ᒨᓯᓯ ᑕᓪᓕᒪᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᓇᓱᐊᕐᓯᒪᔭᑦᓯᒍᑦ ᑕᒤᑎᒍᑦ. ᑖᑦᓱᒪᓗ ᑲᒪᒋᑦᓯᐊᕐᓯᒪᕚᓯ ᑕᒪᐅᓇ ᓄᓇᒃᑯᑦ ᐃᓄᖃᖏᑦᑐᒃᑯᑦ ᐃᖏᕐᕋᑎᓪᓗᓯ, ᑖᑦᓱᒪᓗ ᐃᓚᒋᓚᐅᕐᐹᓯ ᑖᒃᑯᓇᓂ ᐊᕐᕌᒍᓂ 40ᓂ, ᓱᓇᓕᒫᑦᓯᐊᓂᒡᓗ ᑭᓐᖒᒪᒋᔭᑦᓯᓐᓂᒃ ᑐᓂᓯᕕᒋᓯᒪᓪᓗᓯ.

ᒨᓯᓯ ᑕᓪᓕᒪᖏᑦ 2:7 Iomraidhean Croise

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᒨᓯᓯ ᓯᕗᓪᓖᑦ 24:35

ᐊᖓᔪᖅᑳᕋ ᐊᑕᓂᐅᑉ ᓮᒻᒪᕐᑎᕐᔪᐊᕐᓯᒪᖕᒪᒍ, ᐊᔪᕐᓴᕈᓐᓃᕐᑎᓯᒪᓪᓗᓂᐅᒡᓗ; ᑐᓂᓯᕕᒋᓯᒪᓪᓗᓂᐅᒡᓗ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᐅᓄᕐᑐᓂᒃ, ᓯᐅᓪᕕᕆᓂᒃ, ᒎᓗᓂᒡᓗ, ᓯᐊᓛᓂᒡᓗ ᐊᖑᑎᓂᒃ ᐊᕐᓇᓂᒡᓗ, ᑳᒥᓕᖕᓂᒡᓗ, ᓯᐅᑎᖅᑯᕐᑐᔪᓂᒡᓗ.

ᒨᓯᓯ ᓯᕗᓪᓖᑦ 26:12

ᐂᓴᑭᓗ ᑕᕝᕙᓂ ᓄᓇᒥ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᕐᑐᓂᒃ ᑲᑎᕐᓱᐃᓚᐅᕐᐳᖅ 100ᐃᕐᑐᓪᓗᐊᕐᑐᓂᒃ ᐅᓄᕐᓂᕐᓴᓂᒃ, ᐊᑕᓂᐅᑉ ᓮᒻᒪᕐᑎᓚᐅᕐᒪᒍ.

ᒨᓯᓯ ᓯᕗᓪᓖᑦ 30:27

ᓔᐸᓂᐅᓪᓗ ᐅᖃᐅᑎᕚ, “ᐃᒫᒃ ᐅᖃᓚᐅᕐᓚᖓ: ᖃᐅᔨᓯᒪᕗᖓ ᓇᓗᓇᕐᑐᒃᑯᑦ ᐃᒫᒃ ᐊᑕᓂᐅᑉ ᓮᒻᒪᕐᑎᓯᒪᖕᒪᖓ ᐃᕝᕕᑦ ᐱᑦᔪᑎᒋᓪᓗᑎᑦ.

ᒨᓯᓯ ᓯᕗᓪᓖᑦ 39:3

ᐊᖓᔪᖅᑳᖓᑕᓕ ᖃᐅᔨᕚ ᐊᑕᓂᐅᑉ ᐃᓚᒋᖕᒪᒍ, ᐊᑕᓂᐅᓪᓗ ᖃᓄᐃᓕᐅᕐᑕᓕᒫᖏᑦ ᐱᕙᓪᓕᐊᑦᓯᐊᕐᑎᖃᑦᑕᕐᒪᒋᑦ.

ᒨᓯᓯ ᓯᕗᓪᓖᑦ 39:5

ᑍᒪᓐᖓᑦ ᑲᒪᔨᓐᖑᕐᑎᑕᐅᓂᖓᓂᑦ ᐃᒡᓗᒥᓄᑦ ᐱᖁᑎᓕᒫᖏᓐᓄᓪᓗ ᐊᑕᓂᐅᑉ ᐄᑦᔨᑉᑎᒥᐅᑕᐅᑉ ᐃᒡᓗᖓ ᓮᒻᒪᕐᑎᓚᐅᕐᐹ ᔫᓯᐱ ᐱᑦᔪᑎᒋᓪᓗᒍ; ᐊᑕᓂᐅᓪᓗ ᓮᒻᒪᕐᑎᓚᐅᕆᕔᑦ ᐱᖁᑎᓕᒫᖏᑦ, ᐃᒡᓗᖓᓂ ᐱᕈᕐᓰᕕᖁᑎᖓᓂᓗ.

ᓂᕼᐃᒤᐊᐅᑉ ᐊᒡᓚᖏᑦ 9:21

ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒥ ᐱᔭᕆᐊᓕᖏᓐᓂᒃ ᑐᓂᓯᕕᒋᓚᐅᕋᕕᒋᑦ; ᐊᓐᓄᕌᖏᓪᓗ ᓄᑕᐅᔪᓐᓃᕐᐸᓪᓕᐊᓚᐅᓐᖏᓚᑦ, ᐃᑎᒐᖏᓪᓗ ᐳᓪᓕᓕᓚᐅᕋᑎᒃ ᐋᓐᓂᐊᓕᓚᐅᓐᖏᓚᑦ.

ᔫᐱᐅᑉ ᐊᒡᓚᖏᑦ 23:10

ᒎᑎᐅᓪᓕ ᐊᓪᓗᕐᓂᓕᒫᒃᑲ ᖃᐅᔨᒪᕔᑦ; ᐆᒃᑐᕋᕐᓯᒪᓕᕋᒥᖓ, ᒎᓗᑎᑐᑦ ᑍᒤᑎᓐᓂᐊᓕᕐᐹᖓ.

ᐃᓐᖏᕈᑎᑦ 1:6

ᐱᓇᓱᐊᑦᓯᐊᕐᑐᑦ ᐱᓂᐊᕐᓂᖏᑦ ᐊᑕᓂᐅᑉ ᖃᐅᔨᒪᕔᑦ, ᐱᐅᖏᑦᑐᓕᔪᓪᓕ ᐱᓂᐊᕐᓂᖏᑦ ᓄᖑᔪᒫᕐᐳᑦ.

ᐃᓐᖏᕈᑎᑦ 107:4

ᓱᓇᖃᔪᐃᑦᑐᒥ ᓇᒧᑐᐃᓐᓇᖅ ᐃᖏᕐᕋᖃᑦᑕᓚᐅᕐᑐᑦ ᑐᕌᕐᑕᖃᕋᑎᒃ; ᐃᒡᓗᒐᓴᖕᓂᒃ ᐃᓂᒃᓴᕆᔪᓐᓇᕐᑕᒥᖕᓂᒃ ᓇᓂᓯᓚᐅᕋᑎᒃ.

ᐃᓐᖏᕈᑎᑦ 31:7

ᓂᕐᑐᐃᓂᐊᕐᐳᖓ ᖁᕕᐊᓱᒡᓗᖓᓗ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᑦᔪᑎᒋᓗᒍ: ᐅᖁᒤᒃᓴᕐᓂᕋ ᐃᓱᒪᒋᒐᕕᐅᒃ; ᑕᕐᓂᕐᒪ ᐊᒃᓱᕈᕐᑎᑕᐅᓂᖓ ᖃᐅᔨᒪᒐᕕᐅᒃ.

ᐃᓐᖏᕈᑎᑦ 90:17

ᐊᑕᓂᐅᓪᓗ ᒎᑎᑦᑕ ᖁᕕᐊᒋᔭᖃᕐᓂᖓᑕ ᓇᔪᓕᕐᓕᑎᒍᑦ, ᐱᓇᓱᐊᕐᓂᕆᓯᒪᔭᕗᓪᓗ ᐱᔭᕇᑦᓯᐊᕐᑎᓚᐅᒃᑭᑦ; ᐄᓛᒃ, ᐱᓇᓱᐊᕐᓂᕆᓯᒪᔭᕗᑦ ᐱᔭᕇᕐᑎᑦᓯᐊᓚᐅᒃᑭᑦ.

ᒨᓯᓯ ᐂᑉᐸᖏᑦ 16:35

ᐃᓴᕆᐊᓕᒥᐅᓪᓗ ᓂᕿᖃᓚᐅᕐᐳᑦ ᒫᓇᒥᒃ ᐊᕐᕌᒍᓂᒃ 40ᓂᒃ, ᓄᓇᒧᑦ ᐱᕈᕐᑐᓕᖕᒧᑦ ᑎᑭᓚᐅᖏᓐᓂᕐᒥᖕᓂ; ᓂᕿᖃᓚᐅᕐᐳᑦ ᒫᓇᒥᒃ, ᑬᓇᓂᐅᑉ ᓄᓇᖓᓄᑦ ᑎᑭᓚᐅᖏᓐᓂᕐᒥᖕᓂ.

ᔨᕆᒤᐊᐅᑉ ᐊᒡᓚᖏᑦ 2:2

ᐂᓕᕆᑦ ᐅᖃᕆᐊᕐᑐᕐᓗᑎᓪᓗ ᔨᕉᓴᓕᒥᐅᑦ ᑐᓵᑎᓪᓗᒋᑦ, ᐊᑕᓂᖅ ᐃᒫᒃ ᐅᖃᕐᐳᖅ, “ᐃᖅᑲᐅᒪᕗᖓ ᐃᓅᓱᒃᑑᑎᓪᓗᑎᑦ ᐅᒃᐱᑦᓯᐊᓚᐅᕋᕕᑦ, ᐅᕙᓐᓄᓪᓗ ᑲᑎᑎᑕᐅᖃᑎᖃᕋᑖᕐᓗᑎᑦ ᓇᒡᓕᒍᓱᖕᓂᖃᑦᓯᐊᓚᐅᕋᕕᑦ; ᒪᓕᑦᓯᐊᓚᐅᕐᐸᕐᒪᓗ ᐃᓄᖃᔪᐃᑦᑐᒃᑯᑦ ᐱᕈᕐᑐᖃᖏᑦᑐᒃᑯᑦ.

ᕼᐆᓯᐊᑉ ᐊᒡᓚᖏᑦ 13:5

ᑲᑎᒪᓚᐅᕐᐸᒋᑦ ᐃᓄᖃᔪᐃᑦᑐᒥ, ᓄᓇᒥᓗ ᐃᒪᖃᖏᑦᑐᒥ.

ᐂᒨᓯᐅᑉ ᐊᒡᓚᖏᑦ 2:10

ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᐅᑉ ᓄᓇᖓᓂᑦ, ᑕᓯᐅᓚᐅᕐᐸᑦᓯᓗ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒥ, ᓄᓇᑖᖁᓪᓗᓯ ᐊᒧᕅᑎᑦ ᓄᓇᖓᓐᓂᒃ.

ᒨᓯᓯ ᓯᑕᒪᖏᑦ 1:1

ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ ᓮᓁᒥ ᐃᓄᖃᖏᑦᑐᒥ, ᑐᐱᕐᔪᐊᕐᒦᑎᓪᓗᒍ ᑲᑎᒪᕕᖕᒥ, ᑕᖅᑭᐅᑉ ᐂᑉᐸᖓᑕ ᐅᓪᓗᖓᑕ ᓯᕗᓪᓕᕐᐹᖓᓂ, ᐊᕐᕌᒍᑉ ᐂᑉᐸᕆᓕᕐᑕᖓᓂ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑎᓪᓗᒋᑦ, ᐃᒫᒃ ᐅᖃᕐᓗᓂ:

ᒨᓯᓯ ᓯᑕᒪᖏᑦ 14:33

ᐃᕐᓂᓯᓗ ᓰᐱᓂᒃ ᑲᒪᔨᐅᔪᒫᕐᐳᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᐅᖁᒤᑦᔪᑎᓂᒃ ᐊᑐᕐᓗᑎᒃ ᓈᓚᖏᓐᓂᕆᓚᐅᕐᑕᑦᓯᓐᓂᒃ, ᑎᒥᓯ ᐃᓄᖃᖏᑦᑐᒥ ᐅᕐᕈᓚᐅᖅᑳᕐᑎᓐᓇᒋᑦ.

ᒨᓯᓯ ᓯᑕᒪᖏᑦ 14:34

ᐅᓪᓗᐃᑦ ᐅᓄᕐᓂᖏᑦ ᓄᓇᒥᒃ ᐃᔨᕋᕐᑐᕐᓗᓯ ᕿᒥᕐᕈᓚᐅᕐᓂᓯ ᒪᓕᒡᓗᒋᑦ, ᐅᓪᓗᐃᑦ 40ᐃᑦ ᐅᓪᓗᖅ ᐊᑕᐅᓯᖅ ᐊᕐᕌᒍᒧᑦ ᐊᑕᐅᓯᕐᒧᑦ ᐸᓯᔭᒃᓴᐅᑦᔪᑎᒋᓗᒍ, ᐃᒫᒃ ᐊᕐᕌᒍᓂᒃ 40ᓂᒃ, ᓈᒻᒪᒃᓴᖏᓐᓂᕋ ᖃᐅᔨᔪᒫᕐᐸᓯ.’

ᒨᓯᓯ ᓯᑕᒪᖏᑦ 22:12

ᒎᑎᐅᓪᓗ ᐸᓛᒻ ᐅᖃᐅᑎᕚ, “ᑍᒃᑯᐊ ᐃᓚᒋᓂᐊᕐᓇᖏᑦ; ᐃᓄᒋᐊᒃᑐᕐᔪᐊᑦ ᐱᐅᖏᑦᑐᒧᑦ ᐱᔭᐅᖁᓗᒋᑦ ᐅᖃᐅᓯᕆᓂᐊᕐᓇᒋᑦ, ᓮᒻᒪᕐᑎᑕᐅᓯᒪᖕᒪᑕ.”

ᒨᓯᓯ ᓯᑕᒪᖏᑦ 32:13

ᑍᒤᒻᒪᑦ ᐊᑕᓂᖅ ᓂᓐᖓᐅᒪᓕᓚᐅᕐᐳᖅ ᐃᓴᕆᐊᓕᒥᐅᓄᑦ, ᐃᖏᕐᕋᑎᓚᐅᕐᐰᑦ ᐃᓄᖃᖏᑦᑐᒥ ᐊᕐᕌᒍᓂᒃ 40ᓂᒃ, ᑭᖑᕚᖑᖃᑎᒌᑦ ᐊᑕᓂᐅᑉ ᓵᖓᓂ ᐱᐅᖏᑦᑐᓕᓚᐅᕐᑐᑦ ᓄᖑᓚᐅᖏᓐᓂᖏᓐᓂ.

ᓘᑲᓯᐅᑉ ᐊᒡᓚᖏᑦ 22:35

ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᑍᑦᓱᒪᓂ ᑎᓕᓚᐅᕋᑦᓯ ᑮᓇᐅᔭᒃᑯᕕᓕᔭᖁᓇᓯ ᐃᒃᐱᐊᕐᔪᓕᔭᖁᓇᓯᓗ ᐃᑎᒐᒍᑎᓕᔭᕋᓯᓘᓐᓃᑦ, ᓱᓇᑐᐃᓐᓇᕐᒥᒃ ᑭᓐᖒᒪᔭᖃᓚᐅᕐᐱᓰ?” ᑖᒃᑯᐊ ᑭᐅᕚᑦ, “ᓱᓇᒥᒡᓘᓐᓃᑦ ᑭᓐᖒᒪᔭᖃᓚᐅᓐᖏᓚᒍᑦ.”

ᔪᐊᓇᓯᐅᑉ ᐊᒡᓚᖏᑦ 10:27

ᓰᐱᖁᑎᒪ ᓂᐱᒐ ᑐᓴᕐᐹᑦ, ᖃᐅᔨᒪᒐᒃᑭᑦ, ᒪᓕᒃᐹᖓ.

ᒨᓯᓯ ᑕᓪᓕᒪᖏᑦ 1:19

“ᐱᓇᓱᐊᓚᐅᕐᐳᒍᑦ ᐊᑕᓂᐅᑉ ᒎᑎᑦᑕ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓚᐅᕐᐳᒍᑦ ᐃᖏᕐᕋᓪᓗᑕᓗ ᓯᕕᑐᔪᐊᓗᒃᑯᑦ ᓯᐅᕅᓐᓈᓗᒃᑯᑦ ᓯᕘᕋᓇᕐᑐᒃᑯᓪᓗ ᐊᒧᕅᑎᒃᑯᑦ ᖃᖅᑲᖏᓐᓄᐊᕐᐸᓪᓕᐊᓪᓗᑕ, ᓄᓇᒧᓪᓕ ᑲᑎᓯ-ᐸᕐᓂᐊᒧᑦ ᑎᑭᓐᓇᑦᑕ,

ᒨᓯᓯ ᑕᓪᓕᒪᖏᑦ 1:46

“ᑍᒤᒻᒪᑦ, ᐊᑯᓂᒐᓚᒃ ᑕᕝᕙᓂ ᓄᓇᒥ ᑲᑎᓯᒥ ᓄᓇᖃᓕᓚᐅᕐᐳᒍᑦ.”

ᒨᓯᓯ ᑕᓪᓕᒪᖏᑦ 2:14

ᑕᒪᐅᓇ ᑰᒃᑯᑦ ᔨᕆᑦᑯᑦ ᐃᑳᓚᐅᕐᐳᒍᑦ ᓄᓇᒥᑦ ᑲᑎᓯ-ᐸᕐᓂᐊᒥᑦ ᐊᐅᓪᓚᕐᓯᒪᓂᑦᑕ ᐊᕐᕌᒍᖏᑕ 38ᒋᓕᕐᑕᖓᓂ. ᐊᖑᑎᓕᒫᑦ ᐅᓇᑕᕐᑐᒃᓴᐅᔪᑦ ᑍᑦᓱᒪᓂᐅᑎᓪᓗᒍ ᑐᖁᖓᔪᐃᓐᓇᐅᓕᕐᑎᓪᓗᒋᑦ, ᐊᑕᓂᖅ ᑍᒤᓐᓂᐊᕐᓂᕅᓪᓗᓂ ᐅᖃᓚᐅᕐᒪᑦ.

ᒨᓯᓯ ᑕᓪᓕᒪᖏᑦ 2:6

ᓂᕿᒃᓴᓂᒡᓕ ᑖᒃᑯᓇᓐᖓᑦ ᓂᐅᕕᕈᓐᓇᕋᓗᐊᕐᐳᓯ ᑮᓇᐅᔭᓄᑦ, ᓂᕿᒃᓴᖃᖁᓪᓗᓯ; ᐃᒥᕐᒥᒃᑕᐅᖅ ᓂᐅᕕᕈᓐᓇᕆᕗᓯ ᐃᒥᕈᓐᓇᖁᓪᓗᓯ.’

ᒨᓯᓯ ᑕᓪᓕᒪᖏᑦ 29:4

ᑭᓯᐊᓂᓕ ᐊᒡᓛᑦ ᐅᓪᓗᒥᒧᑦ ᑎᑭᓪᓗᒍ ᓱᓕ ᑐᑭᓯᑎᓚᐅᕐᓯᒪᓐᖏᓛᓯ ᐊᑐᖃᑦᑕᓚᐅᕐᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 29:5

ᐊᕐᕌᒍᓂᒃ 40ᓂᒃ ᐊᑕᓂᐅᑉ ᑕᓯᐅᓚᐅᕐᐹᓯ ᐃᓄᖃᖏᑦᑐᒃᑯᑦ; ᐊᓐᓄᕌᓯᓕ ᐊᑐᕐᑕᓯ ᐃᑎᒐᒍᑎᓯᓗ ᐊᑐᕈᓐᓁᓪᓕᔪᖃᓚᐅᓐᖏᓚᑦ.

ᔮᓱᐊᑉ ᐊᒡᓚᖏᑦ 5:6

ᐃᓴᕆᐊᓕᒥᐅᑦ ᐃᖏᕐᕋᓚᐅᕐᒪᑕ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒃᑯᑦ, ᐃᓅᖃᑎᒌᒡᔪᐊᑦ ᐊᖑᑏᑦ ᐅᓇᑕᕈᓐᓇᕐᑐᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑐᑦ, ᐊᑕᓂᕐᒥᒃ ᓈᓚᓚᐅᖏᑦᑐᑦ ᑐᖁᖅᑳᕐᑎᓐᓇᒋᑦ; ᐊᑕᓂᐅᑉ ᑕᒪᓐᓇ ᐊᖏᕈᑎᒋᓚᐅᕐᒪᒍ ᑖᒃᑯᐊ ᑕᑯᖁᓇᒋᑦ ᓄᓇᒥᒃ ᓯᕗᓕᖏᓐᓄᑦ ᐊᖏᕈᑕᐅᓯᒪᔪᒥᒃ, ᓄᓇᒥᒃ ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ.