ᒨᓯᓯ ᑕᓪᓕᒪᖏᑦ 32:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᒨᓯᓯ ᑕᓪᓕᒪᖏᑦ 32:4 Iomraidhean Croise

ᒨᓯᓯ ᓯᕗᓪᓖᑦ 1:31

ᒎᑎᐅᓪᓗ ᐱᓐᖑᕐᑎᑕᓂ ᑕᒪᕐᒥᒃ ᕿᒥᕐᕈᕔᑦ, ᑕᑯᓪᓗᒋᑦ ᓈᒻᒪᒋᒻᒪᕆᒃᐰᑦ. ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕐᐳᖅ ᑕᕝᕙ ᐅᓪᓗᑦ ᐱᖓᓲᔪᕐᑐᖓᑦ.

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᓴᒧᐃᓕ ᐂᑉᐸᖏᑦ 22:47

ᐊᑕᓂᖅ ᐃᓅᕗᖅ; ᓂᕐᑐᕐᑕᐅᓕ ᓴᐳᑦᔨᔨᒐ! ᐊᖏᔪᕈᕐᑎᑕᐅᓕ ᒎᑎᒐ, ᐱᐅᓕᔭᐅᓂᕐᒪ ᕾᕐᑐᖓ!

ᓴᒧᐃᓕ ᐂᑉᐸᖏᑦ 23:3

ᐃᓴᕆᐊᓕᐅᑉ ᒎᑎᖓ ᐅᖃᓚᐅᕐᐳᖅ; ᐃᓴᕆᐊᓕᐅᑉ ᓴᐳᑦᔨᔨᖓ ᐅᕙᓐᓄᑦ ᐅᖃᓚᐅᕐᐳᖅ: ᐊᖓᔪᖅᑳᕐᔪᐊᖅ ᐊᐅᓚᑦᓯᔪᖅ ᓱᓕᑦᓯᐊᕐᑐᒥᒃ, ᐊᐅᓚᑦᓯᔪᖅ ᓈᓚᑦᓯᐊᕐᓗᓂ ᒎᑎᒥᒃ,

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᓂᕼᐃᒤᐊᐅᑉ ᐊᒡᓚᖏᑦ 9:8

ᓇᒡᕚᓚᐅᕐᐸᑦ ᐆᒻᒪᑎᒥᒍᑦ ᐅᒃᐱᕐᓂᖓ ᑲᔪᓯᓂᖃᕐᑎᓪᓗᒍ ᐃᓕᖕᓄᑦ, ᐊᖏᖃᑎᒌᓚᐅᕐᐳᓯᒡᓗ ᓄᓇᒥᒃ ᑬᓇᓂᒥᒃ ᑐᓂᓂᐊᕐᓂᕋᕐᓗᒍ, ᐅᑯᐊ ᓄᓇᖁᑎᖓᓐᓂᑦ, ᕼᐃᑍᑎᒃᑯᑦ, ᐊᒧᕅᑎᑯᓪᓗ, ᐱᕆᔧᑎᒃᑯᓪᓗ, ᔨᐳᓮᑎᒃᑯᓪᓗ, ᒋᕐᒐᓮᑎᒃᑯᓪᓗ, ᓄᓇᒋᔭᐅᖁᓪᓗᒋᑦ ᑭᖑᕚᖏᓐᓄᑦ. ᐊᖏᕐᓂᕆᓚᐅᕐᑍᑦ ᑲᔪᓯᑎᓚᐅᕐᐸᑦ, ᐅᒃᐱᕐᓇᑦᓯᐊᕋᕕᑦ.

ᔫᐱᐅᑉ ᐊᒡᓚᖏᑦ 34:10

ᑍᒤᒻᒪᑦ, ᓈᓚᓚᐅᕐᓯᓐᖓ ᑐᑭᓯᓯᒪᔪᓯ, ᒎᑎ ᐱᐅᖏᑦᑐᓕᔪᓐᓇᕐᐹ? ᑕᒪᓐᓇ ᑐᑭᖃᖏᑦᓯᐊᕐᐳᖅ, ᐊᔪᒐᖃᖏᑦᑐᖅ ᑕᒻᒪᕈᓐᓇᕐᐹ?

ᔫᐱᐅᑉ ᐊᒡᓚᖏᑦ 35:14

ᐅᖃᕋᓗᐊᕐᑐᑎᑦ ᒎᑎ ᑕᑯᔪᓐᓇᖏᓐᓂᕋᕐᓗᒍ, ᓱᓕᓕ ᑕᒪᓐᓇ ᑖᑦᓱᒪ ᓵᖓᓃᑉᐳᖅ, ᕿᓄᐃᓵᕐᓗᑎᑦ ᐅᑕᖅᑭᑦᓯᐊᑐᐃᓐᓇᕈᒃ.

ᔫᐱᐅᑉ ᐊᒡᓚᖏᑦ 36:23

ᐱᓂᐊᕐᓂᕆᔭᕆᐊᖃᕐᑕᖓᓂᒃ ᑭᐊ ᐅᖃᐅᑎᔪᓐᓇᕐᐸᐅᒃ? ᐅᕝᕙᓗ ᑭᐊ ᑕᒻᒪᕐᓯᒪᓂᕋᕈᓐᓇᕐᐸᐅᒃ?

ᔫᐱᐅᑉ ᐊᒡᓚᖏᑦ 8:3

ᒎᑎ ᒧᒥᒃᑎᑦᓯᓲᖑᕚ ᓈᒻᒪᓈᕐᓯᒪᓂᕐᒥᒃ; ᐅᕝᕙᓗ ᐊᔪᒐᖃᖏᑦᑐᖅ ᓈᒻᒪᓈᕐᑐᒥᒃ ᒧᒥᒃᑎᑦᓯᓲᖑᕙ?

ᐃᓐᖏᕈᑎᑦ 100:5

ᐊᑕᓂᖅ ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᐃᓱᖃᖏᑦᑑᕗᖅ, ᓱᕐᕋᔪᐃᑦᑑᓪᓗᓂᓗ ᑭᖑᕚᕇᖑᔪᓕᒫᓄᑦ.

ᐃᓐᖏᕈᑎᑦ 138:8

ᐊᑕᓂᐅᑉ ᓈᒻᒪᒃᓯᑎᑦᓯᐊᕐᓂᐊᕐᐰᑦ ᐅᕙᓐᓄᑦ ᑐᕌᖓᑎᑕᓂ; ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᑕᓃᖅ, ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ. ᐊᒡᒐᒃᐱᑦ ᐱᒋᐊᓕᓚᐅᕐᑕᖏᑦ ᓄᖅᑲᐅᑎᑦᑍᓕᒃᑭᑦ.

ᐃᓐᖏᕈᑎᑦ 145:17

ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ, ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.

ᐃᓐᖏᕈᑎᑦ 146:6

ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ, ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ; ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 18:2

ᐊᑕᓂᖅ ᕾᕐᑐᕆᕙᕋ, ᓴᐳᑦᔨᔨᒋᓪᓗᒍᓗ; ᒎᑎᒐ ᓴᓐᖏᔫᑦᔪᑎᒐ, ᑖᑦᓱᒥᖓ ᑕᑎᖃᕐᓂᐊᕐᐳᖓ; ᓴᐴᓗᑕᕆᒐᒃᑯ; ᐱᐅᓕᔭᐅᕕᒃᓴᒪᓗ ᓴᒃᑯᒋᖕᒪᒍ, ᕿᒫᕕᒃᓴᕆᒐᒃᑯ ᓵᓚᐅᓂᐊᖏᑦᑐᖅ.

ᐃᓐᖏᕈᑎᑦ 18:46

ᐊᑕᓂᖅ ᐃᓅᕗᖅ! ᕾᕐᑐᕋ ᓂᕐᑐᕐᑕᐅᓕ! ᐱᐅᓕᔭᐅᓂᕐᒪ ᒎᑎᖓ ᐊᖏᔪᕈᕐᑎᑕᐅᓕ.

ᐃᓐᖏᕈᑎᑦ 19:7

ᐊᑕᓂᐅᑉ ᐱᖁᔭᖅ ᒪᓕᒐᒃᓴᐅᖁᔭᖓ ᓈᒻᒪᑦᓯᐊᕐᐳᖅ, ᑕᕐᓂᕐᒥᒃ ᐆᒻᒪᕈᕐᑎᑦᓯᔪᖅ; ᐊᑕᓂᐅᓪᓗ ᒪᓕᒐᒃᓴᐅᖁᔭᖏᑦ ᓇᓛᒍᕐᐳᑦ, ᓯᓚᑐᔪᓂᒃ ᓯᓔᑦᑑᑎᑦᓯᔪᑦ.

ᐃᓐᖏᕈᑎᑦ 31:5

ᐊᒡᒐᖕᓄᑦ ᐊᓂᕐᓂᕋ ᑐᓂᕙᕋ; ᐃᕝᕕᑦ ᐅᑎᕐᑎᓚᐅᕐᐸᕐᒪ ᐃᓕᖕᓄᑦ, ᐊᑕᓃᖅ ᒎᑎᐅᔪᑎᑦ ᓱᓕᑦᓯᐊᕐᑐᖅ.

ᐃᓐᖏᕈᑎᑦ 33:4

ᐊᑕᓂᐅᑉ ᐅᖃᐅᓯᖓ ᓇᓛᒎᑦᓯᐊᕐᒪᑦ, ᐱᓂᐊᕐᓂᓕᒫᖏᓪᓗ ᓱᓕᑦᓯᐊᕐᓂᒃᑯᑦ ᐱᓂᐊᕐᓯᒪᕗᑦ.

ᐃᓐᖏᕈᑎᑦ 78:35

ᐃᖅᑬᓕᕐᓗᑎᒡᓗ ᒎᑎ ᕾᕐᑐᕆᒐᒥᑦᔪᒃ, ᒎᑎ ᖁᑦᓯᖕᓂᕐᐹᖑᔪᖅ ᓴᐳᑦᔨᔨᒋᒐᒥᑦᔪᒃ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᐃᓐᖏᕈᑎᑦ 90:16

ᐱᓇᓱᐊᕐᓂᑎᑦ ᑕᑯᔭᐅᑎᓚᐅᒃᑭᑦ ᐱᔨᖕᓄᑦ, ᐱᔪᓐᓇᕐᓂᕐᐱᓪᓗ ᓂᕐᑐᕐᓇᕐᓂᖓ ᐱᔨᕕᑦ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 92:15

ᓇᓗᓁᕐᓯᖁᓪᓗᒋᑦ ᐊᑕᓂᖅ ᐃᓱᐊᕐᑑᖕᒪᑦ; ᕾᕐᑐᕆᔭᕋ, ᑖᑦᓱᒪᓂᓗ ᐃᓱᐃᓐᓂᕐᑕᖃᓐᖏᓚᖅ.

ᐃᓐᖏᕈᑎᑦ 97:2

ᓄᕗᔧᑦ ᓄᕗᑦᑕᕆᖕᓃᓪᓗ ᕿᕐᓂᕐᑕᑦ ᑖᑦᓱᒪ ᓇᔪᕐᑕᖓᓃᑉᐳᑦ; ᓇᓛᒎᕐᓂᖅ ᓈᒻᒪᓈᕐᑐᒥᒡᓗ ᐱᓇᓱᐊᕐᓂᖅ ᑖᑦᓱᒪ ᐊᖓᔪᖅᑲᐅᕕᖓᑕ ᑐᓐᖓᕕᒋᕚ.

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:14

ᖃᐅᔨᒪᕗᖓ ᒎᑎᐅᑉ ᖃᓄᐃᓕᐅᕐᓂᖏᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᒪᑕ. ᓱᓇᒥᒃ ᐃᓚᔭᐅᔪᓐᓇᓐᖏᓚᑦ, ᓱᓇᒥᒡᓘᓐᓃᑦ ᐃᓚᓐᖓᕐᑕᐅᔪᓐᓇᓐᖏᓚᑦ. ᒎᑎᐅᑉ ᓴᓇᓚᐅᕐᒪᒋᑦ ᐃᓄᐃᓪᓗ ᓯᕘᕋᔭᕆᐊᖃᕐᐳᑦ ᒎᑎᐅᑉ ᓵᖓᓂ.

ᐂᓮᐊᓯᐅᑉ ᐊᒡᓚᖏᑦ 17:10

ᐳᐃᒍᓚᐅᕋᑦᓯ ᒎᑎᒥᒃ ᐱᐅᓕᔨᑦᓯᓐᓂᒃ, ᐃᖅᑲᐅᒪᓇᓯᓗ ᕾᕐᑐᒥᒃ ᕿᒫᕕᒃᓴᑦᓯᓐᓂᒃ; ᑍᒤᒻᒪᑦ, ᐱᕈᕐᓰᒐᓗᐊᕈᑦᓯ ᐱᕈᕐᑐᓂᒃ ᑕᑯᒥᓇᕐᑐᓂᒃ ᑕᕝᕙᓐᖓᓪᓗ ᐃᓕᐅᖅᑬᓗᓯ ᐊᓯᑦᓯ ᒎᑎᓐᖑᐊᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 26:4

ᐊᑕᓂᖅ ᑕᑎᒋᓯᐅᒃ ᐃᓱᖃᖏᑦᑐᒧᑦ, ᑖᓐᓇ ᐊᑕᓂᖅ ᒎᑎᐅᖕᒪᑦ ᔭᕼᐊ! ᐃᓱᖃᖏᑦᑐᒧᑦ ᐱᔪᓐᓇᐅᑎᒃᓴᖅ ᕾᕐᑑᔪᖅ.

ᐂᓮᐊᓯᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᒎᑎ ᐅᖃᕐᐳᖅ: “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᑐᓐᖓᕕᒃᓴᓕᐅᕐᐳᖓ, ᐆᒃᑐᕋᕐᑕᐅᓯᒪᔪᒥᒃ ᐅᔭᕋᖕᒥᒃ, ᐃᒡᓘᑉ ᑎᕆᖅᑯᒃᓴᖓᓂᒃ, ᑐᓐᖓᕕᒃᓴᒥᒃ ᐊᐅᓚᖏᑦᑐᒥᒃ; ᓇᓪᓕᐊᓪᓗ ᐅᒃᐱᕐᑐᖅ ᑐᐊᕕᕐᓗᓂ ᐱᓇᓱᐊᕆᐊᖃᕈᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 32:2

ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 10:10

ᐊᑕᓂᕐᓕ ᒎᑎᐅᓪᓗᓂ ᓱᓕᔪᑑᕗᖅ; ᒎᑎᐅᓪᓗᓂ ᐆᒪᕗᖅ, ᐃᓱᖃᖏᑦᑐᒧᑦ ᐊᖓᔪᖅᑳᕐᔪᐊᖅ. ᓂᓐᖓᒃᐸᑦ ᓄᓇ ᓴᔪᒃᐱᓗᒃᐳᖅ, ᓂᓐᖓᒡᓗᓂ ᐱᓇᓱᐊᓕᕐᐸᑦ ᐃᓅᖃᑎᒌᒡᔪᐊᓄᑦ ᓵᓚᒋᔭᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 9:24

ᓂᕐᑐᕐᑕᐅᑦᔪᑎᖃᕈᒪᔪᕐᓕ ᓂᕐᑐᕐᑕᐅᑦᔪᑎᖃᕐᓕ ᖃᐅᔨᒪᓂᕐᒥᖕᓂᒃ ᐃᓕᓯᒪᓂᕐᒥᖕᓂᒡᓗ ᐅᕙᓐᓂᒃ, ᐊᑕᓂᐅᒐᒪ ᑍᒪᓐᖓᑦ ᓇᒡᓕᒍᓱᒃᑐᖅ ᐱᑦᓯᐊᕐᓂᕐᒥᒃ ᐱᓇᓱᐊᕈᑎᖃᕐᐸᒃᑐᖅ, ᓈᒻᒪᑦᓯᐊᕐᑐᒥᒃ ᐊᑲᐅᔪᒥᒡᓗ ᓄᓇᒥ, ᑕᒪᑦᔭ ᓂᕐᑐᐃᑦᔪᑕᐅᑎᓪᓗᒋᑦ ᖁᕕᐊᒋᔭᒃᑲ, ᐊᑕᓂᖅ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 4:34

“ᐅᓪᓗᐃᑦ ᑍᒃᑯᐊ ᐃᓱᓕᒻᒪᑕ, ᐅᕙᖓ ᓂᐱᑯᓁᓴ, ᕿᓚᖕᒧᑦ ᐋᕐᓗᕐᓗᖓ, ᖃᐅᔨᒪᓂᕋᓗ ᐅᑎᑦᓯᐊᓚᐅᕐᐳᖅ; ᖁᑦᓯᖕᓂᕐᐹᕐᓗ ᓂᕐᑐᕐᓇᕐᓯᑎᓚᐅᕐᐸᕋ, ᓂᕐᑐᓚᐅᕐᐸᕋᓗ ᐅᐱᒋᓚᐅᕐᐸᕋᓗ ᐃᓅᔪᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. “ᑖᑦᓱᒪ ᐊᑕᓂᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᓂᖓᓗ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᕼᐊᐸᑲᐅᑉ ᐊᒡᓚᖏᑦ 1:12

ᐊᑕᓃᖅ, ᐃᓱᖃᖏᑦᑐᒥᑦ ᒎᑎᐅᔪᑎᑦ ᒎᑎᒋᕙᒋᑦ, ᐃᑦᔪᕐᓁᑦᑐᑎᑦ ᐃᓱᖃᖏᑦᑐᑎᓪᓗ ᑐᖁᔪᒫᓐᖏᓚᒍᑦ. ᐊᑕᓃᖅ ᑍᒃᑯᐊ ᑍᒤᑎᑦᐸᑎᑦ ᐃᖅᑲᕐᑐᕐᑕᐅᑦᔪᑎᒃᓴᑦᑎᓐᓄᑦ; ᕾᕐᑑᔪᑎᑦ, ᓱᒋᐊᕐᑕᐅᑦᔪᑎᒃᓴᑦᑎᓐᓄᑦ ᐋᖅᑭᒃᓯᒪᕙᑎᑦ.

ᕼᐊᐸᑲᐅᑉ ᐊᒡᓚᖏᑦ 1:13

ᐃᔩᒃᑭᒃ ᐃᑦᔪᕐᓁᓗᐊᕐᐴᒃ ᐱᐅᖏᑦᑐᒥᒃ ᑕᑯᓐᓇᕆᐊᒃᓴᖅ, ᐱᐅᖏᑦᑐᓕᔪᓂᒡᓗ ᑕᑯᓐᓇᕈᓐᓇᕐᓇᒃ. ᓱᖕᒪᓪᓕ ᐅᒃᐱᓂᖃᖏᑦᑐᑦ ᑕᑯᓐᓇᕐᐱᒌᑦ, ᓱᖕᒪᓪᓗ ᓂᐱᖃᓐᖏᓚᑎᑦ ᐱᐅᖏᑦᑐᓕᔪᑦ ᓵᓚᖃᓕᕐᑎᓪᓗᒋᑦ ᐃᒻᒥᖕᓂᑦ ᐃᓱᐊᕐᓂᕐᓴᐅᔪᓂᒃ?

ᔨᐸᓁᐊᐅᑉ ᐊᒡᓚᖏᑦ 3:5

ᐊᑕᓂᕐᓕ ᑖᑦᓱᒪᓃᑦᑐᖅ ᐃᓱᐊᕐᑑᕗᖅ, ᐃᓱᐃᑦᑐᓕᓂᐊᓐᖏᓚᕐᓗ. ᐅᓪᓛᑕᒫᑦ ᐃᓱᐊᕐᑐᓕᓂᓂ ᓴᖅᑭᑎᑉᐹ ᖃᐅᒪᔪᓄᑦ; ᐅᕐᕈᔪᓐᓇᖏᑦᑐᖅ, ᐃᓱᐃᑦᑐᓕᔪᓪᓕ ᖃᐅᔨᒪᓐᖏᓚᑦ ᑲᓐᖑᓱᖕᓂᕐᒥᒃ.

ᒫᑎᐅᓯᐅᑉ ᐊᒡᓚᖏᑦ 5:48

ᑍᒤᒻᒪᑦ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᑐᒃᓴᐅᕗᓯ, ᓲᕐᓗ ᐊᑖᑕᓯ ᕿᓚᖕᒦᑦᑐᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᒪᑦ.”

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 5:22

ᐊᑖᑕ ᐃᖅᑲᕐᑐᐃᓐᖏᓚᖅ ᑭᓇᒥᒡᓘᓐᓃᑦ, ᐃᕐᓂᓂᓕ ᐃᖅᑲᕐᑐᐃᔪᓐᓇᕐᓂᕐᒥᒃ ᑐᓂᓯᕕᒋᓯᒪᕚ.

ᕉᒪᒥᐅᓄᑦ 1:32

ᒎᑎᐅᑉ ᐊᑐᕐᑕᐅᖁᔭᖓ ᓈᒻᒪᓈᕐᓯᒪᔪᖅ ᖃᐅᔨᒪᒐᓗᐊᕐᐹᑦ ᑍᒤᓕᐅᕐᑐᑦ ᑐᖁᑕᒃᓴᐅᓂᖏᓐᓂᒃ, ᑕᒪᒃᑯᓂᖓᓕ ᐊᑐᑐᐃᓐᓇᓐᖏᓚᑦ ᐊᓯᒥᖕᓂᒡᓕ ᐊᒡᓛᑦ ᓈᒻᒪᒃᓴᕐᐳᑦ ᑕᒪᒃᑯᓂᖓ ᐊᑐᕐᑐᓂᒃ.

ᕉᒪᒥᐅᓄᑦ 2:2

ᖃᐅᔨᒪᒐᑦᑕ ᒎᑎᐅᑉ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᒥᒃ ᐃᖅᑲᕐᑐᐃᖕᒪᑦ ᑍᒤᓕᐅᕐᑐᓄᑦ.

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᕉᒪᒥᐅᓄᑦ 3:5

ᐊᔪᕐᑐᓕᓂᕗᓪᓕ ᓴᖅᑭᑎᑦᓯᒃᑲᓐᓂᕐᐸᑕ ᒎᑎᐅᑉ ᓈᒻᒪᒃᑐᑑᓂᖓᓂᒃ, ᖃᓄᖅ ᐅᖃᕐᑐᒃᓴᐅᕕᑕ? ᒎᑎᒧᑦ ᓈᒻᒪᓈᖏᑦᑐᒥᒃ ᓂᓐᖓᒡᕕᐅᓂᕋᕈᓐᓇᕐᐱᑖ? (ᐃᓄᐃᑦ ᐃᓱᒪᑦᔪᓯᖓᒍᑦ ᒫᓐᓇ ᐅᖃᕐᐳᖓ.)

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:4

ᑕᒪᕐᒥᒡᓗ ᐃᒥᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ; ᑕᒪᕐᒥᒃ ᐃᒥᓚᐅᕐᐳᑦ ᐊᓂᕐᓂᒃᑯᑦ ᕾᕐᑐᒥᑦ ᓇᔪᕐᑎᒋᔭᒥᖕᓂᑦ; ᕾᕐᑐᖅ ᑖᓐᓇ ᙭ᔅᑑᓯᐅᓚᐅᕐᐳᖅ.

ᒨᓯᓯ ᑕᓪᓕᒪᖏᑦ 10:18

ᑲᒪᒋᔭᐅᑦᓯᐊᖁᔨᓪᓗᓂᓗ ᐋᖅᑭᒃᓯᓲᖑᕗᖅ ᐃᓕᐊᕐᔪᖕᓂᒃ ᐅᐃᒡᒐᕐᓂᕐᓂᒡᓗ; ᓄᓇᖃᕐᑐᑐᖃᐅᖏᑦᑐᓪᓗ ᓇᒡᓕᒋᕔᑦ ᐃᓅᖃᑎᑦᑎᓐᓄᑦ ᓄᓇᖅᑲᑎᒋᔭᐅᔪᑦ, ᓂᕿᒃᓴᖃᕐᑎᓪᓗᒋᑦ ᐊᓐᓄᕌᒃᓴᖃᕐᑎᑉᐰᑦ.

ᒨᓯᓯ ᑕᓪᓕᒪᖏᑦ 32:15

ᔨᓱᕋᓐᓕ ᖁᐃᒃᓯᓚᐅᕐᐳᖅ, ᐊᑭᕋᕐᑐᓕᕐᓗᓂᓗ; ᖁᐃᒃᓯᓚᐅᕐᐳᓯ ᓯᓕᒃᓯᓪᓗᓯ, ᒪᓂᖅᑲᑑᓕᕐᓗᓯᓗ; ᖁᐃᒃᓯᓚᐅᕐᐳᑦ ᓂᕿᒃᓴᓂᒡᓗ ᑲᑎᑦᓯᓯᒪᔪᐊᓘᓪᓗᑎᒃ; ᒎᑎᒥᒡᓕ ᐱᓐᖑᕐᑎᑦᓯᔨᒥᖕᓂᒃ ᕿᒤᓚᐅᕐᐳᑦ ᒥᑕᐅᑎᒋᓪᓗᒍᓗ ᕾᕐᑐᖅ ᐱᐅᓕᔭᐅᕕᒃᓴᕆᔭᓂ.

ᒨᓯᓯ ᑕᓪᓕᒪᖏᑦ 32:18

ᐃᓱᒪᒋᔭᖃᓚᐅᓐᖏᓚᑎᑦ ᕾᕐᑐᒥᒃ ᐃᓕᖕᓂᒃ ᕿᑐᕐᖓᕐᑖᓚᐅᕐᑐᒥᒃ, ᐳᐃᒍᓚᐅᕐᐳᑎᑦ ᒎᑎᒥᒃ ᐃᓕᖕᓂᒃ ᐃᕐᓂᐊᖑᑎᑦᓯᓯᒪᔪᒥᒃ.

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔧᒥᓯᐅᑉ ᐊᒡᓚᖏᑦ 4:12

ᐊᑕᐅᓯᕐᓕ ᐱᖁᔭᕐᑖᕐᑎᑦᓯᔨᐅᕗᖅ ᐃᖅᑲᕐᑐᐃᔨᐅᓪᓗᓂᓗ, ᑖᓐᓇ ᑭᓯᒥ ᐱᐅᓕᓯᔪᓐᓇᕐᐳᖅ ᐊᓯᕈᐃᔪᓐᓇᕐᓗᓂᓗ. ᑭᓇᐅᒐᕕᓪᓕ ᐃᓅᖃᑎᖕᓂᒃ ᐃᖅᑲᕐᑐᐃᔪᓐᓇᕐᐱᑦ?

ᐲᑦᑐᕉᓯ ᓯᕗᓪᓖᑦ 2:6

ᐊᒡᓔᑦ ᐅᖃᕐᒪᑕ: “ᑕᑯᒋᑦ, ᐅᔭᕋᒃ ᐃᓕᕙᕋ ᓮᐅᓂᒥ, ᓂᕈᐊᕐᑕᐅᓯᒪᓗᓂ ᐱᓐᓇᕐᓇᕐᑑᓗᓂᓗ ᑐᓐᖓᕕᐅᓂᐊᓕᕐᑐᖅ ᑎᕆᖅᑯᕆᔭᐅᓗᓂ, ᓇᓪᓕᐊᑦ ᑖᑦᓱᒧᖓ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᓴᒧᐃᓕ ᓯᕗᓪᓖᑦ 2:2

ᐃᑦᔪᕐᓁᑦᑐᖃᓐᖏᓚᒃ ᐊᑕᓂᕐᑐᑦ ᐃᑦᔪᕐᓁᑦᑐᒥᒃ; ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ; ᕾᕐᑐᕐᑕᖃᓐᖏᓚᕐᓗ ᒎᑎᑦᑎᑐᑦ ᓴᐳᑦᔨᔪᓐᓇᕐᑎᒋᔪᒥᒃ.