ᒨᓯᓯ ᑕᓪᓕᒪᖏᑦ 3:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ “ᐊᒻᒪᑦᑕᐅᖅ ᑍᑦᓱᒪᓂᑦᓮᓐᓇᖅ ᐅᖃᐅᑦᔨᓚᐅᕆᕗᖓ ᑖᒃᑯᓂᖓ ᐃᒤᓕᔪᓂᒃ: ‘ᐊᑕᓂᐅᑉ ᒎᑎᑦᑕ ᑕᒪᑐᒥᖓ ᓄᓇᒥᒃ ᑐᓂᓯᕕᒋᓯᒪᖕᒪᓯ ᔪᐊᕐᑕᓂᐅᑉ ᑰᖓᑕ ᑕᓕᕐᐱᐊᓃᑦᑐᒥᒃ ᐃᓕᑦᓯᓐᓄᑦ ᓄᓇᒋᔭᐅᖁᓪᓗᒍ. ᒫᓐᓇᓕ ᐊᖑᑎᑦ ᐅᓇᑕᕈᓐᓇᕐᑐᖁᑎᓯ ᐅᓇᑕᐅᑎᒃᓴᓂᒃ ᓇᒃᓴᕐᓗᑎᒃ ᑎᓕᓕᕐᓯᐅᒃ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᐃᓴᕆᐊᓕᒥᐅᖑᖃᑎᓯ ᐅᐸᒡᓗᒋᑦ ᐃᑲᔪᕆᐊᓕᕐᓯᒋᒃ, ᐃᑲᔪᕐᓂᐊᕋᑦᓯᐅᒃ ᓄᓇᑖᕋᓱᐊᓕᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 3:18 Iomraidhean Croise

ᒨᓯᓯ ᓯᕗᓪᓖᑦ 15:7

ᐅᖃᐅᑎᓪᓗᒍᓗ, “ᐅᕙᖓᐅᕗᖓ ᐊᑕᓂᖅ, ᓄᓇᒥᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᐊᐅᓪᓚᕐᑎᓚᐅᕐᐸᒋᑦ, ᑕᒪᓐᓇ ᓄᓇ ᑐᓂᔪᒪᓪᓗᒍ ᐃᓕᖕᓄᑦ ᓄᓇᑖᕆᔭᐅᖁᓪᓗᒍ.”

ᐃᓐᖏᕈᑎᑦ 136:21

ᓄᓇᒋᔭᖏᓪᓗ ᑐᓂᓚᐅᕐᐰᑦ ᑭᖑᕐᖑᑎᔭᐅᖁᓪᓗᒋᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᒨᓯᓯ ᓯᑕᒪᖏᑦ 33:53

ᐃᓚᒋᓂᐊᕐᓇᒋᓪᓗ ᑕᒫᓂ ᓄᓇᖃᕐᑐᑦ ᐊᖏᕐᕋᖃᕐᑐᓪᓗ, ᑕᒪᓐᓇ ᓄᓇ ᐃᓕᑦᓯᓐᓄᑦ ᑐᓂᒐᒃᑯ ᐱᑖᕆᔭᐅᖁᓪᓗᒍ.

ᒨᓯᓯ ᑕᓪᓕᒪᖏᑦ 12:1

“ᐅᑯᐊ ᑕᕝᕙ ᐱᖁᔧᑦ ᒪᓕᒐᒃᓮᓪᓗ ᐃᒃᐱᒍᓱᑦᓯᐊᕐᓗᓯ ᒪᓕᒋᐊᖃᕐᑕᓯ ᓄᓇᒥ ᐊᑕᓂᐅᑉ ᓯᕗᓕᕕᓂᑦᓯ ᒎᑎᖓᑦᑕ, ᑐᓂᔭᖓᓂᒃ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ ᓄᓇᒥ ᐃᓅᓂᓕᒫᑦᓯᓐᓂ.

ᒨᓯᓯ ᑕᓪᓕᒪᖏᑦ 15:4

“ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᑕᒫᓂ ᓄᓇᒥ ᐃᓕᑦᓯᓐᓄᑦ ᑐᓂᓯᒪᔭᖓᓂ ᓄᓇᖃᕐᑎᓪᓗᓯ. ᓇᖕᒥᓂᕐᓕ ᐃᓅᖃᑎᓯ ᐊᔪᕐᓴᓗᐊᕐᑐᖃᕐᓂᐊᓐᖏᓚᑦ

ᒨᓯᓯ ᑕᓪᓕᒪᖏᑦ 19:14

“ᐃᓅᖃᑎᑦᓯ ᓄᓇᖓᑕ ᑭᒡᓕᖓᑕ ᓇᓗᓁᒃᑯᑕᖓᓂᒃ ᐲᕐᓯᔪᒃᓴᐅᓐᖏᓚᑎᑦ, ᓯᕗᓂᑦᓯᓐᓂ ᐃᓅᓚᐅᕐᑐᑦ ᐃᓕᔭᕕᓂᖏᓐᓂᒃ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂᒃ ᐃᓕᑦᓯᓐᓄᑦ.”

ᒨᓯᓯ ᑕᓪᓕᒪᖏᑦ 19:2

ᐃᒡᓗᒐᓴᖕᓂᒃ ᐱᖓᓱᓂᒃ ᓴᓂᕐᕔᔪᒃᓴᐅᕗᓯ ᓄᓇᒥ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ.

ᒨᓯᓯ ᑕᓪᓕᒪᖏᑦ 19:7

ᑍᒤᒻᒪᑦ ᑕᕝᕙ ᐱᖁᔨᕗᖓ ᐃᓕᑦᓯᓐᓂᒃ, ᐃᒡᓗᒐᓴᖕᓂᒃ ᐱᖓᓱᓂᒃ ᓇᓗᓁᕐᓯᖁᔨᓯᒪᕗᖓ ᕿᒫᕕᒃᓴᐅᓂᐊᕐᑐᓂᒃ.

ᒨᓯᓯ ᑕᓪᓕᒪᖏᑦ 21:1

“ᐊᖑᒻᒥᒃ ᐱᔮᕆᔭᐅᓗᓂ ᑐᖁᑕᐅᓯᒪᔪᖃᕐᐸᑦ ᐱᕈᕐᓰᕕᖕᒥ ᑕᒫᓂ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᓄᓇᖃᓕᕐᑎᓪᓗᓯ, ᖃᐅᔨᒪᖏᒃᑯᑦᓯᓗ ᓇᓪᓕᐊᓐᓄᑦ ᑐᖁᑕᐅᓯᒪᖕᒪᖔᑦ.

ᒨᓯᓯ ᑕᓪᓕᒪᖏᑦ 25:19

ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᓄᓇᑖᕐᑎᓯᒪᓕᕐᐸᓯ ᑕᕝᕙᓂᓗ ᐃᓂᓪᓚᑦᓯᐊᕐᓯᒪᓕᕈᑦᓯ ᐊᑭᕋᓕᒫᑦᓯᓐᓂᓪᓗ ᖃᓂᒋᔭᑦᓯᓐᓃᑦᑐᓂᑦ ᐅᐸᒃᑕᐅᓂᐅᓴᔪᓐᓁᕈᑦᓯ, ᐊᒪᓕᖕᒥᐅᑦ ᐊᑕᖏᑦᓯᐊᕐᓗᒋᑦ ᑐᑯᕋᕐᑕᒃᓴᕆᕙᓯ, ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓁᖁᓪᓗᒋᑦ, ᑕᒪᑐᒥᖓ ᐳᐃᒍᕐᑍᓕᒋᑦᓯ!”

ᒨᓯᓯ ᑕᓪᓕᒪᖏᑦ 5:31

ᐃᕝᕕᓪᓕ ᒨᓯᓰ, ᐅᕙᓐᓂ ᓇᔫᑎᓕᕆᑦ, ᑐᓂᓯᕕᒋᓂᐊᕋᒃᑭᑦ ᐱᖁᔭᓐᓂᒃ ᐊᑐᕐᑕᐅᖁᔭᓐᓂᒡᓗ. ᐃᓄᖕᓄᑦ ᐃᓕᓮᑦᔪᑎᒋᔭᒃᓴᕆᕙᑎᑦ, ᑖᒃᑯᓄᖓ ᓈᓚᒃᑕᐅᖁᓪᓗᒋᑦ ᑕᒫᓂ ᓄᓇᒥ ᑐᓂᓂᐊᕐᑕᓐᓂ ᑖᒃᑯᓄᖓ.’

ᒨᓯᓯ ᑕᓪᓕᒪᖏᑦ 6:1

“ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.

ᒨᓯᓯ ᑕᓪᓕᒪᖏᑦ 9:6

ᐊᑕᓂᐅᓪᓕ ᒎᑎᑦᓯ ᑐᓂᓯᕕᒋᓯᒪᓐᖏᓛᓯ ᓄᓇᒥᒃ ᓱᓇᑐᐃᓐᓇᖃᑦᓯᐊᕐᑐᒥᒃ ᐱᔭᕆᐊᖃᕐᓂᓯ ᐱᑦᔪᑎᒋᓗᒍ. ᑍᒤᓐᖏᓚᖅ, ᑐᓵᖏᑦᑐᐊᓘᕗᓯᓕ ᐃᓅᖃᑎᒌᖑᔪᓯ.

ᔮᓱᐊᑉ ᐊᒡᓚᖏᑦ 1:11

“ᐃᓄᐃᑦ ᑕᖕᒫᕐᓯᒪᔪᑦ ᐅᖃᐅᑎᓯᐅᒃ, ‘ᓂᕿᓂᒃ ᐊᑐᐃᓐᓇᕈᐃᒋᑦᓯ, ᐅᓪᓗᐃᑦ ᐱᖓᓱᑦ ᓈᒃᐸᑕ ᐃᑳᕐᓂᐊᕋᑦᓯ ᔪᐊᕐᑕᓂᐅᑉ ᑰᖓᒍᑦ ᓄᓇᓗ ᓄᓇᑖᕆᓗᒍ, ᐊᑕᓂᐅᑉ ᒎᑎᕕᑦ ᑐᓂᓯᒪᔭᖓ ᐃᓕᑦᓯᓐᓄᑦ.’”