ᒨᓯᓯ ᑕᓪᓕᒪᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² “ᑍᑦᓱᒪᓂᐅᑎᓪᓗᒍᓕ ᓄᓇᑖᕋᑦᑕ ᑕᒪᑐᒥᖓ, ᑕᒪᓐᓇ ᓄᓇᑖᕆᔭᐅᑎᓚᐅᕐᐸᕋ ᐊᒡᒍᕐᑕᐅᑎᓪᓗᒍ ᕉᐱᓂᐅᑉ ᒑᑎᐅᓪᓗ ᑭᖑᕚᖏᓐᓄᑦ ᓄᓇᑖᕆᔭᐅᓚᐅᕐᐳᖅ ᓄᓇᓕᖕᓂᑦ ᐊᕈᐃᕆᒥᐅᓂᑦ ᐱᒋᐊᕐᓗᒍ ᐋᕐᓄᓂᐅᑉ ᑰᖓᑕ ᖃᓂᒋᔮᓄᑦ ᑎᑭᓯᒪᓪᓗᓂ ᓄᓇᓖᓪᓗ ᒋᓕᐊᑎᐅᑉ ᖃᖅᑲᖏᑦ ᐱᖃᓯᐅᑎᒐᓚᒃᓱᒋᑦ, ᐃᒡᓗᒐᓴᖏᓪᓗ ᐱᖃᓯᐅᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 3:12 Iomraidhean Croise

ᐊᑕᓃᑦ ᐂᑉᐸᖏᑦ 10:33

ᔪᐊᕐᑕᓂᐅᑉ ᓯᕿᓐᓂᓕᕐᕕᐊᑕ ᓇᓛᓃᑦᑐᑦ ᒋᓕᐊᒥᐅᓕᒫᑦ ᒑᑎᐅᓪᓗ ᑭᖑᕚᖏᑕ ᓄᓇᖏᑕ ᐃᓗᐊᓃᑦᑐᑦ ᕉᐱᓂᒥᐅᑦ ᒫᓇᓯᒥᐅᓪᓗ ᐊᕈᐃᕆᒥᑦ ᐋᕐᓄᓂᒥᐅᓄᑦ ᒋᓕᐊᑎᒥᑦ ᐹᓴᓂᒧᑦ.

ᒨᓯᓯ ᓯᑕᒪᖏᑦ 32:40

ᑍᒫᒃ ᒨᓯᓯᐅᑉ ᒋᓕᐊᑎ ᑐᓂᕚ ᒫᓇᓯᐅᑉ ᐃᕐᓂᖓᑕ ᒪᑬᕆᐅᑉ ᑭᖑᕚᖏᓐᓄᑦ, ᑖᒃᑯᐊ ᑕᒫᓂ ᓄᓇᖃᓕᕐᓗᑎᒃ.

ᒨᓯᓯ ᑕᓪᓕᒪᖏᑦ 2:36

ᐊᑕᓂᐅᑉ ᒎᑎᑦᑕ ᓵᓚᖃᕐᑎᓚᐅᕐᒪᑎᒍᑦ ᐊᕈᐃᕆᒥᑦ ᐋᕐᓄᓂᐅᑉ ᓇᕐᓴᖓᓂᑦ ᐱᒋᐊᕐᓗᒍ, ᑕᕝᕙᓂᓗ ᓇᕐᓴᒥ ᐃᒡᓗᒐᓮᑦ ᐊᑯᓐᓂᖓᓃᑦᑐᑦ, ᓄᓇᒧᑦ ᒋᓕᐊᑎᒧᑦ ᑎᑭᓪᓗᒋᑦ. ᐃᒡᓗᒐᓮᓪᓕ ᐊᕙᓗᕐᔪᐊᖏᑦ ᐊᔪᕐᓇᓗᐊᕐᑐᖃᓚᐅᓐᖏᓚᑦ ᐅᕙᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 29:7

ᒪᐅᖓᓕ ᓄᓇᒧᑦ ᑎᑭᓐᓇᑦᓯ, ᐊᖓᔪᖅᑳᕐᔪᐊᖅ ᓮᕼᐆᓂ ᕼᐃᓴᐸᓂᒥᐅᖅ ᐊᖓᔪᖅᑳᕐᔪᐊᕐᓗ ᐋᒡ ᐹᓴᓂᒥᐅᖅ ᐅᕙᑦᑎᓐᓂᒃ ᐅᓇᑕᕆᐊᕋᓱᓚᐅᕐᐳᑦ, ᑖᒃᑯᐊᓕ ᓵᓚᒋᓚᐅᕐᐸᕗᑦ,

ᒨᓯᓯ ᑕᓪᓕᒪᖏᑦ 29:8

ᓄᓇᖏᓪᓗ ᓄᓇᑖᕆᓚᐅᕐᐸᕗᑦ, ᐊᕕᒃᑕᐅᑎᓪᓗᒋᓪᓗ ᑭᖑᕚᕇᓄᑦ ᕉᐱᓂᒃᑯᓐᓄᑦ, ᒑᑎᒃᑯᓐᓄᓪᓗ, ᒫᓇᓯᐅᓪᓗ ᑭᖑᕚᖏᑕ ᐃᓚᖏᓐᓄᑦ.

ᒨᓯᓯ ᑕᓪᓕᒪᖏᑦ 3:13

ᒫᓇᓯᐅᑉ ᑭᖑᕚᖏᑕ ᐃᓚᖏᑦ ᓄᓇᑖᕐᑎᓚᐅᕆᕙᒃᑲ ᒋᓕᐊᑎᐅᑉ ᐃᓚᖓᓂᑦ ᐱᒋᐊᕐᓗᒋᑦ ᓄᓇᓖᑦ ᐹᓴᓂᓕᒫᖅ ᐱᖃᓯᐅᑎᓪᓗᒍ, ᐊᖓᔪᖅᑳᕐᔪᐊᑉ ᐋᒡᒋᐅᑉ ᐊᐅᓚᓚᐅᕐᑕᓕᒫᖏᑦ, ᑕᒪᓐᓇ ᓄᓇ ᐋᕐᒍᑉᓕᒫᖅ ᐊᑕᖏᕐᓗᒍ.” (ᐹᓴᓂ ᐊᑎᖃᕐᑎᑕᐅᕙᓚᐅᕐᒪᑦ ᕆᐰᒥᐅᑦ ᓄᓇᖓᓂᒃ.

ᒨᓯᓯ ᑕᓪᓕᒪᖏᑦ 4:48

ᑕᒪᓐᓇ ᓄᓇ ᐊᕈᐃᕆᒥᑦ ᓄᓇᒥᑦ ᐱᒋᐊᕐᓯᒪᓚᐅᕐᐳᖅ, ᐋᕐᓄᓂᐅᑉ ᑰᖓᑕ ᑭᒡᓕᖓᓄᑦ ᑎᑭᓯᒪᓪᓗᓂ, ᑕᑉᐸᐅᖓᓕᒫᖅ ᓮᕆᐅᓂᐅᑉ ᖃᖅᑲᖓᓄᑦ ᑎᑭᓪᓗᒍ, ᑍᔭᐅᔪᒧᑦ ᕼᐊᕐᒪᓂᐅᑉ ᖃᖅᑲᖓᓂᒃ.