9 ᔧᑰᓪᓕ ᑭᖑᕚᖏᑦ ᓇᖕᒥᓂᖅ ᓂᕈᐊᕆᓚᐅᕐᐰᑦ.
ᐃᓱᒪᓚᐅᕋᒪ ᓈᓚᒍᓐᓇᕋᓱᒋᓪᓗᑎᑦ ᐱᐅᓕᓯᔪᓐᓇᕋᓱᒋᓪᓗᑎᓪᓗ ᐅᕙᓐᓂᒃ ᐃᕐᓂᓐᓂᒡᓗ ᑐᖁᑦᓯᓇᓱᐊᕐᑐᒥᒃ ᓄᓇᒥᑦ ᐲᕐᓯᓇᓱᐊᕐᑐᒥᑦ ᐅᕙᑦᑎᓐᓂᒃ ᒎᑎᐅᑉ ᑐᓂᓚᐅᕐᑕᖓᓂᒃ ᐃᓄᖁᑎᒥᓄᑦ.
ᐃᒡᓗᒐᓴᕗᑦ ᐱᐅᔪᐊᓘᕗᖅ, ᓮᓕᑦᓯᐊᕐᓇᕐᓂᕐᐹᖑᕗᖅ ᐱᑦᓯᐊᕐᓂᕐᐹᖑᓪᓗᓂᓗ ᐃᓴᕆᐊᓕᒥᐅᓂ; ᓱᖕᒪᓪᓕ ᐊᓯᕈᕋᓱᐊᕐᐱᐅᒃ? ᓱᒃᑯᐃᔪᒪᕖᑦ ᐊᑕᓂᐅᑉ ᐱᖓᓂᒃ?”
ᑖᒃᑯᐊ ᐃᓄᖁᑎᒋᒐᕕᒋᑦ, ᓇᖕᒥᓂᕐᑖᕆᓯᒪᓪᓗᒋᑦ, ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᑕᑎᑦ, ᓴᕕᕋᔭᖕᒥᒃ ᐊᐅᒃᑎᑦᓯᕕᐅᑉ ᐃᑯᐊᓚᔫᑉ ᐃᓗᐊᓂᑦ.
ᑖᒃᑯᐊ ᓂᕈᐊᕐᓗᒋᑦ ᓴᓂᕐᕙᒃᓯᒪᒐᕕᒋᑦ ᐃᓄᓕᒫᑦ ᓄᓇᕐᔪᐊᕐᒥᐅᑦ ᐊᑯᕐᖓᓐᓂᑦ, ᓇᖕᒥᓂᖅ ᐱᒋᔪᒪᓪᓗᒋᑦ, ᑍᒫᒃ ᐅᖃᓚᐅᕋᕕᑦ ᐱᔨᒃᑯᑦ ᒨᓯᓯᒃᑯᑦ, ᑍᑦᓱᒪᓂ ᓯᕗᓪᓕᕕᓂᕗᑦ ᐊᓂᑎᓕᕋᕕᒋᑦ ᐄᑦᔨᑉᑎᒥᑦ, ᐊᑕᓃᖅ ᒎᑏ.”
ᑍᒤᒻᒪᑦ ᐊᑕᓂᐅᑉ ᓂᓐᖓᓂᖓ ᐱᒋᐊᓯᓚᐅᕐᐳᖅ ᐃᓄᖁᑎᒥᓄᑦ, ᓇᕐᕈᒋᓕᕐᓗᒋᓪᓗ ᓇᖕᒥᓂᖅ ᑭᖑᕐᖑᑦᔨᔨᖁᑎᒋᔭᓂ.
ᑕᑯᔪᓐᓇᖁᓪᓗᖓ ᓂᕈᐊᕐᓯᒪᔭᕐᐱᑦ ᖃᑭᕙᓪᓕᐊᓂᖏᓐᓂᒃ, ᐃᓅᖃᑎᒌᒡᔪᐊᖁᑎᕕᑦ ᖁᕕᐊᓱᓕᕐᓂᖏᓐᓄᑦ ᖁᕕᐊᓱᖃᑕᐅᔪᓐᓇᖁᓪᓗᖓ, ᓂᕐᑐᐃᖃᑕᐅᔪᓐᓇᖁᓪᓗᖓ ᑭᖑᕐᖑᔨᔪᖁᑎᑎᑦ ᐃᓚᒋᓗᒋᑦ.
ᐊᑕᓂᐅᑉ ᔧᑯ ᓂᕈᐊᓚᐅᕐᒪᒍ ᓇᖕᒥᓂᕆᔪᒪᓪᓗᒍ, ᐃᓴᕆᐊᓕᓗ ᓇᖕᒥᓂᖅ ᐱᖁᑎᒋᔪᒪᓪᓗᓂᐅᒃ.
ᐃᓄᖁᑎᑎ ᐱᐅᓕᓚᐅᒃᑭᑦ ᓮᒻᒪᕐᑎᓪᓗᒋᓪᓗ ᑭᖑᕐᖑᑎᔭᒃᓴᑎᑦ; ᑖᒃᑯᓄᖓ ᐰᕐᓯᔨᐅᓕᕆᑦ ᐊᒡᔭᕐᓗᒋᓪᓗ ᐃᓱᖃᖏᑦᑐᒧᑦ.
ᓮᒪᓇᕐᑐᒦᑉᐳᑦ ᐃᓅᖃᑎᒌᒡᔪᐊᑦ ᐊᑕᓂᕐᒥᒃ ᒎᑎᖃᕐᑐᑦ, ᐃᓄᐃᑦ ᓂᕈᐊᕐᓯᒪᔭᖏᑦ ᓇᖕᒥᓂᖅ ᐱᒃᓴᕆᔪᒪᓪᓗᒋᑦ.
ᑐᒃᓯᐊᕆᐊᕐᐸᒃᑐᖁᑎᑎᑦ ᐃᖅᑲᐅᒪᒃᑭᑦ, ᑍᑦᓱᒪᓂᑐᖃᖅ ᐱᑖᕆᓚᐅᕐᓯᒪᔭᑎᑦ, ᐃᓅᖃᑎᒌᑦ ᐱᒃᓴᕆᔪᒪᓪᓗᒋᑦ ᐱᐅᓕᓚᐅᕐᑕᑎᑦ! ᑕᕝᕙᓂ ᖃᖅᑲᒥ ᓮᐅᓂᒥ, ᐃᓂᖃᕐᑎᓪᓗᑎᑦ.
ᓰᐱᓂᑦ ᐊᕐᓇᓪᓗᖕᓂᒃ ᐃᕐᓂᐅᕐᑐᓂᒃ ᒪᓕᑲᑕᒃᕕᖓᓂᑦ, ᔧᑯᒧᑦ ᐃᓄᖁᑎᖏᓐᓄᓪᓗ ᓰᐱᓕᕆᔨᐅᖁᓪᓗᒍ, ᐃᓴᕆᐊᓕᒃᑯᓪᓗ ᑖᑦᓱᒧᖓ ᑭᖑᕐᖑᑎᔭᐅᖁᓪᓗᒋᑦ.
ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.
ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”
ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᓮᒻᒪᕐᑎᓪᓗᒋᑦ ᐅᖃᕈᒫᕐᐳᖅ, “ᓮᒻᒪᕐᑎᑕᐅᒋᑦᓯ ᐃᓄᖁᑎᒃᑲ ᐄᑦᔨᑉᑎᒥᐅᑦ, ᐃᓕᑦᓯᓗ ᐊᓯᕆᐊᒥᐅᑦ ᐱᓐᖑᕐᑎᓚᐅᕐᑕᒃᑲ, ᐃᓴᕆᐊᓕᒥᐅᓪᓗ ᓂᕈᐊᕐᓯᒪᓪᓗᓯ ᐃᓄᖁᑎᒋᔭᒃᑲ.”
ᐊᑕᓂᐅᑉ ᓄᓇᖁᑎᒃᓴᖏᓐᓂᒃ ᐊᑐᓂᑦ ᐱᑖᕐᑎᓚᐅᕐᒪᒋᑦ ᓇᓚᐅᑦᑖᕈᑎᒃᑯᑦ, ᐱᔪᓐᓇᕐᓂᕐᒥᓄᑦ ᐊᒡᒍᐃᑦᔪᑎᓚᐅᕐᐰᑦ ᓄᓇᖁᑎᒋᓂᐊᕐᑕᖏᓐᓂᒃ; ᑖᒃᑯᐊᓗ ᐃᓂᒋᔪᒫᕐᐰᑦ ᐃᓱᖃᖏᑦᑐᒧᑦ; ᑭᖑᕚᕇᓂᑦ ᑭᖑᕚᕇᓄᑦ ᐃᓂᒋᔪᒫᕐᐰᑦ.
ᑖᒃᑯᐊ ᐃᓄᖁᑎᓕᐊᕆᓚᐅᕋᒃᑭᑦ ᐅᕙᓐᓄᑐᐊᖅ ᐱᒋᔭᐅᖁᓪᓗᒋᑦ; ᑖᒃᑯᐊᓗ ᓂᕐᑐᕐᓇᕐᓂᕋ ᐅᖃᐅᓯᕆᔪᒫᕐᐹᑦ.
ᔧᑯᒃᑯᓐᓂᒡᓕ ᐱᒋᐊᕐᑎᑦᓯᓚᐅᕐᑐᖅ ᑍᒤᓐᖏᓚᖅ, ᓱᓇᓕᒫᓂᒃ ᐱᓐᖑᕐᑎᑦᓯᓯᒪᖕᒪᑦ, ᐃᓴᕆᐊᓕᒥᐅᑦ ᓴᖅᑭᑎᓯᒪᕔᑦ, ᑭᖑᕚᕇᓐᖑᕐᓗᑎᒃ ᑭᖑᕐᖑᔨᖃᑎᒌᒃᑐᒃᓴᐅᖁᓪᓗᒋᑦ; ᑕᒪᒃᑯᓂᖓ ᓴᖅᑭᑎᑦᓯᔪᖅ ᐊᑕᓂᐅᕗᖅ ᖁᑦᓯᖕᓂᕐᐹᒥᒃ ᐊᑎᓕᒃ.
ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.
ᔧᑰᓪᓕ ᒎᑎᖓ ᑖᒃᑯᑎᑐᓇᖅ ᑍᒤᓐᖏᓚᖅ, ᑕᒤᓐᓂᒃ ᐱᓐᖑᕐᑎᑦᓯᔨᐅᖕᒪᑦ, ᐃᓄᖁᑎᖏᑕᓗ ᑭᖑᕚᕇᖏᑦ ᐱᒋᐊᕐᑎᓯᒪᕔᑦ, ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ ᑖᓐᓇ ᐊᑎᖃᕐᐳᖅ.
ᑍᒤᒻᒪᑦ ᐱᖃᑎᖃᕐᓂᐊᕈᓐᓁᕐᐳᓯ ᐃᓱᒪᒃᓴᕐᓯᐅᖃᑎᒃᓴᑦᓯᓐᓂᒃ ᓄᓇᖁᑎᑦᓯ ᓇᓚᐅᑦᑖᕈᑎᒃᑯᑦ ᑎᑎᕐᓯᒪᓂᖓᑕ ᑭᒡᓕᖓ ᐱᓪᓗᒍ, ᐊᑕᓂᐅᑉ ᑲᑎᒪᔪᖁᑎᖏᓐᓂ.
ᐊᑕᓂᐅᑉ ᓱᓕ ᔫᑕ ᐱᑖᕆᒃᑲᓐᓂᕈᒫᕆᕚ ᓄᓇᖁᑎᒥᓄᑦ ᐃᑦᔪᕐᓁᑦᑐᒧᑦ ᐃᓚᓕᐅᑎᓗᒍ, ᔨᕉᓴᓕᓗ ᓂᕈᐊᕐᓯᒪᔭᒥᓂᒃ ᑍᒃᑲᓐᓂᓕᕈᒫᕆᕚ.
ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,
ᐅᑯᐊᓕ ᐃᓅᖃᑎᒌᑦ ᓂᕈᐊᕐᓯᒪᕙᑎᑦ ᐃᕝᕕᑦ ᓇᖕᒥᓂᕆᔪᒪᓪᓗᒋᑦ ᑖᒃᑯᐊᓗ ᐊᐅᓪᓚᕐᑎᓚᐅᕐᐸᑎᑦ ᐄᑦᔨᑉᑎᒥᑦ ᐱᔪᓐᓇᕐᓂᕐᔪᐊᕐᓄᑦ ᓴᓐᖏᓐᓂᕐᔪᐊᕐᓄᓪᓗ.’”
ᐊᑕᓂᐅᑉ ᒎᑎᑦᑕ ᐊᐅᓪᓚᕐᑎᓚᐅᕐᐹᑎᒍᑦ ᓯᕗᓕᕗᓪᓗ ᓄᓇᒥᑦ ᐄᑦᔨᑉᑎᒥᑦ, ᑎᒍᔭᐅᓯᒪᕕᖕᒦᑎᓪᓗᒋᑦ ᐄᑦᔨᑉᑎᒥᑦ, ᑖᑦᓱᒪᓗ ᑲᒪᓇᕐᑐᓕᓂᕐᔪᐊᖏᑦ ᑕᑯᓚᐅᕐᐸᕗᑦ ᐱᓂᐊᕐᓂᕆᓚᐅᕐᑕᖏᓪᓗ, ᐅᐸᒃᑕᓕᒫᑦᑎᓐᓂᓗ ᓴᐳᑎᖃᑦᑕᓚᐅᕐᐹᑎᒍᑦ, ᐃᓅᖃᑎᒌᒡᔪᐊᓂᓪᓗ ᐊᖅᑯᓵᕐᑕᓕᒫᑦᑎᓐᓂᑦ.
ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.
