ᒨᓯᓯ ᑕᓪᓕᒪᖏᑦ 20:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐅᓇᑕᕆᐊᕐᓂᐊᓕᕈᑦᓯ ᐊᑭᕋᑦᓯᓐᓄᑦ, ᑕᑯᓕᕈᑦᓯᐅᒡᓗ ᕿᒧᒃᓯᐅᑎᖃᕐᑐᑦ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᓗᑎᒡᓗ ᐅᓇᑕᕐᑐᒃᓴᖃᕐᓗᑎᒡᓗ ᐃᓕᑦᓯᓐᓂᑦ ᐅᓄᕐᓂᕐᓴᓂᒃ, ᓯᕘᕋᒋᔭᒃᓴᕆᓐᖏᓚᓯ; ᐊᑕᓂᐅᑉ ᒎᑎᑦᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑑᑉ ᐄᑦᔨᑉᑎᒥᑦ, ᑖᑦᓱᒪ ᐃᓚᒋᓂᐊᕐᒪᓯ.

ᒨᓯᓯ ᑕᓪᓕᒪᖏᑦ 20:1 Iomraidhean Croise

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᑯᕉᓂᑲ ᐂᑉᐸᖏᑦ 14:10

ᐂᓴᐅᓪᓗ ᐸᕐᕆᐊᕐᐹ, ᐅᓇᑕᕐᑎᒥᖕᓂᒡᓗ ᐅᐸᓗᖎᔭᕐᐴᒃ ᔨᐸᑕᐅᑉ ᓇᕐᓴᖓᓂ ᒪᕇᓴᒥ.

ᑯᕉᓂᑲ ᐂᑉᐸᖏᑦ 14:11

ᐂᓴᓗ ᑐᒃᓯᐊᕐᐳᖅ ᐊᑕᓂᕐᒧᑦ ᒎᑎᒥᓄᑦ, ᐅᖃᓪᓗᓂ, “ᐊᑕᓃᖅ, ᐊᑦᔨᖃᓐᖏᓚᑎᑦ ᐃᑲᔪᕈᓐᓇᕐᑐᒥᒃ, ᓴᓐᖏᔪᓂᒃ ᓴᓐᖐᑦᑐᓂᒡᓗ. ᐊᑕᓃᖅ ᒎᑎᕗᑦ ᐃᑲᔪᓚᐅᕐᑎᒍᑦ, ᐃᓕᖕᓂᒃ ᑕᑎᖃᕋᑦᑕ, ᑕᒪᐅᓐᖓᕐᐳᒍᑦ ᐱᔪᓐᓇᕐᓂᕐᓄᑦ ᐅᓇᑕᕆᐊᕐᓗᑕ ᐅᓄᕐᑐᕐᔪᐊᓄᑦ. ᐊᑕᓃᖅ ᒎᑎᒋᒐᑦᑎᒋᑦ; ᐃᓄᖕᒧᑦ ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᖏᑦᑐᑎᑦ.”

ᑯᕉᓂᑲ ᐂᑉᐸᖏᑦ 20:12

ᒎᑎᕗᑦ, ᐃᖅᑲᕐᑐᕈᓐᓇᕐᐱᒌᑦ? ᐱᔪᓐᓇᕐᓂᖃᖏᓐᓇᑦᑕ ᐃᓄᒋᐊᒃᑐᕐᔪᐊᑦ ᐅᕙᑦᑎᓐᓄᑦ ᐅᓇᑕᕆᐊᕐᓂᖏᓐᓄᑦ. ᖃᓄᐃᓕᐅᕐᑐᒃᓴᐅᖕᒪᖔᑦᑕᓗ ᖃᐅᔨᒪᓇᑕ, ᐃᔨᑦᑎᓐᓄᓪᓕ ᐃᓕᖕᓄᑦ ᑕᑯᓴᕐᐳᒍᑦ ᐅᑕᖅᑭᓪᓗᑕ.”

ᑯᕉᓂᑲ ᐂᑉᐸᖏᑦ 20:15

ᐅᖃᕐᐳᕐᓗ, “ᓈᓚᒋᑦᓯ, ᔫᑕᒥᐅᓕᒫᑦ ᔨᕉᓴᓕᒥᐅᓕᒫᓪᓗ, ᐊᖓᔪᖅᑳᕐᔪᐊᕐᓗ ᔨᕼᐆᓴᐸᑦ: ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ, ‘ᑲᑉᐱᐊᓱᖏᓪᓗᓯ, ᓴᐱᖏᓪᓗᓯᓗ ᐃᓄᒋᐊᒃᑐᕐᔪᐊᓂᒃ; ᐃᓕᑦᓯ ᑕᒪᓐᓇ ᐅᓇᑕᕐᓂᕆᖏᓐᓇᑦᓯᐅᒃ, ᒎᑎᐅᓪᓕ.

ᐃᓐᖏᕈᑎᑦ 118:6

ᐊᑕᓂᖅ ᓴᓂᓐᓃᒻᒪᑦ ᐃᕐᓯᓂᐊᓐᖏᓚᖓ; ᖃᓄᖅ ᐃᓄᖕᓄᑦ ᐱᓂᐊᕐᕕᐅᔪᓐᓇᕐᐳᖔ?

ᐃᓐᖏᕈᑎᑦ 20:7

ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.

ᐃᓐᖏᕈᑎᑦ 23:4

ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:8

ᕾᒋᑦᓯ ᐊᑕᓂᐅᑉ ᐱᓂᐊᕐᓂᖏᓐᓂᒃ ᑕᑯᔭᕐᑐᕐᓗᓯ, ᑖᑦᓱᒪ ᓄᓇ ᐊᓯᕈᕐᑕᐅᓂᕐᒧᑦ ᑎᑭᑎᒻᒪᒍ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 7:14

ᑍᒤᒻᒪᑦ, ᐊᑕᓂᐅᑉ ᓇᖕᒥᓂᖅ ᓇᓗᓁᒃᑯᑕᒃᓴᒥᒃ ᑐᓂᓯᕕᒋᔪᒫᕐᐹᓯ: ᑕᑯᒋᑦ, ᐊᕐᓇᖅ ᐃᓅᓱᒃᑐᖅ ᓄᑕᕋᒃᓴᕐᑖᕈᒫᕐᐳᖅ ᐃᕐᓂᕐᑖᕆᔭᓂᓗ ᐊᑦᓯᕈᒫᕐᐹ ᐃᒪᓐᔪᐃᓕᒥᒃ.

ᔨᕆᒤᐊᐅᑉ ᐊᒡᓚᖏᑦ 16:14

“ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ, ᐊᑕᓂᖅ ᐅᖃᕐᐳᖅ, ᐅᖃᕐᑐᖃᕐᐸᒍᓐᓃᕈᒫᕐᐳᖅ ᐃᒫᒃ, ‘ᐊᑕᓂᖅ ᐃᓅᖕᒪᑦ, ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᐄᑦᔨᑉᑎᒥᑦ.’

ᓴᑲᕅᐊᐅᑉ ᐊᒡᓚᖏᑦ 10:5

ᑖᒃᑯᐊ ᑲᑐᑦᔨᓪᓗᑎᒃ ᐊᔪᖏᑦᑐᕐᔪᐊᖑᔪᒫᕐᐳᑦ, ᒪᓂᖅᑲᒧᑦ ᐊᑭᕋᒥᖕᓂᒃ ᑐᓪᓕᕋᕐᑐᑎᑐᑦ ᐊᖅᑯᑎᒥ ᒪᕋᕐᒥᒃ ᒪᓂᖅᑲᒃᓮᔪᑎᑐᑦ ᐅᓇᑕᕐᕕᖕᒥ: ᐊᑕᓂᐅᑉ ᐃᓚᒋᖕᒪᒋᑦ, ᐅᓇᑕᕈᒫᕐᐳᑦ ᕿᒻᒥᕐᔪᐊᓂᓗ ᐃᑭᒪᔪᑦ ᐅᕐᕈᑎᑕᐅᓗᑎᒃ.

ᒨᓯᓯ ᓯᑕᒪᖏᑦ 10:9

“ᐅᓇᑕᕆᐊᕐᑐᓕᕈᑦᓯᓕ ᓄᓇᑦᓯᓐᓂ ᐊᑭᕋᕐᑐᕐᑎᓯ ᐊᑭᕋᕐᑐᕐᓗᒋᑦ, ᓂᓪᓕᐊᑎᑦᓯᔭᕆᐊᖃᕐᐳᓯ ᑎᑦᑐᓚᐅᑎᓂᒃ, ᐃᖅᑲᐅᒪᔭᐅᓂᐊᕐᐳᓯᓗ ᐊᑕᓂᐅᑉ ᒎᑎᑦᓯ ᓵᖓᓂ, ᓴᐳᑎᔭᐅᓗᓯᓗ ᐊᑭᕋᑦᓯᓐᓂᑦ.

ᒨᓯᓯ ᓯᑕᒪᖏᑦ 23:21

ᔧᑰᑉ ᐱᐅᖏᑦᑐᓕᓂᖏᑦ ᑲᒪᒋᓐᖏᓔᑦ, ᐃᓴᕆᐊᓕᒥᐅᓪᓗ ᐊᔪᕐᑐᓕᓂᖏᓐᓂᒃ ᑕᑯᓚᐅᓐᖏᓚᖅ. ᐊᑕᓂᐅᑉ ᒎᑎᖓᑕ ᐃᓚᒋᖕᒪᒋᑦ, ᐊᖓᔪᖅᑳᕐᔪᐊᑉ ᓂᐱᕐᔪᐊᒧᑦ ᓂᓪᓕᐊᓂᖓᑕ ᐃᓚᒋᕔᑦ.

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᒨᓯᓯ ᑕᓪᓕᒪᖏᑦ 1:29

“ᐅᖃᓚᐅᕐᐳᖓᓕ, ‘ᐅᑯᐊ ᐃᓄᐃᑦ ᓴᐱᕆᔭᕆᐊᖃᓐᖏᑕᓯ ᓯᕘᕋᒋᖏᓪᓗᒋᓪᓗ.

ᒨᓯᓯ ᑕᓪᓕᒪᖏᑦ 2:7

ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᓇᓱᐊᕐᓯᒪᔭᑦᓯᒍᑦ ᑕᒤᑎᒍᑦ. ᑖᑦᓱᒪᓗ ᑲᒪᒋᑦᓯᐊᕐᓯᒪᕚᓯ ᑕᒪᐅᓇ ᓄᓇᒃᑯᑦ ᐃᓄᖃᖏᑦᑐᒃᑯᑦ ᐃᖏᕐᕋᑎᓪᓗᓯ, ᑖᑦᓱᒪᓗ ᐃᓚᒋᓚᐅᕐᐹᓯ ᑖᒃᑯᓇᓂ ᐊᕐᕌᒍᓂ 40ᓂ, ᓱᓇᓕᒫᑦᓯᐊᓂᒡᓗ ᑭᓐᖒᒪᒋᔭᑦᓯᓐᓂᒃ ᑐᓂᓯᕕᒋᓯᒪᓪᓗᓯ.

ᒨᓯᓯ ᑕᓪᓕᒪᖏᑦ 20:2

ᐅᓇᑕᕆᐊᕐᕕᖕᒧᓪᓕ ᑎᑭᓕᕈᑦᓯ, ᑐᓂᕐᕈᓯᕐᑎᑦᓯᔨ ᐅᓇᑕᕐᑐᒃᓮᑦ ᓯᕗᕌᓄᐊᕐᓗᓂ ᐅᓇᑕᕐᑐᒃᓴᓄᑦ ᐅᖃᕐᑐᒃᓴᐅᕗᖅ,

ᒨᓯᓯ ᑕᓪᓕᒪᖏᑦ 20:3

‘ᐃᓴᕆᐊᓕᒥᐅᖑᔪᓯ, ᓈᓚᒋᑦᓯ! ᐅᓪᓗᒥ ᐅᓇᑕᕆᐊᕐᓂᐊᕋᑦᓯ ᐊᑭᕋᑦᓯᓐᓂᒃ, ᓯᕘᕋᒋᔭᒃᓴᕆᓐᖏᓚᓯ, ᓴᐱᕐᑐᒃᓴᐅᓇᓯᓗ, ᐅᕝᕙᓗ ᐅᐃᒻᒪᒃᑐᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 31:6

ᓴᓐᖏᔫᓕᕆᑦᓯ ᓯᕘᕋᖏᓪᓗᓯᓗ, ᓯᕘᕋᒋᔭᒃᓴᕆᓐᖏᓚᓯ ᑲᑉᐱᐊᒋᓇᒋᓪᓗ, ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᓴᒡᓗᕿᓐᓂᐊᖏᒻᒪᓯ ᕿᒪᖕᓂᐊᕐᓇᓂᓯᓗ.”

ᒨᓯᓯ ᑕᓪᓕᒪᖏᑦ 31:8

ᐊᑕᓂᖅ ᓯᕗᓂᕐᓃᓐᓂᐊᕐᐳᖅ ᐃᓚᒋᓂᐊᕐᐹᑎᓪᓗ, ᓴᒡᓗᕿᓐᓂᐊᖏᒻᒪᑎᑦ ᕿᒪᖕᓂᐊᕐᓇᑎᓪᓗ, ᑍᒤᒻᒪᑦ ᓯᕘᕋᑦᑍᓕᒋᑦ ᓴᐱᓕᕐᑍᓕᓗᑎᓪᓗ.”

ᒨᓯᓯ ᑕᓪᓕᒪᖏᑦ 7:1

“ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᓐᓂᐊᕐᐹᓯ ᓄᓇᑖᕆᓂᐊᕐᑕᑦᓯᓐᓄᑦ, ᐃᓅᖃᑎᒌᒡᔪᐊᓪᓗ ᐅᓄᕐᑐᑦ ᑕᒫᓂ ᓄᓇᖃᕐᑐᑦ ᓅᑎᓐᓂᐊᕐᐰᑦ, ᓵᓚᒃᓴᖁᓪᓗᓯ ᐃᓅᖃᑎᒌᒡᔪᐊᑦ 7ᐃᑦ ᐊᐅᓪᓚᕐᑎᓐᓂᐊᕐᐰᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ; ᕼᐃᑍᑎᒥᐅᑦ, ᒋᕐᒐᓮᑎᒥᐅᓪᓗ, ᐊᒧᕅᑎᒥᐅᓪᓗ, ᑬᓇᓂᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᑎᒥᐅᓪᓗ, ᔨᐳᓮᑎᒥᐅᓪᓗ.

ᒨᓯᓯ ᑕᓪᓕᒪᖏᑦ 7:18

ᓯᕘᕋᒋᔭᒃᓴᕆᓐᖏᓚᓯ; ᐃᖅᑲᐅᒪᔪᒃᓴᐅᕗᓯᓕ ᐊᑕᓂᖅ ᒎᑎᒋᔭᓯ ᖃᓄᖅ ᐱᓇᓱᐊᓚᐅᕐᒪᖔᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐰᕉᒧᑦ ᐄᑦᔨᑉᑎᒥᐅᓕᒫᓄᓪᓗ,

ᒨᓯᓯ ᑕᓪᓕᒪᖏᑦ 7:21

ᑍᒤᒻᒪᑦ ᑖᒃᑯᓂᖓ ᓯᕘᕋᔪᒃᓴᐅᓐᖏᓚᓯ, ᐊᑕᓂᐅᑉ ᒎᑎᑦᓯ ᐃᓚᒋᖕᒪᓯ, ᑖᓐᓇ ᐊᔪᖏᑦᑐᕐᔪᐊᖑᖕᒪᑦ ᓯᕘᕋᒋᔭᐅᔭᕆᐊᖃᕐᓗᓂᓗ.

ᒨᓯᓯ ᑕᓪᓕᒪᖏᑦ 9:3

ᒫᓐᓇᓕ ᓇᖕᒥᓂᖅ ᑕᑯᓂᐊᕐᐳᓯ ᐊᑕᓂᐅᑉ ᒎᑎᑦᓯ ᓯᕗᓪᓕᐅᓗᓂ ᐃᑯᒪᑎᑐᑦ ᑬᕙᑦᑐᐊᓗᒃᑎᑐᑦ ᐱᓕᕆᓂᖓᓂᒃ. ᑖᒃᑯᐊᓗ ᓵᓚᒋᓂᐊᕐᐰᑦ ᐃᓕᑦᓯ ᑕᒪᐅᓐᖓᕈᓐᓇᕐᓯᖁᓪᓗᓯ, ᑖᒃᑯᓂᖓ ᐊᓂᑎᑦᓯᔪᓐᓇᕐᓯᖁᓪᓗᓯ ᓄᖒᑦᓯᖁᓪᓗᓯᓗ ᐊᑯᓂᐅᖏᑦᑐᖅ, ᑍᒤᑦᑐᓐᓇᖁᓪᓗᓯ ᑕᒪᑐᒥᖓ ᐊᖏᕐᕕᒋᓯᒪᖕᒪᓯ.

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᔮᓱᐊᑉ ᐊᒡᓚᖏᑦ 11:9

ᔮᓱᐊᓪᓗ ᐱᓂᐊᕐᕕᒋᓚᐅᕐᐰᑦ ᐊᑕᓂᕐᒧᑦ ᑎᓕᔭᐅᓂᓂ ᒪᓕᒡᓗᒍ; ᕿᒻᒥᕐᔪᐊᖏᑕ ᓂᐅᖏᑦ ᐃᑭᓕᕐᓱᓚᐅᕐᐰᑦ ᑐᓯᐊᓕᕐᑎᓪᓗᒋᑦ, ᑲᓕᒐᖏᓪᓗ ᐊᒃᓴᓗᐊᓖᑦ ᐃᑯᐊᓪᓚᒃᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 6:12

ᑕᕝᕙᓂᓗ ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᓚᐅᕐᐹ ᐅᖃᐅᑎᓪᓗᒍᓗ, “ᐊᑕᓂᐅᑉ ᐃᓚᒋᕚᑎᑦ, ᐊᖑᑕᐅᓪᓗᑎᑦ ᐅᓇᑕᕐᓂᕐᒧᑦ ᐊᔪᖏᑦᑐᕐᔪᐊᖑᔪᑎᑦ!”

ᐃᓗᐊᕐᓮᔩᑦ ᐊᒡᓚᖏᑦ 6:16

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᐃᓚᒋᓂᐊᕐᐸᒋᑦ ᒥᑎᐊᓂᒥᐅᑦ ᓵᓚᒋᓂᐊᕐᐸᑎᑦ ᐃᓄᒃᑐᑦ ᐊᑕᐅᓯᕐᑐᑦ.”

ᓴᒧᐃᓕ ᓯᕗᓪᓖᑦ 17:32

ᑍᕕᑎᓗ ᐅᖃᕐᐳᖅ ᓴᐅᓕᒧᑦ, “ᓇᓪᓕᐊ ᐊᖑᑦ ᐆᒻᒪᑎᒥᒍᑦ ᓴᐱᓕᕐᑍᓕᓕ ᑖᓐᓇ ᐱᓪᓗᒍ; ᐱᔩᑦ ᐅᓇᑕᕆᐊᕐᓂᐊᕐᐳᖅ ᑖᑦᓱᒥᖓ ᐱᓕᔅᑍᓂᒥᐅᑕᕐᒥᒃ.”