ᒨᓯᓯ ᑕᓪᓕᒪᖏᑦ 4:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓕᑦᓯᓕ ᐊᑕᓂᕐᒥᑦ ᒎᑎᑦᓯᓐᓂᑦ ᓅᓚᐅᖏᑦᑐᓯᒍᑦ ᓱᓕ ᐅᓪᓗᒥ ᐃᓅᕗᓯ.

ᒨᓯᓯ ᑕᓪᓕᒪᖏᑦ 4:4 Iomraidhean Croise

ᐃᓐᖏᕈᑎᑦ 63:8

ᑕᕐᓂᕐᒪ ᑎᒍᒥᐊᕐᐹᑎᑦ ᐊᑕᕕᒋᓪᓗᑎᑦ; ᐊᒡᒐᒃᐱᓪᓗ ᑕᓕᕐᐱᒃᐱᑦ ᒪᑭᑕᑎᑉᐹᖓ.

ᐂᓮᐊᓯᐅᑉ ᐊᒡᓚᖏᑦ 26:20

ᐃᒡᓗᑦᓯᓐᓄᑦ ᐃᑎᐅᖅᑲᓕᕆᑦᓯ, ᐃᓄᖁᑎᒃᑲ, ᐃᑎᕈᑦᓯ ᐅᒃᑯᐊᓯ ᐅᒃᑯᐊᕐᓗᒋᑦ; ᐃᔨᕐᓯᒪᑬᓐᓇᕆᑦᓯ ᒎᑎᐅᑉ ᓂᓐᖓᐅᒪᓂᖓ ᐊᓂᒍᕐᓯᐊᕆᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᕉᒪᒥᐅᓄᑦ 12:9

ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ.

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᒨᓯᓯ ᑕᓪᓕᒪᖏᑦ 13:4

ᐊᑕᓂᖅ ᒎᑎᓯ ᒪᓕᒃᑕᒃᓴᕆᕙᓯ ᐃᓕᕋᒋᓗᒍᓗ ᐱᖁᔭᖏᓪᓗ ᒪᓕᒡᓗᒋᑦ ᓂᐱᖓᓗ ᓈᓚᒡᓗᒍ, ᑐᒃᓯᐊᕐᕕᒋᔭᒃᓴᕆᕙᓯ ᓴᒃᑯᑦᑍᓕᓗᒍᓗ.

ᒨᓯᓯ ᑕᓪᓕᒪᖏᑦ 30:20

ᐊᑕᓂᖅ ᒎᑏᑦ ᐅᖓᒋᔭᒃᓴᕆᕙᑦ, ᓂᐱᖓᓗ ᓈᓚᒡᓗᒍ ᓱᖁᓯᔪᐃᑦᑑᕕᒋᓗᒍᓗ, ᑕᕝᕙ ᑭᖑᕚᓕᒫᓯᓗ ᐃᓅᔪᒫᕐᐳᓯ ᓄᓇᒥ ᐊᖏᕈᑎᒋᓯᒪᔭᖓᓂ ᑐᓂᓂᐊᕐᓂᕋᕐᓗᓂᐅᒃ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.”

ᒨᓯᓯ ᑕᓪᓕᒪᖏᑦ 4:3

ᐃᓕᑦᓯ ᓇᖕᒥᓂᖅ ᑕᑯᓯᒪᒐᑦᓯ ᐊᑕᓂᐅᑉ ᒎᑎᑦᓯ ᐱᓇᓱᐊᕐᓯᒪᓂᖓᓂᒃ ᖃᖅᑲᒥ ᐰᓕ-ᐱᐅᕆᒥ, ᑕᕝᕙᓂ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᑐᓂᒃ ᓄᖑᑕᐅᑎᑦᓯᓚᐅᕐᒪᑦ,

ᒨᓯᓯ ᑕᓪᓕᒪᖏᑦ 4:5

“ᐱᖁᔭᓕᒫᓂᒃ ᐊᔪᕆᕐᑐᕐᓯᒪᕙᑦᓯ, ᐊᑕᓂᐅᑉ ᒎᑎᒪ ᐅᖃᐅᓯᐅᖁᓚᐅᕐᑕᓕᒫᖏᓐᓂᒃ. ᑖᒃᑯᐊ ᓈᓚᒐᒃᓴᕆᕙᓯ ᓄᓇᒥ ᓵᓚᒃᓴᕐᓂᒃᑯᑦ ᓄᓇᑖᕆᓂᐊᓕᕐᑕᑦᓯᓐᓂ ᓄᓇᖃᓕᕈᑦᓯ.

ᔮᓱᐊᑉ ᐊᒡᓚᖏᑦ 22:5

ᑲᒪᑦᓯᐊᕐᓗᓯ ᓈᓚᑦᓯᐊᕐᑐᒃᓴᐅᕗᓯ ᐱᖁᔭᓂᒃ ᒨᓯᓯᐅᑉ ᑎᓕᓯᑦᔪᑎᒋᓚᐅᕐᑕᖓᓂ ᐃᓕᑦᓯᓐᓄᑦ, ᐊᑕᓂᖅ ᒎᑎᓯ ᐅᖓᒋᔭᒃᓴᕆᕙᓯ, ᐊᑐᕐᑕᐅᖁᔭᓕᒫᖏᓪᓗ ᐊᑐᕐᓗᒋᑦ, ᐱᖁᔭᖏᓪᓗ ᓈᓚᒡᓗᒋᑦ, ᑎᒍᒥᐊᕐᓗᒍ ᓴᒃᑯᑦᑍᓕᓗᒍᓗ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᑕᕐᓂᓕᒫᕐᓄᓪᓗ.”

ᔮᓱᐊᑉ ᐊᒡᓚᖏᑦ 23:8

ᐊᑕᓂᕐᒥᒡᓕ ᒎᑎᑦᓯᓐᓂᒃ ᓴᒃᑯᐃᑦᑍᓕᔪᒃᓴᐅᕗᓯ, ᐅᓪᓗᒥᒧᑦ ᑎᑭᓪᓗᒍ ᑍᒤᓯᒪᒐᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.