ᒨᓯᓯ ᑕᓪᓕᒪᖏᑦ 2:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐃᒪᕐᔪᐊᓪᓕ ᒥᑎᑎᕆᓂᐊᑉ ᐋᐅᐃᒥᐅᑦ ᓯᓈᓃᑦᑐᑦ ᓄᓇᓖᑦ ᓄᓇᑖᕆᔭᐅᓯᒪᕗᑦ ᕿᑭᕐᑕᒥᐅᑕᕐᓂᑦ ᑲᑉᕼᐊᑐᐊᕆᒥᐅᓂᑦ, ᑕᒫᓂ ᓄᓇᓕᑐᖃᐅᓚᐅᕐᑐᑦ ᓄᖑᑕᐅᓚᐅᕐᐳᑦ, ᓄᓇᓕᒫᖓᓗ ᓄᓇᑖᕆᔭᐅᓪᓗᓂ ᑕᒪᑐᒪ ᓄᓇᐅᑉ ᓯᕿᓂᖓᓃᑦᑐᑦ ᒑᓴᒥᐅᑦ ᐊᒡᓛᑦ ᑎᑭᓪᓗᒋᑦ.)

ᒨᓯᓯ ᑕᓪᓕᒪᖏᑦ 2:23 Iomraidhean Croise

ᒨᓯᓯ ᓯᕗᓪᓖᑦ 10:14

ᐹᑐᕉᓯᒻᓗ, ᑲᓴᓗᕼᐃᒻᓗ, ᑯᕇᑎᓗ, (ᑕᕝᕙᓐᖓᓪᓗ ᐱᓕᔅᑍᓂᒥᐅᑦ ᐱᒋᐊᕐᓂᖃᕐᓯᒪᕗᑦ), ᑲᑉᕼᐊᑐᕆᒻᓗ.

ᒨᓯᓯ ᓯᕗᓪᓖᑦ 10:19

ᑬᓇᓂᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓯᒪᓚᐅᕐᐳᖅ ᓮᑐᓂᐅᑉ ᓯᕿᓂᖓᑕ ᓇᓛᓄᑦ, ᒋᕌᕐ ᒑᓴᐅᑉ ᖃᓂᒋᔮᓂᑦᑐᒧᑦ ᓱᑑᒪᐅᑉ ᒍᒨᕋᐅᓪᓗ ᓇᓛᓄᑦ ᑎᑭᓪᓗᒍ, ᓄᓇᒧᑦ ᐊᑦᒪᒧᑦ, ᔨᐳᐃᒻᓗ, ᓛᓴᐅᑉ ᑎᑭᓪᓗᒍ.

ᐊᑕᓃᑦ ᓯᕗᓪᓖᑦ 4:24

ᓲᓗᒨᓂ ᐊᐅᓚᑦᓯᓚᐅᕐᐳᖅ ᓄᓇᓂᒃ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓂᒃ ᑰᑉ ᐃᕗᕅᑎᐅᑉ ᑎᑉᓴᒥᑦ ᒑᓴᒧᑦ, ᐊᒻᒪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓄᑦ ᒑᓴ ᑎᑭᓪᓗᒍ, ᑕᒪᕐᒥᒃ ᐊᖓᔪᖅᑳᕐᔪᐊᑦ ᐃᕗᕅᑎᐅᑉ ᖃᓂᒋᔭᖓᓃᑦᑐᓕᒫᑦ ᑖᑦᓱᒥᖓ ᓈᓚᓯᐊᓚᐅᕐᐳᑦ, ᓮᓕᓇᓯᐊᕐᑐᒥᒡᓗ ᐃᓅᓯᖃᕐᑎᑕᐅᓪᓗᓂ ᖃᓂᒋᔭᖓᓃᑦᑐᓕᒫᓂᑦ.

ᐊᑕᓃᑦ ᐂᑉᐸᖏᑦ 18:8

ᐱᓕᔅᑍᓂᒥᐅᑦ ᓵᓚᒋᓚᐅᕐᐰᑦ ᓄᓇᓕᖁᑎᖏᓪᓗ ᑎᕐᓕᓈᕐᓗᒋᑦ ᐊᓯᕈᕐᐰᑦ ᓄᓇᓕᖁᑎᖏᑕ ᒥᑭᓐᓂᕐᐹᖏᓐᓂᑦ ᐊᖏᓂᕐᐹᖏᑦ ᑎᑭᓪᓗᒋᑦ, ᒑᓴ ᑎᑭᓪᓗᒍ ᓄᓁᓪᓗ ᖃᓂᒋᔮᓃᑦᑐᑦ ᐱᖃᓯᐅᑎᓪᓗᒋᑦ.

ᑯᕉᓂᑲ ᓯᕗᓪᓖᑦ 1:12

ᐹᑦᑐᕉᓯᒻ, ᑲᔅᓗᕼᐃᒻ, ᑲᔅᓗᕼᐃᒻᓗ (ᑖᒃᑯᓇᓐᖓᑦ ᐱᓕᔅᑍᓂᒥᐅᑦ ᐱᓯᒪᕗᑦ), ᑲᑉᕼᐊᑐᕆᒥᓪᓗ.

ᔨᕆᒤᐊᐅᑉ ᐊᒡᓚᖏᑦ 25:20

ᓄᓇᓕᑐᖃᐅᖏᑦᑐᓪᓗ ᑍᑲᓃᑦᑐᑦ; ᐊᖓᔪᖅᑳᕐᔪᐊᓕᒫᓪᓗ ᓄᓇᒥ ᐅᔾᒥ; ᐊᖓᔪᖅᑳᕐᔪᐊᓕᒫᑦ ᐱᓕᔅᑍᓂᒥ ᐅᑯᓇᓂ, (ᐊᓯᑭᓗᓂᒥ, ᒑᓴᒥ, ᐃᑯᕋᓂ, ᐃᓄᐃᓪᓗ ᐊᒥᐊᒃᑰᓯᒪᔪᑦ ᐋᔅᑖᑦᒥ.)

ᔨᕆᒤᐊᐅᑉ ᐊᒡᓚᖏᑦ 47:4

ᐅᓪᓗᖅ ᓇᓪᓕᐅᑎᖕᒪᑦ ᐱᓕᔅᑍᓂᒥᐅᑦ ᓄᖑᕋᕐᑕᐅᕕᒃᓴᖓᑦ, ᑭᓇᒃᑯᓐᓂᒡᓕ ᑍᕆᒥᐅᑦ ᓮᑐᓂᒥᐅᓪᓗ ᐃᑲᔪᕐᑎᒃᓴᕐᓯᓂᐊᕐᐹᑦ ᐊᑕᓂᐅᑉ ᐊᓯᕈᕐᑕᐅᑎᓐᓂᐊᕐᒪᒋᑦ ᐱᓕᔅᑍᓂᒥᐅᑦ, ᐊᒥᐊᒃᑰᓚᐅᕐᑐᑦ ᑲᑉᕼᐊᑐᐊᕆᐅᑉ ᓯᒡᔭᖓᓂ.

ᐂᒨᓯᐅᑉ ᐊᒡᓚᖏᑦ 9:7

ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ, ᐃᑎᐅᐱᐊᒥᐅᓄᑦ ᐊᑦᔨᐅᓐᖏᑎᑕᐅᓇᓱᒋᕕᓰ ᐅᕙᓐᓄᑦ? ᐊᐅᓪᓚᕐᑎᓚᐅᓐᖏᓚᑦᓰ ᐄᑦᔨᑉᑎᒥᑦ, ᑍᒫᒃᑕᐅᖅ ᐱᓕᔅᑍᓂᒥᐅᑦ ᑲᑉᕼᐊᑐᐊᕆᒥᑦ, ᓯᕆᐊᒥᐅᓪᓗ ᑭᕆᒥᑦ?”

ᔨᐸᓁᐊᐅᑉ ᐊᒡᓚᖏᑦ 2:4

ᒑᓴ ᕿᒪᒃᑕᐅᔪᒫᕐᐳᖅ, ᐊᓯᑭᓗᓂᓗ ᓱᓇᖃᕈᓐᓃᕈᒫᕐᐳᖅ; ᐅᓪᓘᓪᓗ ᕿᑎᕋᕐᓂᖓᓂ ᐋᔅᑖᑦᒥᐅᑦ ᐊᐅᓪᓚᕐᑎᑕᐅᔪᒫᕐᐳᖅ, ᐃᑯᕋᓂᓗ ᓄᓱᒃᑕᐅᔪᒫᕐᐳᖅ ᐊᒫᖏᑎᒍᑦ.

ᓴᑲᕅᐊᐅᑉ ᐊᒡᓚᖏᑦ 9:5

ᐊᓯᑭᓗᓂᒥ ᓄᓇᖃᕐᑐᑦ ᑕᑯᓗᑎᒃ ᑲᑉᐱᐊᓱᒍᒫᕐᐳᑦ; ᒑᓴᒥᐅᑦᑕᐅᖅ ᑕᑯᔪᒫᕆᕗᑦ ᑐᖁᔨᐊᖃᕐᑐᑐᓪᓗ ᕿᒃᓵᒍᒫᕐᐳᑦ, ᐃᑯᕋᓂᒥᓗ ᓄᓇᖃᕐᑐᑦ ᕿᒃᓵᒍᒫᕆᕗᑦ; ᓂᕆᐅᒋᔭᒃᓴᖃᕈᓐᓁᕈᒫᕐᒪᑕ; ᒑᓴᒥᐅᑦ ᐊᖓᔪᖅᑳᕐᔪᐊᖓ ᑐᖁᔪᒫᕐᐳᖅ, ᐋᔅᑭᓛᓂ ᐃᓄᖃᕈᓁᕈᒫᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 17:26

ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ,

ᔮᓱᐊᑉ ᐊᒡᓚᖏᑦ 10:41

ᔮᓱᐊᓪᓗ ᐃᓚᒋᔭᖏᑕᓗ ᓵᓚᒋᓚᐅᕐᐰᑦ ᑲᑎᓯ-ᐸᕐᓂᐊᒥᑦ ᒑᓴᒧᑦ ᐃᒪᐅᑉ ᓯᓈᓄᑦ ᑎᑭᓪᓗᒋᑦ, ᒎᓯᓂᐅᓪᓗ ᓄᓇᓕᓕᒫᖓ ᐱᖃᓯᐅᑎᓪᓗᒍ, ᑕᑉᐸᐅᖓᓕᒫᖅ ᓯᕿᓂᐅᑉ ᑕᕐᕌᖓᓄᑦ ᒋᐱᐅᓂ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 11:22

ᐊᓇᑭᒥᐅᓂᑦ ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᓚᐅᓐᖏᓚᖅ ᐃᓴᕆᐊᓕᒥᐅᑦ ᓄᓇᖓᓂ; ᐅᓄᖏᑦᑐᑦ ᐊᒥᐊᒃᑯᒋᔭᑑᓚᐅᕐᐳᑦ ᓄᓇᓕᖕᓂ ᐅᑯᓇᓂ ᒑᓴᒥ, ᒑᑎᒥ, ᐋᔅᑖᑦᒥᓗ.

ᔮᓱᐊᑉ ᐊᒡᓚᖏᑦ 13:3

ᓮᕼᐅᕆᐅᓪᓗ ᓄᓇᖓ ᓄᓇᒥᑦ ᓯᕼᐅᐊᑉ ᑰᖓᓂᑦ ᐱᒋᐊᕐᓗᒍ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓂᑦ, ᑕᕐᕋᒧᑦ ᐃᑯᕋᓂᐅᑉ ᓄᓇᖁᑎᖓᑕ ᑭᒡᓕᖓᓄᑦ ᑬᓇᓂᒥᐅᓄᑦ ᓄᓇᒋᔭᐅᓂᕋᕐᑕᐅᔪᒧᑦ ᑎᑭᓪᓗᒍ; ᐱᓕᔅᑍᓂᒥᐅᑦ ᐊᖓᔪᖅᑳᕐᔪᐊᖏᑦ ᓄᓇᖃᕐᑐᑦ ᐅᑯᓇᓂ ᒑᓴᒥ, ᐋᔅᑖᑦᒥ, ᐊᓯᑭᓗᓂᒥ, ᒑᑎᒥ, ᐃᒃᕌᒥᓗ, ᐋᐅᐃᒥᐅᓕᒫᓪᓗ.

ᔮᓱᐊᑉ ᐊᒡᓚᖏᑦ 15:47

ᐅᑯᐊᓗ ᐋᔅᑖᑦ ᓄᓇᓕᖏᓪᓗ ᓄᓇᓕᕋᓛᓪᓗ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ, ᒑᓴᓗ ᓄᓇᓕᖏᓪᓗ ᓄᓇᓕᕋᓛᓪᓗ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ; ᑰᖕᒧᑦ ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓄᑦ ᒥᑎᑎᕇᓂᐊᓪᓗ ᑕᕆᐅᖓᑕ ᓯᒡᔭᖓᓄᑦ ᑎᑭᐅᒪᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 1:18

ᔫᑕᐅᑉ ᑭᖑᕚᖏᑦ ᓵᓚᖃᓚᐅᕆᕗᑦ ᓄᓇᒥᒃ ᒑᓴᒥᒃ ᖃᓂᒋᔭᖓᓃᑦᑐᓕᒫᓂᒡᓗ, ᓄᓇᒥᒡᓗ ᐊᓯᑭᓗᓂᒥᒃ ᖃᓂᒋᔭᓕᒫᖏᓐᓂᒡᓗ, ᐃᑯᕋᓂᒥᒡᓗ ᖃᓂᒋᔭᓕᒫᖏᓪᓗ.