ᒨᓯᓯ ᑕᓪᓕᒪᖏᑦ 4:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᒎᑏᑦ ᓇᓪᓕᐊᓐᓂᒃ ᐃᓅᖃᑎᒌᒡᔪᐊᓂᒃ ᓴᓂᕐᕙᒃᑎᑦᓯᔪᖃᕐᓗᓂ ᓇᖕᒥᓂᖅ ᐃᓄᖁᑎᑖᕆᓗᒋᑦ ᐱᔪᖃᓚᐅᕐᓯᒪᕚ? ᐊᑕᓂᐅᑉ ᒎᑎᑦᓯ ᐄᑦᔨᑉᑎᒥ ᐱᓇᓱᐊᕐᓂᕆᓚᐅᕐᑕᖓᑐᑦ ᑍᒤᑦᑐᒥᒃ? ᓇᖕᒥᓂᓪᓚᕆᒃ ᑕᑯᓐᓇᕐᑎᓪᓗᓯ ᐱᔪᓐᓇᕐᓂᕐᔪᐊᓂ ᓲᖑᓂᓂᓗ ᐊᑐᕐᓗᒋᒃ ᐱᓇᓱᐊᓚᐅᕐᐳᖅ; ᖃᓂᒪᓐᓇᕐᑐᓂᒃ ᑎᑭᑎᑦᓯᓚᐅᕐᐳᖅ ᐅᓇᑕᕐᓂᕐᒥᒡᓗ, ᓇᓗᓁᒃᑯᑕᕐᓂᒡᓗ ᐱᓕᕆᓪᓗᓂ ᑲᒪᓇᕐᑐᑎᒍᓪᓗ, ᑕᑕᒥᓐᓇᕐᑐᓂᓗ ᐱᔪᒫᕐᑐᒃᓮᑦ ᐱᑦᔪᑎᒋᓪᓗᒋᑦ.

ᒨᓯᓯ ᑕᓪᓕᒪᖏᑦ 4:34 Iomraidhean Croise

ᐃᓐᖏᕈᑎᑦ 136:12

ᐊᒡᒐᖕᒥᓄᑦ ᓲᖑᔪᓄᑦ, ᑕᓕᕐᒥᓄᓪᓗ ᐃᓴᒻᒥᔪᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 24:8

ᑭᓇ ᐊᖓᔪᖅᑳᕐᔪᐊᖑᕚ ᐱᓐᓇᕐᓇᕐᓂᕐᔫᓪᓗᓂ? ᐊᑕᓂᖅ ᑖᓐᓇᐅᕗᖅ, ᓲᖑᔫᓪᓗᓂ ᐊᔪᖏᑦᑐᕐᔪᐊᖅ, ᐊᑕᓂᖅ ᑖᓐᓇᐅᕗᖅ, ᐅᓇᑕᕐᓂᕐᒧᑦ ᐊᔪᖏᑦᑐᕐᔪᐊᖅ.

ᐃᓐᖏᕈᑎᑦ 78:12

ᑲᒪᓇᕐᑐᑦ ᐱᓂᐊᕐᓂᕆᓚᐅᕐᑕᖏᑦ ᓯᕗᓕᕕᓂᖏᑕ ᑕᒃᑯᐊᓂ, ᓄᓇᒥ ᐄᑦᔨᑉᑎᒥ, ᓇᑎᕐᓇᒥᓗ ᔪᐊᓐᒥᒃ ᐊᑎᓕᖕᒥ.

ᒨᓯᓯ ᐂᑉᐸᖏᑦ 1:9

ᐃᓄᖁᑎᓂᓗ ᐅᖃᐅᑎᕔᑦ, ᒪᑯᐊ ᐃᓴᕆᐊᓕᒥᐅᑦ ᐅᓄᓗᐊᓕᕐᒪᑕ ᐱᔪᓐᓇᕐᓂᖃᓗᐊᕐᓗᑎᒡᓗ ᐃᓕᒪᓇᕐᓯᓕᕐᐳᑦ.

ᒨᓯᓯ ᐂᑉᐸᖏᑦ 10:21

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᓖᑦ ᐃᓵᓚᐅᕈᒃ ᕿᓚᖕᒧᑦ ᐄᑦᔨᑉᑎᒧᑦ ᑖᕐᑐᕐᔪᐊᖅ ᑎᑭᖁᓪᓗᒍ, ᐃᓄᖏᓐᓄᓪᓗ ᑖᕐᑐᕐᔪᐊᑉ ᑖᕐᑑᓂᖓ ᐃᒃᐱᒋᔭᐅᔪᓐᓇᖁᓪᓗᒍ.”

ᒨᓯᓯ ᐂᑉᐸᖏᑦ 10:7

ᑕᕝᕙ ᐰᕉᑉ ᐱᔨᖏᑦ ᐰᕉᒧᑦ ᐅᖃᕐᐳᑦ, “ᖃᓄᖅ ᐊᑯᓂᐅᑎᒋᔪᖅ ᑖᒃᑯᐊ ᐊᖑᑎᑦ ᐅᕙᑦᑎᓐᓂᒃ ᐸᒡᕕᓴᒃᑐᒃᓴᐅᕚᑦ? ᐅᑯᐊ ᐃᓄᐃᑦ ᐊᐅᓪᓚᕐᑎᓚᐅᒃᑭᑦ, ᐊᑕᓂᕐᒧᑦ ᒎᑎᒥᖕᓄᑦ ᑐᒃᓯᐊᕆᐊᕐᑐᕈᓐᓇᖁᓪᓗᒋᑦ; ᓱᓕ ᖃᐅᔨᓐᖏᓚᑏᑦ? ᐄᑦᔨᑉᑎᐅᑉ ᑭᓱᒃᓴᐅᔪᓐᓃᕐᑎᑕᐅᓂᖓᓂᒃ?”

ᒨᓯᓯ ᐂᑉᐸᖏᑦ 13:3

ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ.

ᒨᓯᓯ ᐂᑉᐸᖏᑦ 14:30

ᐅᓪᓗᒥ ᑍᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ ᐄᑦᔨᑉᑎᒥᐅᓂᑦ. ᐃᓴᕆᐊᓕᒥᐅᓪᓗ ᐄᑦᔨᑉᑎᒥᐅᕕᓂᕐᓂᒃ ᑐᖁᖓᓕᕐᑐᓂᒃ ᑕᑯᕗᑦ ᐃᒪᐅᑉ ᓯᓈᓂ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᒨᓯᓯ ᐂᑉᐸᖏᑦ 19:4

“ᑕᑯᓚᐅᕐᐳᓯ ᐄᑦᔨᑉᑎᒥᐅᓄᑦ ᖃᓄᐃᓕᐅᓚᐅᕐᓂᓐᓂᒃ, ᖃᓄᕐᓗ ᑕᓯᐅᓚᐅᕐᒪᖔᑦᓯ ᓇᒃᑐᕋᓕᐅᑉ ᐃᓴᕈᕐᒥᓄᑦ ᕿᑐᕐᖓᒥᓂ ᑕᓯᐅᕐᓯᕙᖕᓂᖓᑎᑐᑦ, ᑕᒪᐅᖓᓗ ᑎᑭᐅᑎᑎᓯᒪᓪᓗᓯ ᐅᕙᓐᓄᑦ.

ᒨᓯᓯ ᐂᑉᐸᖏᑦ 3:10

ᑎᓕᔪᒪᓕᕐᐸᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓄᑦ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᑕᐅᖁᓪᓗᒋᑦ ᓄᓇᖁᑎᖓᓐᓂᑦ.”

ᒨᓯᓯ ᐂᑉᐸᖏᑦ 6:6

ᑍᒤᒻᒪᑦ ᐃᓴᕆᐊᓕᒥᐅᓄᑦ ᐅᖃᓚᐅᕆᑦ ᐅᖃᕐᑕᐅᖁᔭᓐᓂᒃ, ‘ᐅᕙᖓ ᐊᑕᓂᐅᕗᖓ, ᐄᑦᔨᑉᑎᒥᐅᓪᓗ ᐅᖁᒤᒃᓴᕐᑎᑦᓯᓂᖏᓐᓂᑦ ᐊᐅᓪᓚᕐᑎᑦᓱᒪᕙᑦᓯ, ᓴᐳᑎᔪᒪᕙᑦᓯᓗ ᓯᐊᓛᕆᔭᐅᓂᑦᓯᓐᓂᑦ, ᐱᐅᓕᔪᒪᕙᑦᓯᓗ ᑕᓕᕐᒧᑦ ᐱᔪᓐᓇᕐᓂᕐᔪᐊᖃᕐᑐᒧᑦ ᓱᒋᐊᕐᓯᓂᕐᒧᓪᓗ ᓴᓐᖏᔪᕐᔪᐊᒧᑦ,

ᒨᓯᓯ ᐂᑉᐸᖏᑦ 7:3

ᐊᖓᔪᖅᑳᕐᔪᐊᕐᓕ ᐱᔭᕐᓂᕈᓐᓁᕐᑎᓐᓂᐊᕐᐸᕋ ᐄᑦᔨᑉᑎᒥᐅᓄᑦ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐅᓄᕐᑐᓂᒃ ᑎᑭᑎᑦᓯᓯᒪᒐᓗᐊᕐᑎᓪᓗᖓ ᓈᓚᒍᓐᓇᖁᓇᒍ ᐅᖃᐅᓯᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᔨᕆᒤᐊᐅᑉ ᐊᒡᓚᖏᑦ 21:5

ᐅᕙᖓ ᓇᖕᒥᓂᖅ ᐅᓇᑕᕐᓂᐊᕐᐸᑦᓯ ᐱᔪᓐᓇᕐᓂᓐᓄᑦ, ᓂᓐᖓᐅᒪᓂᓐᓄᑦ ᓂᓐᖓᕕᒃᔪᐊᕐᓯᒪᓂᓐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 32:21

ᐃᓄᖁᑎᑎᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᕕᒋᑦ ᓇᓗᓁᒃᑯᑕᒃᑯᑦ ᑲᒪᓇᕐᑐᓪᓗ ᐊᑐᕐᓗᒋᑦ. ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ ᑲᑉᐱᐊᓇᕐᑐᒃᑯᑦ.

ᒨᓯᓯ ᓯᑕᒪᖏᑦ 20:16

ᐊᑕᓂᕐᒧᓪᓕ ᓂᓪᓕᐊᒐᑦᑕ, ᓂᐱᕗᑦ ᑐᓴᓚᐅᕐᐰᑦ, ᐂᖏᓕᒥᒡᓗ ᑎᓕᓯᓪᓗᓂ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ; ᒫᓐᓇᓕ ᑲᑎᓯᒦᑉᐳᒍᑦ, ᐃᒡᓗᒐᓴᖕᓂ ᓄᓇᖁᑎᑦᓯ ᖃᓂᒋᔮᓂ ᓯᓚᑖᓃᑦᑐᒥ.

ᒨᓯᓯ ᑕᓪᓕᒪᖏᑦ 1:30

ᐊᑕᓂᐅᑉ ᒎᑎᑦᓯ ᑖᑦᓱᒪ ᑕᓯᐅᕐᓂᐊᕐᒪᓯ, ᐅᓇᑕᕐᓂᑦᓯᓐᓂᓗ ᐃᑲᔪᕐᓂᐊᕐᐹᓯ, ᐄᑦᔨᑉᑎᒥ ᐱᓇᓱᐊᕐᑎᓪᓗᒍ ᓇᖕᒥᓂᖅ ᑕᑯᖃᑦᑕᓚᐅᕋᑦᓯᐅᒃ,

ᒨᓯᓯ ᑕᓪᓕᒪᖏᑦ 10:21

ᓂᕐᑐᒐᒃᓴᕆᕙᓯ ᒎᑎᒋᒐᑦᓯᐅᒃ, ᓇᖕᒥᓂᖅ ᑕᑯᓯᒪᒐᑦᓯ ᑖᑦᓱᒪ ᐊᔪᖏᑦᑐᐊᓘᓂᖓᓂᒃ ᑲᒪᓇᕐᑐᕐᔪᐊᖑᓂᖓᓂᒡᓗ ᐃᓕᑦᓯ ᐱᑦᔪᑎᒋᓪᓗᓯ.

ᒨᓯᓯ ᑕᓪᓕᒪᖏᑦ 11:2

ᐅᓪᓗᒥ ᐃᖅᑲᐅᒪᓚᐅᕐᓯᐅᒃ ᑐᑭᓯᓚᐅᕐᑕᓯ ᐊᑕᓂᐅᑉ ᐊᑐᕐᑕᑦᓯᒍᑦ ᐋᖅᑭᒃᓱᐃᓯᒪᓂᖏᑦ. ᕿᑐᕐᖓᓯᐅᖏᑦᑐᖅ, ᑕᒪᒃᑯᓂᖓ ᐊᑐᓚᐅᕋᑦᓯ. ᑕᑯᓚᐅᕋᑦᓯ ᐊᑕᓂᐅᑉ ᒎᑎᑦᓯ ᐊᔪᖏᑦᑐᕐᔪᐊᖑᓂᖓᓂᒃ, ᐱᔪᓐᓇᕐᓂᕐᔪᐊᖓᓂᒡᓗ, ᐊᔪᒐᖃᖏᑦᑐᕐᔪᐊᖑᓂᖓᓂᒡᓗ,

ᒨᓯᓯ ᑕᓪᓕᒪᖏᑦ 26:8

ᑖᑦᓱᒪᓕ ᐱᔪᓐᓇᕐᓂᕐᔪᐊᒥᓄᑦ ᓲᖑᓂᕐᒥᓄᓪᓗ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ, ᑲᒪᓇᕐᑐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᓗᓂ, ᑕᐰᕐᓇᕐᑐᓂᒡᓗ ᐊᑐᕐᓗᓂ.

ᒨᓯᓯ ᑕᓪᓕᒪᖏᑦ 29:3

ᑕᑯᓚᐅᕆᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓇᕐᑐᓂᒃ, ᑲᒪᓇᕐᑐᓕᓂᕐᓂᒡᓗ, ᓇᓗᓁᒃᑯᑕᕐᔪᐊᓂᒡᓗ ᐊᑕᓂᐅᑉ ᐱᓇᓱᓚᐅᕐᑕᖏᓐᓂᒃ.

ᒨᓯᓯ ᑕᓪᓕᒪᖏᑦ 33:29

ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”

ᒨᓯᓯ ᑕᓪᓕᒪᖏᑦ 34:12

ᐊᔪᒐᖃᖏᑦᑐᓕᓂᕐᔪᐊᓂᒡᓗ ᐱᓂᐊᕐᓂᕐᓂᒡᓗ ᑕᑕᓐᓇᕐᑐᓂᒃ ᒨᓯᓯᐅᑉ ᐱᓇᓱᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᑕᑯᓐᓇᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 5:15

ᐃᖅᑲᐅᒪᓚᐅᕆᑦᓯ ᓯᐊᓛᕆᔭᐅᓚᐅᕐᓂᑦᓯᓐᓂᒃ ᓄᓇᒥ ᐄᑦᔨᑉᑎᒥ, ᐅᕙᖓᓗ, ᐊᑕᓂᖅ ᒎᑎᒋᔭᓯ ᐃᓕᑦᓯᓐᓂᒃ ᓴᐳᑦᔨᓚᐅᕐᐳᖓ ᐱᔪᓐᓇᕐᓂᕐᔪᐊᓐᓄᑦ ᓴᓐᖏᓂᕐᔪᐊᓐᓄᓪᓗ. ᑍᒤᒻᒪᑦ ᑕᕝᕙ ᑲᒪᑦᓯᐊᖁᓪᓗᓯ ᐱᖁᕙᑦᓯ ᐅᓪᓗᒥᒃ ᓴᐸᑎᒥᒃ.

ᒨᓯᓯ ᑕᓪᓕᒪᖏᑦ 6:21

ᑕᕝᕙ ᕿᑐᕐᖓᑦᓯᓐᓄᑦ ᑭᐅᔪᒃᓴᐅᕗᓯ, ‘ᐰᕉᒧᑦ ᐃᓖᔭᕆᔭᐅᓚᐅᕋᑦᑕ ᐄᑦᔨᑉᑎᒥ, ᐊᑕᓂᐅᓪᓕ ᐄᑦᔨᑉᑎᒥᑦ ᓴᐳᑎᓚᐅᕐᐹᑎᒍᑦ ᐱᔪᓐᓇᕐᓂᕐᔪᐊᒥᓄᑦ.

ᒨᓯᓯ ᑕᓪᓕᒪᖏᑦ 7:19

ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.

ᒨᓯᓯ ᑕᓪᓕᒪᖏᑦ 9:29

ᐅᑯᐊᓕ ᐃᓅᖃᑎᒌᑦ ᓂᕈᐊᕐᓯᒪᕙᑎᑦ ᐃᕝᕕᑦ ᓇᖕᒥᓂᕆᔪᒪᓪᓗᒋᑦ ᑖᒃᑯᐊᓗ ᐊᐅᓪᓚᕐᑎᓚᐅᕐᐸᑎᑦ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᕐᓄᑦ ᓴᓐᖏᓐᓂᕐᔪᐊᕐᓄᓪᓗ.’”

ᔮᓱᐊᑉ ᐊᒡᓚᖏᑦ 24:7

ᐃᓗᖏᕐᑐᕐᓗᑎᒡᓗ ᐃᑲᔪᕐᑕᐅᔪᒪᓕᕐᒪᑕ ᐊᑕᓂᕐᒧᑦ; ᐄᑦᔨᑉᑎᒥᐅᓪᓗ ᓯᕗᓕᓯᓗ ᐊᑯᓐᓂᖓᓄᐊᕐᓯᓚᐅᕐᐳᖓ ᑖᕐᑐᕐᔪᐊᒥᒃ, ᑕᕆᐅᕐᓗ ᐅᑎᕐᑎᓚᐅᕐᐸᕋ ᐄᑦᔨᑉᑎᒥᐅᑦ ᐅᓕᒃᑕᐅᖁᓪᓗᒋᑦ ᐃᐱᓪᓗᑎᒡᓗ; ᐃᓕᑦᓯᓗ ᓇᖕᒥᓂᖅ ᑕᑯᓚᐅᕐᐳᓯ ᖃᓄᐃᓕᐅᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥᐅᓄᑦ; ᐃᓄᖃᔪᐃᑦᑐᒦᓚᐅᕐᐳᓯᓗ ᐊᑯᓂᐊᓗᒃ.

ᐲᑦᑐᕉᓯ ᓯᕗᓪᓖᑦ 5:6

ᑍᒤᒻᒪᑦ, ᐃᓕᑦᓯᓐᓂᒃ ᒥᑭᒡᓕᑎᕆᑦᓯ ᒎᑎᐅᑉ ᐱᔪᓐᓇᕐᑐᕐᔪᐊᑉ ᐊᒡᒐᖏᓐᓄᑦ, ᑖᑦᓱᒪ ᑕᕝᕙ ᐊᖏᔪᕈᕐᑎᑦᓱᒫᕐᐹᓯ ᐱᕕᒃᓴᕆᔪᒪᔭᒥᒍᑦ.