ᒨᓯᓯ ᑕᓪᓕᒪᖏᑦ 18:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᓯᓕᕐᑎᓪᓗᓯ ᕿᑐᕐᖓᑦᓯᓐᓂᒃ ᑐᓂᕐᕈᓯᕐᑐᒃᓴᐅᓐᖏᓚᓯ; ᐃᓄᖁᑎᓯ ᓇᓚᐅᑦᑍᓇᓱᐊᖃᑦᑕᕐᑐᒃᓴᐅᓐᖏᓚᑦ ᐅᕝᕙᓗ ᓯᕗᓂᕐᒧᑦ ᓇᓚᐅᑦᑍᑦᔪᑎᖃᕋᓱᒃᑐᒃᓴᐅᓐᖏᓚᑦ ᐅᕝᕙᓗ ᐃᓕᓰᕐᓯᓇᓱᒃᑐᒃᓴᐅᓇᑎᒃ ᓱᓇᑐᐃᓐᓇᕐᒥᒃ ᐊᑐᕐᓗᑎᒃ;

ᒨᓯᓯ ᑕᓪᓕᒪᖏᑦ 18:10 Iomraidhean Croise

ᒨᓯᓯ ᓯᕗᓪᓖᑦ 44:5

ᑖᓐᓇ ᐊᖓᔪᖅᑳᒪ ᐃᒥᕈᑎᒋᖃᑦᑕᕐᒪᒍ, ᓇᓗᓇᕐᑐᓂᒡᓗ ᖃᐅᔨᓇᓱᐊᕈᑎᒋᓪᓗᒍ, ᑍᒤᓕᐅᕐᑎᓪᓗᓯ ᐱᐅᖏᑦᑐᓪᓚᕆᐊᓗᖕᒥᒃ ᐱᓇᓱᐊᕐᓯᒪᕗᓯ.’”

ᐊᑕᓃᑦ ᐂᑉᐸᖏᑦ 16:3

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑎᑐᑦ ᐃᓕᖅᑯᓯᖃᑐᐃᓐᓇᓚᐅᕆᕗᖅ ᐊᒡᓛᑦ ᐃᕐᓂᕐᒥᓂᒃ ᑐᓂᕐᕈᓯᓚᐅᕐᐳᖅ ᒎᑎᓐᖑᐊᓄᑦ. ᐊᑕᓂᐅᑉ ᓇᕐᕈᓇᕐᓂᕋᓚᐅᕐᑕᖏᑦ ᐃᓅᖃᑎᒌᒡᔪᐊᓄᑦ ᐊᑐᕐᑕᐅᑎᓪᓗᒋᑦ ᐃᓴᕆᐊᓕᒥᐅᓄᑦ ᓄᓁᕐᑕᐅᓚᐅᕐᑐᑦ ᐃᓄᖏᑕ ᐃᓕᖅᑯᓯᕕᓂᖏᑦ ᓄᓇᒋᔭᐅᖁᔭᐅᔪᒧᑦ ᑎᑭᑉᐸᓕᐊᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᐊᑕᓃᑦ ᐂᑉᐸᖏᑦ 23:24

ᓱᓕᓗ ᔫᓮᐊᐅᑉ ᑐᖁᖓᔪᑦ ᐊᓂᕐᓂᖏᓐᓂᒃ ᐅᖃᖃᑎᖃᕋᓱᒃᐸᒃᑐᑦ, ᓯᕗᓂᒃᓴᒥᒡᓗ ᓇᓚᐅᑦᑍᔨᐅᓇᓱᒃᐸᒃᑐᑦ ᐊᓯᖏᓪᓗ ᓇᕐᕈᓇᕐᑑᓂᕋᕐᑕᐅᔪᓕᒫᑦ ᔨᕉᓴᓕᒥᐅᓂ ᔫᑕᒥᐅᓂᓗ ᓄᖅᑲᕐᑎᑉᐰᑦ, ᐃᒡᓗᒋᔭᐅᔪᓂᓗ ᒎᑎᓐᖑᐊᑦ, ᓴᓇᓯᒪᔪᓪᓗ ᐱᑦᑍᓕᓂᕐᒨᖓᔪᒃ ᐋᕐᖑᐊᑦ ᐲᔭᕐᑕᐅᑎᑉᐰᑦ ᑐᓂᕐᕈᓯᕐᑎᑦᓯᔩᑦ ᐳᕐᑐᓂᕐᐹᖓᑦᑕ ᕼᐃᓪᑬᐊᐅᑉ ᐊᒡᓔᑦ ᐱᖁᔭᕐᑕᓖᑦ ᑐᒃᓯᐊᕐᕕᒡᔪᐊᒥ ᓇᓂᓚᐅᕐᑕᖏᑦ ᒪᓕᒃᑕᐅᓯᐊᓕᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 10:13

ᑕᕝᕙ ᓴᐅᓕ ᑍᒫᑦ ᑐᖁᓚᐅᕐᐳᖅ ᒪᓕᒍᓐᓃᓚᐅᕐᓂᕐᒥᓄᑦ ᐊᑕᓂᕐᒥᒃ; ᐊᑕᓂᐅᑉ ᐱᖁᔭᖏᓐᓂᒃ ᓈᓚᓚᐅᖏᓐᓇᒥ, ᑐᖁᖓᔪᓄᓪᓗ ᖃᐅᔨᓇᓱᐊᕐᑎᒧᑦ ᖃᐅᔨᓇᓱᐊᓚᐅᕐᒪᑦ ᖃᓄᐃᓕᐅᕆᐊᖃᕐᒪᖔᕐᒥ,

ᑯᕉᓂᑲ ᐂᑉᐸᖏᑦ 28:3

ᐃᑯᐊᓪᓔᓚᐅᕐᐳᕐᓗ ᑎᐱᑦᓯᐊᕆᒃᑐᓂᒃ ᕼᐃᓇᒻ ᐃᕐᓂᖓᑕ ᓇᕐᓴᖓᓂ ᐊᑎᓕᖕᒥ, ᐃᕐᓂᓂᓗ ᐃᑯᐊᓪᓚᒃᐰᑦ ᑐᓂᕐᕈᓯᐅᑎᒋᓪᓗᒋᑦ, ᑕᒪᓐᓇ ᓇᕐᕈᓇᕐᓂᕋᕐᑕᐅᔪᖅ ᐱᓂᐊᕐᓂᕆᓚᐅᕐᐹ ᐃᓅᖃᑎᒌᒡᔪᐊᑦ ᐱᐅᓯᖏᑦ ᒪᓕᒡᓗᒋᑦ ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᒨᓯᓯ ᐂᑉᐸᖏᑦ 22:17

ᑭᓯᐊᓂᓕ ᐊᑖᑕᖓᑕ ᐊᖑᒻᒧᑦ ᑖᑦᓱᒧᖓ ᓄᓕᐊᕐᑖᕆᔭᐅᖁᖏᑉᐸᒍ, ᑕᕝᕙ ᓄᓕᐊᕐᑖᕋᓱᐊᕐᑐᑎᑐᑦ ᐊᑭᓖᔪᒃᓴᐅᕗᖅ ᐊᑖᑕᖓᓄᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᒥᒃ ᐱᖃᑎᖃᕐᓂᕐᒥᓄᑦ ᐊᑭᓖᑦᔪᑎᖃᕐᓗᓂ.

ᒨᓯᓯ ᐂᑉᐸᖏᑦ 22:18

“ᐊᖓᒃᑰᓇᓱᐊᕐᑐᓂᒃ ᐊᕐᓇᓂᒃ ᐃᓅᑎᑦᓯᔪᒃᓴᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 47:13

ᐅᖃᐅᑦᔪᕐᑕᐅᓂᕐᒥᒃ ᐃᕿᐊᓐᖑᕐᓯᒪᓕᕐᐳᓯ; ᑍᒃᑯᓄᖓ ᓇᖏᕐᓗᑎᒃ ᓴᐳᑎᔭᐅᓕᕆᑦᓯ, ᐅᓪᓗᕆᐊᑎᒍᑦ ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᑦᓯᓐᓄᑦ, ᐅᓪᓗᕆᐊᓪᓗ ᐋᖅᑭᒃᓯᒪᓂᖏᑎᒍᑦ ᑐᑭᓯᐅᒪᔪᓐᓇᕐᑐᖁᑎᑦᓯᓐᓄᑦ, ᑕᖅᑭᐅᑉ ᓴᖅᑭᔮᕐᓂᖓᒍᑦ ᓇᓚᐅᑦᑍᕙᒃᑐᓄᑦ ᖃᓄᐃᑦᑐᖃᕐᓂᐊᕐᒪᖔᑦ.

ᔨᕆᒤᐊᐅᑉ ᐊᒡᓚᖏᑦ 27:10

ᓇᓚᐅᑦᑍᓂᖏᑦ ᓱᓕᖏᒻᒪᑕ ᓄᓇᒋᔭᑦᓯᓐᓂ ᐊᐅᓪᓚᕈᑦᔭᐅᑦᔪᑎᒋᔪᒫᕐᐸᓯ ᐅᖓᓯᒃᑐᒧᑦ, ᖁᔭᓈᕐᓯᔪᒫᕋᒪ ᐃᓕᑦᓯᓐᓂᒃ ᐊᓯᕈᕈᑎᒋᔪᒫᕐᐸᓯᓗ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 27:9

ᓈᓚᒃᑕᕐᓴᕆᓐᖏᓚᓯ ᓇᓚᐅᑦᑍᔪᖁᑎᓯ, ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᓯ, ᓯᓐᓇᒃᑐᓂᒡᓗ ᑐᑭᓯᐅᒪᓇᓱᐊᕐᑎᖁᑎᓯ, ᐊᓂᕐᓂᓕᕆᔨᖁᑎᓯ, ᐊᖓᒃᑯᖁᑎᓯᓗ ᐅᖃᕐᐸᒃᑐᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᔨᑦᓯᕈᒪᖏᓐᓂᕅᓪᓗᑎᒃ ᐃᓕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᔨᕆᒤᐊᐅᑉ ᐊᒡᓚᖏᑦ 7:31

ᑐᓂᕐᕈᓯᕐᕕᓕᐅᕐᓯᒪᖕᒪᑕ ᑐᐱᑎᒥ ᐱᐊᓐ ᕼᐃᓇᒻ ᓇᕐᓴᖓᓂ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᑐᓂᕐᕈᓯᕐᕕᒋᖃᑦᑕᕐᒪᑦᔪᒃ ᐃᑯᐊᓚᓪᓗᒋᑦ ᐱᖁᔭᓕᐅᕈᑎᒋᓚᐅᕐᓯᒪᓐᖏᑕᕋ ᐊᑐᕐᑕᐅᖁᓗᒍ ᐃᓱᒪᒋᓚᐅᕐᓯᒪᓐᖏᑕᕋᓘᓐᓃᑦ.

ᒨᓯᓯ ᐱᖓᔪᖏᑦ 19:26

“ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 19:31

“ᐊᖓᒃᑰᓇᓱᐊᕐᑐᓂᒃ ᑕᑎᖃᕐᓂᐊᕋᓯ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᑦ ᑕᑎᒋᓂᐊᕐᓇᒋᑦ, ᑍᒤᓕᐅᕈᑦᓯ ᑖᒃᑯᓄᖓ ᐃᑦᔪᕐᓇᕐᑎᑕᐅᓂᐊᕋᑦᓯ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 20:6

“ᓇᓪᓕᐊᓐᓂᒃ ᑕᑎᖃᕐᑐᖃᕐᐸᑦ ᑐᖁᖓᔪᓂᒃ ᐅᖃᖃᑎᖃᕐᐸᒃᑐᓂᒃ ᓇᓗᓇᕐᑐᓂᒡᓗ ᖃᐅᔨᒪᓇᓱᐊᕐᑎᒥᒃ ᑕᒪᒃᑯᓄᖓᓗ ᐊᓯᓐᓂᐊᕐᑎᑕᐅᓕᕐᐸᑕ, ᑍᒤᓕᐅᕐᑐᖅ ᐊᓚᕐᓂᐊᕐᐸᕋ ᐃᓄᖁᑎᒋᔪᓐᓃᕐᓗᒍᓗ.

ᒤᑲᐅᑉ ᐊᒡᓚᖏᑦ 5:12

ᐊᖓᒃᑯᖁᑎᓯ ᐊᓯᕈᕈᒫᕐᐸᒃᑲ, ᓯᕗᓂᒃᓴᒧᓪᓗ ᓇᓚᐅᑦᑍᔨᒃᓴᖃᕈᓐᓁᕐᓗᓯ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:19

ᐊᒥᓱᑦ ᐊᖓᒃᑰᓚᐅᕐᑐᑦ, ᐅᖃᓕᒫᒐᕐᓂᒃ ᐊᖓᒃᑰᑦᔪᑎᒥᖕᓂᒃ ᕾᑦᓯᕗᑦ ᐃᑭᓪᓗᒋᑦ ᐃᓄᐃᑦ ᑕᒃᑯᐊᓂ; ᐊᖓᒃᑰᑦᔪᑎᑦ ᐃᑭᑕᐅᔪᑦ ᐊᑭᖏᑦ ᖃᐅᔨᓇᓱᐊᕋᒥᑦᔪᒃ ᑲᑎᓪᓗᒋᑦ ᐊᑭᖃᓚᐅᕐᐳᑦ 50,000ᓂᒃ ᓯᐅᓪᕕᕆᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:9

ᐊᖑᑦᑕᐅᖅ ᓮᒨᓂᒥᒃ ᐊᑎᓕᒃ ᑕᕝᕙᓂ ᓄᓇᖃᓚᐅᕆᕗᖅ, ᐊᒥᓱᓂᒃ ᑲᒪᓂᐊᕐᑎᑦᓯᖃᑦᑕᕐᑐᖅ ᐃᓅᖃᑎᒌᓂᒃ ᓴᒥᐊᕆᐊᕐᒥᐅᓂᒃ ᐊᖓᒃᑰᓂᕐᒥᓄᑦ, ᐃᒻᒥᓂᒃ ᐊᔪᖏᑦᑐᐊᓘᓂᕋᕐᓗᓂ ᐅᖃᖃᑦᑕᕐᑐᖅ.

ᒐᓔᑎᐊᒥᐅᓄᑦ 5:20

ᒎᑎᓐᖑᐊᖃᕐᓂᖅ, ᐊᖓᒃᑰᓇᓱᐊᕐᓂᖅ, ᐊᑭᕋᕐᑐᕐᑎᒌᖕᓂᖅ, ᐂᕙᖃᑦᑕᐅᑎᓂᖅ, ᐱᔪᑑᔪᒪᓂᖅ, ᓂᓐᖓᐅᒪᓂᖅ, ᐊᖏᖃᑎᒌᒍᓐᓇᖏᓐᓂᖅ, ᑕᐱᕇᓕᓪᓗᑎᒃ ᐊᕕᒃᑐᕐᓂᖅ;

ᒨᓯᓯ ᑕᓪᓕᒪᖏᑦ 12:31

ᐊᑕᓂᖅ ᒎᑎᓯ ᑐᒃᓯᐊᕐᕕᒋᔭᒃᓴᕆᓐᖏᓚᓯ ᑍᒃᑯᐊ ᒎᑎᓐᖑᐊᒥᖕᓄᑦ ᑐᒃᓯᐊᕈᓯᖏᑎᑐᑦ, ᒎᑎᒥᖕᓄᑦ ᑐᒃᓯᐊᓕᕌᖓᒥᒃ ᓈᒻᒪᖏᑦᑐᐊᓗᖕᓂᒃ ᐱᓂᐊᕐᓂᖃᓲᖑᖕᒪᑕ ᐊᑕᓂᐅᑉ ᐆᒥᒋᔭᖏᓐᓂᒃ. ᕿᑐᕐᖓᒥᖕᓂᒃ ᐊᒡᓛᑦ ᑐᓂᕐᕈᓯᓲᖑᖕᒪᑕ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᓪᓗᒋᑦ.

ᓴᒧᐃᓕ ᓯᕗᓪᓖᑦ 15:23

ᐊᑭᕋᕐᑐᕐᓂᖅ ᐊᔪᕐᓂᐅᕗᖅ ᐊᖓᒃᑰᓇᓱᐊᕐᑐᑎᑐᑦ, ᓯᑎᔫᓂᕐᓗ ᐱᐅᖏᑦᑐᓕᓂᐅᕗᖅ ᒎᑎᓐᖑᐊᖃᕐᑐᑎᑐᑦ. ᓇᕐᕈᓚᐅᕋᕕᑦ ᐊᑕᓂᐅᑉ ᐅᖃᐅᓯᖓᓂᒃ, ᑍᒫᒃᑕᐅᖅ ᓇᕐᕈᒋᓕᕐᐹᑎᑦ ᐊᖓᔪᖅᑳᕐᔪᐊᖑᓂᕐᓂᑦ.”

ᓴᒧᐃᓕ ᓯᕗᓪᓖᑦ 28:3

ᑍᑦᓱᒪᓂ ᓴᒧᐃᓕ ᑐᖁᖓᓕᓚᐅᕐᒪᑦ, ᐃᓴᕆᐊᓕᒥᐅᓕᒫᓪᓗ ᕿᒃᓵᐅᑎᒋᓚᐅᕐᐹᑦ ᐃᓗᕕᓚᐅᕐᐹᓪᓗ ᓄᓇᖓᓂ ᕌᒪᒥ. ᓴᐅᓕᐅᓪᓗ ᓯᕗᓂᕐᒥᒃ ᖃᐅᔨᓇᓱᐊᕐᑏᑦ ᐊᖓᒃᑰᓇᓱᐊᕐᑏᓪᓗ ᐊᐅᓪᓚᕐᑎᓚᐅᕐᓯᒪᕔᑦ ᐃᓴᕆᐊᓕᒥᑦ.

ᓴᒧᐃᓕ ᓯᕗᓪᓖᑦ 28:7

ᑕᕝᕙ ᓴᐅᓕ ᑎᓕᓯᕗᖅ ᐱᔨᒥᓂᒃ, “ᕿᓂᓚᐅᕆᑦᓯ ᐊᕐᓇᒥᒃ ᐊᖓᒃᑰᓇᓱᐊᕐᑎᒥᒃ, ᐅᐸᖕᓂᐊᕋᒃᑯ ᖃᐅᔨᓇᓱᐊᕐᕕᒋᔭᕐᑐᕐᓗᒍ.” ᐱᔨᖏᑕ ᑭᐅᕚᑦ, “ᓄᓇᒥ ᐃᓐᑐᐊᕆᒥ ᐱᑕᖃᕐᐳᖅ.”

ᓴᒧᐃᓕ ᓯᕗᓪᓖᑦ 28:8

ᑕᕝᕙ ᓴᐅᓕ ᐃᒻᒥᓂᒃ ᐃᓕᑕᕐᓇᕈᓐᓃᕐᑎᓚᐅᕐᐳᖅ, ᐊᓐᓄᕌᓂᒡᓗ ᐊᓯᖏᓐᓂᒃ ᐊᑎᓪᓗᓂ, ᑖᕐᓯᖕᒪᓪᓗ ᒪᕐᕉᖕᓂᒃ ᐂᑉᐸᖃᕐᓗᓂ ᐊᕐᓇᒧᑦ ᐂᕗᑦ, ᐅᖃᐅᑎᕚᓗ, “ᐊᓂᕐᓃᑦ ᐊᐱᕐᓱᓚᐅᒃᑭᑦ ᐱᑦᔪᑎᒋᓗᖓ, ᕾᖁᔨᓗᑎᓪᓗ ᐊᖑᑎᐅᑉ ᐊᑎᖓᓂᒃ ᓇᓪᓕᐊᓐᓂᑐᐃᓐᓇᖅ ᑍᔭᓐᓂᒃ.”

ᓴᒧᐃᓕ ᓯᕗᓪᓖᑦ 28:9

ᐊᕐᓇᐅᑉ ᑭᐅᕚ, “ᖃᐅᔨᒪᑦᓯᐊᕐᐳᑎᑦ ᐊᖓᔪᖅᑳᕐᔪᐊᑉ ᓴᐅᓕᐅᑉ ᐱᓂᐊᕐᓂᕆᓚᐅᕐᑕᖓᓂᒃ, ᐊᐅᓪᓚᖁᓚᐅᕐᒪᒋᑦ ᐃᓴᕆᐊᓕᒥᑦ ᓯᕗᓂᕐᒥ ᖃᐅᔨᓇᓱᐊᕐᑏᑦ ᐊᖓᒃᑰᓇᓱᐊᕐᑏᓪᓗ. ᖃᓄᐃᒻᒪᓕ ᑕᕝᕙ ᐱᕕᒃᓮᕈᑎᓇᓱᐊᓕᕐᐱᖔ ᑐᖁᑕᐅᑎᑦᓱᒪᓪᓗᖔ?”