ᒨᓯᓯ ᑕᓪᓕᒪᖏᑦ 18:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᓇᓪᓕᐊᓪᓕ ᓕᕔᑎᑦ ᐃᓴᕆᐊᓕᒥᐅᑦ ᓄᓇᖏᓐᓂᑦ ᑐᒃᓯᐊᕐᕕᐅᕙᒃᑐᒧᐊᕈᒪᒍᓂ ᖃᖓᑐᐃᓐᓇᖅ ᐂᔪᓐᓇᕐᐳᖅ ᐱᔪᒪᓕᕈᓂ, ᐊᑕᓂᐅᑉ ᑐᒃᓯᐊᕐᕕᐅᖁᓪᓗᒍ ᓂᕈᐊᕐᓯᒪᔭᖓᓄᑦ,

ᒨᓯᓯ ᑕᓪᓕᒪᖏᑦ 18:6 Iomraidhean Croise

ᐃᓐᖏᕈᑎᑦ 26:8

ᐊᑕᓃᖅ, ᐃᒡᓗ ᐃᓂᒋᔧᑦ ᐅᖓᒋᕙᕋ, ᐱᓇᕐᓇᕐᓂᕐᔪᐊᕕᓪᓗ ᐃᓂᒋᔭᖓ.

ᐃᓐᖏᕈᑎᑦ 27:4

ᐊᑕᐅᓯᖅ ᕿᓄᐊᕆᕙᕋ ᐊᑕᓂᕐᒥᑦ, ᕿᓂᕐᓗᒍᓗ ᓇᓂᔪᒪᓪᓗᒍ; ᐊᑕᓂᐅᑉ ᐃᒡᓗᖓᓂ ᐃᓂᖃᕈᒪᓪᓗᖓ, ᐃᓅᓯᕐᒪ ᐅᓪᓗᖃᕐᓂᖓᓂ.

ᐃᓐᖏᕈᑎᑦ 84:10

ᐅᓪᓗᒥᒃ ᐊᑕᐅᓯᕐᒥᒃ ᑐᒃᓯᐊᕐᕕᒡᔪᐊᑉ ᑐᕐᓲᖓᓃᓪᓗᓂ ᐱᐅᓂᕐᓴᐅᕗᖅ ᐅᓪᓗᓂᒃ 1,000ᓂᒃ ᓇᓂᑐᐃᓐᓈᕋᔭᕐᓂᕐᒥᑦ. ᒎᑎᒪ ᐃᒡᓗᖓᑕ ᐃᑎᕐᑕᕐᕕᖓᓂ ᑲᒪᔨᐅᖔᕈᒪᒐᔭᕐᐳᖓ; ᐱᐅᖏᑦᑐᑦ ᐊᖏᕐᕋᖏᓐᓂ ᐊᑯᓂ ᐃᓂᖃᕋᔭᕐᓂᕐᒥᑦ.

ᐃᓐᖏᕈᑎᑦ 84:5

ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᐃᓕᖕᓂᒃ ᐱᔪᓐᓇᐅᑎᖃᕐᑐᖅ, ᑖᑦᓱᒪ ᐆᒻᒪᑎᖓ ᑲᔪᓯᑦᓯᐊᕐᐳᖅ ᓮᐅᓂᒧᑦ.

ᒨᓯᓯ ᓯᑕᒪᖏᑦ 35:5

ᐆᒃᑐᕐᓯᔭᕆᐊᖃᕐᐳᓯᓗ ᐃᒡᓗᒐᓴᒡᔪᐊᑦ ᓯᕿᓂᖓᑕ ᓄᐃᕕᐊᑕ ᓯᓚᑖᒍᑦ ᐆᒃᑑᑎᓂᒃ 1,000ᓂᒃ ᓯᕿᓂᖓᓂᓗ 1,000ᓂᒃ, ᓂᐱᕕᐊᓂᓗ 1,000ᓂᒃ, ᐅᓐᓄᐊᓪᓗᐊᖓᓂᓗ 1,000ᓂᒃ. ᐃᒡᓗᒐᓴᒡᔪᐊᑦ ᕿᑎᖓᓃᑦᓴᕆᐊᖃᕐᐳᑦ. ᑖᒃᑯᐊ ᐆᒪᔪᖁᑎᖏᓐᓄᑦ ᐃᓂᒋᔭᐅᓗᑎᒃ ᐃᒡᓗᒐᓴᖏᓐᓂ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 16:2

ᑐᒃᓯᐊᕐᕕᖕᒧᐊᕐᑐᒃᓴᐅᕗᓯ ᑐᖁᑦᓯᓗᓯᓗ ᓰᐱᖁᑎᑦᓯ ᐃᓚᖓᓐᓂᒃ ᐅᕝᕙᓗ ᐃᒻᒧᒃᓯᐅᒐᖁᑎᑦᓯᓐᓂᒃ ᖄᖏᕐᑕᐅᕕᒃᓯᐅᑎᒥ ᓂᕆᔭᒃᓴᐅᖁᓪᓗᒍ ᐊᑕᓂᐅᑉ ᒎᑎᓯ ᐅᐱᓐᓇᕐᓯᑎᑕᐅᓂᖓᓄᑦ.

ᒨᓯᓯ ᑕᓪᓕᒪᖏᑦ 18:7

ᑕᕝᕙᓂᓗ ᐱᔨᑦᓯᕋᔭᕐᐳᖅ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐱᓇᓱᐊᕐᓗᓂ ᐊᑕᓂᕐᒧᑦ ᒎᑎᒥᓄᑦ, ᓕᕔᑎᐅᖃᑎᒥᑐᑦ ᐱᔨᑦᓯᕐᑐᑎᑐᑦ ᐊᑕᓂᐅᑉ ᓵᖓᓂ ᐱᔪᓐᓇᕐᓂᖃᑦᓯᐊᕋᔭᕐᐳᖅ.

ᑎᒧᑎᒧᑦ ᓯᕗᓪᓖᑦ 3:1

ᐅᖃᐅᓯᖅ ᐅᓇ ᐅᒃᐱᕆᔭᒃᓴᖅ, ᐅᒃᐱᕐᑑᖃᑎᒌᓄᑦ ᓯᕗᓕᕐᑎᐅᔪᒪᔪᖅ ᐊᐅᓚᑦᓯᔨᐅᓂᕐᒥᒃ ᐱᓇᓱᐊᕈᒪᕗᖅ.

ᐲᑦᑐᕉᓯ ᓯᕗᓪᓖᑦ 5:2

ᒎᑎᐅᑉ ᓰᐱᖁᑎᖏᓐᓄᑦ ᐰᕐᓯᔨᐅᑦᓯᐊᕆᑦᓯ ᑖᒃᑯᐊ ᐃᓕᑦᓯᓐᓄᑦ ᑐᓂᔭᐅᓯᒪᖕᒪᑕ, ᐱᔪᒪᓂᖃᑦᓯᐊᕐᓗᓯ ᐃᕿᐊᓱᖏᓪᓗᓯᓗ, ᐊᑭᓕᕐᑕᐅᔪᒪᓂᑐᐃᓐᓇᕐᒧᑦ ᐱᓂᐊᕋᓯ ᐱᔨᑦᓯᕈᒪᑦᓯᐊᕐᓗᓯᓕ ᐱᒋᑦᓯ.