ᒨᓯᓯ ᑕᓪᓕᒪᖏᑦ 18:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᒫᓪᓗᐊᕐᑕᐅᖅ ᓂᕿᒃᓴᓂᒃ ᐱᑎᑕᐅᖃᑦᑕᕐᑐᒃᓴᐅᕗᖅ ᐊᓯᖏᑎᑐᑦ ᑐᓂᑦᕈᓯᕐᑎᑦᓯᔨᑎᑐᑦ, ᐱᖁᑎᖏᑕᓗ ᓂᐅᕕᕐᑕᐅᑦᔪᑎᕕᓂᖏᓐᓂᒃ ᐱᖃᑕᐅᔪᒃᓴᐅᓪᓗᓂ.”

ᒨᓯᓯ ᑕᓪᓕᒪᖏᑦ 18:8 Iomraidhean Croise

ᑯᕉᓂᑲ ᐂᑉᐸᖏᑦ 31:4

ᑎᓕᓯᒋᕗᕐᓗ ᔨᕉᓴᓕᒥ ᓄᓇᖃᕐᑐᑦ ᐃᑲᔪᖃᑦᑕᖁᓪᓗᒋᑦ ᑐᓂᕐᕈᓯᕐᓗᑎᒃ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ ᐱᔭᐅᔪᒃᓴᓂᒃ, ᑖᒃᑯᐊ ᐃᒻᒥᖕᓂᒃ ᑐᓂᓯᒪᔪᓐᓇᖁᓪᓗᒋᑦ ᐊᑕᓂᐅᑉ ᐱᖁᔭᖏᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 12:44

ᐅᓪᓗᒥᓗ ᑕᕝᕙᓂ ᐊᖑᑎᑦ ᐃᓚᖏᑦ ᓇᓗᓁᕐᑕᐅᓚᐅᕐᐳᑦ ᐊᖓᔪᖅᑳᖑᖁᓪᓗᒋᑦ ᑲᒪᔨᒃᓴᐅᖁᓪᓗᒋᓪᓗ ᓱᓇᑐᐃᓐᓇᒃᑯᕕᖕᓄᑦ, ᑐᓂᕐᕈᓯᕐᕕᖕᓄᑦ, ᐱᕈᕐᑐᐃᑦ ᓯᕗᓪᓕᕐᐹᑦ ᑲᑎᑦᓯᕕᖏᓐᓄᑦ, ᑕᓪᓕᒪᐅᔪᐃᕈᑎᓄᑦ, ᑲᑎᕐᓱᐃᔨᐅᖁᓪᓗᒋᑦ ᐱᕈᕐᓰᕕᖕᓂᑦ ᐃᒡᓗᒐᓴᒡᔪᐊᓂᓪᓗ ᑐᓂᓯᖃᑦᑕᖁᔭᐅᔪᓕᒫᓂᑦ ᐱᖁᔭᑎᒍᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ; ᔫᑕ ᖁᕕᐊᓱᒃᑎᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᓂᖏᓐᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 12:47

ᔨᕈᐸᐱᐅᓪᑯᒃ ᓂᕼᐃᒤᐊᒃᑯᒃ ᐊᐅᓚᑦᓯᑎᓪᓗᒋᒃ ᐃᓴᕆᐊᓕᒥᐅᓕᒫᑦᓯᐊᑦ ᖃᐅᑕᒫᑦ ᑐᓂᔭᐅᔭᕆᐊᖃᕐᑐᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᓐᖏᕐᑎᓄᑦ ᐃᑎᕐᑕᕐᕖᓪᓗ ᑲᒪᔨᖏᓐᓄᑦ; ᐃᑦᔪᕐᓁᑦᑐᓂᒃ ᑐᓂᔭᐅᔪᒃᓴᐅᔪᓂᒃ ᑐᓂᓯᖃᑦᑕᓚᐅᕐᐳᑦ ᓕᕔᑎᓄᑦ; ᓕᕔᑏᓪᓗ ᑐᓂᓯᖃᑦᑕᕆᓪᓗᑎᒃ ᐂᕉᓂᐅᑉ ᑭᖑᕚᖏᓐᓄᑦ ᑐᓂᕐᕈᓯᕐᑎᑦᓯᔨᓄᑦ ᑐᓂᔭᐅᖁᔭᐅᔪᓂᒃ ᑖᒃᑯᓄᖓ.

ᒨᓯᓯ ᐱᖓᔪᖏᑦ 27:30

“ᓱᓇᑐᐃᓐᓁᑦ ᓄᓇᒥᑦ ᐱᕈᕐᑐᑦ, ᓂᐊᖂᔭᒃᓮᑦ ᓱᓇᑐᐃᓐᓁᑦ, ᐸᐅᕐᖎᓪᓗ ᓇᐹᕐᑐᓂᑦ ᐱᔪᑦ ᑕᓪᓕᒪᐅᔪᖏᑦ ᐊᑕᓂᐅᑉ ᐱᒋᕔᑦ, ᑕᒪᒃᑯᐊ ᐃᑦᔪᕐᓁᑦᑑᕘᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 7:14

ᑖᒃᑯᐊ ᐊᑐᓂᑦ ᐊᑕᐅᓯᐅᓈᕐᑎᕐᓗᒋᑦ ᑐᓂᕐᕈᑎᒋᔭᒃᓴᕆᕔᑦ ᐊᑕᓂᕐᒧᑦ ᑐᓂᕐᕈᑎᒋᓗᒋᑦ; ᑐᓂᕐᕈᓯᕐᑎᑦᓯᔨᐅᑉ ᐊᐅᖕᒥᒃ ᓯᕐᐸᕐᓴᕈᑎᖃᕐᑑᑉ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᓯᕐᓂᕐᒥᒃ, ᑖᑦᓱᒪ ᐱᒋᕔᑦ.

ᒨᓯᓯ ᓯᑕᒪᖏᑦ 18:21

“ᑕᑯᒋᑦ, ᓕᕔᑉ ᑭᖑᕚᖏᑦ ᑐᓂᓯᕕᒋᕙᒃᑲ ᐃᓴᕆᐊᓕᒥᐅᑦ ᑕᓪᓕᒪᐅᔪᐃᕈᑎᓕᒫᖏᓐᓂᒃ ᑖᒃᑯᓄᖓ ᐱᒃᓴᕆᔭᐅᖁᓪᓗᒋᑦ ᐱᓇᓱᐊᕐᓂᖏᓐᓄᑦ, ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑎᐅᓂᖏᑦ ᐱᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 10:7

ᐃᒡᓗᒥᑦ ᑕᕝᕙᓐᖓᑦ ᓅᓐᓂᐊᕋᓯ, ᓂᕆᕙᒡᓗᓯ ᐃᒥᕐᐸᒡᓗᓯᓗ ᒪᓂᔭᐅᔪᓂᒃ ᐃᓕᑦᓯᓐᓄᑦ, ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ; ᓯᓂᒃᑕᕐᕕᒋᔭᑦᓯ ᐊᓯᐊᓄᑦ ᓄᒃᑎᕐᓂᐊᕋᓯ.

ᒨᓯᓯ ᑕᓪᓕᒪᖏᑦ 18:7

ᑕᕝᕙᓂᓗ ᐱᔨᑦᓯᕋᔭᕐᐳᖅ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐱᓇᓱᐊᕐᓗᓂ ᐊᑕᓂᕐᒧᑦ ᒎᑎᒥᓄᑦ, ᓕᕔᑎᐅᖃᑎᒥᑐᑦ ᐱᔨᑦᓯᕐᑐᑎᑐᑦ ᐊᑕᓂᐅᑉ ᓵᖓᓂ ᐱᔪᓐᓇᕐᓂᖃᑦᓯᐊᕋᔭᕐᐳᖅ.