ᒨᓯᓯ ᑕᓪᓕᒪᖏᑦ 20:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᓇᑕᕆᐊᕐᕕᖕᒧᓪᓕ ᑎᑭᓕᕈᑦᓯ, ᑐᓂᕐᕈᓯᕐᑎᑦᓯᔨ ᐅᓇᑕᕐᑐᒃᓮᑦ ᓯᕗᕌᓄᐊᕐᓗᓂ ᐅᓇᑕᕐᑐᒃᓴᓄᑦ ᐅᖃᕐᑐᒃᓴᐅᕗᖅ,

ᒨᓯᓯ ᑕᓪᓕᒪᖏᑦ 20:2 Iomraidhean Croise

ᑯᕉᓂᑲ ᐂᑉᐸᖏᑦ 13:12

ᑕᑯᒋᑦ, ᒎᑎᐅᑉ ᐃᓚᒋᕚᑎᒍᑦ ᓂᐊᖁᕆᒐᑦᑎᒍ, ᑐᓂᕐᕈᓯᕐᑎᑦᓯᔨᖏᓪᓗ ᑎᑦᑐᓚᐅᑎᓄᑦ ᓂᓪᓕᕐᑎᑦᓯᕗᑦ ᐅᓇᑕᕆᐊᕐᑐᕐᓯᐅᒻᒥᒃ ᐃᓕᑦᓯᓐᓄᑦ. ᐃᓴᕆᐊᓕᐅᑉ ᑭᖑᕚᖏᑦ, ᐊᑕᓂᕐᒥᒃ ᐅᓇᑕᕐᑍᓕᒋᑦᓯ, ᓯᕗᓕᑦᓯ ᒎᑎᖓᓂᒃ; ᓵᓚᖃᕐᓂᐊᖏᓐᓇᑦᓯ.”

ᒨᓯᓯ ᓯᑕᒪᖏᑦ 31:6

ᑕᕝᕙ ᒨᓯᓯᐅᑉ ᐅᓇᑕᕆᐊᕐᑎᓚᐅᕐᐰᑦ 1,000ᓂᒃ ᑭᖑᕚᖑᖃᑎᒌᑦ ᐊᑐᓂᑦ; ᐅᓇᑕᕆᐊᕐᑎᑉᐰᑦ ᐃᓚᖃᕐᓗᑎᒃ ᐱᓂᕼᐋᓯᒥᒃ ᐃᓕᓯᕆᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᓂᒃ, ᐃᑦᔪᕐᓁᑦᑐᓂᒃ ᓇᒃᓴᕐᓗᓂ ᑎᑦᑐᓚᐅᑎᒥᒡᓗ ᓇᓗᓁᕐᓯᑦᔪᑎᒥᒃ.

ᒨᓯᓯ ᑕᓪᓕᒪᖏᑦ 20:1

“ᐅᓇᑕᕆᐊᕐᓂᐊᓕᕈᑦᓯ ᐊᑭᕋᑦᓯᓐᓄᑦ, ᑕᑯᓕᕈᑦᓯᐅᒡᓗ ᕿᒧᒃᓯᐅᑎᖃᕐᑐᑦ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᓗᑎᒡᓗ ᐅᓇᑕᕐᑐᒃᓴᖃᕐᓗᑎᒡᓗ ᐃᓕᑦᓯᓐᓂᑦ ᐅᓄᕐᓂᕐᓴᓂᒃ, ᓯᕘᕋᒋᔭᒃᓴᕆᓐᖏᓚᓯ; ᐊᑕᓂᐅᑉ ᒎᑎᑦᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑑᑉ ᐄᑦᔨᑉᑎᒥᑦ, ᑖᑦᓱᒪ ᐃᓚᒋᓂᐊᕐᒪᓯ.

ᒨᓯᓯ ᑕᓪᓕᒪᖏᑦ 20:3

‘ᐃᓴᕆᐊᓕᒥᐅᖑᔪᓯ, ᓈᓚᒋᑦᓯ! ᐅᓪᓗᒥ ᐅᓇᑕᕆᐊᕐᓂᐊᕋᑦᓯ ᐊᑭᕋᑦᓯᓐᓂᒃ, ᓯᕘᕋᒋᔭᒃᓴᕆᓐᖏᓚᓯ, ᓴᐱᕐᑐᒃᓴᐅᓇᓯᓗ, ᐅᕝᕙᓗ ᐅᐃᒻᒪᒃᑐᒃᓴᐅᓐᖏᓚᓯ.

ᓴᒧᐃᓕ ᓯᕗᓪᓖᑦ 14:18

ᓴᐅᓕᓗ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᒧᑦ ᐊᕼᐂᔭᒧᑦ, “ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᕾᓚᐅᕐᓕ.” ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓇᔪᕐᑎᒋᔭᐅᓚᐅᕐᒪᑦ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ.

ᓴᒧᐃᓕ ᓯᕗᓪᓖᑦ 17:32

ᑍᕕᑎᓗ ᐅᖃᕐᐳᖅ ᓴᐅᓕᒧᑦ, “ᓇᓪᓕᐊ ᐊᖑᑦ ᐆᒻᒪᑎᒥᒍᑦ ᓴᐱᓕᕐᑍᓕᓕ ᑖᓐᓇ ᐱᓪᓗᒍ; ᐱᔩᑦ ᐅᓇᑕᕆᐊᕐᓂᐊᕐᐳᖅ ᑖᑦᓱᒥᖓ ᐱᓕᔅᑍᓂᒥᐅᑕᕐᒥᒃ.”