44 ᐅᑯᐊ ᑕᕝᕙ ᒎᑎᐅᑉ ᐱᖁᔭᖏᑦ ᒨᓯᓯᐅᑉ ᑐᓂᓚᐅᕐᑕᖏᑦ ᐃᓴᕆᐊᓕᒥᐅᓄᑦ.
ᒪᓕᑦᓯᐊᕋᓱᐊᕐᑐᒃᓴᐅᕗᓯ ᐱᐅᓯᐅᖁᔭᓐᓂᒃ, ᐱᓂᐊᕐᑕᐅᖁᔭᓐᓂᒡᓗ, ᐱᖁᔭᓕᐊᕆᓯᒪᔭᓐᓂᒡᓗ, ᒪᓕᒐᒃᓴᓕᐊᕆᓯᒪᔭᓐᓂᒡᓗ ᑎᑎᕋᕐᑕᐅᑎᓯᒪᔭᓐᓂᒃ, ᐊᓯᓐᓂᒃ ᒎᑎᖃᕋᓱᐊᕐᑐᒃᓴᐅᓐᖏᓚᓯ.
ᑕᒪᒃᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒨᓯᓯᒧᑦ ᑐᓂᓚᐅᕐᑕᖏᑦ ᖃᖅᑲᒥ ᓮᓁᒥ ᐃᓴᕆᐊᓕᓄᑦ ᐃᓕᖓᖁᓪᓗᒋᑦ.
“ᐃᖅᑲᐅᒪᒋᑦᓯ ᒨᓯᓯᐅᑉ ᐱᔨᒪ ᐱᖁᔭᖏᓐᓂᒃ, ᐊᑐᕐᑕᐅᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᑐᓂᓯᕕᒋᓚᐅᕋᒃᑯ ᕼᐆᕆᑉᒥ ᐃᓴᕆᐊᓕᒥᐅᓕᒫᓄᑦ ᐱᐅᓯᐅᖁᔭᓐᓂᒃ.
ᑖᒃᑯᐊ ᑕᕝᕙ ᐱᖁᔧᑦ ᐃᖅᑲᕐᑐᐃᑦᔪᑎᓪᓗ ᐊᑕᓂᐅᑉ ᒪᓕᒃᑕᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒨᓯᓯ ᐊᖅᑯᑎᒋᓪᓗᒍ ᒧᐊᐱᐅᑉ ᓇᑎᕐᓇᖓᓂ ᔪᐊᕐᑕᓂᐅᑉ ᓯᓈᓂ ᔨᕆᑰᑉ ᐊᑭᐊᓂ.
ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.
ᐃᓄᐃᓪᓕ ᓱᓕ ᔪᐊᕐᑕᓂᐅᑉ ᑕᓕᕐᐱᐊᓃᑎᓪᓗᖏᑦ ᒧᐊᐱᒥᐅᑦ ᓄᓇᖓᓂ ᒨᓯᓯ ᒎᑎᐅᑉ ᐱᖁᔭᖏᓐᓂᒃ ᐃᓕᓮᓂᖏᓐᓂᒡᓗ ᓇᓗᓁᕐᓯᕙᓪᓕᐊᓕᓚᐅᕐᐳᖅ. ᐅᖃᕐᓗᓂ,
“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᒎᑎᐅᑉ ᐱᖁᔭᖏᓐᓂᒃ ᓈᓚᖏᑦᑐᖅ ᐊᔪᕆᕐᑐᐃᑦᔪᑎᖏᓐᓂᒡᓗ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’”
ᖄᖓᒍᓪᓗ ᑎᑎᕋᕐᕕᒋᔭᒃᓴᕆᕙᓯ ᐱᖁᔭᓕᒫᓂᒃ, ᐊᔪᕆᕐᑐᐃᑦᔪᑎᐅᔪᓂᒡᓗ. ᓄᓇᒧᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ ᐃᑎᓕᕈᑦᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ, ᐃᓕᑦᓯᓐᓄᑦ,
ᐅᔭᕋᖕᓂ ᖁᐊᕐᑎᑕᒐᕐᓂᒃ ᖄᓕᕐᓯᒪᔪᑎᒍᑦ ᑎᑎᕋᕐᑕᒃᓴᕆᕙᓯ ᑕᕐᓴᐅᑦᓯᐊᕐᓗᒋᑦ ᒎᑎᐅᑉ ᐱᖁᔭᓕᒫᖏᑦ.”
ᒨᓯᓯᐅᑉ ᒪᓕᖁᓚᐅᕐᒪᑎᒍᑦ ᐱᖁᔭᓂᒃ, ᐱᓪᓚᕆᐅᓂᕐᐹᕆᔭᐅᔪᓂᒃ ᔧᑰᑉ ᑲᑎᒪᔪᖁᑎᖏᓐᓄᑦ.
ᕉᐱᓂᐅᑉ ᑭᖑᕚᖏᑦ ᕿᒫᕕᒃᓴᖃᕐᐳᑦ ᐃᒡᓗᒐᓴᒡᔪᐊᒥᒃ ᐱᔮᕆᒥᒃ, ᐱᕈᕐᑐᖃᖏᑦᑐᒦᑦᑐᒥᒃ; ᒑᑎᐅᓪᓕ ᑭᖑᕚᖏᑦ ᕿᒫᕕᒃᓴᖃᕐᐳᑦ ᐃᒡᓗᒐᓴᒡᔪᐊᒥᒃ ᕌᒪᑦᒥᒃ, ᒋᓕᐊᑎᐅᑉ ᓄᓇᖓᓃᑦᑐᒥᒃ; ᒫᓇᓯᐅᓪᓕ ᑭᖑᕚᖏᑦ ᕿᒫᕕᒃᓴᖃᕐᐳᑦ ᐃᒡᓗᒐᓴᒡᔪᐊᒥᒃ ᒎᓚᓐᒥᒃ, ᐹᓴᓂᐅᑉ ᓄᓇᖓᓃᑦᑐᒥᒃ.
ᐅᑯᐊ ᑕᕝᕙ ᓇᓗᓁᕐᓯᑦᔪᑎᐅᔪᑦ, ᓴᖅᑭᔮᕐᓗᑎᒃ, ᒪᓕᒐᒃᓴᐅᓪᓗᑎᒡᓗ, ᒨᓯᓯᐅᑉ ᐅᖃᐅᓯᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ,
ᐅᑯᐊ ᑕᕝᕙ ᑕᒫᓂ ᓄᓇᓕᖕᓂ ᐊᖓᔪᖅᑳᕐᔪᐊᕆᔭᐅᓚᐅᕐᑐᑦ, ᐃᓴᕆᐊᓕᒥᐅᓄᑦ ᓵᓚᐅᓚᐅᕐᑐᑦ, ᓄᓇᖓᓐᓂᒡᓗ ᓄᓇᖃᓕᕐᓗᑎᒃ ᔪᐊᕐᑕᓂᐅᑉ ᑰᖓᑕ ᓯᕿᓂᐅᑉ ᓄᐃᕕᖓᓃᑐᒥᒃ, ᐱᒋᐊᕐᓗᓂ ᐋᕐᓄᓂᐅᑉ ᓇᕐᓴᖓᓂᑦ ᑲᖏᒧᑦ ᖃᖅᑲᒧᑦ ᕼᐊᕐᒪᓐᒧᑦ ᑎᑭᓪᓗᒍ.
