ᒨᓯᓯ ᑕᓪᓕᒪᖏᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᓇᑭᒥᐅᑎᑐᑦ ᐊᑎᖃᕐᑎᑕᐅᕙᓚᐅᕆᕗᑦ ᕆᐰᒻᓂᒃ; ᒧᐊᐱᒥᐅᓂᓪᓕ ᐊᑎᖃᕐᑎᑕᐅᓚᐅᕐᐳᑦ ᐃᒥᒻᒥᓂᒃ.

ᒨᓯᓯ ᑕᓪᓕᒪᖏᑦ 2:11 Iomraidhean Croise

ᒨᓯᓯ ᓯᕗᓪᓖᑦ 14:5

ᐊᕐᕌᒍᓪᓕ 14ᒋᓕᕐᑕᖓᓂ ᑭᑐ-ᓚᐅᒥᕆ ᑖᑦᓱᒪᓗ ᑕᐱᖏᑦ ᐅᓇᑕᕐᑐᒃᓴᖁᑎᓂ ᐃᓚᒋᓪᓗᒋᑦ ᐅᓇᑕᓚᐅᕐᐳᑦ ᓵᓚᒋᓪᓗᒍᓗ ᕆᐰᒻ ᐊᔅᑕᕈᑎ-ᑲᕐᓁᒥᒥ, ᔪᔨᒻᒥᓗ ᕼᐊᒥᒦᑦᑐᒥᒃ, ᐃᒥᒻᒥᓗ ᓴᕕ-ᑭᕆᐊᑍᒦᑦᑐᖅ,

ᒨᓯᓯ ᓯᕗᓪᓖᑦ 6:4

ᑍᑦᓱᒪᓂᐅᑎᓪᓗᒍ ᐃᓄᖃᓚᐅᕐᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᓂᖏᑦ ᐱᖃᑎᖃᖃᑦᑕᓕᕐᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᕐᑖᓚᐅᕐᐳᑦ, ᑖᒃᑯᐊᓗ ᐱᔪᓐᓇᕐᓂᕐᐹᖑᓚᐅᕐᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᕐᓗᑎᒃ ᐊᔪᖏᑦᑐᑦ.

ᓴᒧᐃᓕ ᐂᑉᐸᖏᑦ 21:16

ᐃᓄᒃᐹᓗᒃ ᐊᑎᓕᒃ ᐃᓯᐱ-ᐱᓈᑉᒥᒃ ᕌᐸᒃᑯᑦ ᑭᖑᕚᖓᓐᓂᒥᐅᖅ, ᑲᓐᓄᔭᒥᒃ ᖃᓗᒋᐊᓕᒃ ᐅᖁᒤᓐᓂᓕᖕᒥᒃ 7ᐸᐅᓐ ᐊᕝᕙᕐᒥᒡᓗ ᓴᕕᒡᔪᐊᒥᒡᓗ ᓄᑖᒥᒃ ᐊᑐᕐᓗᓂ, ᐃᓱᒪᖃᓚᐅᕐᐳᖅ ᑐᖁᑦᓯᔪᓐᓇᕋᓱᒋᓪᓗᓂ ᑍᕕᑎᒥᒃ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᒨᓯᓯ ᓯᑕᒪᖏᑦ 13:28

ᑭᓯᐊᓂᓕ ᐃᓄᐃᑦ ᑖᕙᓂ ᓄᓇᖃᕐᑐᑦ ᓴᓐᖏᔪᐊᓘᕗᑦ; ᓄᓇᓕᒡᔪᐊᖏᓪᓗ ᐊᕙᓗᕐᔪᐊᖃᕐᐳᑦ ᓴᐴᓗᑕᖃᕐᓗᑎᒃ ᐊᖏᔪᕐᔪᐊᖑᓪᓗᑎᒡᓗ; ᐊᒻᒪᓗ ᑕᑯᓚᐅᕐᐳᒍᑦ ᐊᓇᑭᐅᑉ ᑭᖑᕚᖏᓐᓂᒃ ᑕᐅᕙᓂ.

ᒨᓯᓯ ᓯᑕᒪᖏᑦ 13:33

ᑖᕙᓂ ᑕᑯᓚᐅᕐᐳᒍᑦ ᐃᓄᒃᐸᓂᒃ (ᐊᓇᑭᐅᑉ ᑭᖑᕚᖏᑦ ᐃᓄᒃᐸᓂᑦ ᐱᓯᒪᖕᒪᑕ); ᐅᕙᒍᓪᓕ ᖁᐱᕐᕈᑎᑐᑦ ᐱᒡᓕᕐᑕᐅᔮᕐᑐᑎᑐᑦ ᑍᒤᓚᐅᕐᐳᒍᑦ ᑕᐅᑐᒃᑕᑦᑎᒍᑦ, ᑍᒫᒃᑕᐅᖅ ᑍᒃᑯᓇᓐᖓᑦ ᑕᐅᑐᒃᑕᐅᓪᓗᑕ.”

ᒨᓯᓯ ᑕᓪᓕᒪᖏᑦ 1:28

ᓱᖕᒪᓪᓕ ᑕᕝᕗᓐᖓᕆᐊᖃᕐᐱᑖ? ᓯᕘᕋᓕᕐᐳᒍᑦ. ᑎᓕᓚᐅᕐᑕᑦᑎᓐᓄᑦ ᐅᓂᒃᑳᕐᕕᐅᓚᐅᕋᑦᑕ ᑕᕝᕙᓂᒥᐅᑦ ᓴᓐᖏᓂᕐᓴᐅᓂᖏᓐᓂᒃ ᐊᖏᓂᕐᓴᐅᓂᖏᓐᓂᒡᓗ ᐅᕙᑦᑎᓐᓂᑦ, ᐃᒡᓗᒐᓴᖏᓪᓗᒎᖅ ᐊᕙᓗᕐᔪᐊᖃᕐᓗᑎᒃ ᕿᓚᖕᒧᑦ ᐊᒃᑐᐊᔪᓂᒃ; ᐱᓗᐊᓐᖑᐊᕐᑐᒥᒡᓗ ᑍᑲᓂᒥᐅᒡᒎᖅ ᐊᓇᑭᒥᐅᑦ ᐃᓄᒃᐹᓘᖕᒪᑕ!’

ᒨᓯᓯ ᑕᓪᓕᒪᖏᑦ 2:20

(ᑕᒪᓐᓇ ᓄᓇᒋᔭᐅᔪᖅ ᐊᑎᖃᕐᑎᑕᐅᓲᖑᒋᕗᖅ ᕆᐰᒥᐅᑦ ᓄᓇᖓᓐᓂᒃ, ᐃᓄᐃᑦ ᑕᒫᓂ ᓄᓇᖃᓚᐅᕐᓯᒪᔪᑦ ᐊᑎᖃᐅᑎᒋᔭᐅᓪᓗᑎᒃ; ᐊᒧᓁᑎᒥᐅᓂᓪᓕ ᐊᑎᖃᕐᑎᑕᐅᓚᐅᕐᐳᑦ ᔨᒻᔪᒥᒻᓂᒃ.

ᒨᓯᓯ ᑕᓪᓕᒪᖏᑦ 3:11

(ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)

ᒨᓯᓯ ᑕᓪᓕᒪᖏᑦ 9:2

ᐊᓇᑭᒻᑯᑦ ᑭᖑᕚᖏᑦ ᐊᖏᔫᑎᐊᓘᕗᑦ ᓴᓐᖏᔫᑕᐅᓪᓗᑎᒡᓗ, ᐃᓄᒃᐸᐅᕗᑦ, ᑐᓴᐅᒪᕙᓯᓗ ᓇᓪᓕᐊᓐᓄᓪᓘᓐᓃᑦ ᐅᓇᖕᒥᓇᖏᓐᓂᖏᓐᓂᒃ ᐊᓇᑭᒃᑯᑦ.