2 ᐊᕐᓇᕐᓕ ᐊᓯᐊᓂᒃ ᐊᖑᒻᒥᒃ ᐅᐃᓂᒃᑲᓐᓂᕐᐸᑦ,
ᓄᓕᐊᓂᒃᑐᒃᓴᐅᓐᖏᓚᓪᓗ ᐅᐃᒡᒐᕐᓂᑯᒥᒃ, ᐊᕕᑦᑎᓯᒪᔪᒥᒡᓘᓐᓃᑦ, ᐊᖑᒻᒧᓪᓕ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ ᓄᓕᐊᓂᒃᑐᒃᓴᐅᕗᑦ ᐃᓴᕆᐊᓕᒥᐅᑦ ᑭᖑᕚᖏᓐᓂᑦ, ᐅᕝᕙᓗ ᐅᐃᒡᒐᕐᓂᕐᒥᒃ ᑐᓂᕐᕈᓯᕐᑎᑦᓯᔨᐅᑉ ᓄᓕᐊᕕᓂᖓᓂᒃ.
ᓄᓕᐊᕐᑖᕆᔭᖓ ᐅᐃᒡᒐᕐᓂᐅᔭᕆᐊᖃᓐᖏᓚᖅ, ᐊᕕᑕᐅᓂᑰᔭᕆᐊᖃᕋᓂᓗ, ᐊᒻᒪᓗ ᑮᓇᐅᔭᓕᐅᕋᓱᖕᓂᕐᒧᑦ ᓄᓕᐊᒐᕕᓂᐅᔭᕆᐊᖃᓐᖏᓚᖅ, ᑭᓯᐊᓂ ᓄᓕᐊᕐᑖᕆᐊᖃᕐᐳᖅ ᐃᓅᖃᑎᒥᓂᑦ ᐱᔪᒥᒃ ᐊᕐᓇᒥᒃ ᐊᖑᒻᒧᑦ ᐊᒃᑐᑕᐅᓯᒪᖏᑦᑐᒥᒃ.
ᑐᓂᕐᕈᓯᕐᑎᑦᓯᔩᑦ ᓄᓕᐊᕐᑖᕐᑐᒃᓴᐅᓐᖏᓚᑦ ᐊᕐᓇᒥᒃ ᑮᓇᐅᔭᓕᐅᕐᓂᕐᒧᑦ ᓄᓕᐊᒐᐅᕙᒃᑐᕕᓂᕐᒥᒃ, ᐅᐃᖃᕐᓯᒪᔪᒥᒡᓘᓐᓃᑦ ᐅᕝᕙᓘᓐᓃᑦ ᐅᐃᒥᓂᒃ ᐊᕕᖃᑎᖃᕐᓯᒪᔪᒥᒃ, ᑐᓂᕐᕈᓯᕐᑎᑦᓯᔩᑦ ᒎᑎᒥᖕᓄᑦ ᐃᑦᔪᕐᓁᑦᓴᕆᐊᖃᕐᒪᑕ.
ᑐᓂᕐᕈᓯᕐᑎᑦᓯᔨᐅᓪᓕ ᐸᓂᖓ ᐅᐃᒡᒐᕐᐸᑦ, ᐅᐃᒥᓂᓪᓘᓐᓃᑦ ᐊᕕᑉᐸᑦ, ᕿᑐᕐᖓᕐᑖᓚᐅᖏᓪᓗᓂ, ᐊᑖᑕᒥᓗ ᐃᒡᓗᖓᓄᑦ ᐅᑎᕐᓗᓂ ᐃᓅᓱᒃᑑᑦᔪᓯᕕᓂᕐᒥᑐᑦ ᑕᕝᕙ ᓂᕆᖃᑕᐅᔪᓐᓇᕐᓯᕗᖅ ᐊᑖᑕᒥ ᓂᕿᖏᓐᓂᒃ. ᓇᖕᒥᓂᕆᓐᖏᑕᖏᓪᓕ ᑐᓂᕐᕈᑎᕕᓂᕐᓂᒃ ᓂᕆᔪᒃᓴᐅᓐᖏᓚᑦ.
“ᐅᐃᒡᒐᕐᓂᐅᓪᓗ ᐊᖏᕈᑖ ᐊᕐᓇᐅᓪᓘᓐᓃ ᐊᕕᑕᐅᓯᒪᔫᑉ ᐊᖏᕈᑖ, ᐊᓯᑦᔨᕆᐊᖃᕐᓇᒍ ᐊᖏᕈᑎᓕᐊᕆᓯᒪᔭᖓ, ᑲᔪᓯᔭᕆᐊᖃᕐᐳᖅ.
ᒫᓐᓇᓕ ᐅᖃᐅᑎᕙᑦᓯ: ᐊᖑᑎᐅᑉ ᓄᓕᐊᓂ ᐊᕕᓪᓚᕆᒃᐸᒍ ᐊᓯᓐᓂᐊᕐᓂᕐᒨᖏᑎᓪᓗᒍ, ᑖᓐᓇ ᐸᓯᔭᒃᓴᐅᓕᕐᐳᖅ ᓄᓕᐊᕇᖕᓂᕐᒥᒃ ᐊᓯᕈᐃᓂᕐᒧᑦ; ᑖᑦᓱᒥᖓᓗ ᐊᕐᓇᒥᒃ ᐊᕕᑕᐅᓪᓚᕆᒃᓯᒪᔪᒥᒃ ᓄᓕᐊᓂᒃᑐᖅ ᐊᓯᕈᐃᒋᕗᖅ.”
ᔩᓱᓯᐅᑉ ᐅᖃᐅᑎᕔᑦ, “ᐊᖑᑦ ᓄᓕᐊᒥᓂᒃ ᐊᕕᑦᓯᓪᓚᕆᒃᑐᖅ ᐊᓯᐊᓂᒃ ᓄᓕᐊᓂᒡᓗᓂ, ᑖᓐᓇ ᓄᓕᐊᒥᓂᒃ ᐊᓯᓐᓂᐊᕐᐳᖅ ᓄᓕᐊᕆᖄᓚᐅᑕᖓ ᐱᑦᔪᑎᒋᓪᓗᒍ.
ᐅᒃᐱᖏᑦᑐᕐᓕ ᐂᑉᐸᒥᓂᒃ ᐊᕕᑦᓯᔪᒪᒃᐸᑦ, ᐊᕕᑦᓯᓕ; ᐅᒃᐱᕐᑐᖅ ᐊᖑᑦ ᐊᕐᓇᕐᓘᓐᓃᑦ ᐂᑉᐸᕇᖕᓂᕐᒧᑦ ᑍᒤᑦᑐᒧᑦ ᕿᓚᒃᓱᕐᓯᒪᓐᖏᓚᖅ. ᒎᑎᐅᓪᓕ ᕾᖁᓯᒪᕚᑎᒍᑦ ᐃᓱᒫᓘᑎᖃᖁᓇᑕ.
“ᐊᖑᓪᓕ ᓄᓕᐊᓂᒃᐸᑦ ᑲᑎᑎᑕᐅᖃᑎᒋᓗᒍᓗ, ᑭᖑᓂᖓᒍᓪᓕ ᐊᕐᓇᖅ ᐂᑉᐸᕆᔪᒪᔪᓐᓃᕈᓂᐅᒃ ᖁᕕᐊᒋᔪᓐᓃᕐᓗᒍᓗ ᐊᖑᑦ ᖃᐅᔨᒍᓂ ᓈᒻᒪᖏᑦᑐᒥᒃ ᐱᓯᒪᓂᖓᓂᒃ, ᐊᕕᑦᓯᓪᓚᕆᒍᑎᓂᒃ ᑎᑎᕋᕐᑐᒃᓴᐅᕗᖅ ᐊᕐᓇᒧᓪᓗ ᑐᓂᓗᒋᑦ, ᐃᒡᓗᒥᓂᓪᓗ ᐊᓂᑎᓪᓗᓂᐅᒃ,
ᐊᒻᒪ ᑖᑦᓱᒪ ᐊᖑᑎᐅᑉ ᓄᓕᐊᕆᔪᒪᔪᓐᓁᕐᒥᒃᐸᒍ, ᐊᕕᑦᓯᓪᓚᕆᒍᑎᓂᒡᓗ ᑎᑎᕋᕐᒥᓗᓂ, ᐊᕐᓇᒧᓪᓗ ᑐᓂᖕᒥᓗᒋᑦ, ᐃᒡᓗᒥᓂᓪᓗ ᐊᓂᑎᓪᓗᓂᐅᒃ, ᐅᕝᕙᓗ ᑭᖑᓪᓕᕐᒥᒃ ᐅᐃᑖᕆᓚᐅᕐᑕᖓ ᑐᖁᒃᐸᑦ.
