ᒨᓯᓯ ᑕᓪᓕᒪᖏᑦ 32:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᒻᒥᖕᓂᒃ ᓱᒃᑯᑎᕐᓯᒪᕗᑦ; ᑖᑦᓱᒪᓗ ᕿᑐᕐᖓᕆᓐᖏᓔᑦ, ᐸᓯᔭᒃᓴᐅᒐᒥᒃ: ᑭᖑᕚᖑᖃᑎᒌᑦ ᐊᔪᕐᑐᓕᕗᑦ ᐱᐅᖏᑦᑐᓕᔨᐅᓪᓗᑎᒡᓗ.

ᒨᓯᓯ ᑕᓪᓕᒪᖏᑦ 32:5 Iomraidhean Croise

ᒨᓯᓯ ᓯᕗᓪᓖᑦ 6:12

ᒎᑎᐅᓪᓗ ᓄᓇᕐᔪᐊᖅ ᑕᑯᒐᒥᐅᒃ, ᑕᑯᒋᑦ ᐋᖅᑭᑦᓯᐊᕐᓯᒪᖏᑦᑐᐊᓘᓕᓚᐅᕐᐳᖅ; ᐃᓄᓕᒫᑦ ᐃᓅᓯᖃᓕᓚᐅᕐᒪᑕ ᓈᒻᒪᖏᑦᑐᐃᓐᓇᕐᒥᒃ ᐱᓇᓱᐊᓕᕐᓗᑎᒃ.

ᐃᓐᖏᕈᑎᑦ 78:8

ᓯᕗᓕᕐᒥᒃᑎᑐᓪᓗ ᑍᒤᖁᓇᒋᑦ, ᓯᑎᔫᓗᑎᒃ ᐊᑭᕋᕐᑐᕐᓗᑎᒡᓗ ᑭᖑᕚᕇᑦ ᐱᖁᓇᒋᑦ, ᑭᖑᕚᕇᑎᑐᑦ ᐆᒻᒪᑎᒥᖕᓂᒃ ᐃᓱᐊᕐᓯᑎᑦᓯᓚᐅᖏᑦᑐᑎᑐᑦ, ᐊᓂᕐᓂᖏᓪᓗ ᒎᑎᒧᑦ ᐊᑐᕆᐊᓕᖕᒥᖕᓂᒃ ᑲᔪᓯᑎᑦᓯᓚᐅᖏᑦᑐᑎᑐᑦ.

ᒨᓯᓯ ᐂᑉᐸᖏᑦ 32:7

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇᑦᓴᐅᑎᒋ ᐃᓅᖃᑎᖕᓄᑦ ᐊᑎᕐᓵᓕᕆᑦ, ᐃᓅᖃᑎᑎᑦ, ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎᑦ, ᐊᔪᕐᑐᓕᓕᕐᒪᑕ ᕿᒤᓪᓗᑎᒡᓗ ᐅᕙᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:8

ᖃᓂᒃᑯᑦ ᐅᖃᐅᓯᕆᔭᓕᒫᒃᑲ ᓇᓛᒎᕐᓂᐅᕗᑦ; ᓴᒡᓗᓂᕐᑕᖃᓐᖏᓚᑦ ᑕᒻᒪᕐᑎᑦᓯᓂᕐᑕᖃᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 63:8

ᐅᖃᓚᐅᕐᒪᑦ, “ᑖᒃᑯᐊ ᐃᓄᖁᑎᒋᕙᒃᑲ, ᐃᕐᓂᕆᒐᒃᑭᑦ ᓱᓕᖏᑦᑐᓂᒃ ᐅᕙᓐᓄᑦ ᐱᓂᐊᕐᓂᖃᕐᓂᐊᓐᖏᓚᑦ.” ᑍᒤᒻᒪᑦ ᑕᕝᕙ ᐱᐅᓕᔨᑖᕆᓚᐅᕐᐹᑦ.

ᕼᐆᓯᐊᑉ ᐊᒡᓚᖏᑦ 9:9

ᑖᒃᑯᐊ ᐃᒻᒥᖕᓂᒃ ᐃᑎᔪᒥᒃ ᓱᒃᑯᑎᕐᓯᒪᕗᑦ ᒋᐱᐊᑉ ᐅᓪᓗᖏᓐᓂ ᐱᔪᖃᓚᐅᕐᑐᑎᑐᑦ: ᐱᐅᖏᑦᑐᓕᓂᖏᑦ ᐃᖅᑲᐅᒪᓂᐊᕐᐰᑦ, ᐊᔪᕐᓂᖏᓪᓗ ᓱᒋᐊᕈᒫᕐᐰᑦ.

ᔨᐸᓁᐊᐅᑉ ᐊᒡᓚᖏᑦ 3:7

ᐅᖃᓚᐅᕐᐳᖓᓗ, ‘ᐃᒻᒪᖄᓕ ᓯᕘᕋᒋᓂᐊᓕᕐᐸᑦᓯᓐᖓ ᓈᒻᒪᒋᔭᐅᓂᐊᕐᐳᓪᓗ ᐊᖅᑭᒋᐊᕐᓯᓂᒃᑲ ᐃᓂᒋᔭᖏᓪᓗ ᓄᖑᑎᓐᓂᐊᓐᖏᓚᒃᑲ.’ ᓱᒋᐊᓚᐅᕋᓗᐊᕋᒃᑭᓪᓗ, ᐅᑎᑦᓴᐅᑎᒋᓚᐅᕐᐳᑦ ᐱᓂᐊᕐᓂᖃᓕᕐᓗᑎᒡᓗ ᐱᐅᖏᑦᑐᓂᒃ.

ᒨᓯᓯ ᓯᑕᒪᖏᑦ 23:21

ᔧᑰᑉ ᐱᐅᖏᑦᑐᓕᓂᖏᑦ ᑲᒪᒋᓐᖏᓔᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓂᒃ ᑕᑯᓚᐅᓐᖏᓚᖅ. ᐊᑕᓂᐅᑉ ᒎᑎᖓᑕ ᐃᓚᒋᖕᒪᒋᑦ, ᐊᖓᔪᖅᑳᕐᔪᐊᑉ ᓂᐱᕐᔪᐊᒧᑦ ᓂᓪᓕᐊᓂᖓᑕ ᐃᓚᒋᕔᑦ.

ᒫᑎᐅᓯᐅᑉ ᐊᒡᓚᖏᑦ 16:4

ᐅᓪᓗᒥ ᐃᓄᐃᑦ ᐱᐅᖏᑦᑑᓕᔪᑦ ᒎᑎᖃᖏᑦᑐᓪᓗ ᑲᒪᓇᕐᑐᓂᓕᕐᒥᒃ ᑕᑯᔪᒪᕗᑦ, ᐆᒥᖓ ᑭᓯᐊᓂ ᑐᓂᓯᕕᐅᓂᐊᕐᐳᑦ ᔫᓇᐅᑉ ᑲᒪᓇᕐᑐᓕᓂᖓᓂᒃ.” ᑕᕝᕙ ᕿᒪᒃᐰᑦ ᐊᐅᓪᓚᕐᓗᓂ ᑕᕝᕙᓐᖓᑦ.

ᒫᑎᐅᓯᐅᑉ ᐊᒡᓚᖏᑦ 17:17

ᔩᓱᓯᐅᑉ ᑭᐅᕚ, “ᐅᒃᐱᕐᓂᖃᖏᑦᑐᓯ ᑕᒻᒪᕐᓯᒪᔪᐊᓘᔪᓯᓗ, ᖃᓄᖅ ᐊᑯᓂᐅᑎᒋᔪᖅ ᓇᔪᕆᐊᖃᕐᐸᑦᓰ? ᖃᓄᕐᓗ ᐊᑯᓂᐅᑎᒋᔪᖅ ᕿᓄᐃᓵᕐᕕᒋᔭᕆᐊᖃᕐᐸᑦᓰ? ᓄᑲᑉᐱᐊᖅ ᐅᕙᓐᓄᑦ ᒪᐅᖓ ᕾᑎᓚᐅᕈᒃ.”

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᓘᑲᓯᐅᑉ ᐊᒡᓚᖏᑦ 9:41

ᔩᓱᓯᐅᑉ ᑭᐅᕔᑦ, “ᐅᒃᐱᕐᓂᖃᖏᑦᑐᓯ, ᑕᒻᒪᕐᓯᒪᓪᓗᓯᓗ, ᖃᓄᖅ ᐊᑯᓂᐅᑎᒋᔪᖅ ᓇᔪᕆᐊᖃᕐᐸᑦᓰ, ᖃᓄᕐᓗ ᐊᑯᓂᐅᑎᒋᔪᖅ ᕿᓄᐃᓵᕈᑎᒋᔭᕆᐊᖃᕐᐸᑦᓰ?” ᐊᖑᑦ ᐅᖃᐅᑎᕚ, “ᐃᕐᓃᑦ ᒪᐅᖓ ᕾᑎᓚᐅᕈᒃ.”

ᔪᐊᓇᓯᐅᑉ ᐊᒡᓚᖏᑦ 8:41

ᐊᑖᑕᑦᓯ ᐱᓂᐊᓚᐅᕐᑕᖏᓐᓂᒃ ᐱᓇᓱᐊᕐᐳᓯ.” ᑖᒃᑯᐊ ᐅᖃᐅᑎᕚᑦ, “ᐊᓯᓐᓂᐊᕐᓂᕐᒧᑦ ᕿᑐᕐᖓᕐᑖᖑᓯᒪᓐᖏᓚᒍᑦ; ᐊᑕᐅᓯᕐᒥᒃ ᐊᑖᑕᖃᕐᐳᒍᑦ ᒎᑎᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:40

ᐲᑦᑐᕉᓯᐅᑉ ᐅᖃᕐᕕᒋᕔᑦ ᐅᖃᐅᓯᕐᓂᒃ ᐊᒥᓱᓂᒃ ᐊᑐᕐᓗᓂ ᐃᓇᕐᓱᕐᐰᑦ ᐅᖃᐅᑎᓪᓗᒋᑦ, “ᐱᐅᓕᔭᐅᓕᕆᑦᓯ ᐅᑯᐊ ᐃᓅᖃᑎᒌᒡᔪᐊᑦ ᐱᐅᖏᑦᑐᓕᔪᑦ ᐊᓯᕈᕐᑕᐅᓂᒃᓴᖏᓐᓂᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᒨᓯᓯ ᑕᓪᓕᒪᖏᑦ 31:29

ᖃᐅᔨᒪᑦᓯᐊᕋᒪ ᑐᖁᓂᕐᒪ ᑭᖑᓂᖓᒍᑦ ᐱᐅᖏᑦᑐᐊᓗᖕᓂᒃ ᐱᐅᓯᕐᑖᕈᒫᕋᑦᓯ; ᒪᓕᒃᑕᐅᖁᓯᒪᔭᒃᑲᓗ ᑐᓄᓐᖓᓕᕈᒫᕋᑦᓯᐅᒃ; ᐅᓪᓗᓂ ᓯᕗᓂᑦᑎᓐᓂ ᐊᔪᕐᑐᓕᓂᐊᓗᖕᓄᑦ ᑎᑭᑕᐅᔪᒫᕐᐳᓯ, ᐱᐅᖏᑦᑐᓕᓂᕐᒥᒃ ᐊᑐᓕᕈᒫᕋᑦᓯ ᐊᑕᓂᐅᑉ ᓵᖓᓂ, ᓂᓐᖓᒃᑎᓪᓗᒍᓗ ᓇᖕᒥᓂᖅ ᐱᓇᓱᐊᕐᑕᑦᓯᓐᓄᑦ.”

ᒨᓯᓯ ᑕᓪᓕᒪᖏᑦ 32:20

ᐅᖃᕐᓗᓂᓗ, ‘ᐊᓚᕐᓂᐊᓕᕐᐸᒃᑲ, ᖃᐅᔨᓴᕐᓂᐊᓕᕐᐸᒃᑲᓗ ᖃᓄᐃᓕᓛᕐᒪᖔᑕ, ᑐᓵᖏᑦᑐᐊᓘᖕᒪᑕ ᑖᒃᑯᐊ ᑭᖑᕚᖑᖃᑎᒌᑦ, ᕿᑐᕐᖎᑦ ᓱᖁᓯᔪᐃᑦᑑᔪᓐᓇᖏᑦᑐᑦ.

ᒨᓯᓯ ᑕᓪᓕᒪᖏᑦ 4:16

ᐊᔪᕐᑐᓕᖁᓇᓯ ᓇᖕᒥᓂᒃᓴᑦᓯᓐᓂᒃ ᒎᑎᓐᖑᐊᓕᐅᖁᓇᓯ ᖃᓄᐃᑦᑐᑐᐃᓐᓇᐅᒐᓗᐊᕐᐸᑦ, ᐊᖑᑎᓐᖑᐊᖑᒐᓗᐊᕐᐸᑦ ᐊᕐᓇᓐᖑᐊᖑᒃᐸᓪᓘᓐᓃᑦ,

ᒨᓯᓯ ᑕᓪᓕᒪᖏᑦ 4:25

“ᐊᑯᓂ ᓄᓇᒥ ᐃᓅᓯᒪᓕᕋᓗᐊᕐᑐᓯ ᓄᑕᕋᖃᕐᑐᓯ ᐃᕐᖑᑕᖃᐅᕐᓗᓯᓗ, ᑭᓯᐊᓂᓕ ᐊᔪᕐᑐᓕᓂᐊᕋᓯ ᒎᑎᓐᖑᐊᒃᓴᑦᓯᓐᓂᒃ ᓴᓇᓂᕐᒧᑦ ᖃᓄᐃᑦᑐᑐᐃᓐᓇᐅᒐᓗᐊᕐᐸᑦ. ᑕᒪᓐᓇ ᐊᑕᓂᐅᑉ ᒎᑎᑦᓯ ᓵᖓᓂ ᐱᐅᖏᑦᑐᐊᓘᖕᒪᑦ, ᓂᓐᖓᒍᑎᒋᔪᓐᓇᕐᓗᓂᐅᒡᓗ ᑕᒪᓐᓇ.

ᒨᓯᓯ ᑕᓪᓕᒪᖏᑦ 9:24

ᑍᒪᓐᖓᑦ ᐃᓕᑦᓯᓐᓂᒃ ᖃᐅᔨᒪᓕᓚᐅᕐᓂᓐᓂᑦ ᐊᑕᓂᕐᒥᒃ ᐊᑭᕋᕐᑐᐃᓐᓇᖃᑦᑕᕐᐳᓯ.

ᐱᓕᐱᒥᐅᓄᑦ 2:15

ᐸᓯᔭᒃᓴᐅᖁᓇᓯ ᓴᓗᒪᑦᓯᐊᖁᓪᓗᓯᓗ, ᒎᑎᐅᑉ ᕿᑐᕐᖓᖏᑎᑐᑦ ᑕᕝᕙᓂ ᓯᓚᕐᔪᐊᕐᒥ ᐃᓅᑎᓪᓗᓯ ᑭᒡᓗᕐᒨᕐᑐᓂ ᐊᔪᕐᑐᓕᔪᓂᓗ, ᑖᒃᑯᐊ ᐊᑯᕐᖓᓐᓂ ᖃᐅᒪᓂᐅᔪᒃᓴᐅᒐᑦᓯ ᓄᓇᒥ ᓇᓂᕈᐊᑎᑐᑦ,

ᐃᓗᐊᕐᓮᔩᑦ ᐊᒡᓚᖏᑦ 2:19

ᐃᓱᐊᕐᓮᔨᓕ ᑐᖁᑐᐊᕐᒪᑦ, ᐃᓄᐃᑦ ᐅᑎᖃᑦᑕᓚᐅᕐᐳᑦ ᐱᐅᓯᑐᖃᕐᒥᖕᓄᑦ ᐱᐅᖏᓐᓂᕐᓴᐅᓕᕐᐸᒡᓗᑎᒡᓗ ᓯᕗᓕᕆᓚᐅᕐᑕᒥᖕᓂᑦ. ᒎᑎᐅᑉ ᐊᓯᖏᓐᓂᒃ ᒎᑎᖃᖃᑦᑕᓚᐅᕐᒪᑕ, ᐱᔨᑦᓯᕐᓗᒋᑦ ᑐᒃᓯᐊᕐᕕᒋᓪᓗᒋᓪᓗ; ᐱᓂᐊᕐᓂᕐᒥᖕᓂᒡᓗ ᓴᒃᑯᓚᐅᓐᖏᓚᑦ.