ᒨᓯᓯ ᑕᓪᓕᒪᖏᑦ 32:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑕᓂᐅᑉ ᐊᑎᖓ ᐅᖃᐅᓯᕆᔪᒪᕙᕋ, ᐅᓐᓂᕐᓯᐅᕈᑎᒋᓯᐅᒃ ᐊᑕᓂᐅᑉ ᐊᔪᖏᑦᑐᕐᔪᐊᖑᓂᖓ.

ᒨᓯᓯ ᑕᓪᓕᒪᖏᑦ 32:3 Iomraidhean Croise

ᑯᕉᓂᑲ ᓯᕗᓪᓖᑦ 17:19

ᐱᔩᑦ ᐱᓪᓗᒍ, ᐊᑕᓃᖅ, ᐆᒻᒪᑎᖕᓂ ᐱᔪᒪᔧᑦ ᒪᓕᒡᓗᒍ, ᐱᐅᔪᕐᔪᐊᓂᒃ ᐱᓂᐊᕐᓯᒪᒐᕕᑦ, ᐱᐅᔪᕐᔪᐊᕌᓗᐃᓪᓗ ᖃᐅᔨᔭᐅᑎᒃᑲᕕᒋᑦ.

ᑯᕉᓂᑲ ᓯᕗᓪᓖᑦ 29:10

ᑍᒤᒻᒪᑦ ᑍᕕᑎᐅᑉ ᐊᑕᓂᖅ ᓂᕐᑐᕐᐹ ᐃᓄᐃᑦ ᑲᑎᒪᔪᑦ ᓵᖓᓂ; ᑍᕕᑎᓗ ᐅᖃᕐᐳᖅ: “ᓂᕐᑐᕐᓇᕐᐳᑎᑦ ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓᑦ ᐊᑖᑕᕗᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 29:11

ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

ᑯᕉᓂᑲ ᓯᕗᓪᓖᑦ 29:13

“ᑍᒤᒻᒪᑦ ᒫᓐᓇ ᖁᔭᒋᕙᑦᑎᒋᑦ ᒎᑎᕗᑦ, ᐊᑏᓪᓗ ᓂᕐᑐᕐᓇᕐᑐᖅ ᓂᕐᑐᕐᐸᕗᑦ.

ᐃᓐᖏᕈᑎᑦ 150:2

ᓂᕐᑐᕐᓯᐅᒃ ᐱᓇᓱᐊᕐᓯᒪᓂᖓ ᐊᖏᔪᕐᔪᐊᖅ ᐱᓪᓗᒍ; ᓂᕐᑐᕐᓯᐅᒃ ᐊᖏᔪᕐᔪᐊᖑᓂᖓ ᐱᓪᓚᕆᐊᓘᓂᖓᓗ ᐱᓪᓗᒍ!

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᒨᓯᓯ ᐂᑉᐸᖏᑦ 33:19

ᐊᑕᓂᐅᑉ ᑭᐅᕚ, “ᑕᑯᒥᓇᕐᓂᕐᔪᐊᕋ ᐊᑕᖏᕐᓗᒍ ᐃᓕᖕᓄᑦ ᐊᖅᑯᓵᕐᑎᓐᓂᐊᕐᐸᕋ, ᐊᑎᕐᒪᓗ ᐃᑦᔪᕐᓁᓐᓂᖓ ᐅᖃᐅᓯᕆᓂᐊᕐᐸᕋ ᐃᓕᖕᓄᑦ. ᐊᑕᓂᐅᒐᒪ, ᐱᑦᓯᐊᕐᕕᒋᔪᒪᔭᓐᓄᑦ ᐱᑦᓯᐊᕐᐸᒃᐳᖓ, ᓂᑲᒋᔪᒪᔭᓐᓄᓪᓗ ᓂᖃᒍᓱᒃᐸᒃᓗᖓ.

ᒨᓯᓯ ᐂᑉᐸᖏᑦ 6:3

ᓴᖅᑭᓚᐅᕐᐳᖓᓗ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᔪᒐᖃᖏᑦᑑᓪᓗᖓ ᒎᑎᐅᒐᒪ, ᑭᓯᐊᓂᓕ ᐊᑕᓂᕐᒥᒃ ᐊᑎᖃᕐᓂᓐᓂᒃ ᐊᑎᕐᒪᓗ ᐃᑦᔪᕐᓁᓐᓂᖓᓂᒡᓗ ᓇᓗᓁᕐᓯᓚᐅᓐᖏᓚᖓ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 10:6

ᐊᑕᓃᖅ ᐊᑦᔨᖃᓐᖏᓚᑎᑦ; ᐊᔪᖏᑦᑐᕐᔪᐊᖑᕗᑎᑦ, ᐊᑏᓪᓗ ᐊᔪᖏᑦᑐᕐᔪᐊᖑᕗᖅ ᐱᔪᓐᓇᕐᓂᖃᕐᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᔪᐊᓇᓯᐅᑉ ᐊᒡᓚᖏᑦ 17:26

ᑖᒃᑯᓄᖓ ᖃᐅᔨᔭᐅᑎᑉᐸᒋᑦ, ᓱᓕ ᖃᐅᔨᑎᑉᐸᓕᐊᔪᒪᕙᒃᑲ, ᓇᒡᓕᖕᓂᖅ ᓇᒡᓕᖕᓂᕆᔧᑦ ᐅᕙᓐᓄᑦ ᐃᓗᖏᓐᓃᖁᓪᓗᒍ, ᐅᕙᖓᓗ ᐃᓗᖏᓐᓃᓪᓗᖓ.”

ᔪᐊᓇᓯᐅᑉ ᐊᒡᓚᖏᑦ 17:6

“ᖃᐅᔨᔭᐅᑎᓚᐅᕐᐸᒋᑦ ᐃᓄᖕᓄᑦ ᐅᕙᓐᓄᑦ ᑐᓂᓚᐅᕐᑕᕐᓄᑦ ᓯᓚᕐᔪᐊᕐᒥᐅᓂᑦ; ᑖᒃᑯᐊ ᐱᒋᓚᐅᕋᕕᒋᑦ, ᐅᕙᓐᓄᑦ ᑐᓂᓚᐅᕐᐸᑎᑦ, ᐅᖃᐅᓯᕐᑎᑦ ᓈᓚᓚᐅᕐᐰᑦ.

ᐃᐱᓯᒥᐅᓄᑦ 1:19

ᐱᔪᓐᓇᕐᓂᕐᔪᐊᖓᑕᓗ ᐱᓇᓱᐊᕐᓂᖓᓂᒃ ᐅᕙᑦᑎᓐᓂ ᐅᒃᐱᕐᑐᓂ, ᐱᔪᓐᓇᕐᓂᕐᔪᐊᒥᒍᑦ ᐱᓇᓱᐊᕐᓯᒪᓂᖓ ᑐᓐᖓᕕᒋᓪᓗᒍ.

ᒨᓯᓯ ᑕᓪᓕᒪᖏᑦ 3:24

‘ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᖃᐅᔨᒪᔪᖓ ᑕᑯᑎᓯᒪᒐᕕᖓ ᐃᓔᓐᓇᑯᓗᐊᓂᒃ ᐱᒋᐊᕐᓂᑐᐃᓐᓇᖓᓂᒡᓗ ᐊᖏᔪᐊᓘᓂᕐᐱᑦ ᐱᐅᔪᐊᓘᓂᕐᐱᓪᓗ ᐱᓇᓱᐊᕈᒫᕐᑕᖓᓂᒃ. ᐊᓯᖕᓂᒃ ᒎᑎᑕᖃᖏᒻᒪᑦ ᕿᓚᖕᒥ ᓄᓇᒥᓗ ᐃᓕᒃᑐᑦ ᑍᒫᒃ ᐊᔪᒐᖃᖏᑦᑑᑎᒋᔪᒥᒃ ᐱᓇᓱᐊᕈᓐᓇᕐᑎᒋᔪᒥᒡᓗ ᐱᓇᓱᐊᖃᑦᑕᕐᓯᒪᔭᕐᑐᑦ ᐱᓕᕆᔪᓐᓇᕐᑎᒋᔪᒥᒃ!

ᒨᓯᓯ ᑕᓪᓕᒪᖏᑦ 5:24

ᐅᖃᕐᓗᑎᒡᓗ, ‘ᑕᑯᒋᑦ, ᐊᑕᓂᐅᑉ ᒎᑎᑦᑕ ᑕᑯᑎᑉᐹᑎᒍᑦ ᓂᕐᑐᕐᓇᕐᓂᕐᔪᐊᒥᓂᒃ ᐱᔪᓐᓇᕐᓂᕐᔪᐊᒥᓂᒡᓗ, ᓂᐱᖓ ᑐᓵᓕᕋᑦᑎᒍ ᐃᑯᒪᒥᑦ! ᐅᓪᓗᒥ ᑕᑯᕗᒍᑦ ᐃᓅᑉ ᓱᓕ ᐆᒪᔪᓐᓇᕐᓂᖓᓂᒃ, ᒎᑎᒧᑦ ᐅᖄᕕᐅᓯᒪᒐᓗᐊᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!