ᒨᓯᓯ ᑕᓪᓕᒪᖏᑦ 4:40 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁰ ᐱᖁᔭᖏᑦ ᓈᓚᒃᑕᒃᓴᕆᕙᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᖅᑲᐅᔭᒃᑲ, ᑕᕝᕙ ᑕᒤᑎᒍᓕᒫᖅ ᖃᓄᐃᖏᑦᓯᐊᕐᓂᐊᕐᐳᓯ ᑭᖑᕚᒃᓴᓯᓗ. ᓄᓇᒥᓗ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᓄᓇᕾᓐᓇᕈᓐᓇᕐᓂᐊᕐᐳᓯ ᐃᓱᖃᖏᑦᑐᒧᑦ.”

ᒨᓯᓯ ᑕᓪᓕᒪᖏᑦ 4:40 Iomraidhean Croise

ᐃᓐᖏᕈᑎᑦ 105:45

ᐃᓱᐊᓄᑦ ᓈᓚᑦᓯᐊᖁᓪᓗᒋᑦ ᐃᓕᖅᑯᓯᐅᖁᔭᖏᓐᓂᒃ, ᐱᖁᔭᖏᓐᓂᒡᓗ ᓈᓚᖁᓪᓗᒋᑦ. ᐊᑕᓂᖅ ᓂᕐᑐᕐᑕᐅᓕ!

ᒨᓯᓯ ᐂᑉᐸᖏᑦ 20:12

“ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ ᐊᑯᓂ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᒨᓯᓯ ᐂᑉᐸᖏᑦ 23:26

ᓄᓇᖕᓂ ᐊᕐᓁᑦ ᑕᒪᐅᓁᓐᓇᖅ ᐃᕐᓂᔪᖃᕐᓂᐊᓐᖏᓚᑦ, ᕿᑐᕐᖏᓱᐃᑦᑐᕐᑕᖃᕐᓂᐊᕋᓂᓗ, ᐊᑯᓂᓗ ᐃᓅᑯᑖᒃᑎᓐᓂᐊᕐᐸᑦᓯ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:12

ᐊᔪᕐᑐᓕᔪᖅ ᐅᓄᕐᑐᕐᔪᐊᓂᒃ ᐱᐅᖏᑦᑐᓕᒐᓗᐊᕐᐸᑦ ᓱᓕ ᐊᑯᓂ ᐃᓅᕗᖅ, ᖃᐅᔨᒪᕗᖓᓕ ᐃᓄᐃᑦ ᒎᑎᒥᒃ ᓯᕘᕋᔪᑦ ᐱᐅᓂᕐᓴᒥᒃ ᐱᔭᐅᔪᒫᕐᒪᑕ, ᒎᑎᐅᑉ ᓵᖓᓂ ᐅᐱᒍᓱᒃᑐᑦ ᑖᑦᓱᒥᖓ.

ᐂᓮᐊᓯᐅᑉ ᐊᒡᓚᖏᑦ 65:20

ᐃᓅᕋᑖᕐᑐᓂᒃ ᑕᕝᕙᓂ ᐱᑕᖃᕈᒫᓐᖏᓚᖅ ᐅᓪᓗᓂᒃ ᐅᓄᖏᑦᑐᓂᒃ ᐃᓅᓚᐅᑲᑐᐃᓐᓇᕐᑐᓂᒃ, ᐃᑦᑑᓕᕐᑐᓂᒡᓗ ᐃᓅᓯᕆᒋᐊᖃᕐᑕᒥᖕᓂᒃ ᓈᔨᓯᒪᖏᑦᑐᓂᒃ ᐱᑕᖃᕈᒫᖏᓐᓂᕗᖅ; 100ᓂᒃ ᐊᕐᕌᒍᖃᕐᓗᓂ ᑐᖁᔪᖅ ᐃᓅᓱᓗᐊᕐᓂᕋᕐᑕᐅᔪᒫᕐᐳᖅ, ᐊᔪᕐᑐᓕᔪᖅ 100ᓂᒃ ᐊᕐᕌᒍᖃᓕᕐᓗᓂ ᑐᖁᔪᖅ ᐃᓱᒪᓂᕐᓗᒡᕕᐅᓯᒪᔪᒥᒃ ᐅᖃᕐᑕᐅᔪᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 11:4

ᓯᕗᓕᓯᓐᓂᒃ ᐱᖁᔨᓚᐅᕋᒪ ᐊᐅᓪᓚᕐᑎᓪᓗᒋᑦ ᐄᑦᔨᑉᑎᒥᑦ, ᓴᕕᕋᔭᒃᓴᒥᒃ ᐊᐅᒃᑎᑦᓯᕕᒃᑎᑐᑦ ᑍᒤᑦᑐᒦᕝᕕᒋᔭᖓᓂᑦ, ᐅᖃᕐᓗᖓᓗ, ᓂᐱᒐ ᓈᓚᒃᑕᒃᓴᕆᕙᓯ, ᐱᖁᔨᑦᔪᑎᒋᔭᓕᒫᒃᑲᓗ ᒪᓕᒡᓗᒋᑦ. ᑕᕝᕙ ᐃᓄᖁᑎᒋᓂᐊᕐᐸᑦᓯ, ᐅᕙᖓᓗ ᒎᑎᒋᓂᐊᕐᐸᑦᓯᓐᖓ.

ᔨᕆᒤᐊᐅᑉ ᐊᒡᓚᖏᑦ 35:18

ᔨᕆᒤᐊᐅᓪᓗ ᐃᓚᒌᑦ ᕆᑳᐰᑎᒃᑯᑦ ᐅᖃᐅᑎᕔᑦ, ᐃᒫᒃ ᐊᑕᓂᖅ ᐊᔪᖓᖃᖏᑦᑐᖅ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, “ᓈᓚᓚᐅᕋᑦᓯᐅᒃ ᐱᖁᔭᐅᑦᔪᑎᒋᔭᓯ ᓯᕗᓕᕕᓂᑦᓯᓐᓄᑦ ᔨᕼᐅᓇᑕᒧᑦ ᐱᖁᔭᓕᐊᕆᔭᖏᓪᓗ ᒪᓕᒡᓗᓯᐅᒃ ᐊᑐᕐᑕᐅᖁᔭᖏᓪᓗ ᐊᑐᓚᐅᕋᑦᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 7:23

ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 7:7

ᑕᕝᕙ ᓄᓇᖃᕐᑎᑦᓱᓐᓇᕋᔭᕐᐸᑦᓯ ᑕᒫᓂ, ᓯᕗᓕᕕᓂᑦᓯᓐᓄᑦ ᓄᓇᑖᕆᔭᐅᑎᓚᐅᕐᑕᕋ ᓄᓇᒋᔭᐅᖏᓐᓇᖁᓪᓗᒍ ᐃᓱᖃᖏᑦᑐᒧᑦ.

ᒨᓯᓯ ᐱᖓᔪᖏᑦ 22:31

ᐊᑕᓂᖅ ᐅᖃᕐᐳᖅ, “ᐱᖁᔭᒃᑲ ᑲᒪᒋᑦᓯᐊᕐᓯᒋᒃ ᒪᓕᑦᓯᐊᕐᓗᒋᓪᓗ. ᐅᕙᖓ ᐊᑕᓂᐅᒐᒪ.

ᒨᓯᓯ ᓯᑕᒪᖏᑦ 10:29

ᒨᓯᓯ ᕼᐅᐹᐱᒧᑦ ᐅᖃᕐᐳᖅ ᕆᐅᓕᐅᑉ ᐃᕐᓂᖓᓄᑦ ᒥᑎᐊᓂᒥᐅᑕᕐᒧᑦ ᓴᑭᒥᓄᑦ, “ᐊᐅᓪᓚᓕᕋᑦᑕ ᓄᓇᒧᑦ ᐊᑕᓂᐅᑉ ᐅᖃᐅᓯᕆᔭᖓᓄᑦ, ‘ᓄᓇ ᐃᓕᑦᓯᓐᓄᑦ ᑐᓂᓂᐊᕐᐸᕋ,’ ᐅᕙᑦᑎᓐᓄᑦ ᐃᓚᐅᓚᐅᕆᑦ ᑲᒪᒋᑦᓯᐊᕐᓂᐊᕐᐸᑦᑎᒋᑦ; ᐊᑕᓂᖅ ᐊᖏᕐᓯᒪᖕᒪᑦ ᐱᐅᔪᓂᒃ ᐱᓂᐊᕐᓂᕋᕐᓗᓂ ᐃᓴᕆᐊᓕᒧᑦ.”

ᔪᐊᓇᓯᐅᑉ ᐊᒡᓚᖏᑦ 14:15

“ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᕐᐸᓯ.

ᐃᐱᓯᒥᐅᓄᑦ 6:3

“ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ.”

ᒨᓯᓯ ᑕᓪᓕᒪᖏᑦ 11:9

ᑕᕝᕙ ᑕᒫᓂ ᐊᑯᓂ ᐃᓅᔪᓐᓇᕐᓂᐊᕐᐳᓯ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᔪᕐᓴᕐᓇᖏᑦᑐᒥᓗ ᐊᑕᓂᐅᑉ ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᖓᓂᒃ ᓯᕗᓕᕕᓂᑦᓯᓐᓄᑦ ᑭᖑᕚᖏᓐᓄᓪᓗ.

ᒨᓯᓯ ᑕᓪᓕᒪᖏᑦ 12:25

ᑕᒪᓐᓇ ᐱᖁᔨᑦᔪᑎᐅᔪᖅ ᒪᓕᖕᓂᐊᕈᕕᐅᒃ, ᑕᕝᕙ ᐊᑕᓂᐅᑉ ᖁᕕᐊᒋᓂᐊᕐᐹᑎᑦ, ᐃᓘᓐᓈᒍᓪᓗ ᖃᓄᐃᖏᑦᓯᐊᕐᓂᐊᕐᐳᑎᑦ ᑭᖑᕚᓕᒫᑎᓪᓗ.

ᒨᓯᓯ ᑕᓪᓕᒪᖏᑦ 12:28

ᑕᒪᒃᑯᐊᓗ ᐱᖁᔨᑦᔪᑎᒋᔭᓕᒫᒃᑲ ᐃᒃᐱᒍᓱᑦᓯᐊᕐᓗᑎᑦ ᓈᓚᒃᑕᒃᓴᕆᕙᑎᑦ, ᑕᕝᕙ ᖃᓄᐃᖏᑦᓯᐊᕐᓂᐊᕐᐳᑎᑦ ᑭᖑᕚᓕᒫᑎᓪᓗ ᐃᓱᖃᖏᑦᑐᒧᑦ, ᐱᓇᓱᐊᕋᔭᕋᕕᑦ ᓈᒻᒪᒋᔭᐅᔪᒥᒃ ᐊᑕᓂᐅᓪᓗ ᒎᑎᕕᑦ ᖁᕕᐊᒋᔭᖓᓂᒃ.”

ᒨᓯᓯ ᑕᓪᓕᒪᖏᑦ 22:7

ᐱᐊᕋᖏᓐᓂᒡᓕ ᐱᔪᓐᓇᕋᓗᐊᕐᐳᑎᑦ ᐊᓈᓇᖓ ᐱᔭᒃᓴᕆᓐᖏᓚᑦ, ᖃᓄᐃᖏᑦᓯᐊᖁᓪᓗᑎ, ᐊᑯᓂᓗ ᓄᓇᒥ ᐃᓅᔪᓐᓇᖁᓪᓗᑎᑦ.

ᒨᓯᓯ ᑕᓪᓕᒪᖏᑦ 25:15

ᓱᓕᔪᓂᒃ ᐅᖁᒤᓐᓂᕐᓯᐅᑎᓂᒃ ᐆᒃᑐᕋᐅᑎᓂᒡᓗ ᐊᑐᖃᑦᑕᕐᑐᒃᓴᐅᕗᑎᑦ, ᓄᓇᒥ ᐊᑕᓂᐅᑉ ᒎᑎᕕ ᑐᓂᓯᒪᔭᖓᓂ ᐃᓕᖕᓄᑦ ᐊᑯᓂ ᐃᓅᔪᓐᓇᖁᓪᓗᑎᑦ.

ᒨᓯᓯ ᑕᓪᓕᒪᖏᑦ 32:47

ᐅᑯᐊ ᐊᔪᕆᕐᑑᓰᑦ ᐅᖃᐅᓯᑐᐃᓐᓇᐅᖏᒻᒪᑕ, ᐃᓅᓯᑦᓯᓐᓂᒡᓕ ᐱᑦᔪᑎᖃᕐᐳᑦ, ᐊᑯᓂ ᐃᓅᖁᓪᓗᓯ ᓄᓇᒥ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᔪᒫᓕᕐᑕᑦᓯᓐᓂ.”

ᒨᓯᓯ ᑕᓪᓕᒪᖏᑦ 33:25

ᐃᑎᕐᑕᕐᕕᒃᓯ ᓴᕕᕋᔭᐅᔪᒃᓴᐅᕗᑦ ᑲᓐᓄᔭᐅᓗᑎᒡᓗ, ᐃᓅᑎᓪᓗᓯ ᑍᒤᒃᑲᑦᓯ, ᑍᒤᓐᓂᐊᕆᕗᖅ ᓴᓐᖏᔫᓂᓯ.”

ᒨᓯᓯ ᑕᓪᓕᒪᖏᑦ 4:1

ᑕᕝᕙ ᒨᓯᓯ ᐃᓄᖕᓄᑦ ᐅᖃᓕᕐᐳᖅ, “ᐃᓴᕆᐊᓕᒥᐅᖑᔪᓯ ᐱᖁᔭᓕᒫᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᐃᓕᓮᑦᔪᑎᒋᓚᐅᕐᑕᒃᑲ, ᑕᕝᕙ ᐃᓅᓂᐊᕐᐳᓯ ᓄᓇᖃᓕᕐᓗᓯᓗ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 4:2

ᐃᓕᑦᓯᓐᓄᑦ ᐱᖁᓚᐅᕐᑕᒃᑲ ᐃᓚᔭᒃᓴᕆᓐᖏᓚᓯ, ᐃᓚᓐᖓᕐᑕᒃᓴᕆᓇᒋᓪᓗ. ᐊᑕᓂᐅᑉ ᒎᑎᑦᓯ ᐱᖁᔭᖏᑦ ᐃᓕᑦᓯᓐᓄᑦ ᓈᓚᒐᒃᓴᕆᕙᓯ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ.

ᒨᓯᓯ ᑕᓪᓕᒪᖏᑦ 4:5

“ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.

ᒨᓯᓯ ᑕᓪᓕᒪᖏᑦ 4:6

ᑍᒪᓐᖓᑦ ᑲᔪᓯᑦᓯᐊᕐᓗᓯ ᓈᓚᒐᒃᓴᕆᕙᓯ, ᑕᒪᓐᓇ ᑍᒤᓕᐅᕐᓂᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᓇᓗᓁᕐᓯᓂᐊᕐᒪᑦ ᖃᓄᖅ ᓯᓚᑐᔫᓂᕆᔭᑦᓯᓐᓂᒃ. ᐱᖁᔭᓂᒃ ᑕᒪᒃᑯᓂᖓ ᑐᓴᓕᕈᑎᒃ, ᐅᖃᕐᓂᐊᕐᐳᑦ, ‘ᐅᑯᐊ ᐃᓅᖃᑎᒌᒡᔪᐊᑦ ᐊᔪᖏᑦᑐᕐᔪᐊᖑᓪᓗᑎᒡᓗ ᓯᓚᑐᔪᕐᔪᐊᖑᕗᑦ ᖃᐅᔨᒪᑦᓯᐊᕐᓗᑎᒡᓗ!’

ᒨᓯᓯ ᑕᓪᓕᒪᖏᑦ 5:10

ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.

ᒨᓯᓯ ᑕᓪᓕᒪᖏᑦ 5:16

“‘ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ, ᐅᕙᖓ ᐊᑕᓂᖅ ᒎᑎᒋᔭᓯ ᑍᒫᒃ ᐱᖁᔨᒐᒪ ᐃᓕᖕᓂᒃ, ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᒨᓯᓯ ᑕᓪᓕᒪᖏᑦ 5:33

ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”

ᒨᓯᓯ ᑕᓪᓕᒪᖏᑦ 6:18

ᐊᑕᓂᐅᑉ ᓵᖓᓂ ᐃᓅᑦᓯᐊᕐᑐᒃᓴᐅᕗᓯ ᐱᑦᓯᐊᕐᑐᒃᓴᐅᓪᓗᓯᓗ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ. ᐊᑕᓂᐅᑉ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔭᖓᓂᒃ ᓄᓇᑦᓯᐊᕙᖕᒥᒃ ᓄᓇᑖᕈᓐᓇᖁᓪᓗᓯ,

ᒨᓯᓯ ᑕᓪᓕᒪᖏᑦ 6:3

ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.