3 “ᐊᑕᓂᐅᑉ ᓮᒻᒪᕐᑎᓐᓂᐊᕐᐹᓯ ᓄᓇᒋᔭᓯ ᐱᕈᕐᓰᕕᖁᑎᓯᓗ.
ᐂᓴᑭᓗ ᑕᕝᕙᓂ ᓄᓇᒥ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᕐᑐᓂᒃ ᑲᑎᕐᓱᐃᓚᐅᕐᐳᖅ 100ᐃᕐᑐᓪᓗᐊᕐᑐᓂᒃ ᐅᓄᕐᓂᕐᓴᓂᒃ, ᐊᑕᓂᐅᑉ ᓮᒻᒪᕐᑎᓚᐅᕐᒪᒍ.
ᑍᒪᓐᖓᑦ ᑲᒪᔨᓐᖑᕐᑎᑕᐅᓂᖓᓂᑦ ᐃᒡᓗᒥᓄᑦ ᐱᖁᑎᓕᒫᖏᓐᓄᓪᓗ ᐊᑕᓂᐅᑉ ᐄᑦᔨᑉᑎᒥᐅᑕᐅᑉ ᐃᒡᓗᖓ ᓮᒻᒪᕐᑎᓚᐅᕐᐹ ᔫᓯᐱ ᐱᑦᔪᑎᒋᓪᓗᒍ; ᐊᑕᓂᐅᓪᓗ ᓮᒻᒪᕐᑎᓚᐅᕆᕔᑦ ᐱᖁᑎᓕᒫᖏᑦ, ᐃᒡᓗᖓᓂ ᐱᕈᕐᓰᕕᖁᑎᖓᓂᓗ.
ᐊᖓᔪᖅᑳᕐᔪᐊᑉ ᐅᖃᐅᓰᑦ ᐱᖁᔭᓃᑦᑐᑦ ᑐᓴᕋᒥᒋᑦ ᐊᓐᓄᕌᓂ ᐊᓕᒃᐰᑦ.
ᐊᑕᓂᖅ ᓂᕐᑐᕐᑕᐅᓕ! ᑐᓱᓐᓇᕐᐳᖅ ᐃᓄᒃ ᐊᑕᓂᕐᒥᒃ ᓯᕘᕋᔪᖅ, ᑖᑦᓱᒪᓗ ᐱᖁᔭᖏᓐᓂᒃ ᖁᕕᐊᒋᔭᖃᕐᑐᖅ.
ᐱᕈᕐᓯᐊᒃᓴᓯ ᓱᓕ ᓯᕐᓗᐊᑦᓯᓐᓃᑉᐹᑦ? ᕔᓂᒃᓮᑦ ᓇᐹᕐᑐᐃᓪᓗ ᐸᐅᕐᖓᓖᑦ ᓴᐅᓂᓕᖕᓂᒃ, ᐹᒪᒍᕌᓃᓪᓗ ᐱᕈᕐᑐᐃᑦ, ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕈᓐᓇᓚᐅᓐᖏᓛᑦ? ᐅᓪᓗᒥᒥᓪᓕ ᐱᒋᐊᕐᓗᒍ ᓮᒻᒪᕐᑎᓐᓂᐊᓕᕐᐸᑦᓯ.”
ᐊᑕᓂᐅᑉ ᓮᒻᒪᕐᑎᓪᓕᓯ ᓴᐳᑎᓕᓯᓗ;
“ᐊᑕᓂᐅᑉ ᓈᒻᒪᖏᑦᔪᑎᖃᓕᕐᑎᓐᓂᐊᐰᑦ ᓄᓇᒋᔭᓯ ᐱᕈᕐᓰᕕᖁᑎᓯᓗ.
“ᓮᒻᒪᕐᑎᓐᓂᐊᕐᐹᓯᓗ ᐅᓄᕐᑐᓂᒃ ᕿᑐᕐᖓᖃᕐᑎᓪᓗᓂᓯ, ᓂᐊᖂᔭᒃᓴᓂᒡᓗ ᐱᕈᕐᓰᕕᖁᑎᓯ ᐱᕈᕐᕕᐅᕙᓪᓕᐊᖏᓐᓇᕐᓂᐊᕐᐳᑦ, ᐅᓄᕐᑐᓂᒡᓗ ᐃᒻᒧᒃᓯᐅᒐᖁᑎᖃᓕᕐᓗᓯ ᓰᐱᖁᑎᖃᓕᕐᓗᓯᓗ.
