ᒨᓯᓯ ᑕᓪᓕᒪᖏᑦ 24:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᒻᒪ ᑖᑦᓱᒪ ᐊᖑᑎᐅᑉ ᓄᓕᐊᕆᔪᒪᔪᓐᓁᕐᒥᒃᐸᒍ, ᐊᕕᑦᓯᓪᓚᕆᒍᑎᓂᒡᓗ ᑎᑎᕋᕐᒥᓗᓂ, ᐊᕐᓇᒧᓪᓗ ᑐᓂᖕᒥᓗᒋᑦ, ᐃᒡᓗᒥᓂᓪᓗ ᐊᓂᑎᓪᓗᓂᐅᒃ, ᐅᕝᕙᓗ ᑭᖑᓪᓕᕐᒥᒃ ᐅᐃᑖᕆᓚᐅᕐᑕᖓ ᑐᖁᒃᐸᑦ.

ᒨᓯᓯ ᑕᓪᓕᒪᖏᑦ 24:3 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:8

ᐃᓴᕆᐊᓕᒥᐅᑉ ᐊᓯᓐᓂᐊᕐᓂᖓ ᐱᓪᓗᒍ ᐊᕕᑦᑎᑦᔪᑎᓂᒃ ᑐᓂᓚᐅᕐᐸᕋ, ᕿᒪᒡᓗᒍᓗ, ᑍᒤᑎᑦᓯᓂᕋ ᔫᑕᐅᑉ ᑕᑯᒐᓗᐊᕋᒥᐅᒃ ᓯᕘᕋᓕᓚᐅᖏᓐᓂᕗᕐᑕᐅᖅ. ᐊᓯᓐᓂᐊᕐᓂᕐᒥᓂᒡᓗ ᑲᔪᓯᑐᐃᓐᓇᓚᐅᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:31

“ᐅᖃᕐᑐᖃᕐᐸᓚᐅᕆᕗᖅ, ‘ᓇᓪᓕᐊᑦ ᓄᓕᐊᒥᓂᒃ ᐊᕕᑦᓯᓪᓚᕆᒃᑐᖅ, ᐊᕕᑦᓯᓪᓚᕆᖕᓂᖓᓂᒃ ᓇᓗᓁᕐᓯᓯᒪᔪᓂᒃ ᑎᑎᖅᑲᓂᒃ ᑐᓂᓯᕕᒋᔭᒃᓴᕆᕚ,’

ᒫᑯᓯᐅᑉ ᐊᒡᓚᖏᑦ 10:4

ᑖᒃᑯᐊ ᑭᐅᕚᑦ, “ᒨᓯᓯ ᐱᔪᓐᓇᕐᑎᑦᓯᓚᐅᕐᐳᖅ ᐊᖑᑦ ᐊᕕᑦᓯᒍᑎᓂᒃ ᑎᑎᕋᕐᓗᓂ, ᓄᓕᐊᒥᓂᒃ ᐊᕕᑦᓯᔪᓐᓇᕐᑎᑦᓯᓪᓗᓂ.”

ᒨᓯᓯ ᑕᓪᓕᒪᖏᑦ 24:1

“ᐊᖑᓪᓕ ᓄᓕᐊᓂᒃᐸᑦ ᑲᑎᑎᑕᐅᖃᑎᒋᓗᒍᓗ, ᑭᖑᓂᖓᒍᓪᓕ ᐊᕐᓇᖅ ᐂᑉᐸᕆᔪᒪᔪᓐᓃᕈᓂᐅᒃ ᖁᕕᐊᒋᔪᓐᓃᕐᓗᒍᓗ ᐊᖑᑦ ᖃᐅᔨᒍᓂ ᓈᒻᒪᖏᑦᑐᒥᒃ ᐱᓯᒪᓂᖓᓂᒃ, ᐊᕕᑦᓯᓪᓚᕆᒍᑎᓂᒃ ᑎᑎᕋᕐᑐᒃᓴᐅᕗᖅ ᐊᕐᓇᒧᓪᓗ ᑐᓂᓗᒋᑦ, ᐃᒡᓗᒥᓂᓪᓗ ᐊᓂᑎᓪᓗᓂᐅᒃ,

ᒨᓯᓯ ᑕᓪᓕᒪᖏᑦ 24:2

ᐊᕐᓇᕐᓕ ᐊᓯᐊᓂᒃ ᐊᖑᒻᒥᒃ ᐅᐃᓂᒃᑲᓐᓂᕐᐸᑦ,

ᒨᓯᓯ ᑕᓪᓕᒪᖏᑦ 24:4

ᓯᕗᓪᓕᕐᒥᒃ ᐅᐃᒋᓚᐅᕐᑕᖓᑕ ᓄᓕᐊᕐᑖᕆᒃᑲᓐᓂᕆᐊᖃᓐᖏᓛ; ᑖᑦᓱᒪ ᐱᓇᓱᐊᕇᕐᓯᒪᖕᒪᒍ; ᑍᒫᒃ ᐊᑕᓂᕐᒧᑦ ᓇᕐᕈᓇᕐᒪᑦ, ᑕᒪᑐᒧᖓᓗ ᓄᓇ ᐸᓯᔭᒃᓴᕈᕐᑎᑕᒃᓴᕆᓐᖏᓚᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ.”