ᒨᓯᓯ ᑕᓪᓕᒪᖏᑦ 26:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐱᓐᖑᕐᑎᓯᒪᔭᓕᒫᒥᓂᓪᓗ ᐃᓅᖃᑎᒌᒡᔪᐊᓕᒫᓂᑦ ᐊᔪᖏᓐᓂᕐᓴᐅᑎᓐᓂᐊᕐᐹᓯ, ᑖᓐᓇᓗ ᓂᕐᑐᕐᓇᕐᓯᑎᓐᓂᐊᕐᐸᓯ ᐊᑎᖓᓗ ᐅᐱᓐᓇᕐᓯᑎᓪᓗᒍ. ᑖᑦᓱᒪᓗ ᓇᖕᒥᓂᕆᓗᓂᓯ ᐃᓄᖁᑎᒋᓂᐊᕐᐹᓯ, ᑕᒪᓐᓇ ᐊᖏᕈᑎᒋᓯᒪᖕᒪᒍ.”

ᒨᓯᓯ ᑕᓪᓕᒪᖏᑦ 26:19 Iomraidhean Croise

ᐃᓐᖏᕈᑎᑦ 148:14

ᑖᑦᓱᒪ ᐃᓄᖁᑎᖏᑕ ᓇᒡᔪᖏᑦ ᐊᖏᔪᕈᕐᑎᑉᐰᑦ, ᐃᑦᔪᕐᓁᑦᑐᖁᑎᓕᒫᖏᑕ ᓂᕐᑐᕐᓕᑦᔪᒃ, ᐃᓴᕆᐊᓕᒥᐅᑦ ᐃᓄᖏᑕ ᑖᑦᓱᒥᖓ ᖃᓂᒃᓴᕐᑐᑦ. ᐊᑕᓂᖅ ᓂᕐᑐᕐᑕᐅᓕ!

ᒨᓯᓯ ᐂᑉᐸᖏᑦ 19:5

ᒫᓐᓇᓕ ᑕᕝᕙ, ᐅᕙᓐᓂᒃ ᓈᓚᖕᓂᐊᕈᑦᓯ ᐊᖏᕈᑎᒋᓯᒪᔭᓐᓂᒡᓗ ᒪᓕᒡᓗᓯ, ᑕᕝᕙ ᐅᕙᓐᓄᑦ ᐃᓄᖁᑕᐅᓂᐊᓕᕐᐳᓯ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ; ᓄᓇᕐᔪᐊᖅ ᐃᓘᓐᓇᓂ ᐱᖁᑎᒋᒐᒃᑯ,

ᒨᓯᓯ ᐂᑉᐸᖏᑦ 19:6

ᐊᑕᓂᐅᕕᓐᓂᓗ ᑐᓂᕐᕈᓯᕐᑎᑦᓯᔨᖁᑎᒋᓂᐊᕐᐸᑦᓯ ᐃᓅᖃᑎᒌᒡᔪᐊᖑᓗᓯ ᐃᑦᔪᕐᓁᓪᓗᓯ. ᑕᒪᒃᑯᐊᓗ ᐅᖃᐅᓰᑦ ᐃᓴᕆᐊᓕᒥᐅᑦ ᕿᑐᕐᖓᖏᓐᓄᑦ ᐅᖃᐅᓯᕆᔭᒃᓴᕆᕙᓯ.”

ᐂᓮᐊᓯᐅᑉ ᐊᒡᓚᖏᑦ 62:12

ᑖᒃᑯᐊ ᑍᔭᐅᔪᒫᕐᐳᑦ ᐃᓄᖕᓂᒃ ᐃᑦᔪᕐᓁᑦᑐᓂᒃ, ᐊᑕᓂᐅᑉ ᐃᒻᒥᓄᑦ ᐅᑎᕐᑎᓯᒪᔭᖏᓐᓂᒃ; ᐃᓕᑦᓯᓕ ᑍᔭᐅᔪᒫᕐᐳᓯ, ᓇᓂᔭᐅᓂᑯᓂᒃ, ᕿᒪᒃᑕᐅᓂᑰᖏᑦᑐᓂᒃ ᐃᒡᓗᒐᓴᒡᔪᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 13:11

ᑍᒫᒃᑕᐅᖅ ᐊᖑᑦ ᕿᑎᕈᓯᓲᖑᖕᒪᑦ ᕿᓚᒃᓱᒍ, ᐃᓴᕆᐊᓕᒥᐅᓕᒫᑦ ᔫᑕᒥᐅᓕᒫᓪᓗ ᐅᕙᓐᓄᑦ ᕿᓚᒃᓱᕈᒫᕆᕙᒃᑲ, ᐊᑕᓂᖅ ᐅᖃᕐᐳᖅ, ᐃᓄᖁᑎᒋᔪᒪᓪᓗᒋᑦ ᓇᖕᒥᓂᕆᓗᒋᑦ ᓂᕐᑐᕐᑕᐅᑦᔪᑎᒋᓗᒋᓪᓗ, ᐅᐱᒋᔭᐅᑦᔪᑎᒋᓗᒋᓪᓗ, ᐅᕙᓐᓂᒡᓕ ᓈᓚᒍᒪᓚᐅᓐᖏᓚᑦ.”

ᔨᕆᒤᐊᐅᑉ ᐊᒡᓚᖏᑦ 2:3

ᐃᓴᕆᐊᓕ ᐃᑦᔪᕐᓁᓚᐅᕐᐳᖅ ᐊᑕᓂᕐᒧᑦ; ᓯᕗᓪᓕᕐᐸᐅᕗᖅ ᐸᐅᕐᖓᓂ ᐱᕈᕐᑐᓂᑦ ᑲᑎᕐᓱᐃᕕᖕᒥ, ᓂᕆᔪᓕᒪᑦ ᐸᓯᔭᒃᓴᐅᓕᕐᐳᑦ; ᐱᐅᖏᑦᑐᓄᑦ ᑎᑭᑕᐅᕗᑦ, ᐅᕙᖓ ᐊᑕᓂᐅᔪᖓ ᐅᖃᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 33:9

ᔨᕉᓴᓕᒥᐅᑦ ᐅᕙᓐᓄᑦ ᖁᕕᐊᓇᕐᑐᒥᒃ ᐊᑎᖃᓕᕈᒫᕆᕗᑦ, ᓂᕐᑐᕐᑕᐅᓕᕈᒫᕐᐳᑦ ᐅᐱᒋᔭᐅᓗᑎᒡᓗ ᐃᓅᖃᑎᒌᒡᔪᐊᓕᒫᓄᑦ ᓄᓇᕐᔪᐊᕐᒦᑦᑐᓄᑦ ᑐᓴᕈᒫᕐᒪᑕ ᐱᐅᔪᓂᒃ ᐱᓇᓱᐊᕐᕕᒋᒐᒃᑭᑦ; ᐃᓅᖃᑎᒌᒡᔪᐊᓪᓗ ᓯᕘᕋᓕᕈᒫᕐᐳᑦ ᓴᔪᓕᕐᓗᑎᒡᓗ ᔨᕉᓴᓕᒥᐅᓄᑦ ᐱᐅᔪᓂᒃ ᐱᓂᐊᕐᓂᕆᔭᓐᓂᒃ ᐃᓄᖏᓐᓂᒡᓗ ᒪᑭᑎᑦᓯᓂᕆᔭᓐᓂᒃ ᐱᑦᔪᑎᖃᕐᓗᑎᒃ.”

ᔨᐸᓁᐊᐅᑉ ᐊᒡᓚᖏᑦ 3:19

ᑕᑯᒋᑦ, ᑍᓐᓇ ᓇᓪᓕᐅᑎᒃᐸᑦ ᐃᓕᑦᓯᓐᓂᒃ ᕿᒃᓵᒃᑎᑦᓯᔪᑦ ᑲᒪᒋᔪᒫᕐᐸᒃᑲ, ᑐᓯᐊᑦᑐᑦ ᐱᐅᓕᓂᐊᕐᐸᒃᑲ. ᑲᑎᑎᑦᓱᒫᕐᐸᒃᑲᓗ ᓯᐊᒻᒪᕐᑎᑕᐅᓯᒪᔪᑦ, ᑎᓕᔪᒫᕐᐸᒃᑲᓗ ᓂᕐᑐᐃᑯᓪᓗᒋᑦ ᖃᐅᔨᒪᔭᐅᑦᓯᐊᓕᕐᑎᓪᓗᒋᓪᓗ, ᑍᒃᑯᐊ ᓄᓇᓂ ᓇᓂᑐᐃᓐᓇᖅ ᑲᓐᖑᓱᒃᑎᑕᐅᓚᐅᕐᑐᑦ.

ᔨᐸᓁᐊᐅᑉ ᐊᒡᓚᖏᑦ 3:20

ᑍᑲᓂ ᓇᓪᓕᐅᑦᑐᒥ ᐅᑎᕐᑎᑦᓱᒫᕐᐸᑦᓯ! ᑲᑎᕐᓱᐃᓕᕈᒪᓗ ᓂᕐᑐᕐᓇᕐᓯᑎᑦᓱᒫᕐᐸᑦᓯ ᖃᐅᔨᒪᔭᐅᑦᓯᐊᕐᓗᓯᓗ ᐃᓄᓕᒫᓄᑦ ᓄᓇᕐᔪᐊᒦᑦᑐᓄᑦ. ᑎᒍᔭᐅᓯᒪᔪᑦ ᐅᑎᕐᑎᑦᓱᒫᕐᐸᒃᑲ ᑕᑯᓐᓇᕐᑎᓪᓗᓯ,” ᐊᑕᓂᖅ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 8:13

ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”

ᒨᓯᓯ ᑕᓪᓕᒪᖏᑦ 27:1

ᑕᕝᕙ ᒨᓯᓯ, ᐃᓴᕆᐊᓕᒥᐅᑦ ᐊᖓᔪᖅᑳᖏᓐᓂᒃ ᐃᓚᖃᕐᓗᓂ, ᐃᓄᖕᓄᑦ ᐅᖃᕐᐳᑦ, “ᐅᓪᓗᒥ ᐃᓕᑦᓯᓐᓄᑦ ᐱᖁᔭᐅᔪᑦ ᐅᖃᐅᓯᕆᔭᒃᑲ ᓈᓚᒃᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 28:1

“ᐊᑕᓂᐅᑉ ᒎᑎᑦᓯ ᓂᐱᖓᓂᒃ ᓈᓚᖕᓂᐊᕈᑦᓯ ᓱᖁᓯᔪᐃᑦᑑᓗᓯᓗ ᐱᖁᔭᓕᒫᖏᑦ ᒪᓕᖕᓂᐊᕈᑦᓯᒋᒃ ᐅᓪᓗᒥ ᐃᓕᑦᓯᓐᓄᑦ ᑐᓂᓯᒪᔭᒃᑲ, ᑕᕝᕙ ᐊᑕᓂᐅᑉ ᒎᑎᑦᓯ ᓄᓇᕐᔪᐊᕐᒥ ᐃᓅᖃᑎᒌᒡᔪᐊᓂᑦ ᐊᓯᑦᓯᓐᓂᑦ ᐊᔪᖏᓐᓂᕐᓴᐅᓕᕐᑎᓐᓂᐊᕐᐹᓯ.

ᒨᓯᓯ ᑕᓪᓕᒪᖏᑦ 28:13

ᐊᑕᓂᐅᓪᓗ ᒎᑎᑦᓯ ᑕᓯᐅᕐᑎᐅᑎᑦᓱᒫᕐᐹᓯ ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᑖᒃᑯᓄᖓ ᒪᓕᒃᑎᐅᑐᐃᓐᓇᖏᓪᓗᓯ; ᑍᒪᓐᖓᑦ ᐱᕙᓪᓕᐊᑎᑦᓱᒫᕐᐹᓯ ᖁᒻᒧᒃᐸᓪᓕᐊᑎᓪᓗᓯ, ᑲᑕᒃᐸᓪᓕᐊᑎᖏᓪᓗᓯ; ᐊᑕᓂᐅᑉ ᒎᑎᑦᓯ ᐱᖁᔭᓕᒫᖏᑦ ᐊᑐᕐᑕᐅᖁᔭᖏᓪᓗ ᒪᓕᖕᓂᐊᕈᑦᓯᐅᒃ ᓱᖁᓯᔪᐃᑦᑑᓗᓯ ᐅᓪᓗᒥ ᐃᓕᑦᓯᓐᓄᑦ ᐅᖃᐅᓯᕆᓯᒪᔭᒃᑲ.

ᒨᓯᓯ ᑕᓪᓕᒪᖏᑦ 28:9

“ᐊᑕᓂᖅ ᒎᑎᓯ ᓈᓚᖕᓂᐊᕈᑦᓯᐅᒃ ᑖᑦᓱᒪᓗ ᐱᖁᔨᓂᓕᒫᖏᑦ ᒪᓕᖕᓂᐊᕈᑦᓯᒋᒃ, ᑕᕝᕙ ᐃᓄᖁᑎᑖᕆᓂᐊᕐᐹᓯ ᓇᖕᒥᓂᕐᑖᕆᓗᓂᓯ, ᑕᒪᓐᓇ ᐅᖃᕕᒍᑎᒋᓯᒪᖕᒪᒍ.

ᒨᓯᓯ ᑕᓪᓕᒪᖏᑦ 7:6

ᑍᒤᓕᐅᕐᑐᒃᓴᐅᕗᓯ ᐃᓕᑦᓯ ᐊᑕᓂᐅᑉ ᒎᑎᑦᓯ ᐃᓄᖁᑎᒋᖕᒪᓯ ᐃᑦᔪᕐᓁᑎᑕᐅᔪᑦ ᑖᑦᓱᒧᖓ. ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᓯ ᓇᖕᒥᓂᖅ ᐃᓄᖁᑎᒋᓗᓂᓯ ᑖᑦᓱᒧᖓ ᐱᒋᔭᐅᖁᓪᓗᓯ, ᓯᓚᕐᔪᐊᕐᒥᐅᑦ ᐃᓄᓕᒫᖏᓐᓂᑦ ᓂᕈᐊᕐᑕᐅᓯᒪᒐᑦᓯ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.