ᒨᓯᓯ ᑕᓪᓕᒪᖏᑦ 32:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑍᒫᒃ ᐊᑕᓂᖅ ᐊᑭᓂᐊᕐᕕᒋᕕᓯᐅᒃ? ᓯᓔᑦᑑᔪᓯ ᑐᑭᖃᖏᑦᑐᓯᓗ ᐃᓅᔪᓯ. ᑖᓐᓇ ᐊᑖᑕᒋᓐᖏᓚᓯᐅᒃ? ᑖᑦᓱᒪ ᓴᓇᓚᐅᓐᖏᓛᓰ? ᑖᑦᓱᒪ ᐱᓐᖑᕐᑎᓚᐅᓐᖏᓛᓰ ᐃᓂᑖᕐᑎᓪᓗᓯᓗ?

ᒨᓯᓯ ᑕᓪᓕᒪᖏᑦ 32:6 Iomraidhean Croise

ᓴᒧᐃᓕ ᐂᑉᐸᖏᑦ 7:24

ᐃᓴᕆᐊᓕᒥᐅᓪᓗ ᓇᖕᒥᓂᕐᑖᕆᓯᒪᕙᑎᑦ ᐃᓄᖁᑎᑖᕆᓪᓗᒋᑦ ᐃᓱᖃᖏᑦᑐᒧᑦ; ᐃᕝᕕᓪᓗ ᐊᑕᓃᖅ, ᒎᑎᒋᔭᐅᓕᕐᓗᑎᑦ ᑖᒃᑯᓄᖓ.

ᔫᐱᐅᑉ ᐊᒡᓚᖏᑦ 10:8

ᐊᒡᒐᒃᐱᑦ ᓴᓇᓪᓗᓂᖓ ᐋᖅᑭᒃᓱᓚᐅᕐᐹᖓ; ᒫᓐᓇᓗ ᑖᒃᑯᓄᖓᑦᓮᓐᓇᖅ ᐊᓯᕈᕐᑕᐅᓕᕐᐳᖓ.

ᐃᓐᖏᕈᑎᑦ 100:3

ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ.

ᐃᓐᖏᕈᑎᑦ 116:12

ᖃᓄᕐᓕ ᐊᑕᓂᖅ ᐅᑎᕐᑎᑦᓯᕕᒋᔪᓐᓇᕐᐸᕌ? ᑕᒤᓐᓂᒃ ᐱᕙᓪᓕᐅᑎᒃᓴᓐᓄᑦ ᐱᓇᓱᐊᕐᓯᒪᓂᖓᓄᑦ?

ᐃᓐᖏᕈᑎᑦ 149:2

ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ!

ᐃᓐᖏᕈᑎᑦ 74:18

ᐅᓇ ᐃᖅᑲᐅᒪᒍᒃ, ᐊᑕᓃᖅ, ᐊᑭᕋᕐᑐᕐᑏᑦ ᐃᓕᖕᓂᒃ ᒥᑕᐅᑎᖃᕐᒪᑕ, ᐃᓄᐃᓪᓗ ᓯᓔᑦᑐᑦ ᐊᑎᕐᓂᒃ ᐅᖃᕐᓂᕐᓘᑎᖃᕐᐳᑦ.

ᐃᓐᖏᕈᑎᑦ 74:2

ᑐᒃᓯᐊᕆᐊᕐᐸᒃᑐᖁᑎᑎᑦ ᐃᖅᑲᐅᒪᒃᑭᑦ, ᑍᑦᓱᒪᓂᑐᖃᖅ ᐱᑖᕆᓚᐅᕐᓯᒪᔭᑎᑦ, ᐃᓅᖃᑎᒌᑦ ᐱᒃᓴᕆᔪᒪᓪᓗᒋᑦ ᐱᐅᓕᓚᐅᕐᑕᑎᑦ! ᑕᕝᕙᓂ ᖃᖅᑲᒥ ᓮᐅᓂᒥ, ᐃᓂᖃᕐᑎᓪᓗᑎᑦ.

ᐃᓐᖏᕈᑎᑦ 95:6

ᕾᓗᓯ, ᑐᒃᓯᐊᓕᕐᑕ ᐹᒻᒪᒡᓗᑕᓗ, ᓰᖅᑯᖓᓕᕐᑕ ᐊᑕᓂᕐᒧᑦ, ᓴᓇᔨᒋᓚᐅᕐᑕᑦᑎᓐᓄᑦ.

ᒨᓯᓯ ᐂᑉᐸᖏᑦ 15:16

ᓯᕘᕋᓂᕐᒧᑦ ᑲᑉᐱᐊᓇᕐᑐᒧᓪᓗ ᑎᑭᑕᐅᕗᑦ; ᑕᓕᕐᐱᑦ ᐱᔪᓐᓇᕐᓂᕐᔪᐊᖓ ᐱᑦᔪᑎᒋᓪᓗᒍ, ᐅᔭᖅᑲᑎᑐᑦ ᕿᑲᑐᐃᓐᓇᓕᕐᐳᑦ ᐊᐅᓚᑦᔭᒍᓐᓁᓪᓕᓪᓗᑎᒃ, ᐃᓄᖁᑎᖕᓄᑦ ᐊᑕᓃᖅ ᓴᓂᖅᑯᑕᐅᓚᐅᖏᓐᓂᕐᒥᖕᓂ ᑖᒃᑯᓇᓐᖓᑦ ᐃᓄᖁᑎᖕᓂᑦ ᓯᐊᓛᖑᕕᖕᒥᑦ ᐊᓂᑎᓚᐅᕐᑕᕐᓂᑦ.

ᒨᓯᓯ ᐂᑉᐸᖏᑦ 4:22

ᐰᕉᒧᓪᓕ ᐅᖃᕐᑐᒃᓴᐅᕗᑎᑦ, ‘ᐊᑕᓂᖅ ᐅᖃᕐᐳᖅ ᐃᒫᒃ, ᐃᓴᕆᐊᓕ ᐊᖓᔪᒃᓯᕐᐹᖁᑎᒋᕙᕋ ᐃᕐᓂᓐᓂᑦ,

ᐂᓮᐊᓯᐅᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᑐᓴᕆᑦᓯ ᕿᓚᐅᔪᓯ, ᓈᓚᒋᓪᓗ ᓄᓇᕐᔪᐊᖑᔪᑎᑦ; ᕿᑐᕐᖓᒃᑲ ᐱᕈᕐᓴᓚᐅᕐᐸᒃᑲ ᓂᕆᑎᖃᑦᑕᕐᓗᒋᓪᓗ ᐅᕙᓐᓂᒡᓕ ᐊᑭᕋᕐᑐᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 43:1

ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 43:7

ᑕᒪᕐᒥᒃ ᐊᑎᒃᑯᑦ ᕾᖁᔭᐅᓯᒪᔪᑦ, ᐱᓐᖑᕐᑎᓚᐅᕐᑕᒃᑲ ᓂᕐᑐᕐᑕᐅᑦᔪᑎᒃᓴᓐᓄᑦ; ᐋᖅᑭᒃᓱᓚᐅᕋᒃᑭᑦ, ᐃᓄᓕᐊᕆᓪᓗᒋᓪᓗ.”

ᐂᓮᐊᓯᐅᑉ ᐊᒡᓚᖏᑦ 44:2

ᐊᑕᓂᖅ ᐃᒫᒃ ᐅᖃᕐᐳᖅ ᐃᓕᖕᓂᒃ ᓴᓇᓚᐅᕐᑐᖅ, ᑖᑦᓱᒪ ᓴᓇᓚᐅᕐᒪᑎᑦ ᐃᒡᓕᐊᑉ ᐃᓗᐊᓂ, ᑖᑦᓱᒪ ᐃᑲᔪᕐᓂᐊᕐᐹᑎᑦ; ᑲᑉᐱᐊᓱᒃᑍᓕᒋᑦ, ᔧᑰ ᐱᔨᒋᒐᒃᑭᑦ; ᐃᕝᕕᓪᓗ ᔨᓱᕋᓐ ᓂᕈᐊᕆᓯᒪᒐᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 63:16

ᐊᑖᑕᒋᕙᑦᑎᒋᓪᓕ, ᐂᑉᕋᕼᐋᒻᒧᑦ ᖃᐅᔨᒪᔭᐅᖏᒃᑲᓗᐊᕐᑎᓪᓗᑕ, ᐃᓴᕆᐊᓕᒥᐅᓄᓪᓗ ᐃᓕᑕᕆᔭᐅᓯᒪᓇᑕ; ᐊᑕᓃᕐᓕ ᐃᓕᖕᓂᒃ ᐊᑖᑕᖃᕐᐳᒍᑦ ᐃᓕᖕᓄᑦ ᐅᑎᕐᑎᑦᓯᔨᒋᕙᑦᑎᒋᑦ ᑍᑦᓱᒪᓂᐊᓗᖕᓂᑦ ᑍᒫᒃ ᐊᑎᖃᕋᕕᑦ.

ᐂᓮᐊᓯᐅᑉ ᐊᒡᓚᖏᑦ 64:8

ᐊᑕᓃᕐᓕ ᐊᑖᑕᒋᕙᑦᑎᒋᑦ; ᒪᕐᕋᐅᕗᒍᑦ ᐃᕝᕕᑦ ᒪᕐᕋᓕᐅᕐᑎᐅᓪᓗᑎᑦ; ᐊᒡᒐᖕᓄᓪᓗ ᐃᓘᓐᓇᑕ ᓴᓇᔭᐅᓂᑰᓪᓗᑕ.

ᔨᕆᒤᐊᐅᑉ ᐊᒡᓚᖏᑦ 4:22

“ᐃᓄᖁᑎᒃᑲ ᓯᓔᑦᑑᕗᑦ, ᐅᕙᓐᓂᒃ ᖃᐅᔨᒪᔭᖃᖏᒻᒪᑕ. ᓄᑕᖅᑲᑎᑐᑦ ᐃᓱᒪᖃᖏᑦᑐᑎᑐᑦ ᑍᒤᒻᒪᑕ, ᐃᓕᓯᒪᓂᖃᖏᑦᓯᐊᕐᑐᑦ, ᓯᓚᑐᔪᒥᒃ ᐱᐅᖏᑦᑐᓕᐅᕐᓂᖃᕈᓐᓇᕐᐳᑦ, ᐱᐅᔪᒥᒡᓕ ᐱᓇᓱᐊᕆᐊᒃᓴᖅ ᓇᓗᕗᑦ.”

ᔨᕆᒤᐊᐅᑉ ᐊᒡᓚᖏᑦ 5:21

ᑐᓴᓕᕆᑦᓯ, ᐃᓕᑦᓯ ᓯᓔᑦᑐᓯ, ᐃᓱᒪᖃᑦᓯᐊᖏᑦᑐᓯᓗ ᐃᔨᖃᕋᓗᐊᕐᓗᓯ ᑕᐅᑐᖏᑦᑐᓯ, ᓯᐅᑎᖃᕋᓗᐊᕐᓗᓯᓗ ᑐᓵᖏᑦᑐᓯ.

ᕼᐆᓯᐊᑉ ᐊᒡᓚᖏᑦ 13:13

ᐊᕐᓇᐅᑉ ᐃᕐᓂᓱᒃᑑᑉ ᓯᓪᓕᒪᓕᓂᖓᓄᑦ ᑎᑭᑕᐅᕗᖅ, ᑖᓐᓇᓕ ᓯᓔᑦᑑᓪᓗᓂ ᐃᕐᓂᐅᕗᖅ; ᒫᓐᓇᓗ ᐃᓅᓕᕐᕕᒃᓴᖓᑕ ᓇᓪᓕᐅᑎᑎᓪᓗᒍ ᐃᒡᓕᐊᕐᒥᑦ ᐊᓂᕕᖓᓄᐊᕋᓱᐊᓐᖏᓚᖅ.

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᔪᐊᓇᓯᐅᑉ ᐊᒡᓚᖏᑦ 8:41

ᐊᑖᑕᑦᓯ ᐱᓂᐊᓚᐅᕐᑕᖏᓐᓂᒃ ᐱᓇᓱᐊᕐᐳᓯ.” ᑖᒃᑯᐊ ᐅᖃᐅᑎᕚᑦ, “ᐊᓯᓐᓂᐊᕐᓂᕐᒧᑦ ᕿᑐᕐᖓᕐᑖᖑᓯᒪᓐᖏᓚᒍᑦ; ᐊᑕᐅᓯᕐᒥᒃ ᐊᑖᑕᖃᕐᐳᒍᑦ ᒎᑎᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:28

ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.

ᕉᒪᒥᐅᓄᑦ 8:15

ᐊᓂᕐᓂᕐᒥᒃ ᐱᑎᑕᐅᓯᒪᖏᓐᓇᑦᓯ ᑭᒡᒐᐅᑎᑦᓯᔪᒥᒃ ᓯᕘᕋᓂᕐᒧᑦ, ᐊᓂᕐᓂᕐᒥᒡᓕ ᑐᓂᓯᕕᐅᕗᓯ ᒎᑎᒧᑦ ᕿᑐᕐᖓᕆᔭᐅᑎᑦᓯᔪᒥᒃ. ᑖᑦᓱᒨᓇ ᓂᓪᓕᐊᕗᒍᑦ, “ᐋᐸ ᐊᑖᑖᒃ!”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:20

ᐊᑭᑐᔪᒥᒃ ᓂᐅᕕᐊᕆᔭᐅᓯᒪᒐᑦᓯ. ᑍᒤᒻᒪᑦ ᑎᒥᑦᓯᒍᑦ ᒎᑎ ᓂᕐᑐᕐᓇᕐᓯᑎᓯᐅᒃ.

ᒐᓔᑎᐊᒥᐅᓄᑦ 3:26

᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ

ᒐᓔᑎᐊᒥᐅᓄᑦ 4:6

ᕿᑐᕐᖓᕆᔭᐅᓕᕋᑦᓯᓗ, ᒎᑎᐅᑉ ᐃᕐᓂᕐᒥ ᐊᓂᕐᓂᖓ ᐃᓗᑦᓯᓐᓄᐊᕐᑎᑉᐹ, ᑖᓐᓇ ᓂᓪᓕᐊᔪᖅ, “ᐋᐸ, ᐊᑖᑖᒃ!”

ᒨᓯᓯ ᑕᓪᓕᒪᖏᑦ 1:31

ᓄᓇᒥᓕ ᐃᓄᖃᖏᑦᑐᒥ, ᑕᑯᓯᒪᒋᕗᓯ ᖃᓄᖅ ᐊᑕᓂᕐᒧᑦ ᒎᑎᑦᓯᓐᓄᑦ ᓴᐳᑎᔭᐅᓯᒪᓚᐅᕐᓂᑦᓯᓐᓂᒃ ᑕᒪᐅᓈᕐᑎᓪᓗᓯ ᓄᓇᒧᑦ ᒪᐅᖓ ᑎᑭᓪᓗᓯ, ᐊᑖᑕᐅᑉ ᐃᕐᓂᕐᒥᓂᒃ ᐊᒡᔭᕐᓯᓲᖑᓂᖓᑐᑦ.’

ᒨᓯᓯ ᑕᓪᓕᒪᖏᑦ 14:1

“ᐊᑕᓂᕐᒧᑦ ᒎᑎᑦᓯᓐᓄᑦ ᕿᑐᕐᖓᐅᒐᑦᓯ; ᐃᓕᑦᓯᓐᓂᒃ ᑭᓪᓕᐊᔪᒃᓴᐅᓐᖏᓚᓯ ᐅᕝᕙᓗ ᓴᓕᔪᒃᓴᐅᓐᖏᓚᓯ ᓄᔧᕈᑎᓗᓯ, ᑐᖁᔪᑦ ᐱᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 32:18

ᐃᓱᒪᒋᔭᖃᓚᐅᓐᖏᓚᑎᑦ ᕾᕐᑐᒥᒃ ᐃᓕᖕᓂᒃ ᕿᑐᕐᖓᕐᑖᓚᐅᕐᑐᒥᒃ, ᐳᐃᒍᓚᐅᕐᐳᑎᑦ ᒎᑎᒥᒃ ᐃᓕᖕᓂᒃ ᐃᕐᓂᐊᖑᑎᑦᓯᓯᒪᔪᒥᒃ.

ᒨᓯᓯ ᑕᓪᓕᒪᖏᑦ 32:28

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᖑᕗᑦ ᓯᓚᑐᓂᖃᕋᑎᒃ, ᑐᑭᓯᔪᓐᓇᕋᑎᒡᓗ.

ᐲᑦᑐᕉᓯ ᐂᑉᐸᖏᑦ 2:1

ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

ᔪᐊᓇᓯ ᓯᕗᓪᓖᑦ 3:1

ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.