ᒨᓯᓯ ᑕᓪᓕᒪᖏᑦ 4:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.

ᒨᓯᓯ ᑕᓪᓕᒪᖏᑦ 4:5 Iomraidhean Croise

ᐃᓐᖏᕈᑎᑦ 71:17

ᒎᑏ, ᐊᔪᕆᕐᑐᕋᕕᖓ ᑍᒪᓐᖓᑦ ᐃᓅᓱᒃᑑᓂᓐᓂᑦ, ᐱᓂᐊᕐᓂᑎᓪᓗ ᑲᒪᓇᕐᑐᑦ ᓱᓕ ᐅᓪᓗᒥ ᐅᖃᐅᓯᕆᕙᒃᑲ.

ᒨᓯᓯ ᐂᑉᐸᖏᑦ 18:20

ᐱᖁᔭᓂᒡᓗ ᐊᔪᕆᕐᑐᕐᑕᒃᓴᕆᕙᑎᑦ ᑐᑭᓯᑎᓪᓗᒋᓪᓗ ᖃᓄᖅ ᐃᓅᔪᒃᓴᐅᖕᒪᖔᑕ, ᖃᓄᐃᓕᐅᕐᑐᒃᓴᐅᖕᒪᖔᑕᓗ.

ᔨᕆᒤᐊᐅᑉ ᐊᒡᓚᖏᑦ 11:6

ᐊᑕᓂᐅᓪᓗ ᐅᖃᐅᑎᕚᖓ, “ᑕᒪᒃᑯᐊᓕᒫᑦ ᐅᖃᐅᓯᕆᒃᑭᑦ ᔫᑕᒥᐅᓂ ᔨᕉᓴᓕᒥᐅᓂᓗ; ᑐᓴᕆᑦᓯ ᐊᖏᖃᑎᒌᖕᓂᐅᑉ ᒪᓕᒃᑕᐅᖁᔭᖏᓐᓂᒃ ᓈᓚᒃᑐᒃᓴᐅᕗᓯ.

ᐃᓯᑭᐊᓕᐅᑉ ᐊᒡᓚᖏᑦ 20:11

ᒪᓕᒐᒃᓴᐅᖁᔭᓐᓂᒃ ᑐᓂᓯᕕᒋᓪᓗᒋᑦ ᐊᑐᕐᑕᐅᖁᔭᓐᓂᒡᓗ ᐊᔪᕆᕐᑐᓚᐅᕐᐸᒃᑲ, ᑖᒃᑯᓂᖓ ᒪᓕᑦᓯᐊᕐᓂᕐᒥᓄᑦ ᐃᓄᒃ ᐃᓄᖁᓪᓗᒍ.

ᒨᓯᓯ ᐱᖓᔪᖏᑦ 19:19

“ᒪᓕᒐᒃᓴᐅᖁᔭᒃᑲ ᐃᖅᑲᐅᒪᓯᒋᒃ ᓂᕐᔪᑎᓂᒃ ᐊᑦᔨᒌᖏᑦᑐᓂᒃ ᓄᓕᐊᕐᑎᑦᓯᔪᒃᓴᐅᓐᖏᓚᓯ. ᓄᓇᖁᑏᑦ ᐱᕈᕐᓰᕕᒋᔭᕆᐊᖃᓐᖏᓚᑦ ᐱᕈᕐᓯᐊᒃᓵᖕᓂᒃ ᒪᕐᕉᖕᓂᒃ ᐊᑦᔨᒌᖏᑦᑑᖕᓂᒃ ᑲᑎᓐᖓᓗᒋᑦ. ᐊᓐᓄᕌᕐᓯᒪᔭᕆᐊᖃᓐᖏᓚᑎᑦ ᖃᓪᓗᓈᕐᑕᓂᒃ ᐊᑦᔨᒌᖏᑦᑐᓂᒃ ᐊᑕᐅᑦᓯᒃᑯᑦ.

ᒨᓯᓯ ᐱᖓᔪᖏᑦ 26:46

ᑕᒪᒃᑯᐊ ᑕᒪᑦᔭ ᒪᓕᒊᑦ ᐱᖁᔧᓪᓗ, ᐊᑕᓂᐅᑉ ᑐᓂᓚᐅᕐᑕᖏᑦ ᒨᓯᓯᒧᑦ ᖃᖅᑲᒥ ᓮᓁᒥ ᐃᓄᖁᑎᒥᓄᑦ ᐃᓴᕆᐊᓕᓄᑦ.

ᒨᓯᓯ ᐱᖓᔪᖏᑦ 27:34

ᑕᒪᒃᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒨᓯᓯᒧᑦ ᑐᓂᓚᐅᕐᑕᖏᑦ ᖃᖅᑲᒥ ᓮᓁᒥ ᐃᓴᕆᐊᓕᓄᑦ ᐃᓕᖓᖁᓪᓗᒋᑦ.

ᒨᓯᓯ ᐱᖓᔪᖏᑦ 7:38

ᑖᒃᑯᐊ ᐊᑕᓂᐅᑉ ᒨᓯᓯᒧᑦ ᑐᓂᓚᐅᕐᐰᑦ ᖃᖅᑲᒥ ᓮᓁᒥ, ᐅᓪᓗᒥ ᑕᕝᕙᓂ ᐃᓴᕆᐊᓕᒥᐅᑦ ᑐᓂᕐᕈᓯᖃᑦᑕᖁᒐᒥᒋᑦ ᐊᑕᓂᕐᒧᑦ, ᓄᓇᒥ ᓯᐅᕅᓐᓇᕐᒥ ᓮᓁᒥ.

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:27

ᐅᖃᕐᑍᓕᒪᓚᐅᖏᓐᓇᒪ ᐃᓕᑦᓯᓐᓄᑦ ᒎᑎᐅᑉ ᐊᑐᕐᑕᐅᖁᔭᓕᒫᖏᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:28

ᑍᒤᒻᒪᑦ ᐃᒻᒥᖕᓂᒃ ᖃᐅᔨᓴᖅᑳᖃᑦᑕᕐᓕᑦ, ᓂᐊᖂᔭᒥᒃ ᓂᕆᓚᐅᖏᓐᓂᕐᒥᖕᓂᒃ ᐃᒥᐅᑎᒥᓪᓗ ᐃᒥᓚᐅᖏᓐᓂᕐᒥᖕᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:3

ᐱᔭᕆᐊᖃᓪᓚᕆᒃᑐᑦ ᑐᓂᕐᕈᓯᐊᕆᓚᐅᕐᑕᒃᑲ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ, ᐃᒫᒃ ᙭ᔅᑑᓯ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᑐᖁᓚᐅᕐᐳᖅ ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ,

ᒨᓯᓯ ᑕᓪᓕᒪᖏᑦ 11:32

ᑲᒪᑦᓯᐊᕆᑦᓯ ᐱᖁᔭᓕᒫᓐᓂᒃ ᒪᓕᒐᒃᓴᓂᒡᓗ ᒪᓕᑦᓯᐊᖁᓪᓗᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᓐᓂᒃ.”

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:2

ᐃᓕᑦᓯᓐᓄᑦ ᐱᖁᓚᐅᕐᑕᒃᑲ ᐃᓚᔭᒃᓴᕆᓐᖏᓚᓯ, ᐃᓚᓐᖓᕐᑕᒃᓴᕆᓇᒋᓪᓗ. ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᐃᓕᑦᓯᓐᓄᑦ ᓈᓚᒐᒃᓴᕆᕙᓯ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ.

ᒨᓯᓯ ᑕᓪᓕᒪᖏᑦ 4:4

ᐃᓕᑦᓯᓕ ᐊᑕᓂᕐᒥᑦ ᒎᑎᑦᓯᓐᓂᑦ ᓅᓚᐅᖏᑦᑐᓯᒍᑦ ᓱᓕ ᐅᓪᓗᒥ ᐃᓅᕗᓯ.

ᒨᓯᓯ ᑕᓪᓕᒪᖏᑦ 4:40

ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 5:1

ᒨᓯᓯᐅᑉ ᐃᓄᓕᒫᑦ ᑲᑎᖁᕔᑦ ᐅᖃᐅᑎᓪᓗᒋᓪᓗ, “ᐃᓴᕆᐊᓕᒥᐅᑦ ᐃᓄᖏᑦ, ᐅᓪᓗᒥ ᓈᓚᓚᐅᕐᓯᓐᖓ ᐱᖁᔭᓂᒃ ᐅᖃᐅᓯᖃᕐᑎᓪᓗᖓ ᐃᓕᑦᓯᓐᓄᑦ. ᑖᒃᑯᐊ ᐃᓕᓐᓂᐊᕐᑕᒃᓴᕆᕙᓯ ᓈᓚᑦᓯᐊᕐᓗᒋᓪᓗ.

ᒨᓯᓯ ᑕᓪᓕᒪᖏᑦ 6:1

“ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.

ᒨᓯᓯ ᑕᓪᓕᒪᖏᑦ 7:11

ᑍᒤᒻᒪᑦ ᒫᓐᓇ, ᓈᓚᒋᐊᖃᕐᐸᓯ ᐃᓕᑦᓯᓐᓄᑦ ᐃᓕᓮᑦᔪᑕᐅᔪᑦ; ᐱᖁᔭᓕᒫᓪᓗ ᒪᓕᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ.”

ᒨᓯᓯ ᑕᓪᓕᒪᖏᑦ 8:11

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐳᐃᒍᖁᓇᓯ ᐊᑕᓂᕐᒥᒃ ᒎᑎᑦᓯᓐᓂᒃ; ᐱᖁᔭᖏᑕᓗ ᓇᓪᓕᐊᓐᓂᒃ ᓈᓚᓐᖏᑕᖃᕐᑍᓕᒋᑦᓯ ᐃᓕᑦᓯᓐᓄᑦ ᐅᓪᓗᒥ ᑐᓂᔭᓐᓂᒃ.

ᐄᑉᕈᐃᓄᑦ 3:5

ᒨᓯᓯ ᓱᖁᓯᔪᐃᑦᑑᓚᐅᕐᐳᖅ ᒎᑎᐅᑉ ᐃᒡᓗᖓᓂ ᐱᔨᐅᓪᓗᓂ, ᓇᓗᓁᕐᓯᓪᓗᓂ ᑭᖑᕐᖓᒍᑦ ᐅᖃᐅᓯᕆᔭᐅᔪᒫᕐᑐᓂᒃ,