᓗ ᐱᓯᒪᒃᑭᑦ; ᐃᓕᖕᓂᑦ ᕿᒪᕉᑎᑎᑦᑍᓕᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:1

ᐃᕐᓃᒃ, ᐅᖃᐅᓯᒃᑲ ᐳᐃᒍᕐᑍᓕᒃᑭᑦ, ᐱᖁᔭᒃᑲᓗ ᐊᓐᓂᕆᓗᒋᑦ ᐃᓗᒥᐅᑕᕆᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 38:19

ᐃᓅᔪᑦ, ᐃᓅᔪᑦ, ᖁᔭᒋᕚᑎᑦ, ᐅᕙᖓᑦᑕᐅᖅ ᐅᓪᓗᒥ ᖁᔭᒋᓕᕐᐸᒋᑦ; ᐊᑖᑕ ᕿᑐᕐᖓᒥᓂᒃ ᖃᐅᔨᑎᑦᓯᓂᐊᕐᐳᖅ ᓱᖁᓯᔪᐃᑦᑑᓂᕐᓂᒃ.

ᐂᓮᐊᓯᐅᑉ ᐊᒡᓚᖏᑦ 42:20

ᐅᓄᕐᑐᓂᒃ ᑕᑯᓯᒪᓕᕋᓗᐊᕐᓗᓯ ᐅᑦᔨᕈᓱᓚᐅᓐᖏᓚᓯ, ᓯᐅᑎᖃᕋᓗᐊᕐᓗᓯ ᑐᓵᔪᓂᒃ ᑐᓵᖏᑦᑐᑎᑐᑦ ᑐᑭᓯᔪᓐᓇᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 17:21

ᐃᒫᒃ ᐊᑕᓂᖅ ᐅᖃᕐᒪᑦ: ᐅᔨᕐᓱᑦᓯᐊᕐᑐᒃᓴᐅᕗᓯ ᐃᓅᓯᓯ ᐱᓪᓗᒋᑦ, ᓴᐸᑎᒥ ᐊᒡᔭᕐᓯᔪᒃᓴᐅᖏᓐᓇᑦᓯ ᐃᑎᕐᑐᒃᓴᐅᓇᓯᓗ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ.

ᓘᑲᓯᐅᑉ ᐊᒡᓚᖏᑦ 8:18

“ᑲᒪᑦᓯᐊᕆᑦᓯ ᖃᓄᖅ ᑐᓵᖕᒪᖔᑦᓯ; ᓇᓪᓕᐊᑦ ᐱᖃᕐᑐᖅ ᑐᓂᓯᕕᐅᒃᑲᓐᓂᕐᓂᐊᕐᐳᖅ, ᐱᖃᖏᑦᑐᕐᓗ ᐊᕐᓵᕐᑕᐅᓂᐊᕐᐳᖅ ᐊᒡᓛᑦ ᒥᑭᔪᒥᒃ ᐱᖃᕋᓱᒋᒐᓗᐊᕐᐸᑦ.”

ᐃᐱᓯᒥᐅᓄᑦ 6:4

ᐃᓕᑦᓯ ᐊᑖᑕᐅᔪᓯ, ᕿᑐᕐᖓᓯ ᓂᓐᖓᒃᓴᕐᓂᐊᕐᓇᒋᑦ, ᐋᖅᑭᒃᓱᕋᓱᐊᕐᓯᒋᒡᓕ ᐱᕈᕐᐸᓪᓕᐊᑎᓪᓗᒋᑦ ᖃᐅᑦᔨᑎᖃᑦᓯᐊᖁᓪᓗᒋᑦ ᐃᓕᓯᒪᑦᓯᐊᕐᓇᕐᑐᓂᒃ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.

ᒨᓯᓯ ᑕᓪᓕᒪᖏᑦ 11:19

ᕿᑐᕐᖓᑦᓯᓐᓄᓪᓗ ᑕᒪᒃᑯᐊ ᐃᓕᓐᓂᐊᕐᑎᑦᓯᑦᔪᑎᒋᔭᒃᓴᕆᕙᓯ, ᐊᖏᕐᕋᕐᓯᒪᓕᕌᖓᑦᓯᓗ ᐅᖃᖃᑎᒌᒍᑎᒋᖃᑦᑕᕐᓗᒋᑦ, ᐊᖏᕐᕋᕐᓯᒪᖏᒃᑲᓗᐊᕈᑦᓯᓗ, ᑕᖅᑬᕐᓯᕐᑎᓪᓗᓯᓗ ᐃᖅᑲᓁᔭᕐᑎᓪᓗᓯᓗ.

ᒨᓯᓯ ᑕᓪᓕᒪᖏᑦ 12:1

“ᐅᑯᐊ ᑕᕝᕙ ᐱᖁᔧᑦ ᒪᓕᒐᒃᓮᓪᓗ ᐃᒃᐱᒍᓱᑦᓯᐊᕐᓗᓯ ᒪᓕᒋᐊᖃᕐᑕᓯ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᔭᖓᓂᒃ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ ᓄᓇᒥ ᐃᓅᓂᓕᒫᑦᓯᓐᓂ.

ᒨᓯᓯ ᑕᓪᓕᒪᖏᑦ 16:3

ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.

ᒨᓯᓯ ᑕᓪᓕᒪᖏᑦ 17:19

ᑖᒃᑯᐊᓗ ᑍᒪᓐᖓᑦ ᓇᔪᕐᑎᒋᑦᓮᓐᓇᕆᐊᖃᕐᐰᑦ ᐅᖃᓕᒫᖃᑦᑕᕐᓗᓂᒋᓪᓗ ᐃᓅᓯᓕᒫᒥᓂ, ᐊᑕᓂᕐᒥᒃ ᒎᑎᒥᓂᒃ ᓯᕘᕋᒋᔭᖃᓕᖁᓪᓗᒍ, ᐱᖁᔧᑦ ᒪᓕᒐᒃᓮᓪᓗ ᐅᑯᐊ ᐅᖃᐅᓯᖏᓐᓂᒃ ᒪᓕᑦᓯᐊᕐᓂᕐᒥᓄᑦ, ᐊᑐᑦᓯᐊᕐᓗᒋᓪᓗ.

ᒨᓯᓯ ᑕᓪᓕᒪᖏᑦ 29:29

“ᓱᓕᓕ ᐊᑕᓂᖅ ᒎᑎᕗᑦ ᐊᓐᖏᐊᕆᔭᖃᕐᐳᖅ; ᐱᖁᔭᒥᓂᒡᓕ ᓴᖅᑭᑎᑦᓯᓯᒪᒐᓗᐊᕐᐳᖅ, ᐅᕙᒍᑦ ᑭᖑᕚᕗᓪᓗ ᓈᓚᒋᐊᖃᕐᑕᑦᑎᓐᓂᒃ ᐃᓱᖃᖏᑦᑐᒧᑦ, ᐱᖁᔭᓕᒪᑦ ᐅᑯᐊ ᒪᓕᒃᑕᐅᖁᓪᓗᒋᑦ.”

ᒨᓯᓯ ᑕᓪᓕᒪᖏᑦ 31:19

“ᒫᓐᓇᓕ ᑍᒤᒻᒪᑦ, ᐅᓇ ᐃᓐᖏᕈᓯᖅ ᑎᑎᕋᕐᑕᒃᓴᕆᕙᑦ, ᐃᓕᓐᓂᐊᕐᑎᑦᓯᑦᔪᑎᒋᓗᒍᓗ ᐃᓴᕆᐊᓕᒥᐅᓄᑦ; ᓇᓗᓁᕐᓯᓂᐊᕐᒪᑦ ᑖᒃᑯᓂᖓ ᓈᒻᒪᒃᓴᖏᓐᓂᓐᓂᒃ.

ᒨᓯᓯ ᑕᓪᓕᒪᖏᑦ 32:46

ᐃᓄᖕᓄᑦ ᐅᖃᕐᐳᖅ, “ᐆᒻᒪᑎᑦᓯᓐᓄᑦ ᑐᖅᑯᕐᓯᐅᒃ ᐅᖃᐅᓯᓕᒫᑦ ᐅᖃᐅᓯᕆᔭᒃᑲ, ᒪᓕᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒃᑲ, ᕿᑐᕐᖓᑦᓯᓐᓄᑦ ᐊᔪᕆᕐᑐᐃᑦᔪᑎᒋᔭᒃᓴᕆᕙᓯ, ᑖᒃᑯᐊᑦᑕᐅᖅ ᑲᒪᑦᓯᐊᕐᓗᑎᒃ ᒪᓕᖁᓪᓗᒋᑦ ᐱᖁᔧᑦ ᐅᑯᐊ ᐅᖃᐅᓯᓕᒫᖏᓐᓂᒃ.

ᒨᓯᓯ ᑕᓪᓕᒪᖏᑦ 4:10

ᑍᑦᓱᒪᓂ ᐊᑕᓂᐅᑉ ᒎᑎᑦᓯ ᓵᖓᓂ ᓇᖏᓚᐅᕐᓯᒪᒐᑦᓯ ᖃᖅᑲᒥ ᕼᐆᕆᑉᒥ, ᐅᕙᓐᓄᑦ ᐅᖃᕐᑎᓪᓗᒍ, ‘ᐃᓄᐃᑦ ᑲᑎᖁᓚᐅᒃᑭᑦ, ᐅᖃᐅᓯᕆᔪᒪᔭᓐᓂᒃ ᑐᓴᖁᒐᒃᑭᑦ, ᐅᕙᓐᓂᒃ ᓈᓚᒍᓐᓇᓯᖁᓪᓗᒋᑦ ᐃᓅᓯᖏᑦᑕ ᓈᓂᖓᓄᑦ ᑎᑭᓪᓗᑎᒃ, ᓄᑕᖅᑲᒥᖕᓄᓪᓗ ᑍᒫᒃ ᒪᓕᖁᔨᓗᑎᒃ ᐃᓕᓮᔪᓐᓇᕐᓯᖁᓪᓗᒋᑦ.’

ᒨᓯᓯ ᑕᓪᓕᒪᖏᑦ 4:15

“ᑍᑦᓱᒪᓂ ᐊᑕᓂᕐᒧᑦ ᐅᖃᓪᓚᒡᕕᐅᑎᓪᓗᓯ ᐃᑯᒪᒥᑦ ᖃᖅᑲᒥ ᕼᐆᕆᑉᒥ, ᓱᓇᒥᒡᓘᓐᓃᑦ ᑕᑯᓚᐅᓐᖏᓚᓯ. ᑍᒤᒻᒪᑦ ᐃᓕᑦᓯᓐᓄᑦ ᐱᕙᓪᓕᕐᓇᖁᓪᓗᒍ, ᑲᔪᓯᑦᓯᐊᓕᕆᑦᓯ ᒫᓐᓇᒥᑦ ᐱᒋᐊᕐᓗᒍ,

ᒨᓯᓯ ᑕᓪᓕᒪᖏᑦ 4:23

ᑲᒪᑦᓯᐊᕐᓂᐊᕐᐳᓯᓕ ᐳᐃᒍᖁᓇᓯ ᐊᖏᖃᑎᒌᒍᑎᐅᓯᒪᔪᒥᒃ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᖏᕈᑎᒋᓚᐅᕐᑕᖓᓂᒃ. ᑖᑦᓱᒪᓗ ᐱᖁᔨᓂᖓ ᓈᓚᒡᓗᒍ ᒎᑎᓐᖑᐊᒥᒃ ᖃᓄᐃᑦᑐᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 6:12

ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

ᒨᓯᓯ ᑕᓪᓕᒪᖏᑦ 6:2

ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ.

ᒨᓯᓯ ᑕᓪᓕᒪᖏᑦ 6:20

“ᓯᕗᓂᕆᔪᒫᕐᑕᑦᓯᓐᓂ ᕿᑐᕐᖓᑦᓯᓐᓄᑦ ᐊᐱᕆᔭᐅᒐᔭᕈᑦᓯ, ‘ᓱᖕᒪᑦ ᐊᑕᓂᐅᑉ ᒎᑎᑦᑕ ᐱᖁᔭᓂᒃ ᑕᒪᒃᑯᓂᖓ ᒪᓕᖁᓯᒪᕚᑎᒎᑦ?’

ᒨᓯᓯ ᑕᓪᓕᒪᖏᑦ 6:7

ᐊᔪᐃᓐᓇᕐᓗᓯ ᕿᑐᕐᖓᑦᓯᓐᓄᑦ ᐃᓕᓐᓂᐊᕐᑎᑦᓯᑦᔪᑎᒋᔭᒃᓴᕆᕙᓯ. ᑍᒧᖎᓐᓇᕆᐅᒃᓴᒐᒃᓴᕆᕙᓯᓗ ᐃᓕᓐᓂᐊᕐᓗᒋᑦ ᐊᖏᕐᕋᑦᓯᓐᓂ ᐊᐅᓪᓚᕐᓯᒪᑎᓪᓗᓯᓗ, ᓄᖅᑲᖓᑎᓪᓗᓯ ᓴᓇᑎᓪᓗᓯᓗ.

ᒨᓯᓯ ᑕᓪᓕᒪᖏᑦ 8:11

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐳᐃᒍᖁᓇᓯ ᐊᑕᓂᕐᒥᒃ ᒎᑎᑦᓯᓐᓂᒃ; ᐱᖁᔭᖏᑕᓗ ᓇᓪᓕᐊᓐᓂᒃ ᓈᓚᓐᖏᑕᖃᕐᑍᓕᒋᑦᓯ ᐃᓕᑦᓯᓐᓄᑦ ᐅᓪᓗᒥ ᑐᓂᔭᓐᓂᒃ.

ᒨᓯᓯ ᑕᓪᓕᒪᖏᑦ 8:14

ᐱᐅᔪᕆᓕᕐᑐᒃᓴᐅᓐᖏᓚᓯ ᐳᐃᒍᓕᕐᑐᒃᓴᐅᓇᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᓯᓐᓂᒃ ᓴᐳᑦᔨᓚᐅᕐᑐᒥᒃ ᐄᑦᔨᑉᑎᒥᑦ, ᓯᐊᓛᖑᕕᒋᓚᐅᕐᑕᑦᓯᓐᓂᑦ.

ᐄᑉᕈᐃᓄᑦ 2:1

ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.

ᐄᑉᕈᐃᓄᑦ 2:3

ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

ᔧᒥᓯᐅᑉ ᐊᒡᓚᖏᑦ 2:22

ᑕᕝᕙ ᑕᑯᕗᑎᑦ ᐅᒃᐱᕐᓂᖓ ᐱᓂᐊᕐᓂᖓᓗ ᐊᑕᐅᑦᓯᒃᑯᑦ ᐱᓇᓱᐊᖃᑎᒌᓚᐅᕐᒪᑎᒃ.

ᔮᓱᐊᑉ ᐊᒡᓚᖏᑦ 1:18

ᓇᓪᓕᐊᑦ ᐃᓕᖕᓂᒃ ᐊᑭᕋᕐᑐᕐᑐᑦ ᓈᓚᖏᑦᑐᓪᓘᓐᓃᑦ ᐅᖃᐅᓯᕐᓂᒃ ᑎᓕᓯᑎᓪᓗᑎᑦ, ᑖᓐᓇ ᑐᖁᑕᒃᓴᐅᕗᖅ. ᓲᖑᓂᖃᕐᓯᐊᕆᑦ ᓴᐱᖏᓪᓗᑎᓪᓗ.”

ᔮᓱᐊᑉ ᐊᒡᓚᖏᑦ 23:11

ᑍᒤᒻᒪᑦ ᐃᓕᑦᓯᓐᓂᒃ ᑲᒪᒋᑦᓯᐊᕆᑦᓯ, ᐊᑕᓂᖅ ᒎᑎᓯ ᐅᖓᒋᓗᒍ.

ᔮᓱᐊᑉ ᐊᒡᓚᖏᑦ 4:21

ᐅᖃᐅᑎᓪᓗᒋᓪᓗ ᐃᓴᕆᐊᓕᒥᐅᑦ, “ᕿᑐᕐᖓᑦᓯᓐᓂᑦ ᐊᐱᕆᔭᐅᒍᑦᓯ ᓯᕗᓂᑦᑎᓐᓂ, ᖃᓄᖅ ᑖᒃᑯᐊ ᐅᔭᕅᑦ ᑐᑭᖃᕐᒪᖔᑕ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:3

ᐃᖅᑬᓕᕆᑦ ᐃᓕᖕᓄᑦ ᐊᔪᕆᕐᑑᑕᐅᓯᒪᔪᓂᒃ ᑐᓴᕐᓯᒪᔭᕐᓂᒡᓗ; ᓈᓚᒡᓗᒋᑦ, ᖃᕿᐊᓕᕆᑦ. ᑐᐸᖕᓂᐊᖏᒃᑯᕕᑦ, ᑎᒡᓕᒃᑎᑐᑦ ᑎᑭᓐᓂᐊᕐᐸᒋᑦ, ᖃᐅᔨᒪᓂᐊᓐᖏᓚᑎᓪᓗ ᖃᖓ ᑎᑭᕝᕕᒋᓂᐊᕐᑕᓐᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 3:7

ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 8:34

ᐃᖅᑲᐅᒪᔪᓐᓃᓚᐅᕐᐳᓪᓗ ᐊᑕᓂᕐᒥᒃ ᒎᑎᒥᖕᓂᒃ, ᓴᐳᑦᔨᔨᒋᕙᓚᐅᕐᑕᒥᖕᓂᒃ ᐊᑭᕋᒥᖕᓂᑦ ᖃᖓᑐᐃᓐᓇᓕᒫᖅ.