ᒨᓯᓯ ᑕᓪᓕᒪᖏᑦ 22:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᕔᓂᒃᓴᓄᑦ ᐱᕈᕐᓰᕕᖁᑎᖕᓂ ᑕᕝᕗᖓᑦᓮᓐᓇᖅ ᐊᑦᔨᒋᓐᖏᑕᖏᓐᓂᒃ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒃᓴᐅᓐᖏᓚᑎᑦ; ᑍᒤᓕᐅᕈᕕᑦ, ᑕᕝᕙᓂ ᐱᕈᕐᑎᑕᑎᑦ ᐊᑐᕐᑐᒃᓴᐅᔪᓐᓃᖁᓇᒋᑦ ᕔᓂᒃᓴᓕᐅᕐᕖᓪᓗ ᓇᕐᕈᓇᕐᑎᑕᐅᖁᓇᒍ.

ᒨᓯᓯ ᑕᓪᓕᒪᖏᑦ 22:9 Iomraidhean Croise

ᒨᓯᓯ ᐱᖓᔪᖏᑦ 19:19

“ᒪᓕᒐᒃᓴᐅᖁᔭᒃᑲ ᐃᖅᑲᐅᒪᓯᒋᒃ ᓂᕐᔪᑎᓂᒃ ᐊᑦᔨᒌᖏᑦᑐᓂᒃ ᓄᓕᐊᕐᑎᑦᓯᔪᒃᓴᐅᓐᖏᓚᓯ. ᓄᓇᖁᑏᑦ ᐱᕈᕐᓰᕕᒋᔭᕆᐊᖃᓐᖏᓚᑦ ᐱᕈᕐᓯᐊᒃᓵᖕᓂᒃ ᒪᕐᕉᖕᓂᒃ ᐊᑦᔨᒌᖏᑦᑑᖕᓂᒃ ᑲᑎᓐᖓᓗᒋᑦ. ᐊᓐᓄᕌᕐᓯᒪᔭᕆᐊᖃᓐᖏᓚᑎᑦ ᖃᓪᓗᓈᕐᑕᓂᒃ ᐊᑦᔨᒌᖏᑦᑐᓂᒃ ᐊᑕᐅᑦᓯᒃᑯᑦ.

ᒫᑎᐅᓯᐅᑉ ᐊᒡᓚᖏᑦ 6:24

“ᐊᖓᔪᖅᑳᖕᓄᑦ ᒪᕐᕉᖕᓄᑦ ᐊᑕᐅᑦᓯᒃᑯᑦ ᐱᔨᑦᓯᕐᑐᖃᕈᓐᓇᓐᖏᓚᖅ; ᐂᑉᐹ ᐆᒥᒋᒐᔭᕐᐹ ᐂᑉᐸᖓᓗ ᓇᒡᓕᒋᓗᒍ; ᐂᑉᐹ ᑲᒪᒋᑦᓯᐊᕋᔭᕐᐹ ᐂᑉᐸᖓᓗ ᓇᕐᕈᒋᓗᒍ. ᑍᒫᒃᑕᐅᖅ ᐊᑕᐅᑦᓯᒃᑯᑦ ᐱᔨᑦᓯᕈᓐᓇᓐᖏᓚᓯ ᒎᑎᒥᒃ ᑮᓇᐅᔭᓂᒡᓗ.

ᒫᑎᐅᓯᐅᑉ ᐊᒡᓚᖏᑦ 9:16

“ᐊᓐᓄᕌᑐᖃᕐᒥᒃ ᐃᓚᓯᔪᖃᕐᐸᓐᖏᓚᖅ ᓄᑖᒥᒃ ᐃᕿᔭᑦᑐᒥᒃ, ᑖᑦᓱᒪ ᓄᑖᑉ ᐃᕿᓕᕈᓂ ᐊᓐᓄᕌᑐᖃᖅ ᐊᓕᒃᑐᕋᔭᕐᒪᒍ, ᐊᓐᓄᕌᑐᖃᐅᓪᓗ ᐊᖕᒪᔪᖓ ᐊᖏᒡᓕᒃᑲᓐᓂᑐᐃᓐᓇᕋᔭᕐᐳᖅ.

ᕉᒪᒥᐅᓄᑦ 11:6

ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ ᐱᓇᓱᐊᕈᓂ, ᑕᕝᕙ ᐱᓂᐊᕐᓂᕐᒥᒃ ᑐᓐᖓᕕᖃᕐᓗᓂ ᐱᓇᓱᐊᓐᖏᓚᖅ; ᑍᒤᓐᖏᑐᐊᕐᐸᓪᓕ ᑕᕝᕙ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐱᔪᓐᓇᕐᑎᑦᓯᓂᐅᔪᓐᓃᕋᔭᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᒨᓯᓯ ᑕᓪᓕᒪᖏᑦ 22:8

“ᓄᑖᒥᒃ ᐃᒡᓗᓕᐅᕈᕕᑦ, ᖁᓛᖓᑕ ᓯᓈᒍᑦ ᐃᔪᒃᑲᕇᒃᑯᓯᕐᑕᒃᓴᕆᕙᑦ, ᐃᓄᖕᒥᒃ ᐃᒡᓘᑉ ᖁᓛᓂᑦ ᐃᔪᒃᑲᕐᑐᖃᕐᓗᓂ ᑐᖁᔪᖃᕐᐸᑦ ᐸᓯᔭᒃᓴᐅᒐᔭᓐᖏᓚᑎᑦ.

ᔧᒥᓯᐅᑉ ᐊᒡᓚᖏᑦ 3:10

ᖃᓂᕐᒥᑦ ᑕᕝᕙᓐᖓᑦᓮᓐᓇᖅ ᐅᖃᐅᓰᑦ ᐊᓂᕗᑦ ᖁᔭᓕᓃᑦ ᐅᖃᕐᓂᕐᓗᖕᓃᓪᓗ. ᐅᒃᐱᕐᑑᖃᑎᒃᑲ, ᑍᒤᑦᑕᕆᐊᖃᓐᖏᓚᖅ.