ᒨᓯᓯ ᑕᓪᓕᒪᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐃᓄᐃᑦ ᒧᐊᐱᒥᐅᑦ ᐸᒡᕕᓴᕐᓂᐊᕐᓇᒋᑦ, ᓘᑎᐅᑉ ᑭᖑᕚᕆᖕᒪᒋᑦ, ᐅᓇᑕᕋᓱᐊᕐᓂᐊᕐᓇᒋᓪᓗ. ᓄᓇᒥᒃ ᐋᕆᒥᒃ ᐃᒡᓗᒐᓴᒡᑖᕐᑎᓯᒪᒐᒃᑭᑦ, ᑖᒃᑯᐊᓕ ᓄᓇᖓᓐᓂᒃ ᒥᑭᔪᒥᒡᓘᓐᓃᑦ ᑐᓂᓯᕕᒋᓂᐊᓐᖏᓚᑦᓯ.’”

ᒨᓯᓯ ᑕᓪᓕᒪᖏᑦ 2:9 Iomraidhean Croise

ᑯᕉᓂᑲ ᐂᑉᐸᖏᑦ 20:10

“ᒫᓐᓇᓕ ᑕᑯᒋᑦ, ᐊᒧᓁᒥᐅᑦ, ᒧᐊᐱᒥᐅᑦ ᖃᖅᑲᒥᐅᑦ ᓰᐊᕆᐊᒥᐅᓪᓗ ᐃᓄᖏᑦ, ᐃᓴᕆᐊᓕᒥᐅᓄᑦ ᓄᖑᑕᐅᖁᓚᐅᓐᖏᑕᑎᑦ ᐄᑦᔨᑉᑎᒥᐅᑦ ᓄᓇᖓᓂᑦ ᐊᐅᓪᓚᕐᑎᓪᓗᒋᑦ, ᑖᒃᑯᐊ ᓴᓂᖅᑯᓚᐅᕐᐰᑦ ᐊᓯᕈᕐᑕᐅᓇᑎᒃ.

ᐃᓐᖏᕈᑎᑦ 83:8

ᐊᓯᕆᐊᒥᐅᑦᑕᐅᖅ ᑖᒃᑯᓄᖓ ᐃᓚᓕᐅᑎᕗᑦ; ᑖᒃᑯᐊ ᐱᔪᓐᓇᕐᑐᕐᔪᐊᖑᔪᑦ ᓘᑎᐅᑉ ᕿᑐᕐᖓᖏᑦ ᐃᑲᔪᕐᓗᒋᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 15:1

ᐅᑯᐊ ᐅᖃᐅᓰᑦ ᐱᑦᔪᑎᖃᕐᐳᑦ ᒧᐊᐱᒥᐅᓂᒃ. ᐋᕆᒥᐅᑦ ᑭᕆ-ᒧᐊᐱᒥᐅᓪᓗ ᐅᓐᓄᐊᖏᓐᓇᖅ ᐃᒡᓗᒐᓴᒡᔪᐊᖏᑦ ᓄᖑᑕᐅᖕᒪᑕ, ᒧᐊᐱᒥᐅᑦ ᓄᓇᓕᒫᖓ ᓂᐱᖃᕈᓐᓃᕐᐳᖅ.

ᒨᓯᓯ ᓯᑕᒪᖏᑦ 21:15

ᓇᕐᓮᓪᓗ ᓯᕕᖓᓂᖏᑦ ᑎᑭᓯᒪᕗᑦ ᓄᓇᒧᑦ ᐋᕆᒧᑦ, ᓄᓇᐅᓪᓗ ᒧᐊᐱᐅᑉ ᑭᒡᓕᖓᓃᓪᓗᑎᒃ.”

ᒨᓯᓯ ᓯᑕᒪᖏᑦ 21:28

ᐃᑯᒪᕐᔪᐊᖅ ᐊᓂᓯᒪᖕᒪᑦ ᕼᐃᓴᐸᓂᒥᑦ, ᐃᑯᒪᕐᔪᐊᖅ ᐱᔪᖅ ᓮᕼᐆᓂᐅᑉ ᐃᒡᓗᒐᓴᒡᔪᐊᖏᓐᓂᑦ; ᓄᖑᓪᓗᒍᓗ ᐋᕆ ᒧᐊᐱᒥᐅᑕᖅ, ᑖᒃᑯᐊ ᐊᖓᔪᖅᑲᐅᑎᐅᔪᑦ ᐋᕐᓄᓂᐅᑉ ᖃᖅᑲᖏᓐᓂ.

ᒨᓯᓯ ᓯᑕᒪᖏᑦ 22:4

ᒧᐊᐱ ᐅᖃᕐᐳᖅ ᒥᑎᐊᓂᒥᐅᑦ ᐊᖓᔪᖅᑳᖏᓐᓄᑦ, “ᐃᓄᒋᐊᒃᑐᕐᔪᐊᑦ ᐃᒃᑯᐊ ᓵᓚᖃᕐᐸᓪᓕᐊᓂᐊᓕᕐᑐᑦ ᐊᕙᑎᑦᑎᓐᓃᑦᑐᓕᒫᓂᒃ, ᐃᒻᒧᒃᓯᐅᒐᕐᑐᑦ ᐃᕕᒃᓱᒐᕐᓂᒃ ᓄᖒᑦᓯᕙᓪᓕᐊᔪᑐᑦ.” ᐰᓚᒡᓕ ᔨᐴᕆᐅᑉ ᐃᕐᓂᖓ ᑍᑦᓱᒪᓂ ᒧᐊᐱᒥᐅᓄᑦ ᐊᖓᔪᖅᑳᕐᔪᐊᖑᓚᐅᕐᐳᖅ.

ᒨᓯᓯ ᑕᓪᓕᒪᖏᑦ 2:29

ᑰᒃ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᓄᓇᒧᑦ ᐊᑕᓂᐅᑉ ᒎᑎᑦᑕ ᑐᓂᓯᒪᔭᖓᓄᑦ ᑎᑭᓚᐅᖏᓐᓂᑦᑎᓐᓂ. ᐄᓴᐅᑉ ᑭᖑᕚᖏᑦ, ᓰᐊᕆᒥ ᓄᓇᓖᑦ, ᒧᐊᐱᒥᐅᓪᓗ, ᐋᕆᒥ ᓄᓇᓖᑦ, ᐅᕙᑦᑎᓐᓂᒃ ᓄᓇᒥᒃᑎᒍᑦ ᐊᖅᑯᓵᕈᓐᓇᕐᑎᑦᓯᖃᑦᑕᓚᐅᕐᓂᖏᑎᑐᑦ ᐱᔪᓐᓇᕐᑎᑕᐅᔪᒪᕗᒍᑦ.’

ᒨᓯᓯ ᑕᓪᓕᒪᖏᑦ 2:5

ᑖᒃᑯᐊ ᐅᓇᑕᕋᓱᐊᕐᑕᒃᓴᕆᓐᖏᓚᓯ, ᑖᒃᑯᐊ ᓄᓇᖓᓐᓂᒃ ᒥᑭᔪᒥᒡᓘᓐᓃᑦ ᐃᑎᒐᒃᑎᑐᑦ ᐊᖏᑎᒋᔪᒥᒡᓘᓐᓃᑦ ᑐᓂᓯᕕᒋᓂᐊᖏᓐᓇᑦᓯ. ᑕᒪᓐᓇ ᓄᓇᒋᔭᖓᑦ ᓰᐊᕆ; ᐄᓴᐅᑉ ᑭᖑᕚᖏᓐᓄᑦ ᓄᓇᒋᔭᐅᖁᓪᓗᒍ ᑐᓂᓯᒪᒐᒃᑯ.

ᐃᓗᐊᕐᓮᔩᑦ ᐊᒡᓚᖏᑦ 11:15

ᐃᒫᒃ ᐅᖃᐅᑎᓪᓗᒋᑦ, “ᐃᒫᒃ ᔨᑉᑕ ᐅᖃᕐᐳᖅ; ᐃᓴᕆᐊᓕᒥᐅᑦ ᐊᕐᓵᕐᓯᓚᐅᓐᖏᓚᑦ ᒧᐊᐱᐅᑉ ᓄᓇᖓᓂᒃ ᐅᕝᕙᓘᓐᓃᑦ ᐊᒧᓁᑎᑦ ᓄᓇᖓᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 11:17

ᐃᓴᕆᐊᓕᒥᐅᑦ ᑍᑦᓱᒪᓂ ᐅᖃᕆᐊᕐᑐᕐᑐᓂᒃ ᑎᓕᓯᓚᐅᕐᐳᑦ ᐄᑐᒥᐅᑉ ᐊᖓᔪᖅᑳᕐᔪᐊᖓᓄᑦ, ᐅᖃᕐᓗᑎᒃ, ‘ᐃᓕᑦᓯᓐᓂᒃ ᖄᖏᕈᒪᒐᑦᑕ, ᕿᓄᔪᒍᑦ ᓄᓇᑦᓯᒎᕈᓐᓇᕐᑎᑕᐅᔪᒪᓪᓗᑕ.’ ᐄᑐᒥᐅᓪᓕ ᐊᖓᔪᖅᑳᕐᔪᐊᖓ ᓈᓚᒍᒪᓚᐅᓐᖏᓚᖅ, ᑍᒫᒃ ᓱᓕ ᑎᓕᓯᓚᐅᕆᕗᑦ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᓐᓇᑦᑕᐅᖅ ᐊᖏᓚᐅᖏᓐᓂᕗᖅ. ᑍᒤᒻᒪᑦ ᐃᓴᕆᐊᓕᒥᐅᑦ ᑲᑎᓯᒦᑐᐃᓐᓇᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 11:18

ᐃᓄᖃᖏᑦᑐᒃᑯᓪᓕ ᐃᖏᕐᕋᓚᐅᕐᐳᑦ, ᓂᒍᕐᓗᑎᒃ ᐄᑐᒥᐅᑉ ᓄᓇᖓᓂᒃ ᒧᐊᐱᐅᓪᓗ ᓄᓇᖓᓂᒃ, ᒧᐊᐱᐅᑉ ᓯᕿᓐᓂᓕᕐᕕᐊᑕ ᓇᓛᓄᑦ ᑎᑭᓪᓗᑎᒃ, ᐋᕐᓄᓂᐅᑉ ᑰᖓᑕ ᐊᑭᐊᓂ ᑕᖕᒫᓚᐅᕐᐳᑦ. ᒧᐊᐱᒥᐅᑦ ᓄᓇᖁᑎᖓ ᐃᑎᕐᕕᒋᓚᐅᓐᖏᓛᑦ, ᐋᕐᓄᓂᐅᑉ ᑰᖓ ᐃᑳᓚᐅᓐᖏᓛᑦ ᒧᐊᐱᒥᐅᑦ ᓄᓇᖁᑎᖓᑕ ᑭᒡᓕᒋᓚᐅᕐᒪᒍ.