ᒨᓯᓯ ᑕᓪᓕᒪᖏᑦ 26:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓂᕆᓚᐅᓐᖏᓚᖓ ᑕᓪᓕᒪᐅᔪᐃᕈᑎᒃᓴᓐᓂᒃ ᐃᓚᓐᖓᕋᑖᕐᓯᒪᓂᕐᒧᑦ ᕿᒃᓵᒃᑎᓪᓗᖓ; ᐃᒡᓗᓐᓂᓪᓗ ᐊᓐᓂᑦᔨᓚᐅᓐᖏᓚᖓ ᐅᒃᐱᕐᓂᒃᑯᑦ ᓴᓗᒤᓕᓯᒪᓂᕋᕐᑕᐅᑎᓪᓗᖓ; ᑐᓂᕐᕈᑎᖃᓚᐅᕐᓇᖓᓗ ᑖᒃᑯᐊ ᐃᓚᖏᓐᓂᒃ ᑐᖁᖓᔪᓄᑦ, ᐊᑕᓃᖅ, ᓈᓚᑦᓯᐊᓚᐅᕐᐸᒋᑦ ᐱᖁᔨᑦᔪᑎᒋᓯᒪᔭᓕᒫᑎᑦ ᐅᕙᓐᓄᑦ ᐊᑐᕐᓯᒪᕙᒃᑲ ᑕᓪᓕᒪᐅᔪᐃᕐᓂᕐᒧᑦ.

ᒨᓯᓯ ᑕᓪᓕᒪᖏᑦ 26:14 Iomraidhean Croise

ᐃᓐᖏᕈᑎᑦ 106:28

ᐃᒻᒥᖕᓂᒃᑕᐅᖅ ᐃᓚᓕᐅᑎᓚᐅᕐᐳᑦ ᐰᓕ-ᐱᐅᕆᒧᑦ, ᓂᕆᓪᓗᑎᒡᓗ ᑐᓂᕐᕈᑕᐅᓯᒪᔪᓂᒃ ᑐᖁᖓᔪᓄᑦ ᒎᑎᓐᖑᐊᓄᑦ.

ᐃᓐᖏᕈᑎᑦ 18:22

ᐃᖅᑲᕐᑐᐃᓂᖏᑦ ᓵᓐᓃᑦᓮᓐᓇᕐᒪᑕ, ᒪᓕᒐᒃᓴᐅᖁᔭᖏᓪᓗ ᑐᓄᓚᐅᖏᓐᓇᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 16:7

ᐃᓚᓐᖓᕐᑐᓪᓗ ᓂᕆᔭᒃᓴᖏᓐᓂᒃ ᐋᑦᓯᕕᐅᓂᐊᓐᖏᓚᑦ ᓮᒻᒪᕐᓴᕐᑕᐅᓇᓱᐊᕐᓗᑎᒃ; ᐊᑖᑍᕐᑑᒐᓗᐊᑦ ᐊᓈᓁᕐᑑᒐᓗᐊᓪᓗ ᐃᓚᑦᓱᒋᔭᐅᔪᒫᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 24:17

ᐊᓂᕐᓴᐅᒥᒍᕕᑦ ᑐᓵᔭᐅᔭᕆᐊᖃᓐᖏᓚᖅ; ᑐᖁᔪᒧᑦ ᕿᒃᓵᒋᐊᖃᕐᓂᐊᓐᖏᓚᑎᑦ. ᓂᐊᖁᕐᐱᑦ ᓂᒥᕆᕙᒃᑕᖓᓂᒃ ᐊᑐᕆᐊᖃᕐᐳᑎᑦ, ᐃᑎᒐᒍᑏᒃᑭᒡᓗ ᐊᑎᓗᒋᒃ, ᖃᓃᓪᓗ ᒪᑐᓯᒪᑦᑍᓕᒍᒃ, ᕿᒃᓵᒃᑐᓪᓗ ᓂᕆᓲᖏᓐᓂᒃ ᓂᕆᑦᑍᓕᓗᑎᑦ.”

ᕼᐆᓯᐊᑉ ᐊᒡᓚᖏᑦ 9:4

ᕔᓂᒥᒡᓗ ᑐᓂᕐᕈᓯᕈᒫᓐᖏᓚᑦ ᐊᑕᓂᕐᒧᑦ, ᑐᓂᕐᕈᑎᖏᓪᓗ ᖁᕕᐊᒋᔭᐅᔪᒫᓐᖏᓚᑦ ᑖᑦᓱᒧᖓ. ᓂᐊᖂᔭᖏᓪᓗ ᕿᒃᓵᒃᑐᑦ ᓂᐊᖂᔭᖁᑎᖏᑎᑑᕈᒫᕐᐳᑦ; ᓂᕆᔪᓕᒫᓪᓗ ᓇᕐᕈᓇᕐᓯᑎᑕᐅᔪᒫᕐᐳᑦ; ᓂᐊᖂᔧᑦ ᑳᒍᓐᓁᕈᑎᒋᓇᓱᐊᑐᐃᓐᓇᕈᒫᕐᒪᒋᑦ; ᐊᑕᓂᐅᑉ ᐃᒡᓗᖓᓄᐊᕈᑦᔭᐅᔪᒫᓐᖏᓚᑦ.

ᒨᓯᓯ ᐱᖓᔪᖏᑦ 21:1

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᐃᓚᖏᑦ ᐃᒫᒃ ᐅᖃᐅᑎᒃᑭᑦ, ᑐᓂᕐᕈᓯᕐᑎᑦᓯᔩᑦ ᓇᓪᓕᐊᑦ ᐃᒻᒥᖕᓂᒃ ᓴᓗᒤᑦᑐᓐᖑᕐᑎᑦᑐᒃᓴᐅᓐᖏᓚᖅ ᐃᓗᕕᕐᓯᔪᓂ ᑲᒪᔨᐅᖃᑕᐅᓗᓂ ᐃᓚᒋᔭᖓᓂᒃ ᑐᖁᔪᖃᕐᑎᓪᓗᒍ.

ᒨᓯᓯ ᐱᖓᔪᖏᑦ 21:11

ᐃᒡᓗᒧᑦ ᑐᖁᖓᔪᕐᑕᓕᖕᒧᑦ ᐃᑎᕐᑐᒃᓴᐅᓐᖏᓚᖅ. ᐃᒻᒥᓂᒃ ᓴᓗᒤᓕᑎᕐᑐᒃᓴᐅᓐᖏᓚᖅ, ᑐᖁᖓᔪᖅ ᐊᑖᑕᒋᒐᓗᐊᕈᓂᐅᒃ ᐊᓈᓇᒋᒐᓗᐊᕈᓂᐅᒡᓘᓐᓃᑦ,

ᒨᓯᓯ ᐱᖓᔪᖏᑦ 7:20

ᐃᓄᐃᓪᓕ ᓇᓪᓕᐊᑦ ᐅᒃᐱᕐᓂᐅᑉ ᐃᓕᖅᑯᓯᖓᒍᑦ ᓴᓗᒤᓐᓂᕋᕐᑕᐅᔪᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑕᐅᓯᒪᔪᒥᒃ ᐊᑕᓂᕐᒧᑦ ᓂᕆᒃᐸᑦ ᐃᓅᖃᑎᖏᓐᓄᑦ ᐊᕕᑕᐅᔪᒃᓴᐅᕗᖅ.

ᒪᓚᑬᑉ ᐊᒡᓚᖏᑦ 2:13

ᓱᓕᓗ ᐃᒫᒃ ᐱᓂᐊᕐᓂᖃᕆᕗᓯ: ᐊᑕᓂᐅᑉ ᑐᓂᕐᕈᓯᕐᕕᖓ ᖁᕝᕕᐅᕐᓂᕐᓄᑦ ᐅᓕᒃᐸᓯ, ᕿᐊᓂᑦᓯᓐᓄᑦ ᐅᒡᒍᐊᕐᓂᑦᓯᓐᓄᓪᓗ; ᑐᓂᕐᕈᑎᓯ ᐃᓚᓕᐅᕈᓐᓁᕐᒪᒋᑦ, ᖁᕕᐊᒋᔪᓐᓁᕐᓗᒋᓪᓗ ᐱᓂᐊᕐᓂᓯ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 15:5

ᑖᓐᓇ ᓈᓚᖕᓂᐊᕈᑦᓯᐅᒃ ᐊᑐᕐᑕᐅᖁᔭᓕᒫᖏᓐᓂᒡᓗ ᐊᑐᕋᓱᑦᓯᐊᕈᑦᓯ ᐅᓪᓗᒥ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᓐᓂᒃ.

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 26:13

ᐊᑕᓂᕐᒧᑦ ᒎᑎᑦᓯᓐᓄᑦ ᐅᖃᕐᑐᒃᓴᐅᕗᓯ, ‘ᑕᓪᓕᒪᐅᔪᐃᕈᑎᒃᓴᓐᓂᒃ ᐃᑦᔪᕐᓁᑦᑐᓂᒃ ᐃᒡᓗᓐᓂ ᐊᒥᐊᒃᑯᓯᒪᔪᓐᓁᕐᐳᖓ; ᑕᒪᕐᒥᒃ ᑐᓂᓯᒪᕙᒃᑲ ᓕᕔᑎᓄᑦ, ᓄᓇᖃᕐᑐᑐᖃᐅᖏᑦᑐᓄᑦ, ᐃᓕᐊᕐᔪᖕᓄᑦ, ᐅᐃᒡᒐᕐᓂᕐᓄᓪᓗ, ᑕᒪᑐᒥᖓ ᐅᕙᑦᑎᓐᓄᑦ ᐱᖁᔭᓕᐊᕆᓯᒪᔭᓕᒫᕐᓂᒃ. ᓈᓚᖏᑦᑑᓯᒪᓐᖏᓚᖓ ᐳᐃᒍᕐᓯᒪᓇᖓᓗ ᐱᖁᔨᑦᔪᑎᒋᓯᒪᔭᕐᓂᒃ ᑕᓪᓕᒪᐅᔪᐃᕐᓂᖅ ᐱᑦᔪᑎᒋᓪᓗᒍ.

ᒨᓯᓯ ᑕᓪᓕᒪᖏᑦ 26:15

ᕿᓚᖕᒥᑦ ᐃᓂᒋᔭᕐᓂᑦ ᐃᑦᔪᕐᓁᑦᑐᒥᑦ ᑕᑯᓴᓚᐅᕆᑦ, ᐃᓄᖁᑎᑎᓪᓗ ᐃᓴᕆᐊᓕᒥᐅᑦ ᓮᒻᒪᕐᑎᓪᓗᒋᑦ ᓄᓇᓗ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔧᑦ, ᐊᔪᕐᓴᕐᓇᖏᑦᑐᖅ ᓂᕿᒃᓴᖃᑦᓯᐊᕐᑐᕐᓗ ᓮᒻᒪᕐᑎᓚᐅᕈᒃ ᐅᕙᑦᑎᓐᓄᑦ ᑐᓂᓚᐅᕐᑍᑦ.’”