ᒨᓯᓯ ᑕᓪᓕᒪᖏᑦ 21:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓃᖅ, ᐃᓴᕆᐊᓕᒥᐅᑦ ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓚᐅᒃᑭᑦ, ᑖᒃᑯᐊ ᐱᐅᓕᓚᐅᕐᑕᑎᑦ. ᐸᓯᔭᒃᓴᐅᓂᖅ ᐊᐅᑉ ᐸᓯᔭᒃᓴᐅᖏᑦᑑᑉ ᑯᕕᔭᐅᓂᖓᓄᑦ ᐃᓄᖁᑎᑎᑦ ᐃᓴᕆᐊᓖᑦ ᐱᓯᒪᔭᐅᖁᓇᒋᑦ; ᐸᓯᔭᒃᓴᐅᓂᕐᒥᑦ ᐃᓱᒪᒋᔪᓐᓁᕐᕕᒋᓚᐅᒃᑭᑦ.’

ᒨᓯᓯ ᑕᓪᓕᒪᖏᑦ 21:8 Iomraidhean Croise

ᓴᒧᐃᓕ ᐂᑉᐸᖏᑦ 3:28

ᑭᖑᓂᖓᒍᑦ, ᑍᕕᑎ ᑕᒪᑐᒥᖓ ᑐᓴᕋᒥ, ᐅᖃᕐᐳᖅ, “ᐊᑕᓂᖅ ᖃᐅᔨᒪᕗᖅ ᐅᕙᖓᓗ ᐊᐅᓚᑦᓯᔨᒃᑲᓗ ᐸᓯᔭᒃᓴᐅᓐᖏᓐᓇᑦᑕ ᐋᑉᓅᑉ ᓂᕆᐅᑉ ᐃᕐᓂᖓᑕ ᑐᖁᑕᐅᓂᖓᓄᑦ.

ᐊᑕᓃᑦ ᓯᕗᓪᓖᑦ 2:31

ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐅᖃᐅᓯᖓ ᐊᑐᓕᕈᒃ, ᑐᖁᓕᕈᒃ ᐃᓗᕕᕐᓗᒍᓗ; ᑕᒪᓐᓇ ᐅᕙᓐᓄᑦ ᑍᕕᑎᐅᓪᓗ ᑭᖑᕚᖏᓐᓄᑦ ᐸᓯᔭᒃᓴᐅᔪᓐᓁᕈᑕᐅᓂᐊᕐᒪᑦ, ᔪᐊᐱᐅᑉ ᑐᖁᑦᓯᓂᕆᓚᐅᕐᑕᖓᓄᑦ ᐸᓯᔭᒃᓴᐅᖏᑦᑐᓂᒃ ᐊᖑᑎᓂᒃ.

ᐊᑕᓃᑦ ᐂᑉᐸᖏᑦ 24:4

ᐸᓯᔭᒃᓴᐅᖏᑦᑐᓂᒡᓗ ᑐᖁᕅᖃᑦᑕᕐᓯᒪᓂᖓᓄᑦ; ᔨᕉᓴᓕᒥᒃ ᐸᓯᔭᒃᓴᐅᖏᑦᑐᑦ ᐊᐅᖏᓐᓂᒃ ᑕᕐᓴᕐᑖᕐᑎᑦᓯᓯᒪᓕᓚᐅᕐᒪᑦ, ᑕᒪᓐᓇᓗ ᐊᑕᓂᐅᑉ ᐃᓱᒪᒋᔪᓐᓁᓚᐅᓐᖏᓛ.

ᐃᓐᖏᕈᑎᑦ 19:12

ᑭᓇᓕ ᑕᒻᒪᕐᓂᖏᓐᓂᒃ ᖃᐅᔨᒪᕚ? ᓴᓗᒻᒪᕐᓴᓚᐅᓐᖓ ᑕᒻᒪᕐᓂᕐᓂᑦ ᐃᔨᕐᓯᒪᔪᓂᑦ.

ᔨᕆᒤᐊᐅᑉ ᐊᒡᓚᖏᑦ 26:15

ᖃᐅᔨᒪᒋᑦᓯᓕ, ᑐᖁᒃᑯᑦᓯᓐᖓ ᐸᓯᔭᒃᓴᑑᓂᐊᕐᐳᓯ ᑐᖁᑦᑎᓯᒪᓂᑦᓯᓐᓂᒃ ᐸᓯᔭᒃᓴᐅᖏᑦᑐᒥᒃ, ᐊᑕᓂᐅᑉ ᐅᖃᖁᓚᐅᕐᒪᖓ ᑕᒪᒃᑯᓂᖓ ᐅᖃᐅᓯᕐᓂᒃ ᑐᓵᑎᓪᓗᓯ.”

ᐃᓯᑭᐊᓕᐅᑉ ᐊᒡᓚᖏᑦ 23:3

ᑖᒃᑯᐊᒃ ᐊᖑᓐᓂᐊᕐᑎᐅᓚᐅᕐᐴᒃ ᐄᑦᔨᑉᑎᒥ; ᐃᓅᓱᒃᑑᓂᕐᒥᖕᓂᑦ ᐊᖑᓐᓂᐊᕐᑎᐅᓕᓚᐅᕐᐴᒃ; ᑕᕝᕙᓂᓗ ᐃᕕᐊᖏᖏᒃ ᐊᒃᑐᐊᔭᐅᓚᐅᕐᐴᒃ ᐱᖃᑎᖃᓚᐅᕐᓯᒪᖏᑦᑑᒡᓗ ᓈᖏᒃ ᐊᒃᑐᐊᔭᐅᓪᓗᑎᒃ.

ᒨᓯᓯ ᐱᖓᔪᖏᑦ 17:4

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᐊᖏᑉᐸᒍ ᐊᑕᓂᕐᒧᑦ ᑐᓂᕐᕈᑎᖃᕐᐸᑦ ᑍᒤᓕᐅᕐᑐᖅ ᐸᓯᔭᒃᓴᐅᕗᖅ ᐊᐅᖕᒥᒃ ᑯᕕᓯᓂᖓᓄᑦ, ᐃᓅᖃᑎᒥᓂᑦ ᐊᕕᑕᐅᔪᒃᓴᐅᕗᖅ.

ᔫᓇᐅᑉ ᐊᒡᓚᖏᑦ 1:14

ᑐᒃᓯᐊᕐᕕᒋᕚᓪᓗ ᐊᑕᓂᖅ ᐅᖃᕐᓗᑎᒃ: “ᐊᑕᓃᖅ ᐊᓯᐅᓐᖏᑲᓚᐅᕐᑕᑐᖅ ᐃᓅᑉ ᐆᒪ ᐃᓅᓯᖓ ᐱᑦᔪᑎᒋᓪᓗᒍ; ᐊᐅᒡᓗ ᐸᓯᔭᒃᓴᐅᖏᑦᑐᖅ ᐃᓕᓂᐊᕐᓇᒍ ᐅᕙᑦᑎᓐᓄᑦ, ᐃᕝᕕᑦ ᐊᑕᓃᖅ ᖁᕕᐊᒋᔭᕐᓂᒃ ᐱᓂᐊᕋᕕᑦ.”

ᒫᑎᐅᓯᐅᑉ ᐊᒡᓚᖏᑦ 23:35

ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᕐᒧᑦ ᑎᑭᑕᐅᔪᒫᕐᐳᓯ, ᐸᓯᔭᒃᓴᐅᖏᑦᑐᓂᒃ ᐃᓄᐊᖃᑦᑕᕐᓂᑦᓯᓐᓄᑦ ᓄᓇᕐᔪᐊᕐᒥ, ᐂᐱᓕᐅᑉ ᐸᓯᔭᒃᓴᐅᖏᑦᑑᑉ ᐃᓄᐊᕐᑕᐅᓂᖓᓂᑦ, ᓴᑲᕅᐊᐅᑉ ᐸᕋᑬᐊᐅᑉ ᐃᕐᓂᖓᑕ ᐃᓄᐊᕐᑕᐅᓂᖓ ᑎᑭᓪᓗᒍ, ᑖᓐᓇ ᐃᓄᐊᓚᐅᕐᑕᓯ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ.

ᒨᓯᓯ ᑕᓪᓕᒪᖏᑦ 21:7

ᓇᓗᓁᕐᓯᓗᑎᒃ, ‘ᐊᖑᒻᒥᒃ ᑖᑦᓱᒥᖓ ᑐᖁᑦᓯᓯᒪᓐᖏᓚᒍᑦ, ᑕᑯᓐᓈᓚᐅᕋᑕᓗ ᑐᖁᑕᐅᑎᓪᓗᒍ.