ᒨᓯᓯ ᑕᓪᓕᒪᖏᑦ 26:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² “ᐊᕐᕌᒍᑦ ᐱᖓᓱᑦ ᓈᔭᕌᖓᑕ ᑕᒫᑦ ᓂᐊᖂᔭᒃᓴᓂᒃ ᐱᕈᕐᑎᑕᕕᓂᕐᓯ ᑕᓪᓕᒪᐅᔪᖏᓐᓂᒃ ᑐᓂᓯᖃᑦᑕᕐᑐᒃᓴᐅᕗᓯ, ᓕᕔᑎᒃᑯᓐᓄᑦ, ᓄᓇᖃᕐᑐᑐᖃᐅᖏᑦᑐᓄᓪᓗ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ, ᓄᓇᓕᓕᒫᓂ ᓂᕆᔪᒪᔭᓕᒫᒥᖕᓂᒃ ᓂᕿᒃᓴᕐᑕᖃᑦᓯᐊᖁᓪᓗᒍ. ᑍᒤᓕᐅᕇᕈᑦᓯᓕ,

ᒨᓯᓯ ᑕᓪᓕᒪᖏᑦ 26:12 Iomraidhean Croise

ᒨᓯᓯ ᓯᕗᓪᓖᑦ 47:24

ᑲᑎᕐᓱᐃᕕᒃᓴᖅ ᓇᓪᓕᐅᑎᒃᐸᑦ ᐱᕈᕐᑎᑕᓯ ᐊᕕᒡᓗᒋᑦ ᑕᓪᓕᒪᖏᑦ ᑐᓂᔭᒃᓴᕆᕙᓯ ᐰᕉᒧᑦ, ᐊᕕᒃᑕᑦᓯ ᓯᑕᒪᖏᑦ ᓇᖕᒥᓂᕐᑖᕆᔭᒃᓴᕆᕙᓯ, ᐱᕈᕐᓰᕕᖕᒧᑦ ᑲᓐᖓᕐᓲᑎᐅᖁᓪᓗᒋᑦ ᐃᓕᑦᓯᓐᓄᓪᓗ ᐃᒡᓗᒥᐅᖃᑎᑦᓯᓐᓄᓪᓗ ᓂᕿᒃᓴᐅᖁᓪᓗᒋᑦ, ᕿᑐᕐᖓᑦᓯᓐᓄᓪᓗ ᑕᒤᓐᓄᑦ.”

ᒨᓯᓯ ᓯᕗᓪᓖᑦ 47:26

ᑕᕝᕙ ᔫᓯᐱ ᐱᖁᔭᓕᐅᓚᐅᕐᐳᖅ ᐄᑦᔨᑉᑎᒥᐅᑦ ᓄᓇᖁᑎᖏᑦ ᐱᓪᓗᒋᑦ, ᑕᒪᓐᓇᓗ ᓱᓕ ᐅᓪᓗᒥᒧᑦ ᐊᑐᕐᑕᐅᕗᖅ, ᓄᓇᐅᑉ ᐱᕈᕐᑎᑕᖏᑕ ᐊᕕᒡᓗᒋᑦ ᑕᓪᓕᒪᖏᑦ ᐰᕉᒧᑦ ᐱᒋᔭᐅᖁᓪᓗᒋᑦ; ᑭᓯᐊᓂ ᑐᓂᕐᕈᓯᕐᑎᑦᓯᔩᑦ ᓄᓇᖁᑎᖏᑦ ᐰᕉᒧᑦ ᐱᑖᕆᔭᐅᓚᐅᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:21

ᓯᓚᖅᑲᑎᒥᓂᒃ ᓇᕐᕈᔪᖅ ᐊᔪᕐᑐᓕᕗᖅ, ᐊᒃᓗᔪᓂᒡᓕ ᓂᑲᒍᓱᒃᑐᖅ ᑖᓐᓇ ᖁᕕᐊᓱᒃᐳᖅ.

ᒨᓯᓯ ᐱᖓᔪᖏᑦ 27:30

“ᓱᓇᑐᐃᓐᓁᑦ ᓄᓇᒥᑦ ᐱᕈᕐᑐᑦ, ᓂᐊᖂᔭᒃᓮᑦ ᓱᓇᑐᐃᓐᓁᑦ, ᐸᐅᕐᖎᓪᓗ ᓇᐹᕐᑐᓂᑦ ᐱᔪᑦ ᑕᓪᓕᒪᐅᔪᖏᑦ ᐊᑕᓂᐅᑉ ᐱᒋᕔᑦ, ᑕᒪᒃᑯᐊ ᐃᑦᔪᕐᓁᑦᑑᕘᑦ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 18:24

ᐃᓴᕆᐊᓕᒥᐅᑦ ᑕᓪᓕᒪᐅᔪᐃᕈᑎᖏᑦ, ᐃᓵᒃᑕᕈᑎᒋᓗᒋᑦ ᑐᓂᕐᕈᑕᐅᓯᒪᔪᑦ ᐊᑕᓂᕐᒧᑦ, ᓕᕔᑎᓄᑦ ᑐᓂᕙᒃᑲ ᑖᒃᑯᓄᖓ ᐱᑖᕆᔭᐅᖁᓪᓗᒋᑦ; ᑍᒤᒻᒪᑦ ᐅᖃᐅᑎᕙᒃᑲ, ‘ᐃᓴᕆᐊᓕᒥᐅᑦ ᐊᑯᕐᖓᓐᓂ ᓇᖕᒥᓂᕆᔭᑦᓯᓐᓂᒃ ᐱᖃᕐᓂᐊᓐᖏᓚᓯ.’”

ᒨᓯᓯ ᑕᓪᓕᒪᖏᑦ 16:14

ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.

ᐄᑉᕈᐃᓄᑦ 7:5

ᓕᕔᑎᒃᑯᓪᓗ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ, ᐱᖁᔨᑦᔪᑕᐅᓯᒪᕗᑦ ᐃᓴᕆᐊᓕᒥᐅᑦ ᐃᓄᖏᓐᓂᑦ ᑕᓪᓕᒪᐅᔪᐃᕈᑕᐅᔪᓂᒃ ᑎᒍᓯᖁᓪᓗᒋᑦ ᔫᑎᐅᖃᑎᒥᖕᓂᑦ, ᑖᒃᑯᐊᑦᑕᐅᖅ ᐂᑉᕋᕼᐋᒻ ᑭᖑᕚᕆᒐᓗᐊᕐᑎᓪᓗᓂᒋᑦ.

ᐄᑉᕈᐃᓄᑦ 7:9

ᐃᒫᒃ ᐅᖃᕐᑐᖃᕈᓐᓇᕆᕗᖅ, ᑖᓐᓇ ᓕᕔ ᓇᖕᒥᓂᖅ, ᑕᓪᓕᒪᐅᔪᕐᑐᐃᕈᑎᓂᒃ ᑎᒍᓯᕙᒃᑐᖅ, ᑐᓂᕐᕈᓯᓚᐅᕆᕗᖅ ᑕᓪᓕᒪᐅᔪᕐᑐᐃᕐᓗᓂ ᐂᑉᕋᕼᐋᒻ ᐊᖅᑯᑎᒋᓪᓗᒍ,