ᒨᓯᓯ ᑕᓪᓕᒪᖏᑦ 26:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᕿᓚᖕᒥᑦ ᐃᓂᒋᔭᕐᓂᑦ ᐃᑦᔪᕐᓁᑦᑐᒥᑦ ᑕᑯᓴᓚᐅᕆᑦ, ᐃᓄᖁᑎᑎᓪᓗ ᐃᓴᕆᐊᓕᒥᐅᑦ ᓮᒻᒪᕐᑎᓪᓗᒋᑦ ᓄᓇᓗ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔧᑦ, ᐊᔪᕐᓴᕐᓇᖏᑦᑐᖅ ᓂᕿᒃᓴᖃᑦᓯᐊᕐᑐᕐᓗ ᓮᒻᒪᕐᑎᓚᐅᕈᒃ ᐅᕙᑦᑎᓐᓄᑦ ᑐᓂᓚᐅᕐᑍᑦ.’”

ᒨᓯᓯ ᑕᓪᓕᒪᖏᑦ 26:15 Iomraidhean Croise

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᐊᑕᓃᑦ ᓯᕗᓪᓖᑦ 8:43

ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᑯᕉᓂᑲ ᐂᑉᐸᖏᑦ 30:27

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᒪᑭᓪᓗᑎᒃ ᐃᓄᐃᑦ ᓮᒻᒪᕐᑎᑉᐰᑦ, ᓂᐱᖏᓪᓗ ᑐᓴᕐᑕᐅᕗᑦ, ᑐᒃᓯᐊᕐᓂᖏᓪᓗ ᑎᑭᐅᑎᕗᑦ ᐃᑦᔪᕐᓁᑦᑑᑉ ᐃᓂᖓᓄᑦ ᕿᓚᖕᒧᑦ.

ᐃᓐᖏᕈᑎᑦ 28:9

ᐃᓄᖁᑎᑎ ᐱᐅᓕᓚᐅᒃᑭᑦ ᓮᒻᒪᕐᑎᓪᓗᒋᓪᓗ ᑭᖑᕐᖑᑎᔭᒃᓴᑎᑦ; ᑖᒃᑯᓄᖓ ᐰᕐᓯᔨᐅᓕᕆᑦ ᐊᒡᔭᕐᓗᒋᓪᓗ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 51:18

ᐱᐅᔪᒥᒃ ᐱᓇᓱᐊᕐᕕᒋᒍᒃ ᓮᐅᓃ ᐃᕝᕕᑦ ᖁᕕᐊᒋᔭᒃᑯᑦ; ᔨᕉᓴᓕᐅᑉ ᐊᕙᓗᕐᔪᐊᖏᑦ ᐋᖅᑭᒃᓱᒃᑲᓐᓂᓚᐅᒃᑭᑦ.

ᐃᓐᖏᕈᑎᑦ 68:5

ᐊᑖᑕᖃᖏᑦᑐᑦ ᐊᑖᑕᖓᑦ, ᐅᐃᒡᒐᕐᓃᑦ ᓴᐳᑦᔨᔨᖓᑦ, ᒎᑎ ᐃᓂᒋᔭᒥᓃᑉᐳᖅ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 80:14

ᒎᑏ ᐊᔪᒐᖃᖏᑦᑐᑎᑦ, ᕿᕕᐊᓚᐅᕆᑦ ᐅᕙᑦᑎᓐᓄᑦ; ᕿᓚᖕᒥᑦ ᑕᑯᓴᕐᓗᑎᑦ ᑕᑯᓚᐅᕐᑎᒍᑦ, ᓇᐹᕐᑐᖅ ᑖᓐᓇ ᕔᓂᒃᓴᓕᒃ ᐅᐸᓚᐅᕈᒃ.

ᐃᓐᖏᕈᑎᑦ 80:15

ᑕᓕᕐᐱᖕᓄᑦ ᓇᑉᐸᕐᑎᓚᐅᕐᑍᑦ, ᑖᓐᓇ ᕔᓂᒃᓴᓕᒃ ᓴᓐᖏᔪᕈᕐᑎᓚᐅᕋᕕᐅᒃ ᐱᓪᓗᑎᑦ.

ᐃᓐᖏᕈᑎᑦ 90:17

ᐊᑕᓂᐅᓪᓗ ᒎᑎᑦᑕ ᖁᕕᐊᒋᔭᖃᕐᓂᖓᑕ ᓇᔪᓕᕐᓕᑎᒍᑦ, ᐱᓇᓱᐊᕐᓂᕆᓯᒪᔭᕗᓪᓗ ᐱᔭᕇᑦᓯᐊᕐᑎᓚᐅᒃᑭᑦ; ᐄᓛᒃ, ᐱᓇᓱᐊᕐᓂᕆᓯᒪᔭᕗᑦ ᐱᔭᕇᕐᑎᑦᓯᐊᓚᐅᒃᑭᑦ.

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 31:23

ᐃᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᐊᐅᓪᓚᕈᑦᔭᐅᓯᒪᕕᒋᓚᐅᕐᑕᖏᓐᓂᑦ ᐅᑎᕐᑎᓯᒪᓕᕈᒃᑭᑦ, ᐃᓄᐃᑦ ᔫᑕᐅᑉ ᓄᓇᖓᓂ ᓄᓇᖃᓚᐅᕐᑐᑦ ᐅᖃᕈᓐᓇᕐᓯᔪᒫᕆᕗᑦ ᐃᒫᒃ, ‘ᐊᑕᓂᐅᑉ ᓮᒻᒪᕐᑎᓪᓕᓯ, ᓄᓇᖃᕐᑐᓯ ᐃᓱᐊᕐᑐᓕᓂᕐᒥ, ᖃᖅᑲᒦᑦᑐᑦ ᐃᑦᔪᕐᓁᑦᑐᒥ.’

ᓴᑲᕅᐊᐅᑉ ᐊᒡᓚᖏᑦ 2:13

ᐃᓄᓕᒫᖑᔪᓯ ᓂᐸᖏᓕᕆᑦᓯ, ᐊᑕᓂᐅᑉ ᓇᔪᒐᖓᓂ, ᑖᓐᓇ ᐊᓂᓕᕐᒪᓐ ᐃᓂᒋᔭᒥᓂᑦ ᐃᑦᔪᕐᓁᑐᒥᑦ.”

ᒫᑎᐅᓯᐅᑉ ᐊᒡᓚᖏᑦ 6:9

ᑍᒤᒻᒪᑦ ᐃᒫᒃ ᑕᕝᕙ ᑐᒃᓯᐊᕐᑐᒃᓴᐅᕗᓯ: ‘ᐊᑖᑕᕗᑦ ᕿᓚᖕᒦᑦᑐᑎᑦ: ᐊᑏᑦ ᐃᑦᔪᕐᓁᑦᑐᖅ ᐃᓱᒪᒋᔭᐅᑦᓯᐊᕐᓕ;

ᐋᐴᓯᑕᓖᑦ ᐱᓂᐊᕐᓂᖏᑦ 7:49

‘ᐊᑕᓂᖅ ᐅᖃᕐᐳᖅ, ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᕐᔪᐊᕐᓗ ᐃᑎᒐᖕᒪ ᐃᑯᕐᕋᕆᕚ. ᖃᓄᐃᑦᑐᒥᒃ ᐃᒡᓗᓕᐅᕈᒪᕕᓰ ᐅᕙᓐᓄᑦ? ᓇᓂᓗ ᐃᓂᖃᕈᓐᓇᕐᐳᖓ?

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 26:14

ᓂᕆᓚᐅᓐᖏᓚᖓ ᑕᓪᓕᒪᐅᔪᐃᕈᑎᒃᓴᓐᓂᒃ ᐃᓚᓐᖓᕋᑖᕐᓯᒪᓂᕐᒧᑦ ᕿᒃᓵᒃᑎᓪᓗᖓ; ᐃᒡᓗᓐᓂᓪᓗ ᐊᓐᓂᑦᔨᓚᐅᓐᖏᓚᖓ ᐅᒃᐱᕐᓂᒃᑯᑦ ᓴᓗᒤᓕᓯᒪᓂᕋᕐᑕᐅᑎᓪᓗᖓ; ᑐᓂᕐᕈᑎᖃᓚᐅᕐᓇᖓᓗ ᑖᒃᑯᐊ ᐃᓚᖏᓐᓂᒃ ᑐᖁᖓᔪᓄᑦ, ᐊᑕᓃᖅ, ᓈᓚᑦᓯᐊᓚᐅᕐᐸᒋᑦ ᐱᖁᔨᑦᔪᑎᒋᓯᒪᔭᓕᒫᑎᑦ ᐅᕙᓐᓄᑦ ᐊᑐᕐᓯᒪᕙᒃᑲ ᑕᓪᓕᒪᐅᔪᐃᕐᓂᕐᒧᑦ.

ᒨᓯᓯ ᑕᓪᓕᒪᖏᑦ 26:7

ᐊᑕᓂᕐᒧᓪᓕ ᐊᒃᓱᕈᕐᓗᑕ ᐃᑲᔪᕐᑕᐅᔪᒪᓪᓗᑕ ᑐᒃᓯᐊᓚᐅᕐᐳᒍᑦ, ᓯᕗᓕᕕᓂᑦᑕ ᒎᑎᖓᓄᑦ, ᑖᑦᓱᒪᓗ ᑐᓴᓚᐅᕐᐹᑎᒍᑦ, ᐊᒃᓱᕈᕐᑎᑕᐅᓂᕗᓪᓗ ᑕᑯᓚᐅᕐᐹ, ᐅᑯᒤᒃᓴᕐᑎᑕᐅᓂᕗᑦ, ᐱᑦᓯᐊᕐᑕᐅᖏᓐᓂᕗᓪᓗ,

ᒨᓯᓯ ᑕᓪᓕᒪᖏᑦ 26:9

ᑖᑦᓱᒪ ᑕᒪᐅᖓ ᑎᑭᑎᓚᐅᕐᐹᑎᒍᑦ ᑐᓂᓯᕕᒋᓪᓗᑕᓗ ᓄᓇᒥᒃ ᐊᔪᕐᓴᕐᓇᖏᑦᑐᒥᒃ ᓂᕿᒃᓴᖃᑦᓯᐊᕐᑐᒥᒡᓗ.

ᒨᓯᓯ ᑕᓪᓕᒪᖏᑦ 6:3

ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.